ކޮރޯނާވައިރަހުން ރައްކާތެރިވުމުގެ ފިޔަވަޅެއްގެ ގޮތުން، ޖަމާއަތުގައި ނަމާދުކުރުން މެދުކަނޑާލިކަން އިސްލާމިކް މިނިސްޓަރު މިދިޔަ މަހުގެ 18 ގައި އިއުލާން ކުރައްވަނީ.---ފޮޓޯ: މިހާރު
11 އެޕްރީލް 2020 - 14:51
11 comments
ކޮރޯނާވައިރަހުން ރައްކާތެރިވުމަށް އަޅާފައިވާ ފިޔަވަޅުތަކުގެ ތެރެއިން، މާލެ އާއި ވިލިމާލެ އާއި ހުޅުމާލެ އަދި އެ ވައިރަހާ ގުޅިގެން ސަރުކާރުން ބަންދުކުރާ ރިސޯޓުތަކުގެ މިސްކިތްތަކުގައި ޖަމާއަތުގައި ނަމާދު ނުކުރަން ނިންމާފައިވާ ނިންމުން އިތުރު އެއް ހަފުތާ އަށް ދަންމަން އިސްލާމިކް މިނިސްޓްރީން މިއަދު ނިންމައިފި އެވެ.
އެ މިނިސްޓްރީން ކުރި އިއުލާނެއްގައިވާ ގޮތުން މި މަހުގެ 18 ވާ ހޮނިހިރު ދުވަހުގެ އަސްރު ނަމާދާ ހަމައަށް ޖަމާއަތުގައި ނަމާދު ނުކުރާ ގޮތަށް ވަނީ ނިންމައިފަ އެވެ.
އިސްލާމީ ފަތުވާދޭ އެންމެ މަތީ މަޖިލީހާއި ދީނީ އިލްމުވެރިންގެ ލަފާގެ މަތިން ނިންމާފައިވާ އެ ނިންމުން އިސްލާމިކް މިނިސްޓްރީން އަންނަނީ މިދިޔަ މަހުގެ 18 ން ފެށިގެން ހަފުތާއަކުން ހަފުތާއަކަށް އިތުރު ކުރަމުންނެވެ.
ކޮރޯނާވައިރަސް އެންމެ ބޮޑަށް ފެތުރެނީ ގިނަ ބަޔަކު އެއްފަހަރާ އެއްތަނަކަށް އެއްވުމުން ކަމަށް ސިއްހީ އޮފިޝަލުން ބުނާއިރު، ގިނަ ގައުމުތަކުގައި އަންނަނީ ޖަމާއަތުގައި ނަމާދާއި ހުކުރު ކުރުން މި ވަގުތަށް މެދުކަނޑާލަމުންނެވެ.
އިސްލާމިކް މިނިސްޓްރީން ނިންމާފައި ވަނީ ކޮރޯނާވައިރަހާ ގުޅިގެން ރަށެއް ލޮކްޑައުން ކޮށްފި ނަމަ، އެ ހާލަތު ނިމެންދެން އެ ރަށެއްގެ މިސްކިތްތަކުގައި ޖަމާއަތުގައި ފަރުޟު ނަމާދާއި ހުކުރު ނަމާދު ނުކުރާ ގޮތަށެވެ.
މާލެ އާއި ވިލިމާލެ އާއި ހުޅުމާލޭގެ މިސްކިތްތަކުގައި މިިދިޔަ ތިން ހަފުތާގައި ޖަމާއަތުގައި ނަމާދު ނުކުރި ނަމަވެސް ކޮންމެ ނަމާދަކަށް އަންނަނީ ބަންގި ގޮވަމުންނެވެ. އަދި ހުރިހާ އެންމެން ވެސް ގޭގައި ނަމާދު ކުރުމަށް އެދި ބަންގި އަށް ފަހު ދިވެހި ބަހުން ގޮވަ އެވެ.
ކޮރޯނާވައިރަސް އިން ރައްކާތެރިވުމުގެ ފިޔަވަޅުތަކުގެ ތެރެއިން، ރާއްޖޭގައި މިދިޔަ މަހުގެ 12 ގައި އިއުލާން ކުރި ސިއްހީ ނުރައްކަލުގެ ކުއްލި ހާލަތު ހެލްތު މިނިސްޓަރު އަބްދުﷲ އަމީން އިއްޔެ ވަނީ މި މަހުގެ 30 އާ ހަމައަށް ދަންމައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
12345
11 April 2020
ޖަމާއަތުގަ ނަމާދު ކުރުން ހުއްޓުވީމަ އެކަމާ ވާހަކަދައްކާ މީހުން މަދެއްނޫން. އެކަމަކު މީގެކުރިން އެއްވެސް ހުރަހެއްނެތި މިސްކިތްތަށް ހުޅުވާލާފައޮތްއިރު މިސްކިތްތަށް އޮންނަނީ ކިހިނެއް؟
އިބްރާހީމްކިލެގެފާން މާލްދިފީ
11 April 2020
ވަރަށް ރަނގަޅު ވާހަކައެއް. ދުޢާ އަކީ އަޅަމެން އެންމެންނަށް ހިދާޔަތުގެ ތެދުމަގަށް މަގުދައްކަވައި ހެޔޮޢަމަލުކުރުންމަތީ ސާބިތުވެތިބުމުގެ ތައުފީގު މިންވަރުކުރެއްވުން.
އަހުމަދުބޭ
11 April 2020
މިމަހުގެ 18 އަށް ބަލައިފަ މިސްކިތްތަށް ހުޅުވަލާނެ ކަމަށް އުއްމީދު ކުރަން އަދި ﷲ ގެ ހެޔޮރަހުމަތުން މިގައުމު ކޮވިޑް19 ގެ ބަލިމަޑުކަމުން އަރާގަންނާނެކަމަށް އެދި ދުއާކުރަން، އަދި ދާދި އަވަހަށް މިލިބުނު ތަޖްރިބާގެ އަލީގައި އާއްމުހަލަތަށް ރުޖޫއަ ވެވޭނެ ކަމަށް އުއްމީދުކުރަން
އަހައްމަދޫ
12 April 2020
އާމީން
އާދަމް މުލްހިދު.
11 April 2020
މާތްﷲގެ އިރާދަފުޅުން ކޮރޯނާ ވައިރަހުގެ މުސީބާތުން ހުރިހާ މުސްލިމުން ސަލާމަތްކުރައްވާށި.
ޝަފީނާޒް
11 April 2020
އަހަރުން ހަސްބަންޑް ބަރާބަރަށް މިސްކިތަށް ދާނެ. މިހާރު އުޅޭ މިސްކިތް މިސްވެގެން، ހަމަ ސިކް ވެފައޭ ބުނާވަރު އެކަމު އޭނަ ވެސް ބުނީ ދިގު ދެންމި ވަރެކޭ ރަނގަޅީ ޖަމާޢަތް ނުހަދާ. އެންމެ މިސްޓޭކެކޭ ހެދޭނީ، ދެން އެހިސާބުން ސަރުކާރުން ބުނާކަށްވެސް ނުޖެހޭނޭ، މިހަކު މިސްކިތަކަށް ވެސް ނުދާނެ، އަދި ބަލިން މީހަކު މަރުވިޔަސް ކަށުނަމާދުކުރާކަށްވެސް ނުދާނޭ. ރަނގަޅު ވާހަކައެެއް ކަމަށް ފެންނަނި ރަނގަޅު ނިންމުމެއް.
މުޖޫ 2.0 - ފްލެޓެން ދަ ކާވް
11 April 2020
ކޮރޯނާ ވައިރަހުގެ މުސީބާތުން އަޅަމެން ސަލާމަތްކުރައްވާނދޭ.އާމީން
ގްރީން ބެރޭ
11 April 2020
މި ގައުމުގަ ވީ ހަބޭހައް މީހުން މި ބަލިން މަރުވަންދެން އުޅޭނެ ގޮތަކައް އުޅެން ދޫކޮއްލުން. ދެން ބާކީ ތިބި ބަޔަކައް މަތިން ކާ އެއްޗެހި އަންނާނެ
ޒުހޫރު
11 April 2020
އަޖައިބެއް! ކާފިޔު އުވާލައިފި، ރިސޯޓު ތަކުން މީހުން ފައިބަން ހުއްދަ ދީފި! މަގުމަތީ މީހުން އުޅެނީ އުޅޭނެ ގޮތަކަށް! ބަލި ޖެހެނީ މިސްކިތުގަ ޖަމާއަތުގަ ނަމާދު ކުރީމަތަ؟؟؟؟
ސާޑު
11 April 2020
ކޮބާ ސުކޫލުތައް؟ ކޮބާ އޮފީސްތައް؟
ކައްމަތިން
11 April 2020
ޥަރަށް ދެރަ.