ފިލްމުތައް ސެންސަރު ކުރުން ޔޫއޭއީގައި ނިމުމަކަށް

ދުބާއީގެ ސިނަމާއެއް.

އަހުމަދު އަދްޝަން، މިހާރު

23 ޑިސެމްބަރ 2021 - 06:27

ބޮލީވުޑާއި ހޮލީވުޑްގެ ފިލްމުތަކަށް މެދު އިރުމަތިން ބޮޑު މާކެޓެއް އޮންނަ ޔޫއޭއީގައި ފިލްމުތައް ސެންސަރު ކޮށްގެން ދެއްކުން ނިމުމަކަށް ގެންނަން ނިންމައިފި އެވެ.

މިކަން އެ ގައުމުގެ މީޑިއާ ރެގިއުލަޓީ އޮފީހުން އިއުލާންކޮށް ބުނީ ފިލްމުތައް ދުނިޔޭގެ އެހެން ހިސާބުތަކުގައި ވެސް ދައްކާ ގޮތަށް 21 އަހަރުން މަތީގެ މީހުންނަށް އެއްވެސް ސެންސަރު ކުރުމަކާ ނުލައި ފިލްމުތައް ސިނަމާތަކުގައި ދެއްކޭނެ އެވެ. އެހެންވެ ކުރިން ވަކި ކަހަލަ ކޮންޓެންޓްތަކާ ހެދި ޔޫއޭއީގައި ފިލްމުތައް ދެއްކުން މަނާކުރި ނަމަވެސް އާ އުސޫލުގެ ދަށުން 21 އަހަރުން މައްޗަށް ފިލްމުތަކުގެ އިންޓަނޭޝަނަލް "އަންކަޓް" ވާޝަންތައް ދެއްކޭނެ ކަމަށް ބުންޏެވެ.

The Media Regulatory Office announced the inscribed of the 21+ for the age classification categories for cinema films. pic.twitter.com/NO5WxZveZy
— مكتب تنظيم الإعلام (@uaemro) December 19, 2021

މިގޮތަށް ނިންމި ނަމަވެސް ސިނަމާތަކުގައި ކުރިއެކޭ އެއްގޮތަށް ހިފަހައްޓަން ޖެހޭ އުސޫލުތަކަށް އަމަލު ކުރާނެ އެވެ.

ޔޫއޭއީގެ އިިތުރުން މެދު އިރުމަތީގެ ވަރަށް ގިނަ ގައުމުތަގައި ނިވާކަން ކުޑަ ގައިގޯޅި މަންޒަރުތައް ދައްކުވައިދޭ ފިލްމުތަކާއި އިސްލާމް ދީނާ ފުށުއަރާ ކަހަލަ ކޮންޓެންޓްތައް ހިމެނޭ ފިލްމުތައް ދެއްކުން މަނަލެވެ. އަދި އެފަދަ ފިލްމުތަކެއް ހުއްދަދޭ ނަމަ ހުއްދަ ދެނީ ފިލްމު ވަރަށް ބޮޑަށް ސެންސަރުކުރުމަށް ފަހު އެވެ.

މި ސަބަބާ ހުރެ މި ފަހުން މެދު އިރުމަތިން މަނާކުރި ފިލްމުތަކުގެ ތެރޭގައި މިދިޔަ މަހު ރިލީޒްކުރި ހޮލީވުޑްގެ ބަތަލާ އެންޖެލީނާ ޖޯލީގެ ސުޕަހީރޯ ފިލްމު "އެޓާނަލްސް" އާއި މި މަހު ރިލީޒްކުރި ޑައިރެކްޓަރު ސްޓީވެން ސްޕީލްބާގްގެ "ވެސްޓް ސައިޓް ސްޓޯރީ" ހިމެނެ އެވެ.

ބޮލީވުޑް ހޮލީވުޑް މެދު އިރުމަތި ޔޫއޭއީ ފިލްމު

4 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އެކްސި

25 December 2021

ރާއްޖޭގަ ވެސް މިކަން ކުރަން ވެއްޖެ. ޝްވެކް އަށް ގޮސް ފުލް ޕްރައިސްގަ ފިލްމަށް ޕޭ ކުރާ އިރު ތަންތަން ގަނޑު ކަނޑާލާފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ށަވިޔަނި

23 December 2021

ފިލްމުތައް ސެންސަރު ކުރުމުން މިދުވަސްވަރު އެކަށީގެންވާ ނަތީޖާއެއް ނުނިކުމޭ. ކޮންމެ މީހަކު އަމިއްލައަށް އިސްލާހުވެ އެފަދަ މަންޒަރު ހިމެނޭ ފިލްމުތައް ނުބަލަންވީ. ހުރިހާކަމެއް ރަނގަޅުވާނެ.