ގެއްލުނު ސައިކަލު ފެނުނުކަން ނޭންގުމުން ދައުލަތުން 75،000ރ. ގެ ބަދަލެއް ދޭން ޖެހިއްޖެ

ޕާކިން ޒޯނެއްގައި ބަހައްޓާފައި ހުރި ސައިކަލުތަކެއް: ގެއްލުނު ސައިކަލެއް ފުލުހުންނަށް ފެނުނުކަން ވެރިމީހާއަށް ނޭންގި މައްސަލައެއްގަައި ބަދަލު ދޭން ދައުލަތަށް ވަނީ ޖެހިފައި --- ފޮޓޯ/މިހާރު

މުއިއްޒު އިބްރާހިމް، މިހާރު

15 ޑިސެމްބަރ 2021 - 18:35

14 comments

ގެއްލިގެން ރިޕޯޓްކުރި ސައިކަލެއް ފުލުހުންނަށް ފެނުނުކަން ވެރި މީހާއަށް ނާންގާ އަހަރަކަށް ވުރެ ގިނަ ދުވަސް ވަންދެން ފުލުހުންގެ ބެލުމުގެ ދަށުގައި ބެހެއްޓުމުން އޭނާއަށް 75،000ރ. ގެ ބަދަލެއް ދައްކަން ދައުލަތުގެ މައްޗަށް ސިވިލް ކޯޓުން މިއަދު ހުކުމްކޮށްފި އެވެ.

މާޗް، 2016 ގައި ސައިކަލެއް ގެއްލިގެން ފުލުހުންނަށް ރިޕޯޓް ކުރިތާ އެއް ދުވަސް ތެރޭގަައި ފުލުހުންގެ ޓޯޔާޑަށް އެ ސައިކަލު ގެންދިޔަ އެވެ. އެކަމަކު ސައިކަލުގެ ވެރިމީހާއަށް އެކަން ފުލުހުން ނާންގާ ތިއްބާ އެ ސައިކަލު އެތަނުގައި ހުރިކަން ވެރިމީހާއަށް އެނގުނީ އޭގެ ދޮޮޅު އަހަރު ފަހުން އޭނާ އަމިއްލައަށް ޓޯޔާޑަށް ގޮސް ބެލުމުންނެވެ. އެކަމަކު އޭރު އޭނާ ވަނީ އެހެން ސައިކަލެއް ވެސް ގަނެފަ އެވެ. އަދި ޓޯޔާޑުގައި ހުރި ސައިކަލަށް ވެސް ގެއްލުންތަކެއް ހުރީ ލިބިފަ އެވެ.

ޓޯޔާޑުގައި ގިނަ ދުވަސް ވަންދެން ސައިކަލު ބެހެއްޓުމުންނާ އަދި އާ ސައިކަލެއް ގަންނަން ޖެހުމުން ލިބުނު ގެއްލުމުގެ ބަދަލު ހޯދަން އެ މީހާ ދައުވާ ކުރުމުން ސިވިލް ކޯޓުން މިއަދު ކުރި ހުކުމުގައިވަނީ ސައިކަލު ފެނުނުކަން ވެރިމީހާއަށް ނޭންގުމުގައި ފުލުހުންގެ އިހުމާލު އެބައޮތް ކަމަށެވެ. އަދި ފުލުހުންގެ އެ އިހުމާލުގެ ސަބަބުން އެ މީހާ، އާ ސައިކަލެއް ގަންނަން 84،000 އަށް ވުރެ ގިނަ ރުފިޔާ ހަރަދު ކުރަން ޖެހުނު ކަމަށާއި އެހެންވެ، އޭގެ ބަދަލު ނަގައިދޭން ޖެހޭނެ ކަމަށް އެ ހުކުމުގައިވެ އެވެ.

މީގެ އިތުރުން ހުކުމުގައިވަނީ ކުރީގެ ސައިކަލު ގެއްލުނު ފަހުން ވެސް އެ ސައިކަލަށް އަހަރީ ފީ ދައްކާފައި ވާތީ އާއި އަދި ފަހުން ގަތް ސައިކަލުގެ އަހަރީ ފީ އާއި ރޯޑް ވާދިނަސް ވެސް ހައްދަން އެ މީހާ ޚަރަދު ކޮށްފައިވާތީ އެ ފައިސާ ވެސް ދައުލަތުން ދައްކަން ޖެހޭނެ ކަމަށެވެ. އެކަމަކު ކުރީގެ ސައިކަލު އެހެން މީހަކަށް މިހާރު ވިއްކާލާފައިވާތީ ބަދަލު ނަގައި ދޭއިރު، އެ ބައި އުނިކުރަން ޖެހޭނެ ކަމަށް ހުކުމުގައި ބުނެފައިވެ އެވެ.

އެކަންކަން ފާހަގަކޮށް، ހުކުމުގައި ވަނީ އާ ސައިކަލެއް ގަންނަން ކުރި ޚަރަދާއި ޖޫރިމަނާ އާއި އަހަރީ ފީއަށް ކުރި ޚަރަދުތައް ހިމެނޭ ގޮތުން ޖުމްލަ 75،000 އަށް ވުރެ ގިނަ ރުފިޔާ ދައުލަތުން އެ މީހާއަށް ދައްކަން ޖެހޭނެ ކަމަށެވެ. އަދިި އެ ފައިސާ އެއް މަސް ތެރޭގައި ކޯޓަށް ދައްކަން އަންގާފައިވެ އެވެ.

އެކަމަކު ކުރީގެ ސައިކަލު މަރާމާތު ކުރަން ހިނގި ޚަރަދާއި ވަކީލު ފީ ނަގައިދެވެން ނެތް ކަމަށް އެ ހުކުމުގައިވެ އެވެ.

މީގެކުރިން ރަހުމަތްތެރިއެއްގެ އަތަށް ދުއްވާލަން ދިން ސައިކަލެއް ގެއްލުނު މައްސަލައެއްގައި އެ ސައިކަލުގެ ވެރިމީހާއަށް ސައިކަލުގެ ފުރިހަމަ އަގު ދައްކަން ވެސް ސިވިލް ކޯޓުން ހުކުމްކުރި އެވެ. އެ ހުުކުމަށް ހައި ކޯޓުން ވެސް މިދިޔަ އަހަރު ތާއީދުކުރި އެވެ.

ކުށްކުރުން ފުލުހުން ސިވިލް ކޯޓް ވެހިކަލްތައް ސައިކަލް

14 ކޮމެންޓް, 28 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މެސީ1

17 December 2021

މަގޭ ސައިކަލެއް ގެއްލިގެން އެ ވަގައް ނެގި ދެމީހުން ގެ ފުޓޭޖް ދިނީމަވެސް ސައިކަލް ނުހޯދުނުތާ މީހުންވެސް ނުހޯދުނު، 30 މީޓަރު ކަނޑު އަޑިގައި ވަޅުލާފަ ހުންނަ ހަތިޔާރު ވެސް ހޯދާނެތާ އެ ހަތިޔާރު އަމިއްލައައް ލީމަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޫހި

16 December 2021

ބަދަލުދޭންޖެހޭނީ ދައުލަތުގެ ޓެކްސް ފައިސާއަކުންނެއްނޫން. އެކަމުގައި އިހުމާލުވީ މީހުންގެ އަތުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަރުމޯލް

16 December 2021

މަގޭ ސައިކަލް މިހާރު ވަރަށް ބާވެފައި ހުރީ ، އޭތި ކޮންމެވެސް ކުއްޖަކު ވަގަށް ނަގާދީބަލަ ، އޭރުން ފުލުހުންނަށް ރިޕޯޓްކޮއްގެން ފަހަރެއްގައި އާސައިކަލެއް ހައެއްކަ މަސްފަހުން ލިބިދާނެކަން ނޭގެއެއްނު ....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްއޮފިޝިއަލް

16 December 2021

ކޮންތާކު ސައިކަލް ހުރީ؟؟ ސްޕައިޑަމޭން އާއި ބެޓްމޭން ފޮނުވަންވީ ދޯ.ހެހެހެހެހެހެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަތްޖަހާ

16 December 2021

ވަޒީފާއަށޭ ކިޔާފަ ބޮޑެތި ޓައި އަޅައިގެން ގޮއްސަ ތިބޭނީ ކޮފީ މޭޒްގަ އެހެންނޫނީ ފޭސްބުކްގަ. އެހެންވީމަ ކޮން މަސައްކަތެއް ކުރެވޭނީ. ހުސް އިހްމާލެއް ނުން ހުންނާނީ. ބަދަލް ދޭން އެދޭވަރު އަދިވެސް ކުޑައީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުތްއާދަނު

16 December 2021

އެހީ ހޯދުމަށް 123 އަށް ގުޅާލާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާލީބޯއީ

16 December 2021

ގައިމު އަހަރެން ކޮއްކޮގެ ސައިލަކު ނުފެނިގެން ފުލުހަށް ގުޅީމާ ބުނީ ފުރަތަމަ ޓޯޔާޑަށް ގުޅާލަން. ގުޅާލި އިރު އެތަނުގަ ހުރި ސައިކަލު ގެންގޮއްސަ. އެނޫނަސް ޓޯކުރާ ސައިކަލުތަކުގެ ލިސްޓު އާންމުކުރޭ ނޫންތަ؟ އަނެއްކާ މިހާރު ފުލުހުންގެ ސައިޓުންވެސް ބަލާލެވޭ ސައިކަލު ނަންބަރު ޖަހައިގެން. ކޮންމެޔަކަސް ހާދަ އަގު ބޮޑު ސައިކަލެކޭދޯ ތިޔަ ގަނެލީވެސް، ސައިކަލު ގެއްލުނުތާ ހަމަ ކުޑަ ދުވަސްކޮޅެއްތެރޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަދޫމް

16 December 2021

ތީ ގުޅިގެން ހިންގާ ޖަރީމާތަޢް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނޯޗާންސް

15 December 2021

ފޭކް ގޭސްގަނޑެއް….އެއްވެސް މީހަކަށް އަމިއްލައަކަށްގޮސް ޓޯޔާޑެއް ނުބެލޭނެ…

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްއޮފިޝިއަލް

16 December 2021

ފުލުހުންގެ ހުއްދަ ލިބިގެން ޗެކްކުރެވޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނާޗުރަންގީ

15 December 2021

ތިކަންކަމުގައި އިހުމާލުވިމީހުންގެ އަތުން ލާރި ހޯދަންޖެހޭނެ. ދައުލަތައް އިހުމާލު ވެއްޖެނަމަ އެކަން ބެލެންވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޮރު

15 December 2021

ގެއްލުނު ސައިކަލް ބުރޭންޑްގެ ސައިކަލެއްބާ ގަތީ؟ އަގު ބޮޑު ސައިލެއް ގަތް ކަމަށްވާނަ ގަތް އަގުގެ ބަދަލުގައި ދޭންޖެހޭނީ އެ ވައްތަރުގެ ސައިކަލެއްގެ އަގުގެ މަށްޗަށް ބިނާކޮށް.