ހުޅުމާލޭ މެޑިކަލް ފެސިލިޓީ: ވޭތުވެ ދިޔަ 24 ގަޑިއިރުގައި ކޮވިޑަށް ޕޮޒިޓިވްވެފައި ވަނީ 46 މީހުން -- ފޮޓޯ: ނިޝާން އަލީ/ މިހާރު
05 މެއި 2021 - 21:54
ރާއްޖެއަށް 200 އަށް ވުރެ ގިނަ ޑޮކްޓަރުން ހޯދަން ހެލްތު މިނިސްޓްރީން އިއުލާން ކޮށްފި އެވެ.
ޑޮކްޓަރުން ހޯދުމުގެ މަސައްކަތް ހެލްތު މިނިސްޓްރީން ހަވާލު ކޮށްފައި ވަނީ އިންޑިޔާގެ ރެކްރޫޓިން އެޖަންސީއެއް ކަމަށްވާ "ނޮރްކާ ރޫޓްސް" އާއެވެ.
އެ އެޖެންސީން ކުރި އިއުލާނެއްގައި ބުނެފައި ވަނީ ރާއްޖެއަށް ވަރަށް އަވަހަށް ޑޮކްޓަރުންނާއި ނަރުހުންނާއި އަދި ރޭޑިއޮގްރަފަރުންނާއި ފިޒިއޮތެރަޕިސްޓުން ބޭނުންވާ ކަމަށެވެ.
އެގޮތުން އެކި ދާއިރާތަކުގެ 110 ސްޕެޝަލިސްޓުންނާއި 100 މެޑިކަލް އޮފިސަރުން ހޯދަން ވަނީ އިއުލާން ކޮށްފަ އެވެ. އޭގެ އިތުރުން 150 ނަރުހުންނާއި 20 ޑެންޓިސްޓުންނާއި އަދި 10 ރޭޑިއޮގްރަފަރާއި 10 ފިޒިއޮތެރަޕިސްޓުން ހޯދަން ވަނީ އިއުލާން ކޮށްފަ އެވެ.
ސްޕެޝަލިސްޓް ޑޮކްޓަރުންގެ މުސާރައެއް ގޮތުގައި ކަނޑައަޅާފައި ވަނީ އެލަވަންސްތަކާ ނުލާ މަހަކު 45،319ރ. އެވެ. އަދި މެޑިކަލް އޮފިސަރުންނާއި ޑެންޓިސްޓުންނަށް 23،345ރ. ކަނޑައަޅާފައިވާ އިރު ނަރުހުންނަށް 14،417 ރ. ގެ މުސާރައެއް ދިނުމަށް ވަނީ ކަނޑައަޅާފަ އެވެ.
އެ މަގާމްތަކަށް ކުރިމަތިލުމަށް ބޭނުންވާ ޝަރުތުތަކުގެ ތެރޭގައި މަދުވެގެން ދެ އަހަރުގެ ތަޖުރިބާ އޮތުމާއި އުމުރުން 50 އަހަރުން ދަށްވުން ހިމެނެ އެވެ. އެކަމަށް ޝައުގުވެރިވާ ފަރާތްތަކުން މި މަހު 15 ގެ ކުރިން ހުށަހަޅަން ޖެހެ އެވެ. އަދި ވަރަށް އަވަހަށް އިންޓަވިއުތައް ފަށާނެ ކަމަށް އެ އިއުލާނުގައި ބުނެފައިވެ އެވެ.
ކޮވިޑް-19 ގެ ހާލަތު އާދަޔާ ހިލާފަށް ގޯސްވެ، ހޮސްޕިޓަލްތަކަށް ކެތް ނުވާ ވަރަށް ބަލި ބޮޑުވެފައިވާ އިންޑިޔާގެ އެޖަންސީއެއް މެދުވެރިކޮށް ސިއްހީ މާހިރުން ހޯދަން ހެލްތު މިނިސްޓްރީން ހުޅުވާލާފައިވާއިރު، އެ އެޖަންސީން ވަނީ އިންޑިޔާގެ ނޫސްތަކުގައި ވެސް އެ އިއުލާން އާންމު ކޮށްފަ އެވެ.
Copyright © 2024 Mihaaru · Terms and Conditions · Privacy Policy
ކޮމެންޓްތައް
ޙިނި
06 May 2021
ޑޮކްޓަރުން ތަމްރިނު ކުރަން ވީނު މިރާއްޖޭގަ. ކޮވިޑާއެކު ކިތައް އަހަރު ހެދަވާނެކަމެއް އަދިވެސް ނެންގޭ
މޔ ހިކި ސޮރު
06 May 2021
ޑޮކްޓަރުން ހޯދުމުގެ މަސައްކަތް ހެލްތު މިނިސްޓްރީން ހަވާލު ކޮށްފައި ވަނީ އިންޑިޔާ
ޑޮކްޓާރ. ބަނާނާ
06 May 2021
މިދިޔަ ސަރުކާރުގައި ވެސް އަދި މިސަރުކާރުގަވެސް ދިވެހިރާއްޖޭގެ ޑޮކުޓަރުން ފަދަ މުހިއްމު ދާއިރާ ތަކަށް އިންވެސްޓްކޮށް މީހުންބިނާ ކުރުމަށް އެއްވެސް މަސައްކަތެއް ކޮއްފަނުވޭ. ލޯންދެނީ ސިޔާސީ ބޭނުމަށް ނަމްބަރު އިތުރުކުރުމަށް . ދެން އިންޑިޔާގެ ލަވްލީ ޔުނިވާސިޓީ އަށް ޑޮކްޓަރުކަން ކިޔަވަން ކުދިންކޮޅެއް ފޮނުވާލާ. ފެއިމްޑް ސްޓޭޓް!
ކަނޑުކޮސް ސަރުކާރެއް
06 May 2021
ރިޔާސީ އިންތިޚާބު އޮތީ ކޮން އަހަރަކުތަ!
އަލިކޮއި
06 May 2021
ތި ޑޮކްޓަރުން ގެނެސް ތިބޭފުޅުންގެ ބޮލަށް ބޭސްކުރަންވީ..
ޕަބްލޯ
06 May 2021
ރާއްޖޭގައި މިހާރުވެސް މިއުޅެނީ ޑޮކްޓަރުން ގިނަވެގެން. ޑރ. މައުސޫމް، ޑރ. ޖަމީލް، ޑރ ވަހީދު ފަދަ ޑޮކްޓަރުން ގިނަވެގެން
ޖޯލީ
06 May 2021
އަނެއް ޑުރާ މާ ކަންނޭގެ. މީވެސް ފުލޯޓިން ހޮސްޕިޓަލާއި . ޥެންޓިލޭޓަރު ކަހަލަ ކަމެއް ނޫންބާ
އެދުރުކަލޭގެފާނު
06 May 2021
އަޅެ މީ ކޮންބަޔަކު އަނދޮޅުންނަށް ހައްދަވަން ފައްޔާޒުމެން ޖައްސަވާ ސަކަރާތެއް ތޯއެވެ؟ މިދަނޑިވަޅުގައި ޑޮކްޓަރުން ހޯއްދަވަން އިއުލާން ކުރުމަށްވުރެން ހަނދުގައި ފިޠުރު ކުރާނެ ބަޔަކު ހޯއްދަވަން އިއުލާން ޖެއްސެވިއަސް ރައްޔިތުން ގަބޫލުކޮށްފާނެއެވެ.
ފެއިލްޑް
06 May 2021
އާދައިގެ އެމްޑީޕީއާ ގުޅުމެއް ދިވެއްސަކަށް ވަޒީފާގަނޑެއް އަލަށް އުފައްދަންވީމަ އާއި އެފަދަ މީހަކަށް މުސާރަ ބޮޑުކުރަން ވީމަ ނުވަތަ އޯޓީ ދޭންވީމަ ސަރުކާރުގެ ފައިސާއެއް ނުހުރޭ ނަމަވެސް ސިޔާސި މަޤާމުތަކަށް މުސާރަ ބޮޑުކުރަންވީމަ އާއިބޮޑު މުސާރަ ލިބޭ މަޤާމުތައް ދިނުމަށާއި ޕާޓީ ކުދިންނަށް ޕްރޮމޯޝަން ދިނުމަށާއި, އެމްޑީޕީ މީހުންގެ ގާތް މީހުން ބަދަލު ދިނުމަށާއި ބިދޭސިންއަށް ބޮޑެތި މުސާރަ ދޭން ވީމަ ފައިސާ ހުރޭ. ކިހާ ތާހިރު! މި ނޫހުން ފެނުނު ހިލޭ ސާބަހަށް މަސައްކަތް ކުރާނެ ދިވެހި ޑަކްޓަރުންނާއި އެހެން ވެސް މީހުން ހޯދަން އިލްތިމާސްކޮށްފައި އޮތް ތަން.
އެމްސް
06 May 2021
މަޖިލިހާއި ސިޔާސީ ކަންކަމަށް ކުރާ ހޭދަ މަދުކޮށްފަ، އަހަރަކު 100 ކުދިން މެޑިސިންގ ހަދަން ފޮނުވުން މާ މުހިއްމު! މިގޮތުގަ 10 އަހަރު ވާއިރު މަދުވެގެން 500 ސްޕެޝަލިސްޓުން އުފެއްދޭނެ!
ކަކުނިބޯ
06 May 2021
ތިގޮތަށް ތިކަންކުރެވޭނީ މެޑިކަލް ބޯޑު އުވާލއިގެން ރާއްޖޭގައިީ ޑޮކްޓަރުން އުފެދުނަ ނުދޭންވެގެން އުޅޭބައެއްއެއީ އެދާއިރާތަރައްޤީކުރާބައެއްނޫން. ޢަދި ބައިނަލްއަޤްވާމީ ފެންވަރުގެ މެޑިސިން ފައުންޑޭޝަން 1އަހަރުގެ ޕްރޮގްރާމެއް ޤައުމީ ޔިނިވަރސިޓީއިން އުފައްދަންޖިހޭ އަދި މިޕްރޮގްރާމް ދުނިޔޭގައިމެޑިސިން ކޯސް އަގުހެޔޮޤައުމުތަކުގެ ޔިނިވަރސިޓީތކާ އެފިލިޢޭޓްވާންޖިހެ އެއީ ރަޝިޔާ، ޔޫކްރޭން، އުޒްބަކިސްތާން ޗައިނާ ފަދަ ޤައުމުތަކުގެ ޔުނިވަރސިޓީތަށް