އައްޑޫ އިކުއެޓޯރިއަލް ހޮސްޕިޓަލް: އައްޑޫން ފުރަތަމަ ޕޮޒިޓިވްވި މީހާ މާލެ ގެނައީ މި ހޮސްޕިޓަލްގައި ފަރުވާދިނުމަށް ފަހު.
10 މެއި 2020 - 01:40
58 comments
އައްޑޫން ކޮވިޑް-19 އަށް ޕޮޒިޓިވްވި މީހާގެ ނަތީޖާ ވެސް މިހާރު ނެގެޓިވް ކަމަށް އެޗްޕީއޭ އިން ދެންމެ ބުނެފި އެވެ.
އެ ސިޓީން ކޮވިޑް-19 އަށް ޕޮޒިޓިވްވީ، ހާޓް އެޓޭކެއް ޖެހިގެން އިއްޔެ ރޭ ދަންވަރު މާލެ ގެނައި މެދު އުމުރުގެ ފިރިހެނެކެވެ. މަރަދޫފޭދޫ އެކަމަކު ހިތަދޫގައި ދިރިއުޅޭ އެ މީހާ އައިޖީއެމްއެޗަށް ގެނެސް ކޮވިޑް-19 އަށް ކުރި ފުރަތަމަ ޓެސްޓް ޕޮޒިޓިވްވި ނަމަވެސް އެޗްޕީއޭ އިން ދެންމެ ކުރި ޓުވީޓެއްގައި ބުނީ އެ މީހާގެ ނަތީޖާ ނެގެޓިވް ވެފައިވާ ކަމަށެވެ.
The patient transferred from Addu Equatorial Hospital to IGMH who was previously found to be POSITIVE is now confirmed as NEGATIVE to COVID-19.
— Health Protection Agency (@HPA_MV) May 9, 2020
އެޗްޕީއޭގެ ޓުވީޓް
މިއީ، މީގެ ކުރިން ވެސް ބައެއް ކޭސްތަކުގައި ވެފައިވާ ކަމެކެވެ. ބައެއް މީހުންގެ ފުރަތަމަ ޓެސްޓް ޕޮޒިޓިވް ވެފައި، އޭގެ ފަހުން ގިނައިރުތަކެއް ނުވެ ހަދާ ޓެސްޓް ނެގެޓިވް ވެ އެވެ. އަދި ބައެއް މީހުން ޕޮޒިޓިވް ވެ، ދެވަނަ ޓެސްޓް ނެގެޓިވް ވެފައި އަދި ތިންވަނަ ޓެސްޓް ޕޮޒިޓިވް ވެފައި ވެސް އެބަހުއްޓެވެ.
އައްޑޫން ކޮވިޑް-19 އަށް ފުރަތަމަ ޕޮޒިޓިވްވީ ރިސޯޓެއްގައި މަސައްކަތް ކުރާ މީހެކެވެ. އޭނާ އައްޑު އަށް ދިޔައީ މާޗް 30 ގައި ކަމަށް އައްޑޫ ސިޓީ ކައުންސިލުން ކުރިން ބުނެފައި ވެ އެވެ.
މި ކޭސްއާ ގުޅިގެން، އައްޑޫ 14 ދުވަހަށް ލޮކްޑައުންކޮށް، ކޮންޓެކްޓް ޓްރޭސިން ވަނީ ފަށައިފަ އެވެ. އައްޑޫ އިކުއެޓޯރިއަލް ހޮސްޕިޓަލުން ބުނީ، އެ މީހާއާ 26 މީހަކު ކޮންޓެކްޓް ވެފައިވާ ކަމަށް އެނގިފައިވާ ކަމަށެވެ. އެ މީހާ މާލެ ގެނައީ އެ ހޮސްޕިޓަލްގައި ވެސް ފަރުވާ ދިނުމަށް ފަހު އެވެ.
އައްޑޫ ހޮސްޕިޓަލުން އޭނާ އަށް ފުރަތަމަ އެޓެންޑްވި މުވައްޒަފުން ރައްކާތެރިކަމުގެ އާލާތްތައް ބޭނުން ނުކުރި މައްސަލަ ވެސް ވަނީ ހޫނުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޑރފަލަޑޭ
10 May 2020
މާލޭ މީހުން ކޮޕީކުރަން އުޅޭ، ކުރާނެ މާބޮޑު ކަމެއްނެތިފަ، ބަޔަކު ކަމެއް ކުރީމަ ކުރާހިތުން ލޮކްޑައުން ނުކުރެވިގެންނާއި ކާފިއު ނުހިންގިގެން އުޅޭ ސިޓީ ކައުންސިލަށް ލިބުނު ރަނގަޅު ފުރުސަތެއް ފެއިލްވީބާ؟؟
މިކޯ
10 May 2020
މިހާރު 0 ޕޮޒިޓިވް އައްޑޫ ދޯ؟ ތިގޮތަށް ހިފަހައްޓާލާ.
އުމަރުބެ
10 May 2020
މިހާރު މިހިސާބުން އެބައެނގޭ ސަރުކާރުން މިކަން ކުރަނީ ރަނގަޅަކަށް ނޫންކަން، އެމީހާއަށް ބިނާކޮށް އައްޑޫ ލޮކްޑައުންކުރީ، މިއީދެން ތަންފުކެއް ބޮޑުވަރު، އެއްދުވަހުން އަނެއް ދުވަހައް ސަރުކާރުން މިކަން މިދަނީ ގޯހުން ގޯހައް، ރައީސް އެބަޖެހޭ މިނިވަނ މުއައްސަސާއަކުން ޓެގް ޓީމުގެ އޮޕަރޭޝަން ތަންކޮޅެއް ހާރިން ބަލޭނެގޮތެއް ހަމަޖައްސަން، މިޤައުމު މިގޮތަށް ދޫކޮށްލައިގެން ހަމަ ތިބެންވީތޯ؟
އިބިރިހިމްބެއްޔާ
10 May 2020
މިނިވަން މުއައްސަސާއަކުން އެޗްޕީއޭގެ މަސައްކަތް މޮނީޓަރ ކުރަންވީއޭ؟؟ ކަލޭ މޮޔަވީތަ؟ ތިކަހަލަ މީހުންނާހެދި މިބަލި ކޮންޓްރޯލް ނުވެގެން މިއުޅެނީ. ކޮވިޑް ވައިރަސް އާބެހޭ ގޮތޮން ފުރަތަމަ ބޭސިކްސް ދަސްކޮށްބަލަ. އޭގެ ފަހުން އެޗްޕީއޭ އިން އަންގާ އެންގުމަށް ފުރިހަމައަށް އަމަލު ކޮށްބަލަ. މާ އެގިގެން ނޫޅޭ!
ހަސަބު
10 May 2020
މިއީ ރާއްޖޭގައި އެކަނި ދިމާވެގެން އުޅޭ މައްސަލައެއް ނޫން. ދުނިޔޭގައި މެޑިސިންގެ ރޮނގުން އެންމެ ކުރިއަރާފައިވާ ގައުމުތަކުގައިވެސް މި މައްސަލަ ދިމާވޭ. ބޭރުގެ ޚަބަރުތައް ކިޔުމުން އެނގޭނެ. މިއީ ސަރުކާރުން އަންގާގޮތަށް އެންމެ ފުރިހަމަ ގޮތުގައި ރައްޔިތުން އެއްބާރުލުން ދޭންޖެހޭ ވަގުތު. ފާޑުކިޔާނީ މިކަމުން އަރައިގަނެވުމުން.
ހަސަންބެ.
10 May 2020
ދެފަހަރު ޓެސްޓު ކުރީމަތާ ތިކަމެއް ތި އެގުނީ. ދެފަހަރަށް ޓެސްޓް ނުކޮށް ކިތައްމީހުން ޕޮޒިޓްވިކަމަށް ހަދާ ޕޮޒިޓިވް މީހުންގެ ތެރެއަށް ވައްދާ މިބަލި ޖައްސާފައި ތިބޭނެބާ. އެއްކަމެއްވެސް ރަގަޅަށް ކުރަނީކީނޫން. އެކަމަކު މި މަބުރޫހަކު ޓީވީތަކަށް އަރާކަޑާފޮނިން މިރޯދަމަހު އެއްވެސްގެއެއްގައި ފޮނިކާއެއްޗެހިނެހެދިޔަސް އޯކޭވާނެ. އަހަރެމެންގޭގައި ބޮޑުކްލަސްޓަރ އަކާއި ކޮންޓެކްޓްވެފައި ހުރިމީހަކު ހުރެގެން ގޭގައި 80 އަހަރުމީހަކުއޮތީމާ ޓެސްޓްކުރަންކިޔާތާމަހެއްމިވަނި
ެަސައީދު ހަސަން
10 May 2020
މި ބައްޔަށް ދީނީ ފަތުވާ ދޭން ބޭނުން ކުރާ ހަދީސަކާ މި ވަބާއަކާ ދިމައެއް ނުވޭ
ނޫރާ
10 May 2020
ރާއްޖޭގައި ޓެސްޓު ކުރަނީ ކިޓެއްބޭނުން ކޮށްގެނެއް ނޫން. ސާމްޕަލް ކިޓުން ސާމްޕަލް ނަގާފަ ލެބޯޓްރީއަށް ފޮނުވީމަ ޕީ.ސީ.އާރް ކިޔާ ޓެސްޓެއް ހަދާނީ. އެއީ ޓެސްޓް ކިޓެއްނޫން. ކަމެއްނެތިފަ ތިހެން އިންނައިރު ތިރީގައި މިވާ ލިންކުން ޓެސްޓް ހަދާގޮތް ބަލާލައިގެން މައުލޫމާތު މުއްސަނދި ކޮށްލައްވާ. https://www.youtube.com/watch?v=Vd38iS_W7ww&feature=youtu.be&fbclid=IwAR1o4ikMhk7CjuluA-kPa3grdeDxHHOm--FXkxcbFr8ugz7ZrVNMqNKx1QM
ފިރުމާ
10 May 2020
މިހާރުޕޮޒިޓިވްވެފައިތިބި 790 މީހުން އަލުން ޓެސްޓްކުރަންފެނޭ.
ޝާހިދުގެ ބޭބެ
10 May 2020
މިވަރުވީމަ ދެން އެޗްޕީއޭގެ އިތުބާރެއްނެތް ފެއިލްވެފައިވާސަރުކާރެއްގެ ކަންތައްހުންނާނެގޮތް މިފެންނަނީ އައްޑޫގެރައްޔިތުން ނުރައްކަލައްހުށައަޅާފަމިއޮތީ
ލަލަލަލާ
10 May 2020
އައްޑޫ ކައުންސިލް 30 ދުވަސް ތެރޭ 3 ފަހަރަށް ޗޮކުން. ހެޓްރިކް ހަދައިފި.
ދޮން ދީނި
10 May 2020
ކަލޭ އިނދޭ ތިހެން ގޭގައި ޗޮކުންދާވަރު ގުނަން.. އެ މީހުން އުޅޭނެ އެމީހުނަށް ވީވަރަކުން މީހުންގެ ފުރާނަ ސަލާމަތްކުރަން. ސާބަސް އައްޑޫ ކައުންސިލް ތިކުރާ ހިތްވަރަށް. ގޯށްވެސް ހެދޭނެ. މިކަހަލަ ކަމއެއްގައި ގޯސްވެސް ހެދިގެން ރަނގަޅުކުރެވޭނީ