04 އޮކްޓޯބަރ 2021 - 17:30
23 comments
ހއ. ފިއްލަދުއާ އެއް ފަޅެއްގެ ތެރޭގައި އޮންނަ ދައްޕަރު، އެ ރަށުގެ އިހުތިސާސްގެ ތެރޭގައި އަނެއްކާ ވެސް ހިމަނަން ރައީސް އިބްރާހިމް މުހައްމަދު ސޯލިހު މިއަދު ނިންމަވައިފި އެވެ.
އެ މަނިކުފާނުގެ މި ނިންމެވުން މި އައީ ދައްޕަރު އަނބުރާ ފިއްލަދޫގެ އިހުތިސާސްގެ ތެރޭގައި ހިމެނުމަށް ފިއްލަދޫގެ ކައުންސިލާއި ރައްޔިތުން ގުޅިގެން 450 މީހުންގެ ސޮޔާ އެކު ރައީސް އޮފީހާއި ރައްޔިތުންގެ މަޖިލީހަށް ޕެޓިޝަނެއް ހުށަހަޅާފައި ވަނިކޮށެވެ.
ރައީސް އޮފީހުގެ ތަރުޖަމާން މަބްރޫކް އަޒީޒް ކުރެއްވި ޓުވީޓެއްގައި ވިދާޅުވީ، ދައްޕަރުގެ މައްސަލައާ ގުޅޭ ގޮތުން ފިއްލަދޫ ކައުންސިލާ މަޝްވަރާތައް ކުރިއަށް ގެންގޮސް އަދި އިކޮނޮމިކް ކައުންސިލްގައި ވެސް މިކަމާ ގުޅޭ ގޮތުން މިއަދު މަޝްވަރާ ކުރެއްވި ކަމަށެވެ. އެ މަޝްވަރާތަކަށް ފަހު ރައީސް ނިންމެވީ ދައްޕަރު އަނެއްކާ ވެސް ފިއްލަދޫގެ އިހުތިސާސްގެ ތެރޭގައި ހިމެނުމަށް ކަމަށް ތަރުޖަމާން ވިދާޅުވި އެވެ.
ހއ. ފިއްލަދޫގެ އިހުތިސާސުން އެ ރަށާ އެއް ފަޅެއްގެ ތެރޭގައި އޮންނަ ދައްޕަރު ވަކިކުރަން ނިންމި މައްސަލައިގައި ރައީސް އޮފީހާއި މަޖިލީހަށް ޕެޓިޝަން ހުށަހެޅުން.-- ފޮޓޯ: އަހްމަދު އަވްޝަން އިލްޔާސް / މިހާރު
ދައްޕަރުގެ މައްސަލައިގައި ހުރި ކަންބޮޑުވުންތަކާ އެކު، ރައީސަށް ޕެޓިޝަނެއް ހުށަހެޅީ ފިއްލަދޫގެ ކައުންސިލާއި އެ ރަށުގެ މީހުން ގުޅިގެން ކުރިއަށް ގެންދާ "ސޭވް ދައްޕަރު" ކެމްޕެއިންގެ ދަށުންނެވެ. ޓްރާންސްޕޭރެންސީ މޯލްޑިވްސް އިން އެ ކެމްޕެއިނަށް އެހީތެރިވި އެވެ.
ޕެޓިޝަންގައި ބުނެފައި ވަނީ، ދައްޕަރަކީ ޒަމާނުއްސުރެ ފިއްލަދޫގެ މީހުންނަށް ގިނަ ފައިދާތަކެއް ކުރާ އަދި އެ ރަށުގެ އޮފީހަށް ވެސް އާމްދަނީ ލިބޭ ތަނެއް ކަމަށެވެ. އެކަމަކު އިދާރީ ދާއިރާތައް ލާމަރުކަޒީ އުސޫލުން ހިންގާ ގާނޫނުގެ ދަށުން އެ ރަށް ފިއްލަދޫގެ ބައެއްގެ ގޮތުގައި ރައީސް ހަމަޖެއްސެވުމަށް ފަހު، ރައްޔިތުންނާ އެއްވެސް މަޝްވާރާއެއް ކުރެއްވުމެއް ނެތި، ފަހުން ފިއްލަދޫގެ އިހުތިސާސުން އެ ރަށް ވަކިކޮށްފައި ވާތީ ކަންބޮޑުވުންތައް ވަރަށް ގިނަ ކަމަށެވެ.
ފިއްލަދޫގެ މީހުން ބޭނުންވީ އެ ރަށުގެ އިހުތިސާސްގެ ތެރޭގައި އަލުން ވެސް ދައްޕަރު ހިމަނައި އެ ރަށް ތަރައްގީކޮށް ސީދާ ރައްޔިތުންނަށް މަންފާ ލިބޭ ތަނަކަށް ހެދުމަށެވެ.
ދައްޕަރަކީ ކުރީގެ ސަރުކާރުތަކުގައި ވެސް ރިސޯޓު ތަރައްގީ ކުރަން ކަނޑައެޅި ސަރަހައްދެކެވެ. އަދި ފަހުން މި ސަރުކާރުގައި ވެސް އެ އެތަން ރިސޯޓު ތަރައްގީކުރަން ދޫކުރަން ނިންމި ނަމަވެސް އެ ތަން ފިއްލަދޫގެ އިހްތިސާސްގެ ތެރޭގައި ހިމެނީ ވެސް ރައީސްގެ ގަރާރަކުން މިދިޔަ އަހަރުގެ މާޗު މަހު އެވެ.
ނަމަވެސް، ފަހުން ރައީސް ނެރުއްވި ގަރާރެއްގައި ވަނީ އަނެއްކާ ވެސް ދައްޕަރު ފިއްލަދޫގެ އިހްތިސާސުން ވަކި ކުރައްވައިފަ އެވެ. އެގޮތަށް ނިންމެވީ ލާމަރުކަޒީ ގާނޫނުގެ ދަށުން ރަށްތަކުގެ އިހްތިސާސް ކަނޑައެޅުމަށް ރައީސަށް އޮންނަ ބާރުގެ ދަށުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނުވިއްކާތަ
05 October 2021
އެވެރިކަމުގަ ފ. އަތޮޅު ވިއްކާލަން އުޅުނީއޭ ކިއީ. މިވެރިކަމުގަ ދައްޕަރު އިންޑިއާއަށް ދޭން އުޅެނީ. މިވެރިކަމުގަ އެއްފަހަރު ލާމަރުކަޒީކޮށްފަ އަނެއްފަހަރު މައިމަރުކަޒީ ކުރަނީ. ލ. އަތޮޅުގަ ކެންސަރު ހޮސްޕިޓަލް އަޅާފަ ހުޅުމާލެ ފޭސް2ގަ 4000 ފްލެޓް އަޅަން އުޅެނީ. މާލެ ސަރަހައްދަށް އަދިވެސް މީހުން ޖަމާކުރުމުގެ ޕްލޭނެއް އެކަމު ނޯންނަކަމަށް ބުނަނީ.
ގައްލަންދޫ
05 October 2021
ކޮންމެބައެއްގެ އިތިސާސް ތެރޭ އޮވެގެންވެސް ތިތަން ތަރައްގީ ވިއްޔާ ހަމަ ފިއްލަދޫ ރައްޔަތުންނަށް ނުންތޯ ފައިދާ ވާނި... ސަރުކާރުގެ ޕްލޭންތަކެއް ތިރަށާ މެދު ހުއްޓާ ކައުންސިލުން ތިހާ ތެޅެންވީ ކީއްވެބާ. ކައުންސިލްގެ ބަޖެޓުން ދެން ތިތަން ތަރައްގީ ކުރޭ..
ފޫހި
05 October 2021
ހީވަނީ ކައުންސެލަރުންނާއެކު ސިއްރު ޑީލެއް ހެދީހެން. ކައުންސިލް ދަށުން ހަމަ އިންޑިޔާ މީހުންނަށް ދައްޕަރު ދޭނެ. އައްޑޫކައުންސިލްގެ ދަށުން މުޅި އައްޑޫ އިންޑިޔާއަށް ދޭ އުޞޫލުން. ބަލަންތިބޭތި ހަމަ ދައްޕަރުގައި ސެކަންޑް ހޯމް ހަދާނެ.
ބޭބެ
05 October 2021
ރަގަޅު ވާހަކައެއް ފިއްލަދޫގެ ކައުންސިލް ތީގެފައިދާ ނަގާނެ ތިހަމަ ޑީލެއް ޑީލެށްހެދީ
މަފުތަކުގެ މައްސަލަ
05 October 2021
ހަދާފަ ނުހަދާނެ ގޮތެއް ނޭނގުން އެއީ ނާޤާބިލްކަމުގެ ކޮޅާކޮޅުނެތް ކޮޅަށް ރާއްޖެ ނުދންނަ އާޖުފާޖު ނޭނގޭ މިންވަރު އެބަހާމަވޭ ދައްޕަރަކީ އެއްވިނާގެ ޔޮޓް ބަނދަރު
އިބްރ
05 October 2021
ފިއްލަދޫ ފަދަ ރާއްޖޭގެ ރަށްތަކުން އިންތިހާއަށް ތާއީދުކޮށްގެން ގެނައި ސަރުކާރަށް އަޑުއިއްވަން ޖެހިފައިމިވަނީ މަރުތޭލުން ތަޅައިގެންނެވެ. މިޤައުމު އިންޑިޔާގެ މުށުތެރެއަށް ލައިފިއެވެ. އަދިވެސް މީތި ފޮރޮޅާލާކަށެއް ނުވޭތޯއެވެ؟
މޯޑް
04 October 2021
ކޮބާހޭ އަގުހެޔޮކުރި އިންޓަރނެޓް?
އިބްރާ1
04 October 2021
ދެން އިހުތިސާސް ތެރެޔަށް ލައިގެން ކާށި ހޮވާލައިގެން ކާލައިގެން ތިބޭ.
ހަސަނުު
05 October 2021
ކާށި ހޮވާލައިގެން ކައިގެން ތިބުމަކުން ގޯހެއް އެބައޮތްތަ؟ ކަލޭމެން އަތްފުރާ ލާރިނަގައިގެން މާލޭގައި ތިއުޅެނީ އުފަލުގައިތަ؟ އަހަރުމެން ގައިމުވެސް މިއުޅެނީ ހިތަހަމަޖެހިލައިގެން މިރަށުގައި.
ޙަބީބު
04 October 2021
ވަރައް ރަނގަޅު ފިއްލަދޫ ފިއްލަދޫގެ ގޮތުގަބާއްވާ ކޮންމެހެން ރިސޯޓުހަދާށާ ގެސްޓު ހައުސް ހަދަން އެތަންތަން އަތުލަންނުހަދާ ރިސޯޓު ހަދަންޏާ ހަދާބަލަ ހދ އަތޮޅުގަ ވައިކަރަ މުރައިދޫ ފަދަތަންތަން އެއޮތީ ދެއެއާޕޯޓު އެއޮތީ ކޮންބާރެއްނެތީ
00909
05 October 2021
ފިއްލަދޫ ބާއްވާ ހަމަ އެއޮތްގޮތަށް.. ތަރައްގީ ގެނޭ ތަރައްގީ ބޭނުންވާ ތަންތަނަށް. ކާށި ކޮޅު ވިއްކައިގެން އެމީހުން އެތަން ތަރައްގީ ކުރާނެ. ސަރުކާރުގެ އެހީއެއް ކޮންމެހެން އެރަށަކަށް ބޭނުމެއްނުވާނެ. ސަރުކާރުން ސްޓަންޓު ޖައްސަނީ.
ފުތޫރު
04 October 2021
މިސަރުކާރުން ކަންކަންކުރާނީ ރައްޔިތު މީހާ ބޭނުންވާގޮތަށް އެބަހީ ލާމަރުކަޒު ކުރުމަކީ އެމްޑީޕީގެ ސިޔާސަތެވެ.ރާއްޖޭގެ ފަޅުތަކާއި ރަށްތަށް ރައްޔިތުންނަ ނޭގި ވިއްކީ ވަކިބަޔަކު އަށްބޮޑިއަށް ބޮޑުކޮށް އަދި ލާރިތަށް ވެސް ރޯމާ ދުވާލުއަމިއްލަ އެކައުންޓްތަކަށް އެޅީއެވެ. މިހާރު ވެސް 1 މިލިއަށް ޑޮލަރު އެހުރީ އެކައުންޓުގައެވެ.ހެޔޮއެދޭ މީހުން ކެމްޕޭންކުރަން މިލިއަން ޑޮލަރު ދޭނެތޯ؟ކީއްވެބާ މީހަރު އެފައިސާ ނުދެނީ ؟ ޕާޓީގެ ނަމުގައި އެކައުންޓް ނެތީތޯ ؟
މާލެ ކައރިއަށް-ހުޅުމާލެެ ގޮތަސށް
04 October 2021
މާލެ ކައރިއަށް އައްޑޫސިޓީއެއްވެސް ގެންނަންވީ. އެތަނުގައި މާދުރުވީމަ ކަންނޭވެ އެއްވެސް ތަރައްގީގެ ކަންފުޅެއްވެސްނެތީ.އައްޑޫމަތިން ހަދާނެއްވެސް ނުހުރޭ މަގާމުތަކުގައި ތިބޭމީހުން.
ރޯޒްސް
05 October 2021
ތިކަމެއް ނޭނގެ ރައްޔިތުން ދަރުވާލައިގެން 350 މިލިއަން ޑޮލަރު ބޭނުންކޮށްގެން އައްޑޫގައި ބޭކާރު ބިންތަކެއް ހިއްކާއިރު. މިގައުމުގައި އެބަތިބި އަސާސީ ޚިދުމަތަށް ތިފައިސާ މާބޮޑަށްވެސް ބޭނުންޖެހިފައި ހުރި އަތޮޅުތަށް.