ރައީސް އޮފީހުން ބޭއްވި ނޫސްވެރިންގެ ބައްދަލުވުމުގައި ރައީސް އިބްރާހީމްމުހައްމަދު ސޯލިހު ވާހަކަފުޅުދައްކަވަނީ. އެމަނިކުފާނު ވިދާޅުވީ އައްޑޫގައި އިންޑިއާގެ ކޮންސިއުލޭޓެއް އަޅަން އަދި ނުނިންމާ ކަަމަށް.
26 މެއި 2021 - 00:26
46 comments
އައްޑޫގައި އިންޑިއާގެ ކޮންސިއުލޭޓެއް ގާއިމުކުރަން އިންޑިއާ ސަރުކާރުން ނިންމި ނަމަވެސް އެކަމާ ބެހޭ ގޮތުން ދިވެހި ސަރުކާރުން އަދި އެއްވެސް ނިންމުމެއް ނިންމާފައި ނުވާ ކަމަށް ރައީސްް އިބްރާހީމް މުހައްމަދު ސޯލިހު މިރޭ ވިދާޅުވެއްޖެ އެވެ.
އިންޑިއާގެ ނޫސްތަކުން މިއަދު ބުނީ، ރާއްޖޭގައި ފުރަތަމަ ފަހަރަށް ކޮންސިއުލޭޓެއް ހުޅުވަން އިންޑިއާގެ ކެބިނެޓުން މިއަދު ރުހުން ދީފައިވާ ކަަމަށާއި އެ ކޮންސިއުލޭަޓް ހުޅުވާނީ އައްޑޫގައި ކަމަށެވެ.
އެކަމަކު، ރައީސް އޮފީހުގައި ބޭއްވި މީޑިއާ ބްރީފިންގައި ނޫސްވެރިއަކު ކުރި ސުވާލަަކަށް ޖަވާބު ދެއްވަމުން ރައީސް ވިދާޅުވީ، އައްޑޫގައި ކޮންސިއުލޭޓް އެޅުމަކީ އަދި ހަމައެކަނި އިންޑިއާގެ ނިންމުމެއް ކަމަށެވެ. ނަމަވެސް އެކަން ދިވެހި ސަރުކާރަށް އިންޑިއާ އިން އަދި ހުށަހަަޅާނެ ކަމަށް އެ މަނިކުފާނު ވިދާޅުވި އެވެ.
ރައީސް ވިދާޅުވިގޮތުގައި، ޑިޕްލޮމެޓިކް ގުޅުމުގެ ތެރެއިން އެއް ފަރާތުން އަނެއް ފަރާތަކަށް އެދޭ އެދުންތައް ފުރިހަމަކުރަން ދެއްކެވެން ޖެހޭ ވާހަކަތައް އެކަމުގައި ދެއްކެވޭނެ އެވެ.
"އަޅުގަނޑުމެން އަދި ޑިސިޝަނެއް އެއަކު ނުނަގަން. އެނގިވަޑައިގަންނަވާނެ އިންޑިއާ އާއި ރާއްޖެއާ ދޭތެރޭގައި އެބަ އޮތް ވަރަށް ގާތް ގުޅުމެއް. އަދި [އަވަށްޓެރި] އެހެން ގައުމުތަކާ އެކީގައި ވެސް އެބަހުރި،" ރައީސް ވިދާޅުވި އެވެ.
އިންޑިއާގެ ވެރިރަށް ނިއުދިއްލީގައި ރާއްޖޭގެ ހައިކޮމިޝަން ހުންނަ އިރު އެ ގައުމުގެ ދެކުނުގައިވާ ތުރިވަަނަންތަޕޫރަމްގައި ރާއްޖޭގެ ކޮންސިއުލޭޭޓެއް ހުންނަ ކަމަށް ކަމަށާއި އެހެންވީމާ އިންޑިއާގެ ނިންމުމާ ދޭތެރޭ ވިސްނަން ޖެހޭ ކަމަށް ވެސް ރައީސް ވިދާޅުވި އެވެ.
އިންޑިއާގެ ނޫސްތަކުން އެ ގައުމުގެ ސަރުކާރާ ހަވާލާދީ ބުނީ އައްޑޫގައި ކޮންސިއުލޭޓެއް ހުޅުވަން ނިންމީ އެގައުމުން ގެންގުޅޭ އަަވަށްޓެރިންނަށް އިސްކަންދިނުމުގެ ސިޔާސަތުގެ ދަށުން ކަމަށެވެ. އެ ސިޔާސަތުގެ ދަށުން އިންޑިއާގެ ޑިޕްލޮމެޓިކް މަސަައްކަތްތައް އަވަށްޓެރި ގައުމުތަކުގައި ފުޅާކުރަން މަސައްކަތްކުރަމުން އަންނަ ކަމަށް ވެސް ބުންޏެވެ. އަދި އެއީ އިންޑިއާގެ ކުންފުނިތަކަށް ރާއްޖޭގެ މާކެޓް ހުޅުވި އެކްސްޕޯޓް އިތުރުވާނެ ކަމެއް ކަމަށް އިންޑިއާ ސަރުކާރާ ހަވާލާދީ ނޫސްތަކުން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހެލާ
26 May 2021
ހާދާ ފިނޑި އުރައްޕެއްނެތް ދަށުދަރަޖާގެ މީހަކާ ގައުމުގެ ހުންގާނު ހަވާލު ކޮއްފަ މިހިރީ މިކަމުގެ ފުރިހަމަ ޒިންމާ ނަގަން ޖެހޭނެ ގާސިމް އިބުރާހީމް ރައީސް މައުމޫން އަދާލަތު ޕާޓީން
ވައްޑަ
26 May 2021
250ކޭ ޑޮލަރު ބެހެއްޓީމާ އަންލިމިޓަޑް ވިސާ ލިބޭ ގަވާއިދު ހެދުން ވެސް މީ މި ރޭވުމުގެ ތެރެއިން ހިނގި ކަމެއް. އަދި އޮތީ ކުރިއަށް
ކަނބޮ
26 May 2021
ކަންބޮޑުވޭބަ ވަރަށް. ދިވެހިން ގޮތެއް ނުނިންމަނީސް، އަދި ނޭގި ތިއްބާ އެހެން ޤައުމެއްގެ ބަޔަކު މި ޤައުމާ ބެހޭ ކަމެއް ނިންމީމަ. ދެން ރައީސަށް ނޫނެކޭ ބުނެވޭނެތަ، އެމީހުން ތިކަމަށް އެދޭނަމަ؟
ކުކީ
26 May 2021
އެ ނިންމުން ނިންމުމުގެ ހުއްދަ ނުވަތަ މިނިވަންކަން ރާއްޖެއަށް އޮވޭތަ؟ މިހާރު މިގައުމާ އިންޑިއާއާ ދެމެދު އޮންނާނީ އެޅިހާ ބަތަކަށް ރިހައިގެ ޕޮލިސީ.
ސަންދާނު މޮޔަ ލުތުފީ
26 May 2021
"ރާއްޖެ މިވަނީ މީންޒަމާނަކު ނުވާވަރައް އިންޑިޔާގެ އަޅުވެތިވެ ގޮތްހުސްވެފަ" އިންޑިޔާގެ ސަރުކާރުގެ ވެރިންނައް ނޭނގެނީބާ ރާއްޖެ މިއަދު މިދެކޭ ތަރައްގީގެ ބޮޑު ހިއްސާއެއް އޮތީ ބަނގުލަދޭޝް ރައްޔަތުންގެ ފަރާތުންކަން" ދިވެހި ސަރުކާރުގެ ގާބިލްކަމާ ފުދުންތެރިކަން އެބަހުރި ހުރިހާ އަތޮޅަކައްވެސް ހިދުމައްދެވެން ނުޖެހޭ ކޮންމެ ރަށަކައް އިންޑިޔާގެ ކޮންސިއުލޭޓެއް ހުޅުވަން ހުއްދަދޭން ދިވެހި ސަރުކާރުން މިކަމައް ހުއްދަދީފިނަމަ މުސްތަގުބަލުގަ ކަރުން ހިތިރަހަލާނެ
ވާނުވާގައި
26 May 2021
އެއްވެސް ހާލެއްގައި އެއްވެސް ތަނެއްގައި އިންޑިޔާގެ ބަޔަކު ތިބެން ހުއްދަ ދީގެން ނުވާނެ. އެކަމުގެ ހިތި ކުރިޔަށް އޮތް އިންތިޚާބުތަކުގައި ފެންނާނެ. އަދި މުސްތަޤުބަލުގައި މުޅި ދިވެހިރާއްޖެއަށްވެސް ފެންނާނެ. ވޯރާވިޔަފާރިވެރިންގެ ތަޖުރިބާ ދިވެހިން ތިބީ ކޮށްފައި. މާޒީ އަލުން އިއާދަވާން ތިއުޅެނީ.
ޕޮކަންޑީ
26 May 2021
ކަލޭ ނުނިންމިޔަސް މައި ސަރުކާރުން އެއޮތީ ނިންމާފައެއްނު. ދެން ކަލެއަށް ކޮން ކަމެއް ކުރެވޭނީ
އ.އަލީ
26 May 2021
ކޮންސިއުލޭޓް މަނަޔަކީ ކޮބައިތޯ؟ އިންޑިޔާގެ ރައްޔަތުން އައްޑޫގައި ކޮންސިއުލޭޓެއް ހުޅުވާވަރަށް ގިނައީތޯ ނުވަތަ ކޮންސިއުލޭޓެއް ނެތި މަސައްކަތް ކުރަން ދަތިވާވަރަށް މަސައްކަތް އޮތީތޯ؟
ވާގޮތް
26 May 2021
ކުރިއަށް އޮތްތަނުގައި މިގައުމުގެ އެންމެ ދެކުނު އަދި އިންޑިއާ ކަނޑުގެ އެންމެ ދެކުނު ޕޮއިންޓް ބަލަހައްޓާނީ މިގައުމުގެ ހެޔޮއެދުންތަކާއެކު އިންޑިއާގެ އަސްކަރިއްޔާއިން. އައްޑޫއަށް އަންނަން އޮތް، ނަމުގަ އިންޑިއާގެ އެހެން ކަންކަމާބެހޭ "ޓެކްނިކަލް" މީހުންނާ އެމީހުންގެ އާއިލާތައް މިގައުމަށް އަބަދު އައިސްގޮސްވާއިރު ބޭނުންވާނެ ކޮންސިއުލޭޓެއް ކަހަލަ ތަނެއް ހުންނަން.
ވިސްނަމާދޯ
26 May 2021
ހަނިމާދޫ މެދުރާއްޖެތެރެ އައްޑޫގަ އިންޑިއާގެ މަރުކަޒަކާ ކޮންސޮއުލޭޓް. ރާއްޖޭގެ އުތުރުން ލަކްޝަދީޕްގަ މިނިކޮއި(މަލިކު)ކައިރީގަ ނޭވަލްބޭސްއެއް. ދެކުނުން އިނގިރޭންސީންގެ އިސްތިއުމާރު ފޯޅަވަހީގަ އެމެރިކާގެ މަރުކަޒެއް. މިދެގައުމުން ނިއުކިލިއަރހަތިޔާރު ގެންގުޅޭ. ޕެސިފިކްކަނޑުގަ އޮންނަ މާޝަލް އައިލެންޑް އަތޮޅެއްގަ އެމެރިކާއިން 1946-1956އާދެމެދު ނިއުކްލިއަރ ޓެސްޓްތަކެއް ކުރި. އޭގަސަބަބުން ކައިރި އަތޮޅުތަކުގެ ރައްޔިތުންނަށްވީ ގެެެއްލުން....ދިވެހިން ވިސްނާ
އަޙްމަދު ރަފީޤް
26 May 2021
އައްޑޫއަކީ މިހާރުވެސް، މާލެ ނާސް ސީދާ އިންޑިއާއަށް ދަތުރު ކުރެވޭ ސިޓީ އަކަށްވެފައި، އިންޑިއަން އެމްބަސީ ހުންނަނީ މާލޭގައި ކަމަށް ވާތީވެ، މާލޭ އެމްބަސީ އިން ހޯދަންޖެހޭ ޚިދުމަތް އައްޑޫ ކޮންސިއުލޭޓުން ލިބިގެންދާގޮތަށް އައްޑޫގައި ޚިދުމަތެއް އިންޑިއާއިން ދޭން ފެށުމަކީ އިންޑިއާއިން ރާއްޖެ އަޅުވެތި ކުރުން ނުވަތަ އަތްގަދަ ކުރުން ކަމަށް ދައްކާ ވާހަކަތަކަކީ ސިޔާސީ ވާހަކަތަކެއް.
ރޯޒަސް
27 May 2021
ނޫން. އެއީ ގައުމީވާހަކައެއް. ރަފީގަށް ނޭންގުނަސް އައްޑޫގައި އެކިގޮތްގޮތުން އަތްގަދަކުރުމަށް އިންޑިއާއިން މަސައްކަރްކުރާތާ އެތައްއަހަރެއް. އެމީހުން އަތްގަދަކުރުމަށްފަހި އެމީހުންގެ ކިބައިން ސަލާމަތްވުމަކީ ފަސޭހަކަމެއްނޫން. އެދުވަހަކުން ރަފީގަށްވެސް ވިސްނޭނެ. އަހަރުމެން ކުރާ ހުރިހާ ކަމަކަށް އެމީހުން އަތްބާނާ، އައްޑޫއަށް ދެން އެހެން ގައުމުތަކުގެ އިންވެސްޓަރުން އައުން ޑިސްކަރޭޖްކޮށް އައްޑޫގެ ތަރައްގީއަށް ގޮތްކިޔާ ހިސާބައް ގެންދާނެ. ނޭޅުން ބުއްދިވެރި