ބިލުގައި ހިމެނެނީ ސިއްހީ ކުއްލި ނުރައްކަލުގެ ހާލަތުގައި އިންތިހާބު ބޭއްވުން މަނާކުރާ އިސްލާހުތައް، އެ ހާލަތުގައި ވެސް އިންތިހާބު ބޭއްވޭ ގޮތަށް ބަދަލުކޮށް، އަމަލުކުރާނެ ގޮތްތައް
މަޖިލީހުގެ ޖަލްސާ މިއަދު ފަށަން ތައްޔާރުވެފައި. އިންތިހާބު އަވަސްކުރާ ބިލު ފާސްކުރި
19 ޖެނުއަރީ 2021 - 12:04
17 comments
ކޮވިޑް-19 ފެތުރޭތީ ރާއްޖޭގައި އިއުލާނުކޮށްފައިވާ ސިއްހީ ނުރައްކަލުގެ ކުއްލި ހާލަތުގައި ވެސް ލޯކަލް ކައުންސިލްތަކުގެ އިންތިހާބު ބޭވޭ ގޮތަށް ގާނޫނު ބަދަލުކުރުމުގެ ބިލް ރައްޔިތުންގެ މަޖިލީހުން މިިއަދު ފާސްކޮށްފި އެވެ.
ކޮވިޑް-19 ގެ ބަލިމަޑުކަމާ ހެދި، ލޯކަލް ކައުންސިލްތަކުގެ އިންތިޚާބު ފަސްކުރަން ޖެހުމުން، ރައްޔިތުންގެ މަޖިލީހުން މިދިޔަ އަހަރު ފާސްކުރި "ސަންސެޓް ގާނޫނު" ގައި އޮތީ އެ ގާނޫނަށް އަމަލުކުރަން ފަށާ ތާރީޚުން ފެށިގެން އެއް އަހަރު ދުވަހުގެ ތެރޭގައި އިންތިޚާބު ބާއްވަން ޖެހޭނެ ކަަމަށެވެ. އެ މުއްދަތު ހަމަވާނީ އަންނަ މޭ މަހުގެ ނުވަ ވަނަ ދުވަހަށެވެ.
ސިއްހީ ނުރައްކަލުގެ ކުއްލި ހާލަތު އުވައިލުމުން ނޫނީ އިންތިޚާބުގެ ކަންތައް ކުރިއަށް ނުގެންދެވޭ ގޮތަށް އެ ގާނާނޫނުގައި އޮންނާތީ އިންތިޚާބު ލަސްވާ މައްސަލަ އަށް ހައްލެއް ހޯދަން ސަރުކާރުގެ ފަރާތުން ހުޅުމާލޭ ދާއިރާގެ އެމްޑީޕީގެ މެމްބަރު އަލީ ނިޔާޒު ހުށަހެޅުއްވި ބިލް މިއަދު ފާސްކުރީ ޖަލްސާގައި ބައިވެރިވެވަޑައިގެންނެވި 40 މެމްބަރުންގެ ތެރެއިން ވޯޓުގައި ބައިވެރި ވެވަޑައިގަތް 38 މެމްބަރުންގެ އިއްތިފާގުންނެވެ.
އެ ބިލް ފާސްކުރީ މިނިވަން މުއައްސަސާތަކުގެ ކޮމިޓީން އިލެކްޝަންސް ކޮމިޝަނުގެ މެމްބަރުންނާ މަޝްވަރާ ކުރުމަށް ފަހު ގެނައި ބަދަލުތަކާ އެކުގަ އެވެ.
ފަސްކޮށްފައިވާ "ލޯކަލް ކައުންސިލްތަކުގެ އިންތިހާބުގެ ހާއްސަ ގާނޫނު 2020" އަށް އިސްލާހު ގެނައުމުގެ ބިލުގައި ހިމެނެނީ ސިއްހީ ކުއްލި ނުރައްކަލުގެ ހާލަތުގައި އިންތިހާބު ބޭއްވުން މަނާކުރާ އިސްލާހުތައް، އެ ހާލަތުގައި ވެސް އިންތިހާބު ބޭއްވޭ ގޮތަށް ބަދަލުކޮށް، އަމަލުކުރާނެ ގޮތްތަކެވެ. އެގޮތުން ހެލްތު ޕްރޮޓެކްޝަން އެޖެންސީގެ ރައްކާތެރިކަމުގެ ގައިޑްލައިނާ އެއްގޮތަށް އިންތިހާބުގެ ކަންތައްތައް ކުރިއަށް ގެންދަން ބިލުގައި ބުނެފައި ވެ އެވެ.
ބިލު ދިރާސާކުރަން މިނިވަަން މުއައްސަސާތަކުގެ ކޮމިޓީން އާދީއްތަ ދުވަހު ބޭއްވި ބައްދަލުުވުމުގައި އިލެކްޝަންސް ކޮމިޝަނުގެ ރައީސް އަހުމަދު ޝަރީފު ވިދާޅުވީ، އިންތިޚާބު ބާއްވަން ޖެހޭނެ މުއްދަތު ކަނޑައަޅައި، "ސަންސެޓް ގާނޫނު" ގައި އޮންނަ މާއްދާ އުވައިލަން އެދިވަޑައިގަންނަވާ ކަމަށެވެ.
އެއް އަހަރު ދުވަހުގެ ތެރޭގައި އިންތިޚާބު ބާއްވަން ލާޒިމުކޮށްފައި ވަނީ "ލޯކަލް ކައުންސިލްްތަކުގެ އިންތިހާބުގެ ހާއްސަ ގާނޫނު" ގެ ނަމުގައި ފާސްކޮށްފައިވާ އެ ގާނޫނުގެ ދެވަނަ މާއްދާގެ (ށ) ގަ އެވެ. އެ މާއްދާ އުވައިލަން އީސީން އެދެނީ ކީއްވެތޯ ވިލިމާލެ ދާއިރާގެ އަމިއްލަ މެމްބަރު އަހުމަދު އުޝާމް ކޮމިޓީގައި ސުވާލު ކުރެއްވުމުން ޝަރީފް ވިދާޅުވީ، އެއީ މިހާރު އޮތް ވަރަށް ވުރެ އިތުރަށް ވަގުތު ބޭނުންވާތީ ކަަމަށެވެ. އޭނާ ވިދާޅުވީ މިހާރު އޮތް ގޮތުން ރޯދަމަހާއި ބައިނަލްއަގުވާމީ އިމްތިހާނުތައް އޮންނަ ދުވަސްވަރާ ދިމާވެ، މޭ މަހުގެ ނުވަޔަކަށް އިންތިހާބު ނުނިމިދާނެ ކަމުގެ ބިރު އެބަ އޮތް ކަމަށެވެ.
ލޯކަލް ކައުންސިލްތަކުގެ އިންތިޚާބުގެ ހާއްސަ ގާނޫނުގައި ބުނާ އެއް އަހަރު ދުވަހުގެ ތެރޭގައި އިންތިޚާބުގެ ކަންތައްތައް ނިންމާ ނަމަ މޭ ނުވައެއްގެ ކުރިން އިންތިޚާބު ނިންމަން ޖެހެ އެވެ.
އެ މައްސަލަ އަށް ހައްލެއް ހޯދަން ހެންވޭރު ދެކުނު ދާއިރާގެ އެމްޑީޕީގެ މެމްބަރު ހުސައިން ޝަމީމް (އަނދުން ހުސައިން) ހުށަހެޅުއްވީ އިންތިޚާބު ތާރީޚަށް ނުނިމިއްޖެ ނަމަ 30 ދުވަހުގެ ތެރޭގައި މަޖިލީހަށް ހުށަހަޅައިގެން ވަގުތު ހޯދޭ ގޮތަށް މާއްދާއެއް އިތުރު ކުރުމަށެވެ. އެގޮތަށް ޝަރީފު ވެސް އެއްބަސްވެވަޑައިގަތެވެ.
އީސީގެ މެމްބަރުންނާ ބައްދަލުކޮށް ނިމުމުން ކޮމިޓީގައި ކުރި މަޝްވަރާގައި އަނދުން ހުސައިން ހުށަހެޅުއްވީ މުއްދަތަަށް ނުނިމޭނެ ކަމަށް ބެލެވިއްޖެ ނަމަ 30 ދުވަހުގެ މުއްދަތެއް އޮއްވައި މަޖިލީހަށް އެ މައްސަލަ ހުށަހަޅަން ޖެހޭ ގޮތަށެވެ. އެ ހުށަހެޅުއްވުމަށް ތާއީދު ކުރެއްވީ ވިލިމާލެ ދާއިރާގެ މެމްބަރު އުޝާމެވެ. ކޮމިޓީގެ އިއްތިފާގުން ފާސްކުރީ ވެސް އެގޮތަށެވެ.
މަޖިލީހުން މިއަދު ބިލް ފާސްކުރީ އެ އިސްލާހާ އެކުގަ އެވެ.
ދައުރުން ބޭރުގައި މަޖިލީހުން މިއަދު ބޭއްވި ޖަލްސާ ފެށީ ކޯރަމް ހަމަނުވެގެން ބައިގަޑިއެއްހާ އިރު މަޑުކުރުމަށް ފަހު 24 މެމްބަރުންނާ އެކުގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހުމަދުބޭ
20 January 2021
ކުރަން ޖެހޭ ކަންކަން ކޮއްގެން ކުރިއަށްދާންވީ ހަމަ، މިއަދާ ހަމައަށް ލާންޖެހޭ ވޯޓްލައި މިހާރު ނިންމާފިން ދެން މިޑިމޮކްރަސީގެ އަދި މިއޮތް ގާނޫނު އަސާސީގެ ތެރެއިން ލާނެ ވޯޓެއް ނެތް، މިޑިމޮކްރަސީން މިގައުމަށް ގެނެވޭނެ ހޮޔޮބަދަލްއެއް ނެތް މިތަންވެސް އިންޑިއާއެކޭ އެއްގޮތަށް ޑިމޮކްރަސީގެ ނަންބޯޑުއަޅުވައިގެން ކޮންމެ 5 އަހަރުން ވެރިކަމަށް އަންނަ ބަޔަކު ގައުމަށް ލިބޭހުރިހައި ލާރިއެއް ކައިގެން ނިކަމެތީންގެ ބޮލަށް ޗިޕްޖަހައިގެން އިންތިހާބް ބާއްވާނެ
ކުއްލި
20 January 2021
ގައުމުގައި ބަލި ފެތުރިގެން އުޅޭތާ އަހަރަކާ ގާތްވާއިރު މިއީ ކުއްލި ހާލަތެއް ނޫން. މިއީ ދިގުދެމިގެންދާ ސިއްހީ ނުރައްކަލުގެ ހާލަތެއް. މި ހާލަތުގައި ހުރިހާ ސްކޫލްތައް ހުޅުވޭނަމަ އަދި ކުޅިވަރުތައް ބޭއްވޭނަމަ އިންތިޚާބެއް ނުބޭއްވެންވީ ސަބަބެއް ނެތް. ބަލިނުޖެހި ތިބި އެންމެންނަށް ވެކްސިން އެގެނައީ އިންތިހާބު ބާއްވަންވާއިރަށް.
ޙަބީބ
20 January 2021
ކަރުތެރެ ތެންމަލާ ރަޖާލައިގެން ގޭގަނުތިބެ ބިރަކަނުލާ ބާރައްގޮސް ވޯޓުލާ ދުނިޔެވެސް ނުހުއްޓުވޭނެ ރާއްޖެވެސް ނުހުއްޓުވޭނެ ފަހެ މިގޮންޖަހަނީ ކާކައްބާ މިބުނެވޭ ބަހުގެ ނުބައިކަމާއެވެ
މޯޑޭ
19 January 2021
ހުޅުމާލޭ ގަ އޮށްނަ ފީފީއެމް ސުޓުއެރިން ކޮމެޓީވީސް މި ކުރާކަމަކީ ބޮނޑެތި ކެއުން ގަނޑް ގަނޑް ހަދާފަ ކައިކާފަ ސޯސަލުމީޑިޔާއަށް ފުޓޯލީމަ ހިތުން ޔާމިނު މިނިވަންވީ ކަމަށް ނިމްނީ. ބޮޑިބަތުގަ ޔާމިނު ނަން މިޖަހަނި. ކިހާ ގަދަރު މި މި މީހުންނަށް ފުލެޓް ދިން ވެރިމީހާއަށް. ލަދުން ބޯހަލާކު..
ބޯޑޭޭ
20 January 2021
އެމްޑީޕީ މީހުން ބޮނޑިބަތް ކައްކަ ކައްކައިގެން ބެހިއިރު އެމީހުންވެސް ތިބީ އަނެއް ދުވަހު ވެރިކަން ލިބޭނެ ކަމަށް ހިތާ. އެކަމު އެކަންވީ 8 އަހަރު ފަހުން. އެހެންވީމަ ޔާމީނު އެހާ އަވަހަށް މިނިވަންނުވިއަސް އޯކޭނު. އަދި އެވީ ޖަލުގަ 1 އަހަރު.
ގުދުދުގުދާ ބެއްޔާ
19 January 2021
ލޯކަލްކައުންސިލް އިންތިހާބުގައި ކީއްކުރަން މާލޭ މީހުންލާވޯޓެއް! މާލޭ ސިޓީކައުންސިލް އަކީ ދަތްނެތް ސިންގާއަކަށް މިސާރުކާރުން ހަދާފަވަނީ! މާލޭ ސިޓީގެ މާލެ/ހުޅުމާލެ/ވިލިގިލި/ތިލަފުށި އަދި ގުޅީފަޅުވެސް ހިމެނޭ ގޮތައް އެޗްޑީސީއަށް ވަނީ މިސަރުކާރުން ހިބައިންދީފައި! ދެން ކީއްކުރާސީޓީކައުސިލްއެއް! ވިހާމަރުވާ މީހުންގެ ދަފްތަރުބަލަހައްޓާކަށް މޭޔަރއެއްބޭނުން ނުވާނެ! # ނޯވޯޓް ނޯގޯތި. ލާމަރުކަޒީ ނިޒާމޯ އަންނި މަރުކަޒީ ނިޒާމް ކިޔާބަލަ!
ސަރީފަދައިތަ
19 January 2021
އަހަން ނުދާނަން ވޯޓުލާކަށް މި އުޅެނީ ބޮނޑިބަތާ ހަނާކުރިމަހާ ނުކެވިގެނެއް ނޫން ވިއްޔާ އީވާޔާ އިމުރާނާއި އަންނިޔާ ޖާބިރާ އަދުރޭޔާ ސުމިތު ފެންވަރު ބަޔަކު ގަންނަ ގަނޑެއް މި ސިޔާސީ ކަންކަމަކީ.
ސެމި
19 January 2021
ނިކަމެތިމީހާގެ ސިއްހަތަކީ މިމީހުންނަ މުހިއްމުއެއްޗެއްނުން! އެހެނެއްނުވާނީ އެމީހުންނާއި އާއިލާދާންދެން އޮންނަނީ ޕްރީމިއަމް އިންސިއުރެންސް ނަގާފަވިއްޔާ! މިމީހުންނަ އާންމުމީހާގެ ހާލަތެެއް ނޭގެޭނެ!
ރޯއީ
19 January 2021
އެމްޑީޕީގެ ސުޕަ މެޖޯރިޓީ އޮވެގެން ތިޔަ ކުރަނީ ކީއްބާވައޭ ހިތައްއަރާ. ދިވެހިރާއްޖޭގައި ބާއްވާ ހުރިހާ އިންތިހާބުތަކެއް 5 އަހަރަކުން އެއްފަހަރު (ހުރިހާ އިންތިހާބެއް އެއްއަހަރުގެ ތެރޭގައި) ބޭއްވުމަށް ފުރުޞަތު ލިބިފައި އޮތްއިރު ޤައުމު އެންމެ ފިތުނަވާގޮތަށް އެންމެ ޚަރަދު ބޮޑުވާގޮތަށް އިންތިހާބުތައް ތިހިރަގެން ބާއްވަނީ. ކޮންމެ އަހަރަކުވެސް އިންތިހާބުއޮވޭ. ކިހާބޮޑު ޚަރަދެއް. މިއީ އިސްރާފުކުރުން . ރިޔާސީ އިންތިހާބާއި އެއްކޮށް ހުރިހާ ކަމެއް ނިންމާލާ
ހޯރަބޭ
19 January 2021
މިހާރު މާލެއިން 13000 ރުފިޔާއަށް 15000ރ އަށް އެއްކޮޓަރީ އެފާޓްމަންޓް ހިފާކަށް ނުޖެހޭ. މިހާރު 7000 ރުފިޔާއަށް 8000 ރުފިޔާއަށް އެއްކޮޓަރީ ސަޅި އެފާޓްމަންޓް އެބަހުރި. މީ މިސަރުކާރުން ގެނައި ހެޔޮބަދަލެއް. އަޅުގަނޑް މެން މިސަރުކާރު ކެންޑިޓޭޓުންނަށް ވޯޓްދޭނި މިކަހަލަ އެތަށް ލުއިތަކެއް މިއަދު ލިބޭތީ. ސުކުރިއްޔާ ސޯލިހު ރައީސް.
މަންދާނު
19 January 2021
7000ރ 8000ރ މިއީ އެއް ރޫމް އެޕާރޓްމަންޓަކަށް ހާދަ ބޮޑު އަދަދެކޭ.
ދޮގު77
20 January 2021
ޢެމްޑީޕީ އެކްޓިވިސްޓުން މޮޔަހެއްދޭނީ.. ދިވެހިން މޮޔަހައްދަން ނޫޅޭ
ބޯރަބޭ
20 January 2021
ކޮވިޑަށް ޝުކުރުއަދާކޮށްބަލަ. އެކަމާ ހެދި ކުލިތައް ތިރިވެގެން އުޅެނީ.
މޯޑް
19 January 2021
ފީފީއެމުން ދަށްކާ ވާހަކަ އާއި އަމަލެއް ދިމާނުވޭ. މިއަދުވެސް ޖަލުސާއަށް ދިޔައީ ގަޑިޖެހުނި ފަހުން. ދެން ކޯޓަށް މަންސަލަ ވަންދާގެން އިންތިހާބު ލަސްކުރަށް ހިފާގެން މިއުޅެނި. ޔާމީނު މިނިވަން ކުރާށޭ ކިޔާފަވެސް ކުރާ މަސައްކަތެއް ނުފެނެ. ޖަމީލު ވެސް މާ އެކުޓިވް ކޮށް އުޅެނި ޔާމީނު ސަލާމަތް ކުރަށް..