ކޯޓަށް ހާޒިރުކުރުމަށް ފަހު އަޝްމަލީ، ލަންކާގެ ފުލުހުންގެ ބެލުމުގެ ދަށުން ގެންދަނީ-- ފޮޓޯ: އޭއެފްޕީ
06 ޖުލައި 2021 - 01:16
21 comments
ސްރީ ލަންކާގައި އުމުރުން 15 އަހަރުގެ ކުއްޖަކު ލައްވައި ހަށިވިއްކުވުމާއި އެ ކުއްޖާގެ ބޭނުން ނަހަމަ ގޮތުގައި ހިފި މައްސަލާގައި ހައްޔަރުކޮށްފައިވާ މީހުންގެ ތެރޭގައި ހިމެނޭ ދިރާގުގެ ކުރީގެ ޗެއާމަން އަދި ފިނޭންސް މިނިސްޓްރީގެ ކުރީގެ ސްޓޭޓް މިނިސްޓަރު މުހައްމަދު އަޝްމަލީ އަށް ކުރާ ތުހުމަތަށް ކޯޓުގައި އިންކާރުކޮށްފި އެވެ.
މި މަހު ކުރީކޮޅު ފަޅާއެރި މި މައްސަލާގައި އެތައް ބަޔަކު ހައްޔަރުކޮށްފައި ވާއިރު އަޝްމަލީ ހިމެނެނީ އާދީއްތަ ދުވަހު ހައްޔަރުކުރި ހަތަރު މީހުން ތެރޭގަ އެވެ. އެ މީހުން ހޯމަ ދުވަހު ވަނީ ބަންދުގެ މުއްދަތު އިތުރުކުރަން ކޮލަމްބޯގެ ކޯޓަކަށް ހާޒިރުކޮށްފަ އެވެ.
އޭއެފްޕީން ބުނި ގޮތުގައި އަޝްމަލީ މި މަހުގެ 16 ވަނަ ދުވަހާ ހަމަޔަށް ބަންދުގައި ބަހައްޓަން ކޯޓުން އަމުރުކޮށްފައި ވާއިރު އޭނާގެ ފަރާތުން ވަކީލު ވިދާޅުވީ އަޝްމަލީގެ ނިޔަތަކީ ކުޑަކުއްޖެއްގެ ފަރާތުން ޖިންސީ ނަހަމަ އަމަލެއް ހިންގުން ނޫން ކަމަށެވެ.
ވަކީލް ވިދާޅުވީ އަޝްމަލީ އޮންލައިންކޮށް ފައިސާ ދައްކައި ބުކިން ހެއްދީ ވެބްސައިޓަކުން އިސްތިހާރެއް ފެނިގެން "އޮއިލް މަސާޖެއް ކުރަން" ކަމަށެވެ. އަދި ބުކިން ހެއްދިއިރު އެއީ ކުޑަ ކުއްޖެއްކަން ނޭނގޭ ކަމަށް ވެސް ވިދާޅުވި އެވެ.
ލަންކާ ފުލުހުންގެ ޑެޕިއުޓީ އިންސްޕެކްޓަ ޖެނެރަލް އަޖިތު ރޮހާނާ ވިދާޅުވީ ޖިންސީ ނަހަމަ ގުޅުމަކަށް ކުޑަކުއްޖަކު ބޭނުންކުރި މައްސަލާގައި ހައްޔަރުކޮށްފައިވާ 32 މީހުންގެ ތެރެއިން 22 މީހަކު ކުޑަކުއްޖާއާ ގުޅުން ހިންގާފައިވާ ކަމަށް ބެލެވޭ ކަމަށެވެ.
ލަންކާގެ ގާނޫނުތައް ބުނާ ގޮތުން އުމުރުން 18 އަހަރު ނުވާ ކުއްޖަކާ ޖިންސީ ގުޅުން ހިންގައިފި ނަމަ އެއީ ރޭޕްކުރުމެވެ. ކުށުގެ އެންމެ ބޮޑު އަދަބަކީ 20 އަހަރަށް ޖަލަށްލުމެވެ.
ނަމަވެސް ހައްޔަރުކޮށްފައިވާ މީހުންނަށް އަދި ވަކި ދައުވާއެއް ނުކުރެ އެވެ.
ކުޑަކުއްޖާ ޖިންސީ ބޭނުމަށް އެކި މީހުންނަށް ވިއްކަމުން ގެންދާތާ ތިން މަސް ދުވަސް ވެއްޖެ ކަމަށް ލަންކާ ފުލުހުން ވަނީ ބުނެފަ އެވެ. މިކަން ކޮށްފައި ވަނީ އެކަމަށް ވެބްސައިޓްތަކެއް ހަދައިގެންނާއި ސޯޝަލް މީޑިއާ ޕްލެޓްފޯމްތައް މެދުވެރިކޮށް އިޝްތިހާރުކޮށްގެންނެވެ.
ކުށުގެ ތުހުމަތަށް ހައްޔަރުކޮށްފައިވާ މީހުންގެ ތެރޭގައި ކުއްޖާގެ މަންމަ ހިމެނެ އެވެ. އަދި ލަންކާގެ ވިޔަފާރިވެރިންނާއި ފާދިރީއަކާއި ސިޔާސީ މީހަކު ވެސް ހިމެނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މާހިރު
07 July 2021
ލަންކާއަށްގޮސް ޢާއްމުކޮށް ދިވެހިން ތިގޮތްގޮތަށް އުޅޭވާހަކަ ތުންތުންމަތިން އަޑުއިވެއެވެ. ތިކަންތައް މާބޮޑުކަމަކަށްތިވީ ފުލުހުން ގިނަބަޔަކު ހައްޔަރުކޮށް މީޑިއާގެ ސަމާލުކަމަށް ތިކަން އައުމުންކަމަށް ފެނެއެވެ.
އާދަނު2
07 July 2021
ކޮބައިތޯ އެއްކަލަ 112 ޢިލްމުވެރިންގެބަހެއް މިކަމުގައިނެތްތޯ؟!
އަރުތަ
06 July 2021
އަޝްމަލީގެ ބަހަށް ބުރަވެ ތިޔަ މައްސަލަ ނިންމާނަމަ، މިމައްސަލައާ ގުޅިގެން ދެން ހައްޔަރުކުރި ހުރިހާ މީހުންވެސް ތިޔަ ކުއްޖާގެ ބޭނުންކޮށްފަ ތިވާނީ އަޝްމަލީ އެބުނާ ބީދާއިންކަމަށް ނުވެދާނެބާ!
ޗީޑި
06 July 2021
ކީކޭ ބުނާނީ އެސޮރައް ނޭގުންބާ އެ ކުއްޖާއަކީ ހިލޭ އަންހެނެއް ކަމެއްވެސް! އުޅޭ ވައްތަރުދޯ! ލަދެއްވެސް ނުގަނޭ! މާދަމާ ހުންނާނެކަންނޭގެ ކޮންމެވެސް ޕޯޑިއަމްއަކަށ އަރައި އަނގަފުޅާ ކޮއްގެން!
ނިކަމެތިރައްޔިތުމީހާ
06 July 2021
ކާށި ތެޔޮ މަސާޖެއްތަ؟
ބާރަރު
06 July 2021
ބާރު އޮތުމުން މީހުންނަށް ބިރު ދައްކައި ހިތުހުރި ގޮތަކަށް އުޅުނީއެވެ. ﷲ ގެ ހިއްޕެވުން އެއައީ ހީވެސް ނުކުރާނެފަދަ ގޮތަކަށެވެ. މިއިންވެސް ޢިބުރަތް ލިބިގަނެ ރައްޔިތުން ކިބައިން މަޢާފަށް އެދި ތައުބާވެ ކުރިއަށް އޮތްތަނުގައި ހެޔޮ ޞާލިޙު ޢަމަލުތައް ކުރުންމަތީ ދެމިހުރެވޭތޯ ގަދައަޅާ މަސައްކަތްކުރުމަށް މި އަޚާއަށް ނަޞޭޙަތްތެރިވަމެވެ. މާތް ﷲ އީ ގިނަގިނައިން ތައުބާ ޤަބޫލުކުރައްވާ ރަސްކަލާނގެއެވެ.
ހަގީ
06 July 2021
ތިހިރީ ރީއްޗަށް ފަޟީޙަތްވެފަ. ދެންކޮން ބަހަނާއެއް! މިވަރުމީހުން މަތިފަޑިޔަށް ލައިގެންުއުޅޭނީ ކޮހުން.
ޢާލިމް
06 July 2021
މަތި ފަޑީގަ މިހާރު ތިބި މީހުންގެ ފަތިފުށްވެސް ބަލާބަަލަ. އޭރުން ވަރަށް ރީތި ކޮށް އެނގޭނެ ކިތަށް މީހުންތޯ އަގު ދީގެން އަންހެނުން ގެންނަނީ
ކުއްވެރިޔާ
06 July 2021
ކިތައްމީހުންބާ ދިވެހިންގެ ތެރެއިން ބެންކޮކްތަންތަނުގައި މަސާޖްކުރަނީ. މިކަހަލަ ސެންސޭޝަނަލް ޚަބަރުތަކުގެ ސަބަބުން ހަގީގަތުގައި އަޝްމަލީވިޔަސް އަދި އެހެންމީހެއްވިޔަސް އެމީހެއްގެ ދުވަސްދާނެ. އަޝްމަލީއަށް ތިކަމެއް ސާބިތިވިޔަސް ނުވިޔަސް މިހާރު އޭނާއަކީ ކުއްވެރިއެއް. ޕަބްލިކް އޮޕީނިއަންގައި މިހާރު އޭނާކުއްވެރިވީ. ކޮންމެހެން ދެން ހުކުނެއް މުހިންމެްްނޫން.
ހށނ
06 July 2021
މިއީ މީސްމީޑިއާގެ ޒަމާން. ކޮންމެމީހަ ކުވެސް ބަސްބުނާނީ އެމީހެއްގެ މިޒާޖާއެއްގޮތަށް. އެ ކަންދަނެގެން އުޅުންބައްޓަން ކުރީމަ އަސަރުކުރާ މިންވަރު ކުޑަވާނެ.
އަރުތަ
06 July 2021
ޢާލިމްއަށް އެނގޭތަ، އަގުދީގެން ފައިސާދީގެން ހޯދާ އަންހެނުންނަކީ އެއީ ހިލޭ އަންހެނުން ނޫންކަމަށް ކުރީގެ ރައީސަކުބުނިކަން، އަދިވައްކަމާ ކޮރަޕްޝަނަކީވެސް އެއީ އިންސާނީ ތަބީޢީ ކަމެއްކަމަށް އެރައީސްމީހާ ބުނިކަން ހަނދާން އެބަހުރިތަ.
ރަދީފްއޮފިޝިއަލް
06 July 2021
''ލަންކާގެ ގާނޫނުތައް ބުނާ ގޮތުން އުމުރުން 18 އަހަރު ނުވާ ކުއްޖަކާ ޖިންސީ ގުޅުން ހިންގައިފި ނަމަ އެއީ ރޭޕްކުރުމެވެ. ކުށުގެ އެންމެ ބޮޑު އަދަބަކީ 20 އަހަރަށް ޖަލަށްލުމެވެ.'' ލަންކާގަ ވަޞުއީ ގާނޫނު ވެސް އެބަ ތަންފީޒުވޭ.މަމެންގެ ގައުމުގަ އެއްވެސް ގާނޫނެއް ތަންފީޒުނުވޭ.ބާ ސައިކަލްގަ ބާ ގަމީސް ލައިގެންދާ ނިކަމެތި ރައްޔަތުމީހާ އޮބަހައްޓަން ވަރަށް ވަރުދައްކާނެ މި ގައުމުގަ.
ޕުލީޒް
06 July 2021
ތިޔޮތީވާ ބާ ސައިކަލަކާ ބާ ގަމީހެއްލިބިފަ. އެވާހަކަ ގޮވާ ނޭވަޔަކު ދެފަހަރު.
ާަސުޢައިދު
06 July 2021
ކަން އޮތީ ތިގޮތަށް ހަމަ. ހިތާމައަ ކީ ރައްޔިތުން ﷲ ގެ ޝަރީޢަތް ޤާއިމް ނު ކުރާ ކަން އެނގިތިބެމެ ޑިމޮ ކްރެޓްސްތައް ވޯޓް ލައިގެން ހޮވާ ކަން
އެމްސް
06 July 2021
ލަންކާގެ ކޯޓްތައް އުޅޭނީ ރާއްޖޭގެ ކޯޓްތަކަށްވުރެ ހާސްގުނަ ކުރީގަ! ރާއްޖޭގަ، ޑޮކިއުމަންޓަށް އެޅެނީ ކޮފީތާ، އެތަނުގަ ޑޮކިއުމަންޓްތައް ބަދަލުވެސް ވެދާނެ! ކޯޓްއޭރިއާ ސިފަވާނީ، މާލޭގަ ޓީޖެޓީއަށް/ދޯންޏަކަށް އެއްޗެއްލާން/ބަލާ ގޮސް އުޅޭ އިރު، ބިދޭސީންގެ ކިބައިން އެފެންނަ މަންޒަރުތައް! މަޢުލޫމޭތެއްވެސް ލިބޭނީ ކުރިއަށް ފައިސާދީގެން! ނޫނީ އިދާރީ މުވައްޒަފުން ހިރިވެސް ނުލާނެ! އޮފްކޮށް އޮންނަ މޮބައިލްފޯނެއްވެސް ސަރަޙައްދަށް ނުވެއްދޭނެ! ކަމެއް ފަޅާއަރާފާނެތާ!