މީގެ 15 އަހަރުކުރިން އަމަލުކުރަން ފެށި ގަވައިދުގައި ވަނީ ރިސޯޓުތަކުން ބާކީވާ ކާއެއްޗިއްސާއި އަމިއްލައަށް ހަލާކުވެގެންދާނެ ތަކެތި މޫދަށް އެޅުމުގެ ހުއްދަ ދީފައި.
އަތިރިމަތީގައި ކުނި ޖަމާވެފައި: ރިސޯޓުތަކުން މޫދަށް ކުނި އުކާލާ މައްސަލަ ބޮޑު..-- ފައިލް ފޮޓޯ: މިހާރު
22 ނޮވެމްބަރ 2021 - 22:02
9 comments
ރިސޯޓުތަކުން މޫދަށް ކުނި އުކާލެވޭ ގޮތަށް ގަވައިދަކުން ދީފައިވާ ހުއްދަ މިއަދު ބާތިލްކޮށްފި އެވެ.
ޓޫރިޒަމް މިނިސްޓްރީން އާއްމުކޮށްފައިވާ "ފަތުރުވެރިކަމުގެ ދާއިރާގައި ތިމާވެށި ހިމާޔަތްކޮށް ރައްކާތެރިކުރުމާ ބެހޭ ގަވާއިދު" ގެ 5.3.3 މާއްދާގައިވާ ގޮތުން ކައިރި ހިސާބެއްގައި ކުނި އުކާލާނެ ތަނެއް ނެތް ހާލަތުގައި ކަނޑަށް ކުނި އަޅަން ޖެހިއްޖެނަމަ އުކާލެވޭނީ ކާބޯތަކެތީގެ ބާކީ ބަޔާއި ބެހެއްޓުމުން އަމިއްލައަށް ހަލާކުވެގެންދާނެ ތަކެއްޗެވެ.
އެގޮތަށް އުކާލެވޭ އަމިއްލައަށް ނެތިގެންދާ ކުނި އުކާލަންޖެހޭނީ ވެސް އަތޮޅުން ބޭރަށް، ވަޔާއި އޮޔަށް ބަލައި ރަށްރަށަށް ނުލައްގާ ގޮތަށް ކަމަށް، ޓޫރިޒަމްގެ ގާނޫނުގެ ދަށުން ހަދައި ޖުލައި 20، 2006 ގައި އަމަލުކުރަން ފެށި ގަވައިދުގައިވެ އެވެ.
ރިސޯޓުތަކުން މޫދަށް ކުނި އުކާލާ މައްސަލަ ބޮޑުވެފައި ވަނިކޮށް ޓޫރިޒަމް މިނިސްޓްރީން އާއްމުކުރި އިސްލާހުގައި ވަނީ ކުރީގެ ގަވައިދުގެ 5.3.3 ވަނަ މާއްދާ އުނިކޮށްފަ އެވެ. އެހެންވެ، މިއަދުން ފެށިގެން އެ ރިސޯޓުތަކުން މޫދަށް އެއްވެސް ބާވަތެއްގެ ކުނި އެޅުމަކީ މަނާ ކަމެކެވެ.
އެ ގަވައިދުގެ އެއްވެސް މާއްދާއަކާ ހިލާފުވެއްޖެ ނަމަ، އެކަމުގެ ކުޑަބޮޑުމިނަށް ބަލައި ފުރަތަމަ ފަހަރަށް 1000-10،000ރ. އާ ދެމެދުގެ އަދަދަކުން ޖޫރިމަނާކުރާނެ އެވެ. އެކަން ތަކުރާރު ކޮށްފިނަމަ 50،000-100،000ރ. އާ ދެމެދުގެ އަދަދަކުން ޖޫރިމަނާކުރާއިރު، އެއްފަހަރަށް ވުރެ ގިނައިން އެކަމެއް ތަކުރާރު ކޮށްފިނަމަ ޓޫރިސްޓުން ބޭތިއްބުމަށް ދީފައިވާ ހުއްދަ ބާތިލްކުރުމުގެ ބާތލްކުރުމުގެ ބާރު މިނިސްޓްރީއަށް ލިބިގެންވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަލީސާ
23 November 2021
ގަވައިދު ހެދީމަ މިގައުމުގަ އެކަން ތަންފީޒު ކުރެވޭތަ ޑުރަގު އެތެރެ ކުރުމަމީ އަދި ވިއްކުމަކީ މަނާކަމެތް އެކަމަކު މި ގައުމުގަ ދުވަހެތް ދުވަހަކަށް ވިއްކާ މީހުންނާ ބޯމީހުންވަނީގިނަ ހައްލެތް ނުހޯދުނު
ކަންޑު ރަސްގެފާނު
23 November 2021
މަޓީ އިން ވެސް އެކިޔަނީ ކަންޑައް ކުނިނާޅަންޏާ ރިސޯޓު ސަފާރީތައް ބަންގުރޫޓުވާނެޔޯ.
ޙިނި
23 November 2021
ވަރައް އުފާވެރި ހަބަރެއް، ތިޔަކަން ދަމަހައްޓާނެ ގޮތެއް ދެން ވިސްނަންވީ. ހާއްސަ ޝުކުރެއް ދަންނަވަން ރިސޯޓުން ކަންޑައް ކުނިއަޅާކަން ރައްޔިތުންނާ ހިސާބައް ސޯޝަލްމީޑިޔާ މެދުވެރިކޮއް ފަޅާއަރުވާލި ދިވެހި ޒުވާނާއައް. އެއީ ހަމަ ގައުމީ ބަތަލެއް
ޖަންބު
23 November 2021
ތިޔާއިގެންވެސް ލާރިއެއްލިބޭތޯ ތިބަލަނީ
______
23 November 2021
އަދިވެސް އަޅުގަނޑުމެން މިތިބީ ތިސޯޓް ބަންދުގައި
ަޢަލިބެ
23 November 2021
ކަނޑައް ކުނި އެޅިއަސް ހުއްދަ ގައުމެއް .ތިމާވެޢްޓޭ ކިއާން އަނގަ ހުޅުވަން ލަދު ކޮބާ .. ވަރަށް ސަލާމް
އޮނަރަބްލް އަފީފު ދީދީ
23 November 2021
ސަރުކާރުގެ ތިޔަ އަމަލަކީ ރިސޯޓް ހިންގާ ދިވެހި ޕައިނީއަރުންނަށް ލިބުނު ވަރަށް ބޮޑު ގެއްލުމެއް. # ކްރައުން ނަޒީރު (ޕައިނީއަރުންގެ ކްލަބް ޖެނެރަލް ސެކްރެޓަރީ) ވިދާޅުވަނީ އެބޭޅުން ކަނޑަށް އަޅާ ކާބޯ ތަކެތިން ލިބޭނެ ގެއްލުމެއް ނޯންނާނެކަމަށް. އޭނާ ހީކުރީކަން ނޭގެ ކަނޑުގައި އުޅޭ މިހަރާއި ވެލާ ކަހަނބުވެސް ކައި އުޅެނީ ސްޕަގަޓީ އާއި ފްރަންޗްފްރައިސް ކަމަށް. އެއްގަމުގައިވެސް ކޮހުން ތިބެދާނެ ކަން މިއިން އެބައިގޭ.
ޒަންޖަބީލު
22 November 2021
ތިޔަކަހަލަ ނުލަފާ ހުއްދައެއް ދީފައިއޮތްކަން އަދިކިރިޔާ މަށަށް މިއެނގުނީ.
ބަރީޒް
22 November 2021
ސުއްބުނާ! އަދި ކިރިޔާ މި އެނގުނީ ކަނޑަށް ކުނި އުކަން ގަވާއިދު ހަދައިގެން އުޅޭ ގައުމެއްކަން މިއީ! ބޯ ހަލާކު. ބަލަ މަހުނަނުން ހުންގާ ރިސޯޓުތަކުގަ އިންސިނަރޭޓަރެއް ބަހައްޓައިގެން ތިކަން ކުރަން ގަވާއިދުގަ އޮންނަންވާނީ. މިހާރު ހުންނާނެ ނުލާހިކު އެންވައިންމެންޓް ފްރެންޑްލީ އިންސަނަރޭޓަރު! އެކަމު ބަލައްޗޭ އަނެއްކާ އެއަށް މީހުން ލާތޯ، މިހެން މި ބުނީ މިހާރަކަށް އައިސް ނޫސްތަކުން ފެންނަ ހަބަރުތަކުން