ޚަބަރު / މެލޭޝިއާ

މެލޭޝިއާއިން ކިޔަވަން 100 ސްކޮލާޝިޕްގެ ފުރުސަތު ކިއު ސްޓަޑީ އިން ހުށަހަޅައިފި

ހަޔަ އެޑިއުކޭޝަން މިނިސްޓަރު ޑރ. އިބްރާހީމް ހަސަން: މިނިސްޓަރު އިއްޔެ ބައިވެރިވި ބައްދަލުވުމެއްގައި ރާއްޖެއަށް 100 ސްކޮލަޝިޕްގެ ފުރުސަތު ދޭން ކިއު ސްޓަޑީ މެލޭޝިއާ އިން ހުށަހެޅި -- ފޮޓޯ: އަހުމަދު އަވްޝަން އިލްޔާސް/ މިހާރު

ލަމްޔާ އަބްދުﷲ, މިހާރު

02 ޖުލައި 2020 - 21:29

3 comments

މެލޭޝިއާގައި މަތީ ތައުލީމު ހާސިލްކުރަން 100 ސްކޮލަޝިޕް ރާއްޖެ އަށް ދޭން ކިއު ސްޓަޑީ މެލޭޝިއާ އިން އިއްޔެ ހުށަހަޅައިފި އެވެ.

މި ސްކޮލަޝިޕްތަކާ ގުޅޭ ގޮތުން މަޝްވަރާކޮށްފައި ވަނީ ހަޔާ އެޑިއުކޭޝަން މިނިސްޓްރީ އާއި ކިއު ސްޓަޑީ މެލޭޝިއާ ދެމެދު އިއްޔެ ބޭއްވި އޮންލައިން ބައްދަލުވުމެއްގަ އެވެ. މި ބައްދަލުވުމުގައި ހަޔާ އެޑިއުކޭޝަން މިނިސްޓަރު ޑރ. އިބްރާހިމް ހަސަން އާއި ކިއު ސްޓަޑީ މެލޭޝިއާގެ އިސްވެރިން ބައިވެރިވަޑައިގަތެވެ.

Minister Dr Ibrahim Hassan held a virtual meeting with the management of Q Study Malaysia today in which @qstudyworld proposed 10 full scholarships & 90 partial scholarships from top Malaysian Universities to Maldivian students.@presidencymv @FaisalNasym
— Ministry of Higher Education (@MoHEmv) July 1, 2020

ހަޔާ އެޑިއުކޭޝަން މިނިސްޓްރީން އިއްޔެ ކުރި ޓްވީޓެއް

ކިއު ސްޓަޑީ އަކީ، ބޭރު ދަރިވަރުންނަށް މެލޭޝިއާއިން ލިބެން ހުރި މަތީ ތައުލީމު ފޯރުކޮށްދޭ އޭޖެންސީ އެކެވެ.

ދަރިވަރުންގެ އަތުން އެއްވެސް ހަރަދެއް ކުރަން ނުޖެހޭ ގޮތަށް 10 ސްކޮލަޝިޕެއް ކިއު ސްޓަޑީ އިން ހުށަހަޅާފައި ވެ އެވެ. އަނެއް 90 ސްކޮލަޝިޕް ލިބޭ ދަރިވަރުންގެ ޓިއުޝަން ފީ، 50 ޕަސެންޓާ ހަމައަށް މައާފްކުރާނެ ކަމަށް ކިއު ސްޓަޑީ އިން ބުނެފައި ވެ އެވެ. މި ހުށަހެޅުމުގައި މަޝްވަރާކުރެވުނު އިތުރު ކަންތައްތަކުގެ ތެރޭގައި މެލޭޝިއާގެ ޔުނިވާސިޓީތަކަށް ޒިޔާރަތްކޮށް، އެ ޔުނިވާސިޓީތަކުގައި ކިޔަވާ ދިވެހި ދަރިވަރުންނާ ބައްދަލުކުރުމުގެ ފުރުސަތު ހިމެނެ އެވެ.

މި ބައްދަލުވުމުގައި ރާއްޖެ އަށް ބޭނުންވާ އިންސާނީ ވަސީލަތްތައް ތަރައްގީ ކުރަން، މެލޭޝިއާ އިން ލިބެން ހުރި ފުރުސަތުތައް މަޝްވަރާކޮށްފައި ވާ ކަމަށް ހަޔާ އެޑިއުކޭޝަން މިނިސްޓްރީން ބުންޏެވެ. އަދި ވަޒީފާ އަދާކުރަމުން އަންނަ މީހުންނަށް އަމާޒުކޮށްގެން ހާއްސަ ޓްރެއިނިންތަކަކާއި ފޯރަމެއް ބާއްވަން ވެސް މަޝްވަރާކޮށްފައި ވެ އެވެ.