ޚަބަރު / ރައީސް އިބްރާހިމް މުހައްމަދު ސޯލިހް

ގޯތީގެ މައްސަލާގައި ސިޔާސީ މަންފާ ހޯދަން ވާހަކަ ދައްކާ މީހުން ވެސް އެބައުޅޭ: ރައީސް

23 ރަށެއްގައި ފެނާއި ނަރުދަމާ ގާއިމުކުރުމުގެ އެއްބަސްވުމުގައި ސޮއިކުރުމުގެ ރަސްމިއްޔާތުގައި ރައީސް އިބްރާހީމް މުހައްމަދު ސޯލިހު ވާހަކަފުޅު ދައްކަވަނީ-- ފޮޓޯ: ޕްލޭނިން މިނިސްޓްރީ

މާއިދާ މުހައްމަދު ރަޝާދު، މިހާރު

29 ޑިސެމްބަރ 2021 - 11:55

37 comments

މާލޭގެ މީހުންނަށް ކުރިމަތިވެފައިވާ ބޯހިޔާވަހިކަމުގެ މައްސަލައަކީ ބޮޑު ކަމެއްގެ ގޮތުގައި ދެކިގެން އެ ވާހަކަ ދައްކާއިރު، ސިޔާސީ މަންފާއެއް ހޯދުމަށް ކަން އޮތް ހާލަތު އެނގި ތިބެ އެ ވާހަކަ ދައްކާ ބަޔަކު ވެސް އުޅޭ ކަމަށް ރައީސް އިބްރާހިމް މުހައްމަދު ސޯލިހު މިއަދު ވިދާޅުވެއްޖެ އެވެ.

ރާއްޖޭގައި މިހާރު ފެނާއި ނަރުދަމާ ގާއިމު ނުކުރެވި އޮތް 23 ރަށުގައި އެ މަސައްކަތް ކުރުމަށް އެކި ކުންފުނިތަކާ ހަވާލުކުރުމުގެ ރަސްމިއްޔާތުގައި ރައީސް ވިދާޅުވީ ރައްޔިތުންނަށް ބޭނުންވާ އަސާސީ ހިދުމަތްތައް ހޯދައިދިނުމަށް ކުރަން ޖެހޭ ގިނަ މަސައްކަތްތަކެއް އަދިވެސް އެބަހުރި ކަމަށާއި އޭގެ ތެރެއިން އެންމެ މުހިއްމު ކަމަކީ މާލޭގެ މީހުންނަށް ދިމާވެފައި އޮތް ބޯހިޔާވަހިކަމުގެ މައްސަލަ ކަމަށެވެ.

ރައީސް ވިދާޅުވީ ގިނަ ބަޔަކު އެއީ ބޮޑު ކަމެއްގެ ގޮތުގައި ދެކިގެން އެ ވާހަކަ ދައްކާއިރު، އޭގެ ތެރޭގައި ސިޔާސީ މަންފާއެއް ހޯދުމަށް ކަން އޮތް ހާލަތު އެނގި ތިބެ އެ ވާހަކަ ދައްކާ މީހުން ވެސް އެބައުޅޭ ކަމަށެވެ.

އެ އެންމެގެ ވާހަކަތައް ވެސް އަޑުއަައްސަވާނެކަން ފާހަގަކުރައްވައި ރައީސް ވިދާޅުވީ، މި ވެރިކަމުގައި މާލޭގެ މީހުންގެ ބޯހިޔާވަހިކަމަށް ހައްލެއް ހޯއްދަވައި ދެއްވާނެ ކަމަށެވެ.

"އިރާދަކުރެއްވިއްޔާ މިސަރުކާރުގައި މާލޭގެ ރައްޔިތުންގެ ބޯހިިޔާވަހިކަމާއި ގޯތި ގެދޮރުގެ މައްސަލައަށް ވެސް ހައްލެއް ހޯދައިދޭނަން،" ރައީސް ވިދާޅުވި އެވެ.

އެ މަނިކުފާނު ވިދާޅުވީ މިހާރު ވެސް ހުޅުމާލޭގައި 5،000 ފްލެޓް އެޅުމުގެ މަސައްކަތް ކުރަމުން އަންނަ ކަމަށާއި މާލޭގެ މީހުންނަށް ގޯތި ދިނުމުގެ މަޝްރޫއުއެއް ވެސް އެ ތަނުގައި ކުރިއަށް ގެންދިއުމަށް ރާވާފައިވާ ކަމަށެވެ.

"އަޅުގަނޑުމެން ގޯތި ދޭނީ ގުޅިފަޅުން އެކަންޏެެއް ނޫން. ހުޅުމާލެ އިން ވެސް ލިބޭނެ. އެހެން ފަޅުތަކުން ވެސް ލިބޭނެ. މި ދައްކަނީ 1،000 ގޯތީގެ ވާހަކައެއް ނޫން. އޭގެ ތިން ހަތަރު ގުނައަށް މާލޭގެ ރައްޔިތުންނަށް އަމާޒުކޮށްގެން ދޭނަން،" ހުޅުމާލެއިން ގޯތި ވިއްކަން ހުޅުވާލުމާއެކު ގިނަ ބައެއްގެ ފާޑުކިޔުން އަމާޒުވެފައިވަނިކޮށް ރައީސް ވިދާޅުވި އެވެ.

ހުޅުމާލޭގެ ދެވަނަ ފިޔަވަހިން މީހުން ދިރިއުޅުމަށް ބޮޑު އަގުގައި 60 ބިމެއް ވިއްކަން އެޗްޑީސީން ނިންމާފައިވާތީ ސަރުކާރުގެ ގޯތި ވިއްކުމުގެ ސިޔާސަތު ބަދަލުކުރުމަށް ގިނަ ބަޔަކު ދަނީ ގޮވާލަމުންނެވެ. އެމީހުން ބުނާ ގޮތުގައި މާލޭގައި ބޯހިޔާވަހި ކަމަށް ބޭނުން ވެފައިވާ އެތައް ބަޔަކު ތިއްބައި "މުއްސަނދިން" އަށް ގޯތި ވިއްކުން ބަލައެއް ނުގަނެވެ އެވެ.

އެ ފާޑުކިޔުންތަކާ ހައުސިން މިނިސްޓަރު މުހައްމަދު އަސްލަމް "މިހާރު" އަށް އިއްޔެ ވިދާޅުވީ ހުޅުމާލެ އާއި ގުޅިފަޅުން 3،000-4،000 އާ ދެމެދުގެ އަދަދަކަށް ގޯތި ދޫކުރަން ނިންމާފައިވާ ކަމަށެވެ.

Hulhumale aai Gulhifalhun 3,000-4,000 goathi dhookuraanan: Aslam

The most trusted news source in the Maldives

Mihaaru

އެޗްޑީސީން އިއުލާން ކޮށްފައި ވަނީ އެ ކުންފުނިން ވިޔަފާރި އުސޫލުން ވިއްކުމަށް ކުރިން ރާވާފައިވާ ބިންތަކެއް ކަމަށާއި އެއީ އާންމުންނަށް ގޯތީގެ ގޮތުގައި ދޫކުރަން ރާވާފައިވާ ބިންތަކެއް ނޫން ކަމަށް ވެސް އަސްލަމް ވިދާޅުވި އެވެ.

ހުޅުމާލެ ބޯހިޔާވަހިކަން ރައީސް އިބްރާހިމް މުހައްމަދު ސޯލިހް މާލެ

37 ކޮމެންޓް, 16 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހަމަބުނެލީ މިވާހަކަ

30 December 2021

މީގެކުރިން އެތަށްސަތޭކަ ގޯއްޗެއް ނީލަމުގަ ވިއްކިއިރު ބަރާބަރު، އަމިއްލަޔަށް ވިއްކާފަ ގަތްއިރުވެސް ހަމަ ބަރާބަރު، މިހާރު ވިއްކީމަ ސަކަރާތް ކަމަކުނުދެ. މިދެކޮޅުދިމާކުރާނެ ގޮތެއް ކިޔާދެއްވާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރޮކެޓް ސައިންސްް

30 December 2021

ކޮބާހޭ ހަވަރު ތިނަދޫގަ އަޅަންބުނި ޓާޝަރީ ހޮސްޕިޓަލް. ޔާމިން ސަރުކާރުން ހަވަރު ތިނަދޫގަ ހިއްކާފަ އޮތް 53 ހެކްޓަރު ބިމުން ގޯތި ދޫކުކޮއްގެން ތިއުޅެނީ އެއީ ޔާމިން ހިއްކާފަ އޮތް ބިމަކަށްވީމަތަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތެދެއްދޯ

29 December 2021

އޭގެން އެކެއް ރައީސް އިބޫ އަކީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސައިންޓިސްޓް

29 December 2021

ސަރުކާރު އެންމެ ޖެހިލުންވެ ބިރު ގަންނަ ކަމަކީ ދިވެހި ރައްޔިތުން އަމިއްލަ ގޯތީގައި ގެދޮރު ބިނާކޮށްގެން މިނިވަންކަމާ ފުދުންތެރި ކަމާ އެކު އާއިލާ އެކުގައި ގުޅިގެން ދިރިއުޅެން ފަށާފާނެތީ އާއި، ރަނގަޅު ސިއްހަތެއްގައި ތިބެދާނެތީ ސިއްހީ ފަރުވާ ފަސޭހަ ކަމާއެކު ކާރިން ރަނގަޅު ފެންވަރެއްގައި ލިބިދާނެތީ. މި ދެ ކަންތަކުގައި ސަރުކާރު ވަރަށް ވާހަކަ ގިނަވާނެ އޮޅުން ބޮޅުންކޮށް އެކި ގޮތްގޮތަށް އެކިފަހަރު ވާހަކަ ފަތުރާނެ ، ބަހަނާ ގިނަވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

29 December 2021

މިބޭފުޅާ ހީކުރަނީ ކަންނޭގެ މިބޭފުޅާގެ ވެރިކަން ނިމެނީ 2030 ގަ ކަމަށް. އަދިވެސް ވައުދުވުމުގަ ބަދަލެއް.ނުފެނޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުދުބެއްޔާ

29 December 2021

މާލެ ސަރަހައްދުން 4000 ގޯތި ދޫކުރާ ވާހަކަވެސް މީ ސިޔާސީ ވާހަކައަކާ ވަރަށް ވައްތަރު. އަދި މުއްސަދިންނަށް ގޯތި ވިއްކާ ވާހަކަޔަށް ދުއްވާލި ދެބޯގެރިޔަކަށް ވުންވެސް ވަރަށް ކައިރި 4000 ގޯތީގެ ވާހަކަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގޮވީޔޭތަ

29 December 2021

އަތަށްގޮވީ ކާކުގެތަ؟ މޭޔަރަކީ މާލޭގައި ގެދޮރުހުރި މީހެއް. އެކަމަކު އޭނަގެ މިނިސްޓަރު ކަމުގައި ހުޅުމާލެއިން 400 ބިން ވިއްކި. އަމިއްލައަށް ބިމެއް ގަނެ، އޭރުބުނީ ވިއްކާތީ އަމިއްލަ ފައިސާއިން ބިމެއް ގަތީއޭ. އެކަމަކު މިސަރުކާރުން 60 ބިން ވިއްކުން ގޯސް. މޭޔަރަށްވެސް މިހާރު މާލޭ ރައްޔިތުން ތިބިކަން ހަނދާން ވެއްޖެ. އޭރު ބިން ވިއްކައި އަމިއްލައަށް ގަތުންވެސް އޯކޭ. މިހާރު ބިން ވިއްކުން ގޯސް. އެކަމަކު މިފަހަރު އަމިއްލަ ފައިސާއިން ބިމެއް ނުގަންނާނެބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިސްނާލުމަށް އެދެމޭ

29 December 2021

ބޭފުޅާ އޮޅުވާނުލާބަހެއް ބުނުމަކުން ލިބޭނެގެއްލުމެނެތް މުއިއްޒު 400ގޯތިވިއްކަން އިއުލާނުކުރީ2018ގެ އޮކްޓޯބަރުހިސާބުގަ.4ލައްކަރުފިޔާއަށް 1000އަކަފޫޓު ޑައުންޕޭމަންޓަށް 25ހާސް ބާކީބައިބަހަލައިގެން ދެއްކޭގޮތަށް މިކަންހުއްޓުވީ މޑޕއިން އސސ މެދުވެރިކޮށް ގޯތިވިއްކަނީ މާއަގުހެޔޮކޮށް ކަމަށްބުނެ ދެންބުނެބަލަ ރައްޔިތުނާމެދު އޯގާތެރިބަޔަކު ރައްޔިތުމީހާގެ ދިރިއުޅުމާގުޅިފަހުރި މިވަރުގެކަމެ ހުއްޓުވާނެތަ ހަސަދަވިޔަސް ކަންކަންއޮޅުވާނުލަން އެދެން ފަހުންހެކިދޭންޖެހޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒިންދަގީ

29 December 2021

ތިޔަވާހަކަ އެންމެ ގިނައިން ދައްކަނީ މަނިކްފާނުގެ ބެސްޓްފްރޭންޑު.. އަދި މަނިކުފާނުގެ އެންމެބޮޑު ސިޔާސީ ވާދަވެރިއަކީވެސް މިހާރު އެއީ.. ހަމަ ބުނެލީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙަބީބު

29 December 2021

އަތައް ގޮވީމަ ބުނަނީ ކު ރިންނިންމާފައޮތްކަމެކޭ ތާހި ރެއްނު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިހަށްބަލާ

29 December 2021

ބިން ވިއްކުމާ ފްލެޓް ދިނުމާ ހުއްޓާލާފަ އިހަށް ހަގީގަތުގަ ބޯހިޔާވަހިކަމަށްޖެހިފަ ތިބި މީހުން ބަލާ ރަގަޅު ރަޖިސްޓްރޭޝަން ސިސްޓަމެއް ގާއިމުކުރަންވެއްޖެއެއްނު. ސިޔާސީނުވާ މީހާވެސް އަމިއްލަ ދަހިވެތިކަމާ އަމިއްލަ އެދުން އޮންނަނީ ބޮލުން މައްޗަށް އަރާފަ. ޅައިރުއްސުރެ މާލޭގަ އުޅެމުންދަނީއޭ ކިޔާފަ މާލެއިން ގޯއްޗާ ބިމާ ހޯދަން އުޅޭ މީހުން އެންމެ ފިތުނަ އުފައްދަނީ. ކުއްޔަށްދޭނެ ތަނެއްގެ ބޭނުމުގަ ހާލުގައުޅޭކަމަށް ދައްކައި މަކަރުން ފްލެޓް ހޯދާ މީހުން އެހާ ގިނަ