ހައި ކޯޓް: އެ ކޯޓާއި ކްރިމިނަލް ކޯޓުގެ އިސް ފަނޑިޔާރު ކަމަށް ކުރިމަތިލާން ވަނީ ހުޅުވާލާފައި -- ފޮޓޯ/މިހާރު
28 ސެޕްޓެމްބަރ 2020 - 16:41
9 comments
ހައި ކޯޓާއި ކްރިމިނަލް ކޯޓުގެ އިސް ފަނޑިޔާރު ކަމަށް ކުރިމަތިލާން ޖުޑީޝަލް ސާވިސް ކޮމިޝަން (ޖޭއެސްސީ) އިން މިއަދު ހުޅުވާލައިފި އެވެ.
ކްރިމިނަލް ކޯޓުގެ އިސް ގާޒީއަކަށް ހުންނެވި އަހުމަދު ހައިލަމް އާއި ހައި ކޯޓުގެ އިސް ފަނޑިޔާރަކަށް ހުންނެވި ޝުޖާއު އުސްމާނު ފަނޑިޔާރު ކަމުން އިސްތިއުފާ ދެއްވުމުން އެ ދެ ކޯޓުގެ އިސް ފަނޑިޔާރު ކަމުގެ މަގާމު އޮތީ ހުސްކޮށެވެ.
ޖޭއެސްސީން ކުރި އިއުލާނެއްގައި ބުނީ އެ ދެ މަގާމަށް ކުރިމަތިލުމުގެ ފުރުސަތު އަންނަ މަހުގެ ހަ ވަނަ ދުވަހާ ހަމައަށް އޮންނާނެ ކަމަށެވެ. އެ ދެ މަގާމަށް ވެސް ކުރިމަތިލެވޭނީ އެ ދެ ކޯޓުގެ ފަނޑިޔާރުންނަށް އެކަންޏެވެ.
ޖޭއެސްސީން އަލަށް އެކުލަވާލި ގަވާއިދު ބުނާގޮތުން އިސް ފަނޑިޔާރު ކަމަށް ބޭފުޅުން އައްޔަން ކުރާނީ އެ މަގާމަށް ކުރިމަތިލާން ހުޅުވާލުމަށް ފަހު، ކުރިމަތިލާ ބޭފުޅުންނާ އެ ކޮމިޝަނުން އިންޓަވިއުކޮށް، އަދި މާކްސް ދިނުމަށް ފަހު އެވެ.
ހައި ކޯޓުގެ އިސް ފަނޑިޔާރަށް މުސާރަ އާއި އިނާޔަތްތަކާ އެކު މަހަކު 56،000ރ. ލިބިވަޑައިގަންނަވާއިރު، ކްރިމިނަލް ކޯޓުގެ އިސް ގާޒީއަށް ލިބިވަޑައިގަންނަވާނީ މަހަކު 49،000ރ. އެވެ.
ހައި ކޯޓުގެ އިސް ފަނޑިޔާރުގެ މަގާމު ހުސްވުމުން އެ ކޯޓު ހިންގުމާ މިވަގުތު ހަވާލުވެ ހުންނެވީ ފަނޑިޔާރު ޝުއައިބު ހުސައިން ޒަކަރިއްޔާ އެވެ. އަދި ކްރިމިނަލް ކޯޓު ހިންގުމާ ހަވާލުވެ ހުންނެވީ ގާޒީ އާދަމް މުހައްމަދެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މޫސާބޭބެ
29 September 2020
ފެމިލީ ކޯޓު ކިޔާތަނެއް ހުންނަކަން ޖޭއެސްސީއަށް ނޭންގެނީބާ، އިސް ޤާޟީއަކުނެތި ބޮއްސުން ލަމުންދާތަނެއް.
މުހައްމަދު އހމދ
28 September 2020
ޝުޢައިބު ކަމަކު ނުދޭ. ހަމީދު ރަނގަޅު، މަޒީދު ނޫނީ ހާތިފުވެސް ރަނގަޅުވާނެ
އަޙްމަދު މހއމދ
28 September 2020
ޝުޢައިބުވެސް ރަނގަޅު. މަޒީދު ނޫނީ ހާތިފުވެސް ރަނގަޅު. ހަމީދު ކަންނޭނގެ މި ވަގުތަށް އެންމެ ރަނގަޅީ. ތެދުވެރި އަމާނަތްތެރިއެއް، އަދި ތަޖުރިބާގެ ގޮތުން ބެލި ނަމަވެސް
ސއނާ
28 September 2020
މާ ތާހިރުވާނެ ކޯޓުތަކަށް ރީނދޫ ކުލަ ޖެހިފަތިބި ކުދިންކޮޅެއް ބޭނުންވާ ވަހަކަ އިއުލާން ކުރިއްޔާ. މިހާތަނަށްވެސް ކަންތަށްކުރަމުން ދަނީ އެގޮތަށް.
ޕަހެލޭ ކިތާބު
28 September 2020
ބަލާފައި އެއްމެ އެއްމެ ބޮޑު ސިޔާސީ އެކްޓްވިސްޓް މީހަކު އައްޔަން ކޮށްލާށެވެ.ވެރިކަން ކުރަން ފަސޭހަވާނީ އޭރުން ނެވެ.
ސިއުރާ
28 September 2020
ކޮން ސަކަރާތެއް ޖަހާކަށް. މިހާރު ހިންގުން ހަވާލުކޮށްފައި އެތިބީ ޖޭއެސްސީން އިސްގާޒީކަން ދޭން ބޭނުންވާ މީހުން. އިންޓަރވިޔުކޮށްގެންވެސް ހޮވާނީ ހަމަ އެމީހުން. ކޮންމެހެން މަންޒަރު ރީތިކޮށްލަން މަގާމަށް ކުރިމަތިލާށޭ ކިޔާނެ ކަމެއް ނެތް.
އާދަމް ބާއީ
28 September 2020
ދެން އާމާލު ކުލޫނީ ގެންނާނީއެއްނޫން.
ރަބަރު
28 September 2020
ޝުޢައިބު ރަނގަޅު.
ސީނާ އަހައްމަދު
28 September 2020
އޭރުން އިސް ޤާޒީ ކަން އެދެވުނީ ރައްޔިތު އަހްމަދަށެވެ. މިހާރު ވެސް އެގޯސް އޮތީ ހެދިފައެވެ.އެއްމެ މަތީ ކޯޓް ގައެވެ.