ރައީސާއި އެމްޑީޕީގެ އިސް ބޭފުޅުން ތިއްބަވާ ވަޓްސްއެޕް ގުރޫޕަށް ނަޝީދު ފޮނުއްވި މެސެޖުގައި ވިދާޅުވީ ސިޔާސީ ގޮތުން ހިޔާލު ތަފާތު ނަމަވެސް ޒާތީ ކަންކަމުގައި ދެ ބޭފުޅުން އަބަދުވެސް އުޅުއްވާނީ އެކީގައި ކަމަށް.
އެމްޑީޕީގެ ޖަލްސާގައި ރައީސް އިބްރާހިމް މުހައްމަދު ސޯލިހާއި މަޖިލީހުގެ ރައީސް މުހައްމަދު ނަޝީދު ބައިވެރިވެވަޑައިގަންނަވަނީ. --ފޮޓޯ: ނިޝާން އަލީ/މިހާރު
12 ޖުލައި 2021 - 17:20
100 comments
އެންމެ ގާތް އެކުވެރިޔާ ރައީސް އިބްރާހިމް މުހައްމަދު ސޯލިހާއެކު ފިކުރީ ގޮތުން ހިޔާލު ތަފާތުވެފައިވާތީ، އެ މަނިކުފާނާއެކު އޮތް ސިޔާސީ ގުޅުން ކަނޑާލެއްވިކަން ކުރީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދު މިއަދު އިއުލާން ކުރައްވައިފި އެވެ.
ބޮމުގެ ހަމަލާގައި ލިބުނު ޒަހަމްތަކަށް އިތުރު ފަރުވާ ހޯއްދެވުމަށް އިނގިރޭސި ވިލާތުގައި މިހާރު ހުންނެވި އެމްޑީޕީގެ ރައީސް ނަޝީދު އެ ޕާޓީގެ ގައުމީ މަޖިލީހާއި ޕާޓީގެ ލީޑަރުން ތިއްބަވާ ވަޓްސްއެޕް ގްރޫޕްތަކަށް ފޮނުއްވި މެސެޖެއްގަައި ވިދާޅުވީ، "...ދެން ރައީސުލްޖުމްހޫރިއްޔާއާ އެކީ ސިޔާސީ ގޮތުން ހުރެވޭކަށް ނެތް" ކަމަށެވެ.
މި މެސެޖުގައި ނަޝީދު ވިދާޅުވި، އެންމެ މުހިންމު އެއް ވާހަކަފުޅަކީ ކުރީގެ ރައީސް އަބްދުﷲ ޔާމީނާއި އިދިކޮޅު ޕީޕީއެމްގެ އެހީތެރިކަން ހޯއްދަވަން ޖެހިއްޖެ ނަމަ އެކަން ކުރައްވާނެ ކަމެވެ.
"ރައީސް ޔާމީނާއި ޕީޕީއެމް އިން މެދުމިނުގެ ދީނީ ސިޔާސަތަށް ތާއީދު ކުރާ ނަމަ އަޅުގަނޑު އެ ބޭފުޅުންގެ އެހީއަށް އެދޭނަން،" ނަޝީދު ވިދާޅުވި އެވެ.
ރައީސް އިބްރާހިމް މުހައްމަދު ސޯލިހާއެކު އޮތް ސިޔާސީ ގުޅުން ކަނޑާލިކަން ނަޝީދު އިއުލާން ކުރެއްވިއިރު، އެ ދެ ބޭފުޅުން އެކި މައްސަލަތަކުގައި ހިޔާލު ތަފާތުވުން އުޅޭތާ ކިތަންމެ ދުވަހެކެވެ. ހާއްސަކޮށް ނަޝީދު އަވަހާރަކޮށްލަން ދިން ޓެރަރިސްޓް ހަމަލާގެ ތަހުގީގު ކުރިއަށް ގެންދާ ގޮތާ މެދު ހިތްޕުޅު ހަމަޖެހިވަޑައިނުގެން ނަޝީދު ވަނީ ފަހަކަށް އައިސް ވާހަކަފުޅު ދައްކަވައިފަ އެވެ.
ރައީސް އިބްރާހިމް މުހައްމަދު ސޯލިހާއި ނަޝީދާ ދެމެދު އުފެދިފައިވާ ހިޔާުލު ތަފާތުވުންތަކުގެ ނަތީޖާއަކީ މިހާރު އެމްޑީޕީ ދެބައިވެ ދެ ފެކްޝަނެއްގެ ގޮތުގައި މަސައްކަތް ކުރަން ފެށުމެވެ. ޕާޓީގެ ތެރޭގައި ދެ ފެކްޝަން އޮތްކަން މިހާރު އެންމެ ފަސޭހައިން ފެންނަ އެއް މާލަމަކީ ރައްޔިތުންގެ މަޖިލީހެވެ.
ރައީސް ޔާމީނާއި ޕީޕީއެމް އިން މެދުމިނުގެ ދީނީ ސިޔާސަތަށް ތާއީދު ކުރާ ނަމަ އަޅުގަނޑު އެ ބޭފުޅުންގެ އެހީއަށް އެދޭނަން،"--- ނަޝީދު
ރައީސާއި އެމްޑީޕީގެ އިސް ބޭފުޅުން ތިއްބަވާ ވަޓްސްއެޕް ގުރޫޕަށް ނަޝީދު ފޮނުއްވި މެސެޖުގައި ވިދާޅުވީ، ސިޔާސީ ގޮތުން ރައީސާ ހިޔާލު ތަފާތު ނަމަވެސް ޒާތީ ކަންކަމުގައި އަބަދުވެސް އުޅުއްވާނީ އެކީގައި ކަމަށެވެ.
"އަޅުގަނޑުގެ ދަރިންގެ އިބޫދޮންބެއޭ އެއީ،" ރައީސް އިބްރާހިމް މުހައްމަދު ސޯލިހާއި ނަޝީދާ ދެބޭފުޅުންގެ އޮތް އާއިލީ ގާތްކަމަށް އިޝާރާތް ކުރައްވަމުން ނަޝީދު ވިދާޅުވި އެވެ.
އެ މަނިކުފާނު ވިދާޅުވީ، ރައީސް އިބްރާހިމް މުހައްމަދު ސޯލިހާ "މައްސަލައެއް ޖެހިގެން" ނޫޅުއްވާ ކަމަށާއި "ނުވެސް ޖެހޭނެ" ކަމަށެވެ.
"އެކަމަކު އަޅުގަނޑާއި ރައީސުލްޖުމްހޫރިއްޔާއާ މިހާރު ފިކުރީ ގޮތުން ހިޔާލު ތަފާތު،" ނަޝީދު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަސަނު1
14 July 2021
ވެރިކަމާއި ހެދި ބޫތު ކައިފައި ހުރިވަރުން އަނބިމީހާ ގެއްލި، ރަށްޓެހިންގެއްލި، ސަޕޯޓަރުން ގެއްލި، ސިއްހަތުވެސް ގޯސްވެގެން ތިދަނީ.... އިޒް އިޓް ވޯތް އިޓް؟
ރޯޒަސް
13 July 2021
އިލެކްޝަން ކައިރިވާ ވަރަކަށް އަންނި ވެރިކަމަށް އަންނަން ހިފާނެކަމީ ދުވާލާ ރޭގަނޑުހެން އިނގޭ ކަމެއް. އިބޫއެއް ނޫން ކެނެރީ އަބްދުއްސައްތާރު ރައީސަކަށް ހުއްޓަސް އޭނަ އެކަން ކުރީސް.
ރުޝްދީ
13 July 2021
ޔާމީނަކީ ވަރައް ވަރައް ވަޠަނީ މީހެއްކަން އެނޭ ރައީސްއެއްގެ މަގާމު 5 އަހަރު ފުރުމައް ފަހު ވަޠަނީވީމަތާ ޖަލުގައި އުޅުއްވާނީ
އެއްފުޅަށް
13 July 2021
މައުމޫނާ އެކުވުމަކީ އެއް ފުޅަށް މަތިން ފުންމާލުން. ދެން ޔާމީނާ އެކުވުމަކީ އަނެއް ފުޅަށް މަތިން ފުންމާލުން. "ސިޔާސީ" މި ބަސް ހެދި މީހަކަށް އެ ހެދުނީ ފުރަތަމަ ދެ އަކުރާ ފަހު އަކުރު ދުރުކޮށްލީމަ މާނަ އެ ނިކުންނަ ގޮތާ ސިޔާސީ ކަންކަމުގަ ހިނގާ ކަންކަން ވަރަށް އެއްގޮތްވާ ގޮތަކަށް.
ހަޔާތުން
13 July 2021
ވެރިކަމުގެ މައްސަލާގަ އިބޫއާ އަންނި ރުޅިވުން އެއީ ކޮންމެވެސް ހިސާބަކުން ވުމުގެ ފުރުސަތު އޮތް ކަމެއް. އެކަމު ޔާމީނާ ގުޅެންވެގެން އިބޫ ކަޓުވާލުން އެއީ ސަޕްރައިޒެއް. އެކުގަ ހުރި ބިޓު ޖެލަސްކޮށްލުވައިގެން ބޭނުންވާ ކަމެއް ކުރުވަންވެގެން އެހެން ބިޓަކާ ގުޅެން އިންޓްރެސްޓް އޮތް ކަމަށް ދެއްކުން އެއީ ބޭނުންކުރާ އުކުޅެއްކަމަށް އަޑުއަހަން.
އަންތަރީސް999
13 July 2021
އެމްޑީޕީ ގެ އެންމެ އިސްވެރިޔާއާ ސަރުކާރަށް ތާއީދުނުކޮށް ޔާމީން ފަހަތަށް އަރާ ހިސާބުން މެމްބަރުގެ އިތުބާރުގެ މައްސަލަ ބަލާ ފިޔަވަޅު އަޅަން ޖެހޭ.
ވަލުތެރޭން
13 July 2021
އެއްވެސް މީހަކައް އެއްވެސް މީހަކާއެއްކޮއް ހުންނާކައް އުޅޭކައް ފަސޭހައެއްނުވާނެ އަނެކާގެ ހުރި ގޯސްކަންތައްތައް ގޯސް ސިފަތައް އަނެކާގެ ފަރާތުން ލިބުނު ދުއްތުރާތައް އެނގުނުކަމައް ފާހަގަވާކަމައް ހަދައިފިއްޔާާ. އެހެންވީމަ ދުނިޔެގައުޅެން ތަންކޮޅެއް ފަސޭހަވާނެ ގަމާރަކައް ހެދިގެން އުޅުނިއްޔާ.
ޚެނެރީ
13 July 2021
މީ އަމިއްލަ އެދުމައިގެން އުޅޭ މީހުން..
ޕޮންޕޮން
13 July 2021
އަންނިގެ ސިޔާސީ ކެރިއަރުގެ ނިމުން ވަރަށް ގާތް ވެއްޖެ ކަމުގެ ސިގްނަލެއް ޔާމިނަ ޑީލު ހެދުން... ވަރަށް ޑެސްޕުރެޓް ވެއްޖެ ކަމުގެ ސިގްނަލެއް މި ފެންނަނީ.
ޏަސީދާ
13 July 2021
މަޖްލިސް ރައީސް އަކީ ސިޔާސީ މީހެއް ވީމާ އޯކޭއެއްނޫން ?