ޖަޕާނުންދޭ ސްކޮލާޝިޕްތަކުގެ އެއްބަސްވުމުގައި ސޮއިކޮށްފި

ޖަޕާނުންދޭ 24 ސްކޮލާޝިޕްގެ ގްރާންޓް އެގްރީމެންޓް، ޖައިކާގެ ރެޕްރެޒެންޓޭޓިވް މިޓްސުޔޮޝީ ކަވަސާކީ(ވ) އާއި ހަޔާ އެޑިއުކޭޝަން މިނިސްޓަރު ޑރ. އިބްރާހިމް ހަސަން ދައްކާލަނީ -- ފޮޓޯ: ޖައިކާ

ލަމްޔާ އަބްދުﷲ، މިހާރު

10 ސެޕްޓެމްބަރ 2020 - 15:06

3 comments

ޖަޕާނުގައި މަތީ ތައުލީމު ހާސިލްކުރަން ރާއްޖެއަށް ދޭން ނިންމާފައިވާ 24 ސްކޮލާޝިޕްގެ އެއްބަސްވުމުގައި މިއަދު ސޮއިކޮށްފި އެވެ.

އެ ގައުމުގައި މަތީ ތައުލީމު ހާސިލް ކުރުމާ ގުޅޭ "އެކްސްޖޭންޖް އޮފް ނޯޓްސް" އެއްބަސްވުމުގައި ދެ ގައުމުގެ ސަރުކާރުން މިދިޔަ މަހު ވަނީ ސޮއިކޮށްފަ އެވެ. މިއަދު ސޮއިކުރި އެއްބަސްވުމަކީ، މި މަޝްރޫއު ކުރިއަށް ގެންދިއުމުގެ ހަރަކާތްތެރިވާ ދެ އިދާރާގެ އިސްވެރިންގެ މެދުގައި ވި އެއްބަސްވުމެކެވެ. މި އެއްބަސްވުމުގައި ހަޔާ އެޑިއުކޭޝަން މިނިސްޓްރީގެ ފަރާތުން ސޮއިކުރެއްވީ މިނިސްޓަރު ޑރ. އިބްރާހިމް ހަސަނެވެ. ޖަޕާނު ސަރުކާރުގެ ފަރާތުން ސޮއިކުރެއްވީ ޖަޕާން އިންޓަނޭޝަނަލް ކޯޕަރޭޝަން އޭޖެންސީ (ޖައިކާ) ގެ ރާއްޖެ އޮފީހުގެ ރެޕްރެޒެންޓޭޓިވް މިޓްސުޔޮޝީ ކަވަސާކީ އެވެ.

އަންނަ އަހަރުން ފެށިގެން ކޮންމެ އަހަރަކު ހަ ދިވެއްސަކަށް ޖަޕާނުގައި މަތީ ތައުލީމު ހާސިލްކުރުމުގެ ފުރުސަތު ޖައިކާ އިން ދޭނެ އެވެ. "ޕްރޮޖެކްޓް ފޮ ހިއުމަން ރިސޯސް ޑިވެލޮޕްމެންޓް ސްކޮލާޝިޕް ބައި ޖަޕަނީސް ގްރާންޓް އެއިޑް" ގެ ދަށުން ތައުލީމް ހާސިލްކުރާ 24 ދަރިވަރުންނަށް ޖުމްލަ 1.2 މިލިއަން ޑޮލަރު (18,480,000 ރުފިޔާ) ހޭދަކުރާނެ އެވެ.

Japan inn Rajje ah mathee thauleemu ge scholarship dhenee

The most trusted news source in the Maldives

Mihaaru

ޖަޕާނުން ވަނީ މީގެ ކުރިން ވެސް ރާއްޖެއަށް އެކި ގޮތް ގޮތުން އަދި އެކި ދާއިރާތަކަށް އެހީތެރިކަން ފޯރުކޮށްފީފަ އެވެ. އެގޮތުން ކޮވިޑް-19 އާ ގުޅިގެން ޔުނިސެފު މެދުވެރިކޮށް 356،400 ޑޮލަރުގެ އެހީއަކާއި ރެޑް ކްރެސެންޓް މެދުވެރިކޮށް 185،000 ޑޮލަރުގެ އެހީއެއް އަދި ޔޫއެންޑީޕީ މެދުވެރިކޮށް 1.4 މިލިއަން ޑޮލަރުގެ އެހީއެއް ވެސް ޖަޕާނުން ރާއްޖެ ދީފައި ވެ އެވެ.

ޖަޕާން ސްކޮލަޝިޕް ޖައިކާ މަތީ ތައުލީމު ރާއްޖެ-ޖަޕާން އިބްރާހިމް ހަސަން، ހަޔާ އެޑިއުކޭޝަން މިނިސްޓަރު މިނިސްޓްރީ އޮފް ހަޔާ އެޑިއުކޭޝަން

3 ކޮމެންޓް, 9 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މަރީން

11 September 2020

މިސަރުކާރުން ދުނިޔޭގެ ގައުމުތަކާއި އެކު ބާއްވާގުޅުން އިތުރަށް ހަރުދަނާވެގެންދާ މަންޒަރު. މިރާއްޖެއަކީ ވަކިފަރާތަކަށް ބުރަނުވެ ހުރިހާ ގައުމަކާއިގެން ކުރިޔަށް ދާގައުމެއްކަމުގައި ލައްވާށިއެވެ.އާމީން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަބަރު

10 September 2020

ޖަޕާނަކީ ވަރަށް ކުރީއްސުރެ ރާއްޖެއަށް އެކި ގޮތްގޮތުން އެހީތެރިވާ ގައުމެއް. ޝުކުރިޔާ ޖަޕާން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހަންމާފުތާ

10 September 2020

ސިލޯނުން ރާއްޖޭގެ ހިކިމަސްގަތުން 1960ގެ ކުރީގައި ހުއްޓާލަން ނިންމުމާއެކު ރައީސް ނާސިރުގެ މަސައްކަތްޕުޅުން ޖަޕާނުގެ ހޯކޯމާރުކުންފުނިން ރާއްޖޭގެ މަސްގަންނަންފަށާ ދިވެހިންނަށް އެހީވާން ފެށިގޮތަށް ދެގޮތެއްނުވެ މިއަދާ ހަމައަށް އެހީވަމުންދާ ގައުމެއް. ޓެލެކޮމް ބިލްޑިންގ، މާލޭގެ ދެކުނުފަރާތު ތޮށި، ކަލާފާނު ސްކޫލް، މިހެންގޮސް ލިސްޓްވަރަށްދިގު.