އިދިކޮޅު ފަރާތްތަކުން ރ. ދުވާފަރުގައި މިއަދު ބޭއްވި "އިންޑިޔާ އައުޓް" ހިނގާލުން
21 ޖެނުއަރީ 2022 - 19:48
ރާއްޖޭގައި އިންޑިއާގެ ސިފައިން ތިބުމާ ދެކޮޅަށް އިދިކޮޅު ފަރާތްތަކުންް ފުޅާކޮށްފައިވާ "އިންޑިޔާ އައުޓް" ކެމްޕެއިން ހުއްޓާލަންޖެހޭ މަގުބޫލު ސަބަބެއް ދައުލަތަކަށް ނުބުނެވޭ ކަމަށް އިދިކޮޅު ލީޑަރު އަދި ކުރީގެ ރައީސް އަބްދުﷲ ޔާމީން މިއަދު ވިދާޅުވެއްޖެ އެވެ.
ރ. ދުވާފަރުގައި މިއަދު ހަވީރު ބޭއްވި "އިންޑިއާ އައުޓް" ހަރަކާތުގައި ޕީޕީއެމްގެ ރައީސް ޔާމީން ވިދާޅުވީ، ގޭގޭގެ ފާރުގައި "އިންޑިއާ އައުޓް" ޖެހުމާއި "އިންޑިއާ އައުޓް" ޓީޝާޓެއް ލުމަކީ އަހުލާގީ ފެންވަރު ދަށް އަދި ބޭއަދަބީ ކަމެއް ކަމަށް ސަރުކާރުން ބުންޏަސް އެއީ ސަރުކާރާ ބެހޭ ކަމެއް ނޫން ކަމަށެވެ.
އިންޑިއާގެ ސިފައިން ރާއްޖެ އިން ފޭބުމަށް އެތައް ބަޔަކު ގޮވަނީ މިނިވަންކަމުގެ ދިވެހި ލޭ ހިނގާތީ ކަމަށާއި އެކަން ހުއްޓަން ޖެހޭ އެއްވެސް ސަބަބެއް ދައުލަތަށް ނުދެއްކޭ ކަމަށް އެ މަނިކުފާނު ވިދާޅުވި އެވެ.
"އިންޑިޔާ ހަރަކާތް ހުއްޓާލަން ޖެހޭ އެންމެ ސަބަބެއް ވެސް ދައުލަތަކަށް ނުދެއްކޭ. ނުވެސް ދެއްކޭނެ. ޔާމީން އިންޑިޔާ އައުޓް ޖެހީމާ އަހުލާގީ ގޮތުން ރަނގަޅު ކަމެއް ނޫނޭ ބުނެވެނީ،" އެ މަނިކުފާނު ވިދާޅުވި އެވެ.
ސަރުކާރުގެ ވެރިން ތިބީ ގައުމަށް ގައްދާރުވެފައި ކަމަށާއި ސުލޫކީ، ދީނީ އަދި ގައުމީ ގޮތުން ބެލި ނަމަވެސް އެއްވެސް ކުލުނެއް ނެތް ކަމަށް ވިދާޅުވެ، ޔާމީން އެހެން ހުރިހާ ސިޔާސީ ލީޑަރުންނަށް ވަރަށް ބޮޑަށް ފާޑު ވިދާޅުވި އެވެ.
ޔާމީން ވިދާޅުވިގޮތުގައި، ރާއްޖެއަށް ކުރިމަތިލުންތައް އަންނަ ކޮންމެ ފަހަރަކު އެ ބަޔަކު އަންނަނީ އިންޑިއާގެ އައްސޭރިފަށުންނެވެ. އެކަމަކު މި ފަހަރުގެ ތަފާތަކީ، އަމިއްލަ ޖީބުތަކަކަށް ލިބޭ މަންފާއެއްގެ ބޭނުމުގައި އިންޑިއާގެ އަސްކަރިއްޔާ ރާއްޖޭގައި ތިބުމަކީ މުޅި ރައްޔިތުން އެދޭ ގޮތޭ ބުނާ ބުނުން ކަމަށް އެ މަނިކުފާނު ވިދާޅުވި އެވެ.
އެކަމާ ދެކޮޅަށް ނުކުމެ ތިބީ މަދު ބައެއް ކަމަށް ސަރުކާރުން ބުންޏަސް ސަރުކާރާއި އިންޑިއާ އާއި އިންޑިއާ އިން ރާއްޖެ އަށް ކަނޑައަޅާފައި ހުރި ސަފީރަށް ދަންނަވަން އޮތީ އިންޑިއާގެ ސިފައިން ފައިބަން ޖެހޭނެ ވާހަކަ ކަމަށް ޔާމީން ވިދާޅުވި އެވެ.
"އިންޑިއާ ރައްޔިތުންގެ މައްސަލައެއް ނެތް. އިންޑިއާ އަސްކަރިއްޔާ އަށް ބުނަން އޮތީ އިންޑިއާ އައުޓް. އެއްވެސް ބިދޭސީ އަސްކަރީ ބާރަކަށް ޖާގައެއް ނެތް. މިއަދު ރާއްޖޭގެ ފަސްގަނޑުގައި [އިންޑިއާގެ] އަސްކަރިއްޔާގެ ސިފައިންނަށް މެހެމެންދާރީއެއް ނެތް،" ޔާމީން ވިދާޅުވި އެވެ.
ޕީޕީއެމް/ޕީއެންސީ ކޯލިޝަނުން އަންނަނީ ރާއްޖޭގެ އެކި ރަށްރަށަށް ގޮސް އިންޑިއާގެ ސިފައިން ތިބުމާ ދެކޮޅަށް ވަރުގަދަ އަށް ކެމްޕެއިންކޮށް އަޑު އުފުލަމުންނެވެ. ނަމަވެސް ސަރުކާރާއި އެމްޑީޕީ އަދި ކޯލިޝަންގެ އެހެން ޕާޓީތަކުން ވެސް ވަނީ ވަކި ގައުމަކާ ދެކޮޅު ނުވެވޭނެ ކަމަށް ބުނެ އެ ހަރަކާތް ކުށްވެރިކޮށްފަ އެވެ.
Copyright © 2024 Mihaaru · Terms and Conditions · Privacy Policy
ކޮމެންޓްތައް
1828
23 January 2022
ދައުލަތުން ވައްކަން ކުރަންޖެހޭ ސަބަބެއް ބުނެދީބަލަ.
އަމީރު
23 January 2022
ރަންރީނދޫގެ ހިޔާލަށް ވަރަށް ތާއީދު. "އިންޑިއާ އިން" ޖަހާލައިގެން މަގުތަކަށް ނުކުމެލުން ހަމަ ވަރަށް ރަނގަޅު. އޭރަށް "ބޮޑު ވގށ" ބޮޑު މަންޒަރު ފެންނާނެ!!
ބޮޑުބޭބެ ގެދަރި
22 January 2022
އިންޑިޔާ އައުޓް ބުންންޖެހޭ މަގުބޫލު ސަބަބެއްވެސް ނުދެއްކޭނެ. ނިކަން ދައްކަބަލަ. ތިޔާއުޅެނީ ޗައިނާގެ މޯހިރުންކަން އެންމެނަށްވެސް އެނގޭ. ހާދަހާ ހަޑިހުތުރުކޮށްނޭ ކުރީގެ ރައީސް މިއުޅެނީ!!
ސުރުމުތި
22 January 2022
ތިޔަބޭފުޅުން ގަޔަށްބާރު އިންޑިޔާއައުޓް ޓީޝާރޓް ލައިގެން ނުނިކުންނަން ލަފާއަރުވަން. އިންޑިޔާއައުޓް އަށް ވުރެ ތިމާގެ އަމިއްލަ ބަނޑު އައުޓްވީމައި ބަލައިލަން އުނދަގޫ.
ހައްވައްތަ
22 January 2022
އިންޑިޔާ އައުޓު މަނިކުފާނުގެ ގޭގެ ފާރުތަކުގައި ޖަހައިގެން އަދި އިންޑިޔާ އައުޓުޖެހި ޓީސާރޓު ލައިގެން މަނިކުފާނާއި ތިޔަ ބައިގަޑު ގޭގަ ތިއްބެވުމަކީ އެންމެ ރަގަޅުގޮތް ކަމުގައި އަޅުގަޑު ދެކެން ސަބަބީ ޔާމީނުގެ ވެރިކަމަކީ ނޫސްވެރިކަން ކަފުންކޮށް އެއްވެ އުޅުމުގެ ހައްގު ނިގުޅައިގަތް ސަރުކާރެއް، އަދި އެއްވާން ބޭނުމިއްޔާ ހައްޖައްދާށޭ ވެސް ބުނިމީހާ.. ލަދުހަޔާތެއް ނެތިފަ އަނިޔާވެރިކަން ބޮޑެތިމީހުންގެ ކަންތައްތައް ހުންނާނީ މިހެން
އިބްރާ1
22 January 2022
ދައުލަތުގެ ޚަޒާނާއިން ވައްކަން ކުރަންޖެހޭ ސަބަބެއް އޮވެގެންތޯ ވައްކަން ކުރީ؟ ދޮންބަންޑާރާއިންގެ ގައިގަ ހުރީ ހަލާލު ތަކެތި ކައިގެން ޖަހާފަހުތި ހާލާލު މަސް. ދޮންބަންޑާރާއިންގެ ގައިގަ ދައުރުވަމުން ދިޔައީ ހަލާލު ތަކެތި ކައިގެން އުފެދިފަ ހުރި ލޭ.
1828
22 January 2022
ސްޕްރީމް ކޯޓުން ހުކުމް ކުރީ ވައްކަން ކުރިކަމަށް ސާބިތުނުވާކަމަށް
އިބްރ
22 January 2022
އިންޑިއާ ސިފައިން ރާއްޖޭގައި ތިބެންޖެހޭ އެއްވެސް ސަބަބެއް ނެތް. ސަބަބަކަށް އެކިފަހަރު ކިޔަނީ އެކިއެތި. ދިވެހިން ޖުމްހޫރީ މައިދާނަށް އެއްނުވަނީސް ސުލްޙަވެރިކޮށް އިންޑިއާ ސިފައިން ރާއްޖޭގެ އެކިކަންކޮޅުތަކުން ބާލާނެކަމަށް އުންމީދުކުރަން. ރައްޔިތުން ނުކުތީމާ ދެންޖެހޭނީ އިންޑިއާ އެމްބަސީވެސް މިތަނުން ދާށެވެ. ރާޢްޖޭގައި އިންޑިއާގެ 30000 ރައްޔިތުން ބޮޑު މުސާރައިގެ ވަޒީފާތަކުގައި އުޅޭކަމަށްވޭ. އާސަންދައިގެ ބޮޑުބައިވެސް އިންޑިއާގެ ހޮސްޕިޓަލްތަކަށްދަނީ.
އަނބުރާ
22 January 2022
ތިއީ ކަލޭގެ "ނޯތުކޮރެއާގެ" ވިސްނުން. ދިވެހިންނޭ ރައްޔިތުންނޭ ކިޔައިގެން ވާހަކަދެއްކޭނީ ރައްޔިތުން އެފަދަ މަގާމަކަށް އިންތިހާބުކޮށްފަހުރި މީހަކަށް
ހަގީގަތްހާމަވަނީ
22 January 2022
މިހާރު މިކިޔަނީވެސް މިވެނި ރަށެއްގެ ރައްޔިތުން ކުރާކަމެއްގައި ބައިވެރިވަނީއޭ. އެކަމަކު މިއިން ކޮންމެ ރަށަކަށް ކުރިއާލަޢި ކަޅުދަބަސް އުފުލިމީހާއާއި ޓީމް ފޮނުވަޢިގެން މިކަމެއް ރާވަނީ. އަދި މާލެއާއި ކާރި ރަށްރަށުން މީހުން ގެނެސްގެން އަދަދު ގިނަކުރަނީ. އޭގެ ފަހުން މުލުމީހާއާއި އައުވާނުން މިދަނީ. މިހުރިހާކަމެއް މިއަޅުވަނީ އެރަށެއްގެ ރައްޔިތުންގެ ބޮލުގައި. އަޑީގަޢި މިތިބެނީ ޕީޕީ ކުދިންކޮޅު
1828
22 January 2022
18 އަހަރުން މަތީ ކޮންމެ ދިވެހި ރައްޔިތަކަށް ވޯޓް ލެވޭނެ. އެކަމުގައި ރާއްޖެތެރޭ މީހުން އިސްތިސްނާއެއް ނުވޭ
ހަސަނު
22 January 2022
އިންޑިއާ އައުޓު ގޮވަން ޖެހޭ ސަބަބެއް ނެތް އިރު އެއީ އެހެން ގޮވައގެން ނުވާނެ ސަބަބެއް...
ޙަސަން އަޙްމަދު
22 January 2022
އަޚްލާގީ ކަންކަމުގެ މާއްދީ ސަބަބެއް މާއްދީ ސިކުނޑިއަކަށް ބުނެއެއް ނުދެވޭނެ. ސަބަބަކީ މާއްދީ ސަބަބެއް ނުވެސް އޮންނާނެ އެއަކު. ކުޑަކުދިން ކުރިމަތީ ހަޑިއެއްޗެހި ނުކިޔަން ޖެހޭ ސަބަބެއް ވެސް ޔާމީންގެ ލޮޖިކަކަށް ނުވިސްނޭނެ.