ރާއްޖެ އައި ފްލެމިންގޯތަކެއް ހިފައި، 30،000ރ. އަށް ވިއްކަނީ

ހއ. ފިއްލަދޫގެ އަތިރިމަތިން ފެނުނު ފްލެމިންގޯތައް. -- ފޮޓޯ: އަބްދުﷲ އިހުވާން

އިފްރާޒް އަލީ، މިހާރު

19 އޮކްޓޯބަރ 2021 - 11:21

މި ދުވަސްވަރު ރާއްޖެ އަށް ހިޖުރަކުރާ ދޫނިތައް ހިފައި ގޯނާކުރާ ނަމަ ފިޔަވަޅު އަޅާނެ ކަމުގެ އިންޒާރު އީޕީއޭ އިން ދީފައި ވަނިކޮށް، ފްލެމިންގޯތަކެއް ހިފައި 30،000ރ. އަށް އެ ވިއްކަން ޖަހައިފި އެވެ.

މި ފްލެމިންގޯތައް އެންމެ ފުރަތަމަ ފެނިފައި ވަނީ ހއ. ފިއްލަދޫ ފުއްޓަރު ފަރާތު އަތިރިމަތިންނެވެ.

މި ދޫނިތަކުގެ ފޮޓޯ ނަގައި ސޯޝަލް މީޑިއާ އަށް ލި ހއ. ފިއްލަދޫގެ ޒުވާން ފޮޓޯގްރާފަރު އަބްދުﷲ އިހުވާން ބުނީ އެ ރަށު އަތިރިމަތިން މި ދޫނިތައް އެންމެ ފުރަތަމަ ފެނުނީ މިދިޔަ އާދިއްތަ ދުވަހު މެންދުރު ފަހު ކަމަށެވެ. އޭނާ ބުނީ އެ ފްލެމިންގޯ އައިނުގައި 14 ދޫނި ތިބި ކަމަށެވެ.

މާކަނާގެ އާއިލާ އަށް ނިސްބަތްވާ ފްލެމިންގޯ އަކީ މީގެ ކުރިން ދުވަހަކު ވެސް އެ ރަށު އަތިރިމަތިން ފެނުނު އެއްޗެއް ނޫނެވެ.

"އެ ދޫނިތައް ވަރަށް އޮޅު، ވިއްސަކަށް ފޫޓު ކައިރި އަށް ދިޔައިމާ ވެސް ރީތިކޮށް ތިބީ،" އެ ރަށުން އެއްވެސް މީހަކު ދޫނިތަކަށް ގޯނާ ނުކުރާ ކަމަށް އޭނާ ބުންޏެވެ.

އެ ދުވަހު އިރުއޮއްސެނިކޮށް އެ އައިނުން އެއް ދޫނި އުދުއްސާލުމުން، އޭގެ ފަހަތުން ހުރިހާ ދޫންޏެއް ދިޔަ އެވެ. އެ ދޫނިތައް މިސްރާބު ޖެހީ ހއ. ބާރަށާ ދިމާލަށެވެ.

"ބާރަށް މިތާ ވަރަށް ކައިރީގައި އޮންނާތީ ސީދާ އެނގޭ އެ ރަށަށްކަން ދިޔައީ،" އިހުވާން ބުންޏެވެ.

ވިއްކަން ޖެހީ ވައިބަ ގްރޫޕެއްގައި

ފްލެމިންގޯ ވިއްކަން ޖަހާފައި އޮތީ "ކުޅުދުއްފުށި ޕެޓް ލަވާސް" ކިޔާ ވައިބާ ގްރޫޕެއްގަ އެވެ. އެ ވިއްކަން ޖަހައިފައި އިން މީހާ އަށް "މިހާރު" އިން ގުޅުމުން ފޯނެއް ނުނަގަ އެވެ.

ބާރަށުން "މިހާރު" އާ ވާހަކަދެއްކި މީހަކު ބުނީ މި ފްލެމިންގޯތައް އެ ރަށަށް ދިއުމުން ބަޔަކު މީހުން ދާ ޖަހައިގެން ބައެއް ދޫނިތައް ހިފި ކަމަށެވެ. އަދި ދޫނިތައް ހިފަން ފެށުމުން އެއްކޮށް އުޅުނު އެ ހުރިހާ ދޫންޏެއް ބައިބައިވެ، އެކި ދިމަދިމާލަށް ދިޔައީ ކަމަށް ބުންޏެވެ.

މި މައްސަލައާ ގުޅޭ ގޮތުން އީޕީއޭ އިން މިއަދު ބުނީ ރާއްޖެ ހިޖުރަކުރި ފްލެމިންގޯތަކެއް ހިފައިގެން، އެ ވިއްކަން ޖެހި މައްސަލައެއް ފުލުހުންނާ ގުޅިގެން އެ އިދާރާ އިން މިހާރު ބަލަމުން އަންނަ ކަމަށެވެ. މިކަން ހިނގާފައި ވަނީ ވެސް މިހެން ހިޖުރަކުރާ ދޫނި ހިފައި ގޯނާކުރާ ނަމަ ފިޔަވަޅު އަޅާނެ ކަމުގެ އިންޒާރު ދީފައި ވަނިކޮށެވެ.

Miee dhoonithah hijura kuraa dhuvasvaru, goana koffi nama fiyavalhu alhaanan: EPA

The most trusted news source in the Maldives

Mihaaru

ހިމާޔަތްކޮށްފައިވާ ދޫނިތައް ހިފައި ގޯނާކުރާ މީހުންނަށް، ތިމާވެއްޓަށް ދޭ ގެއްލުންތަކަށް ޖޫރިމަނާ ކަނޑައެޅުމާއި ބަދަލު ހޯދުމުގެ ގަވައިދާއި ގުދުރަތީ ގޮތުގައި ނުވަތަ ތަބީއީ ގޮތުގައި ހިމާޔަތްކޮށް ރައްކާތެރިކުރާ ދިރޭ ތަކެއްޗާ ބެހޭ ގަވައިދުގެ ދަށުން ބޮޑެތި ޖޫރިމަނާތައް ކަނޑައެޅޭނެ އެވެ.

ތިމާވެށި މޫސުން އީޕީއޭ ދޫނި

47 ކޮމެންޓް, 80 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވަހުތާން

20 October 2021

މިރާއްޖޭގެ މީހުންނާއި ވެލާ ކަހަނބާއި ދޫނި ހިމާޔަތް ކޮށްފައޮތީ މޮހޮނަށް އޮޑި ދިންގޮތަށް! މީހުން ހިމާޔަތް ކުރިޔަސް މީހުންގެ ދަރިން ހަލާކު ކުރަން ޑޮފރަގު އެތެރެކޮށް އޭގެވިޔަފާރިކުރާ މަހުޖަނުންނަށް ކުރާމީހުންނަށް ދެވޭއަދަބެއް އޮވޭތަ؟ ނަމަކަށް ވެލާ ކަހަނބާއި ދޫނި ހިމާޔަތްކޮށްފަ، އެއިން އެއްޗެއް ބިހެއް އަޅައި އާލާވާނޭ ބިންކޮޅެއް ރާއްޖޭގައި އެބައޮތްތަ؟ ކާނެ މީހަކު ކާނެގޮތަކަށް ހިފައި ކަނީީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާމުން ހޭލުންތެރިކޮށްގެން ވާނީ

20 October 2021

ހިޖުރަ ކުރާ ދޫނި ރާއްޖެއައިސް އުޅޭ ވަގުތު ފުޓޯ ނަގާ ވީޑިޢޯ ކޮށްލާ , އެއެއްޗެއްސަށް ގެއްލުން ނުދޭންވީ. ޢޕއ އިން ވެސް ޖޫރިމަނާ ކުރަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަހަލްދީބް

20 October 2021

ކޮބާއެދޫނިތައްވެސް އައީ މިގައުމު އަޅުވެތިކަމަކައްދާތީ ސަލާމަތްކުރަން އެސޮރުމެން އެބުނަނީ ތިމަންނަމެން ވެސްމީ މިނިވަނުންނޭ ވީމާ ދިވެހި ރައްޔިތުން ނަކީވެސް މިނިވަނުންނޭ އަޅުވެދި ނުކުރާށޭ އެންމެ 5 އަހަރައް ގައުމުހިންގަން ރައްޔިތުން ހަވާލްކުރި އަކަސް ވެދުމާސަލާމް ފުރީމޯލްޑިވްސް ފުރޮމް އިންޑިއާ މަހަލްދީބް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަރުހާދު

19 October 2021

ތި ދޫނި ހިފާ ވައިބާ ގްރޫޕުގައި ވިއްކަން ޖެހީ ހއ.ބާރަށު ސިއްހީ މަރުކަޒާ ހަވާލުވެ ހުރި މުހުސިނު. މިކަހަލަ މީހުން ތަން ތަނުގެ ވެރިންނަށްލާން ހެޔޮނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިލުބުމާވަޑި

19 October 2021

ހަތަރުފަރާތުން އަރާހޯދާހޯދާވެސް ނުފެނުނު ފްލެމިންގޯއެއް ވިއްކުމެކޭ ގުރައެއް ނުވަތަ ޓޭންކަށްއަޅާ މަހެއް ވިއްކުމެކޭ މީގަ ވަކިންކަންބޮޑުވާންޖެހޭތަފާތެއް. ކޮންމެއަހަރަކު ޑެންމާކުން ޓްރޭޑިސަނޭބުނެ އެތައްހާސް ކޯމަހެއް ކަތިލާއިރު ސްޕެނިސް މީހުން ރަހުމެތްނެތި ބުލްފައިޓުކުރާއި ޖަޕާނުން ބޮޑުމަސްނަގާއިރު ތިމާވެށި ސަލާމަތްކުރާމީހުން ކަންބޮޑެއްނުވޭ. އެހެންމީހަކު މަދިރިއެއް މަރާލިައަސް ތިމާވެށިހަލާކުވީ. ޑައެނޯސް ތައް ނެތިދިޔައީ ބަޔަކު ހިފައިގެން ވިއްކިވަރުންތާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުއިއްޒު

19 October 2021

ރިޝްވަތު ނަގައި ކުރަން އުޅޭ ކަންތައް ހުއްޓާލާ. އެއީ އެންމެ މޮޅު ފިޔަވަޅަކީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުދުހޭ

19 October 2021

މީގެ އަހަރުތަކެއް ކުރިން އިންޑިޔާ ލަންކާއިން އަރަބި ގައުމުތަކަށާއި އެފްރިކާ ބައްރަށް ހިޖުރަކުރަމުންދިޔަ ދޫނިތަކެއް ދިވެހިރާއްޖޭގައި މަޑުކުރުމުގެތެރޭގައި އޭގެން ބައެއް ދޫނި ނުގޮސް ރާއްޖޭގައި ވަޒަންވެރިވިއެވެ. މިހާރު އެ ދޫނިތަކަށް ކިޔަނީ ދިވެހިރައްޔިތުންނެވެ. ފްލެމިންގޯ ރާއްޖެއަށް އަހުލުވެރިކޮށް އިރުވާހުދު ފަދައިން ރާއްޖޭގެ ދޫންޏަކަށް ހަދާލަން ރަގަޅެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

19 October 2021

އަވަހެއް ނުން ފިޔަވަޅުއަޅާ އިންސާފުގާއިމުކުރަންކުރާ މަސައްކަތްތައް! 4 ބިލިއަން ރުފިޔާގެ ހިޔާނާތް ހިންގައިގެން އުޅޭއިރު މުއައްސަސާތައް ހިރުވާވެސްނުލާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝަފީރު

19 October 2021

ޢެތަކެތި ހިމާޔަތް ކުރަން ކުރާނީ ކޮންކަމެއްތޯ. ކޮންތާކުން ކޯންޗެއްތޯކާނީ. ސަރުކާރަށްއޮތީ ބުނެލާނެ ބަހެއްއެކަނީ. މިހާރުވެސް މާރަނގަޅުވާނެ ތިކަހަލަ ފެނިގެއްލިދާ ދޫނި ހިފައިގެން ސަލްޓަންޕާކާއި ރާއްޖޭގައި ހަދާފައިހުރި ރީތި ޕާކުތަކުގައި ކާންދީ ބަލައްޓައިގެން ގެންގުޅެވޭގޮތެއް ހެދިއްޔާ. ޕާކުތަކަކީ ހުސް އެކަނި ގަސް ހައްދާ ރީތިކުރާތަނެއްނޫން. ތިޤާނޫނު އުވާލަ. ތިޤާނޫނަކީ ހ. ތަނޑިރަތްމާގެ އަޙްމަދު ޝަފީޤަށް ޖެއްސުމަށް ހެދި ޤާނޫނެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާރީ

19 October 2021

ފުލެމިންގޯ ތައް ނުހިފަންވީ ސަބަބެއް ނެތް. އެއީ މޫސުމީ ދޫނިތަކެއް. ރާއްޖޭގަ އުޅޭ ދޫނިތަކެއް ނަމަ ރަގަޅު ނުހިފަން. މާދަށް ވެސް އެ ދޫނިތައް ހިގައިދާނެ. ހިފި ދޫނިތައް އާލާކުރަނި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކީކޭހޭ؟

19 October 2021

މިކަހަލަ ޚިޔާލު ތަކާހެދި މިދުނިޔެއާއި މިގައުމުގެ ތިމާވެށި އަދި ދޫނިސޫފާސޫފި ނެތިގެން ދަނީ. މޫސުމީ ވެއްޖިއްޔާ ހިފައި އަނިޔާކޮށް އެދޫނި ތަކުގެ ގުދުރަތީ ދިރިއުޅުމަށް ދުއްތުރާ ކުރާކަށް ނުޖެހޭނެ.