ބިދޭސީން ލައްވައި މުޒާހަރާ ކުރުވަނީ ބަޔަކު އަޑީގައި ތިބެގެން ކަމަށް މިނިސްޓަރު ތުހުމަތު ކުރައްވައިފި

މިނިސްޓަރު ފައްޔާޒް ނޫސްވެރިންނާ ވާހަކަ ދައްކަވަނީ. --ފޮޓޯ/މިހާރު

ފަޒީނާ އަހުމަދު، މިހާރު

13 ޖުލައި 2020 - 12:53

ބިދޭސީން ފަށައިގެން އުޅޭ މުޒާހަރާތަކުގެ ފަހަތުގައި "ސިޔާސީ ކަންތައްތަކެއް" ނުވަތަ އެއީ ބަޔަކު މީހުން އަޑީގައި ތިބެ ކުރުވާ ކަމެއް ކަމަށް އިކޮނޮމިކް މިނިސްޓަރު ފައްޔާޒް އިސްމާއިލް މިއަދު ތުހުމަތު ކުރައްވައިފި އެވެ.

މުސާރަ ނުދީ މަސައްކަތް ކުރުވި މައްސަލައިގައި ބޮޑުފިނޮޅުގައި 200 ބިދޭސީން މުޒާހަރާކޮށް ހަމަނުޖެހުން ހިންގާފައި ވަނިކޮށް، ހުޅުމާލޭގައި ސިފައިންނާއި ފުލުހުންގެ ފްލެޓްތައް އިމާރާތްކުރާ ތައިލެންޑުގެ އައިލެންޑް އެކްސްޕާޓުގެ ބިދޭސީން ވެސް މިއަދު ވަނީ އަނެއްކާ މުޒާހަރާކޮށްފަ އެވެ. މީގެ ހަފުތާއެއްހާ ދުވަސް ކުރިން ކުރި މުޒާހަރާ އިން ހައްލެއް ނުލިބުމުން، އެ ބިދޭސީން މިއަދު މުޒާހަރާ އަށް ނުކުމެ ފުލުހުންނާ ކުރިމަތިލައި ގަލުން ހަމަލާ ދިނެވެ.

ބިދޭސީންގެ މައްސަލައިގައި ރައްޔިތުންގެ މަޖިލީހުގެ ގައުމީ ސަލާމަތާއި ޚާރިޖީ ގުޅުންތަކާ ބެހޭ ކޮމިޓީގައި މިނިސްޓަރު ފައްޔާޒް ވިދާޅުވީ، އެއީ އެތައް ޒަމާނަކަށް ދިގުދެމިގެން ގޮސްފައިވާ ކަމަކަށް ވާއިރު މީގެ ކުރިން ވެސް މުސާރަ ނުދީ މަސައްކަތް ކުރުވާ ކަމަށެވެ. އެއީ، ހުތުރު ކަމެއްގެ ގޮތުގައި ސިފަ ކުރައްވަމުން ވިދާޅުވީ މުސާރައާ ގުޅުވައި މި ފަހަކަށް އައިސް ކުރާ މުޒާހަރާތަކާ މެދު ޝައްކުތަކެއް އެބަހުރި ކަމަށެވެ.

"އަޅުގަނޑަކަށް އޭގެ ސާފު މައުލޫމާތު ދަންނަވާކަށެއް ނޭނގޭ. އެކަމަކު މީގައި ސިޔާސީ އެލިމެންޓެއް، އަޅުގަނޑު މި ދަންނަވަނީ ވާދަވެރި ފަރާތުން ކުރާ ކަމެކޭ އެހެންނެއް ނޫން. ނަމަވެސް މީގައި ސިޔާސީ އެލިމެންޓެއް އުޅޭ ކަަމަށް މައުލޫމާތު ލިބޭ،" ފައްޔާޒް ވިދާޅުވި އެވެ.

ހުޅުމާލޭގައި އައިލެންޑް އެކްސްޕާޓު ކުންފުނީގެ މަޝްރޫއުތަކުގައި މަސައްކަތް ކުރާ ބިދޭސީން މުސާރަ ނުދީގެން މިއަދު މުޒާހަރާކުރަނީ. --ފޮޓޯ/މިހާރު

އޭނާ ވިދާޅުވި ގޮތުގައި މުޒާހަރާތަކާ ދިމާލަށް ބިދޭސީން މިދަނީ، މައްސަލަތައް ހައްލުކުރަން މި ސަރުކާރުން ފިޔަވަޅު އަޅަމުން ދަނިކޮށެވެ. ގަވާއިދާ ޚިލާފަށް ބިދޭސީން އެތެރެކުރުމާއި އެ މީހުންނާ ދޭތެރޭ ލާއިންސާނީ އަމަލުތައް ހިންގައި މަގުމައްޗަށް ދޫކޮށްލުމަކީ މިނިސްޓަރު ސިފަކުރެއްވި ގޮތުގައި، "ވަރަށް ހަޑިމުޑުދާރުކޮށް ހިނގާފައި އޮތް ކަމެކެ"ވެ.

ބޮޑުފިނޮޅުގެ މައްސަލަ އަށް އިޝާރާތް ކުރައްވައި ފައްޔާޒް ވިދާޅުވީ، ޖޫން މަހުގެ ފަހުކޮޅު އިކޮނޮމިކް މިނިސްޓްރީ އަށް ސިޓީއެއް ލިބުުނު ކަމަށެވެ. އެކަމަކު މުސާރައިގެ މައްސަލައިގައި މިނިސްޓްރީ އަށް ކުރެވޭނެ މާބޮޑު ކަމެއް ނޯންނަ ކަމަށާއި އެކަމުގައި ޓްރައިބިއުނަލާއި ކޯޓުތައް ފަދަ ނިޒާމުތައް ކަނޑައެޅިފައި ހުންނަ ކަން ފާހަގަކުރެއްވި އެވެ.

ލޭބަ ރިލޭޝަންސް އޮތޯރިޓީ( އެލްއާރުއޭ) އަށް ވެސް އެޅޭނީ މިނިސްޓަރު ވިދާޅުވި ގޮތުގައި، ޖޫރިމަނާކުރުން ފަދަ އިދާރީ ފިޔަވަޅުތަކެކެވެ.

ފައްޔާޒް ވިދާޅުވި ގޮތުގައި، ރާއްޖޭގައި މަސައްކަތް ކުރާ ބިދޭސީންގެ ބޮޑު ޕަސެންޓަކީ ބަންގްލަދޭޝްގެ މަސައްކަތްތެރިންނަށް ކަމަށް ވާތީ މައްސަލަތަކުގައި ހައްލު ހޯދަން އެ ގައުމާ އެކު ވެސް އަންނަނީ މަޝްވަރާ ކުރަމުންނެވެ.

ބިދޭސީންގެ މައްސަލަ ހައްލުނުވެ ދިގުލައިގެން ގޮސްފައި އޮތް އިރު، އެކަން ހައްލު ކުރެއްވުމަކީ މިނިސްޓަރު ފައްޔާޒްގެ ވައުދެކެވެ. އެކަން ނުކުރެވިއްޖެ ނަމަ މަގާމުން ވެސް އިސްތިއުފާ ދެއްވަން ފަސްޖެހިވަޑައިނުގަންނަވާނެ ކަމަށް ވަނީ ވިދާޅުވެފަ އެވެ.

ބިދޭސީން ރައްޔިތުންގެ މަޖިލިސް އިކޮނޮމިކް މިނިސްޓަރު ފައްޔާޒު އިސްމާއިލް (ކުރީގެ މިނިސްޓަރު) މުޒާހަރާ ހަމަނުޖެހުން

49 ކޮމެންޓް, 67 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ދަވާލި19

14 July 2020

އަޑީގަ ބަޔަކު ތިބިއްޔާ އެބަޔާކާހިސާބައް ގާނޫނުގެ ބާރުނުފޯރުވިގެން އުޅެނީ ސަރުކާރައްވުރެ އަޑިގަތިބި މީހުންގެ ބާރުގަދައީތޯ އެހެންކަމައްވާނަމަ ސަރުކާރެއްގެ ބޭނުމެއް ނެތެއްނޫންތޯ ތަނފީޒީއިދާރަތަކާ މަޖިލީހާ ގާނޫނުއަސާސީއެއްގެ ބޭނުމެއް ނެތީނޫންތޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބިސް

13 July 2020

އެމްޑީޕީ އަކީ އަމިއްލައަށް ފިލްމު އުފައްދާ، ފިލްމުގަ އެކްޓުކޮށް އެފިލްމަށް ފާޑުވެސް ކިޔާބައެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކީމިޔާ އަލީ

13 July 2020

އިންޑިއާ ތިޔަ ހަމަނުޖެހުން ތަކުގެ ޒިންމާ އުފުލަން ޖެހޭ. ހަމަނުޖެހުން ފެށުނީ އިންޑިއާ މީހުން ގެ ކިބައިން މިއިން ކޮންމެ ތަނެއްގައިވެސް އިންޑިއާ މީހުން އެބަތިބި. ބަނގްލަދޭޝް މީހުން ގެ ބަހުންނަމަ އިންޑިއާމީހުން ބުނީ އެއްވެސް ކަމެއް ނުވާނެ ކަމައް ހަމަ ނުޖެހުން ނުވަތަމުޒާހަރާ ކުރިއަސް ޑިޕޯރޓް ކިރާކައް ނުކެރޭނެ ކަމައް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިސްލާހު

13 July 2020

ތިކަމުގެ އަޑީގައި އުޅެނީ އިކޮނޮމިކް މިނިސްޓަރު ފައްޔާޒާއި މީނާޔާގުޅިފައިވާ ބައިގަނޑު ހެން ވަރައް ބޮޑައް ހީވެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާދަނު2

13 July 2020

ކޮމެންޓްތަކުން އެގެނީ ދިވެހިން އެއްވެސްވަރަކަށް ބޭރުމީހުންގެ މައްސަލަހައްލުކުރަން އެއްބާރުލުންދިނުމުގެ ބަދަލްގައި އެކަން ގޯސްކުރަން ހިފާފަތިބިތަން. ބަޔަކު ގޯސްކުރުމުގެ ބަދަލްގައި އެކަން ރަގަޅުކުރެވޭނެ ހިޔާލެއްދޭންކެރޭމީހަކު ނޫޅޭ.. ސަރުކާރުން މިހާރު ބިދޭސީންގެމައްސަލަ ހައްލުކުރަން ވަރަށްމަސައްކަތްކުރާކަން ފާހަގަވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޚިޔާލު

13 July 2020

ފައްޔާޒުގެ ވިސްނުން އަދިވެސް ހުރީ ގިނަ އަދަދެއްގެ ބިދޭސީން ގަވާއިދަށް ފައްތައި އެމީހުން އުޅެން ގުޅީފަޅުގައި ވިލެޖެއް ހަދަން. ޜާއްޖޭގެ ގައުމީ ސަލާމަތަށް މިހާރު ނުރައްކާވެފައިވާ މިންވަރުން މިވަގުތު ކުރަން ޖެހޭ ކަމަކީ ބަންގާޅީ ހުރިހާ މަސައްކަތްތެރިން ފޮނުވާލުން. އެމީހުންނަށް ދޭން ޖެހޭ މުސާރައަކާއި އިނާޔަތްތަކެއް ދީފައި. މިކަން މިހިސާބަށް ދިޔައީ ދިވެހިންގެ ބައެއްމީހުންގެ ނުބައި ނުލަފާ ކަމުން. މިހިސާބަށް ދިއުމުން ދެން ބަންގާޅީން ރާއްޖޭގައި ނުގެންގުޅެވޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮތަރު

13 July 2020

ހުރިހާ ބަންގާޅީން ފޮނުވާލުން އެއީ ހައްލެއްނޫން... އެމީހުން ފޮނުވާލީމަ ކޮންބައެއްތޯ ރާއްޖޭގަމަސައްކަތްކުރަނީ.؟ އެވަރަށް ދިވެހިން މަސައްކަތަށް ނިކުމޭތޯ؟ ރާއްޖޭގަ މަސައްކަތް ކޮށްއުޅެނީ އާބާދީގެ ކިތަށްމީހުންތޯ؟؟ ވިސްނަވާ!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާއްޖެ

13 July 2020

ސަފާރީތަކަށް އަރާ ރޭޕް ކޮއްފަ ރައްޔިތުން މަގުމައްޗަށް ނިކުތީމަ ބުނަން ވީ ސިޔާސީއޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ައަފުރާސިޔާބު

13 July 2020

ކަނޑުކޮހުން ދައްކާ ޒާތުގެ ވާހަކަ ތިޔަދައްކަނީ. ބަޔަކު މީހުންނަށް މުސާރަ ނުދީ އެތައް މަސްތަކެއްވާންދެން މަސައްކަތްކުރުވާތީ އެމީހުން މުޒާހަރާ ކުރީމާ އެއީ ސިޔާސީކަމެއްތަ؟ މިކަލަ މީހުން ގޮވައިގެން ގައުމެއް ހިންގަން އުޅުނީމާ އަނދެގެންހުރި ފޮށާގަނޑުބޭލޭނީ. ވިސާނެތި އުޅޭ ބަޔަކު ލައްވާ ގާނޫނު ހަދާ މަޖިލީހުގެ މެންބަރަކު ހިންގާ ކުންފުންޏަކުން މަސައްކަތް ކުރުވީވެސް ތިޔަ އިލްޒާމު އަޅުވަން އުޅޭ ސިޔާސީ މީހުންތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ްއަދުރޭ

13 July 2020

އެހެންތަ..؟ ދެން ފުލުހުންނަށް ހަމަލާ ދޭންޖެހޭތަ.؟ ދެން މުސާރަ ދޭންޖެހޭބަޔަކު ދޭންވެއްޖެނުން. މުސާރަވެސް ދޭންޖެހެނީ ސަރުކާރުންތަ.؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޏަމްޓޭ1

13 July 2020

އިންޑިޔާ އެމްބަސީ ބަލާ ތި މުޒާހަރާ ރޭވި ބަޔަކު ހޯދަންޔާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތެލިފަންޓް

13 July 2020

މިކަމުގައި ކޮން ސިޔާސީ އެލިމެންޓެއް އުޅެއޭ ކިޔާކަށް. ހަމަ ހުސް ދޮގު. ކޮން މައުލޫމާތެއް ހުރީ އެކަމާ ގުޅޭ؟ ނުހުންނާނެ އެއްވެސް މައުލޫމާތެއް. ކަންކަން ބޮއްސުންލައިގެން ދިއައިމަ ސިޔާސީ މީހުންގެ ބޮލުގަ އެޅުވުން މިސަރުކާރަށް ކުރެވޭނެ ކަމަކީ. އެކަމު މިހާރު ޖަލަށް ލާން އެންމެ ބޭނުންވާ މީހާ ޖަލުގަ ބަހައްޓާފަ ހުރީ 10 މިނިޓްގެ ފޯނުކޯލެއް އެކަނި ދީފަ. އެ10 މިނެޓު ތެރޭ އޭނާއަކަށް ކަމެއް ނުކުރެވޭނެ.