ކޮވިޑް-19 އަށް މިއަދު 2،600 އަށް ވުރެ ގިނަ މީހުން ޕޮޒިޓިވްވެއްޖެ

ކޮވިޑް-19 އަށް ޓެސްޓްކުރަން ރޭންޑަމް ސާމްޕަލް ނަގަނީ: އެ ބައްޔަށް މިއަދު އެކަނި ވެސް 2،600 އަށް ވުރެ ގިނަ މީހުން ވަނީ ޕޮޒިޓިވް ވެފައި --- ފޮޓޯ/މިހާރު

މުއިއްޒު އިބްރާހިމް، މިހާރު

25 ޖެނުއަރީ 2022 - 22:59

10 comments

ކޮވިޑް-19 އަށް ރާއްޖެއިން މިއަދު 2،600 އަށް ވުރެ ގިނަ މީހުން ޕޮޒިޓިވްވެއްޖެ އެވެ.

ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ބުނީ އިއްޔެގެ ހަވީރު 6 އިން މިއަދުގެ ހަވީރު 6 އަށް ކޮވިޑް-19 އަށް ޕޮޒިޓިވްވި 2،609 މީހުންގެ ތެރެއިން 1،427 މީހަކު ޕޮޒިޓިވްވީ މާލެ ސަރަހައްދުން ކަމަށެވެ. އަތޮޅު ތެރެއިން 783 މީހަކު ވެސް ޕޮޒިޓިވްވި ކަމަށް އެޗްޕީއޭއިން ބުންޏެވެ.

ކޮވިޑް-19 އަށް ރާއްޖެއިން ޕޮޒިޓިވްވި މީހުންގެ އަދަދު 122،000 އަށް ވުރެ މައްޗަށް ގޮސްފައި ވިޔަސް، އެ ބަލި ޖެހުނު މީހުންގެ ތެރެއިން 105،000 އަށް ވުރެ ގިނަ މީހުން ރަނގަޅު ވެފައިވާތީ މިވަގުތު އެ ބަލި ޖެހިފައި ތިބީ 16،666 މީހެކެވެ. އޭގެ ތެރެއިން 57 މީހަކަށް ފަރުވާ ދެނީ ހޮސްޕިޓަލްގަ އެވެ.

ކޮވިޑް-19 ގައި ރާއްޖެއިން މިހާތަނަށް ވަނީ 271 މީހަކު މަރުވެފަ އެވެ. އެންމެ ފަހުން އެ ބަލީގައި މީހަކު މަރުވީ މިއަދެވެ.

ކޮވިޑް-19 އަށް ޕޮޒިޓިވްވާ މީހުންގެ އަދަދު އިތުރުވާން ފެށުމުން ރައްކާތެރިކަމުގެ ފިޔަވަޅުތައް އަނެއްކާވެސް ދަނީ ވަރުގަދަ ކުރަމުންނެވެ.

ސިއްހަތު ހެލްތު ޕްރޮޓެކްޝަން އެޖެންސީ ބަލިތައް

10 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހަމަވަނީ

26 January 2022

އާބާދީގެ އެންމެންނަށްޖެހި ތިއޮތްގެން ހަމަވަނީ. ތަފާސް ހިސާބަށް ނާރާ އުޅޭނެ ޓެސްޓްނުކޮށް އެކަމު ބަލިޖެހި ރަގަޅުވެފަ ތިބޭ އެތައް ސަތޭކަ ބަޔަކު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަންފަ1

26 January 2022

ޕޮސިޓިވް ގިނަވެ، ކޮންޓެކްޓުން ގިނަވެ، ކަރަންޓީނު ގިނަ ވެއްޖެ. އޮފީސްތަކަށް، ސްކޫލުތަކަށް އާއިލާތަކަށް ތަކުލީފު ބޮޑުވެއްޖެ. މިއީ ކަރަންޓީނުވާންޖެހޭ ވަރުގެ ސީރިއަސް ބަލިމަނޑުކަމެއް ނަމަ ބަލި ކޮންޓްރޯލް ކުރަން ފިޔަވަޅު އަޅާ. ފިޔަވަޅު އަޅަން ނުޖެހޭ ވަރުގެ، ސީރިއަސް ނޫން ކަމެއްވިއްޔާ ކަރަންޓީނު އުވާލާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުލީކް ކޮލެޖް

26 January 2022

އޮމިކްރޯން މައިތިރިވަންދެން ސަރުކާރު ބަންދުކުރޭ، އިންތި ހާބު ފަސްކުރޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނެތޭމައިތިރި

26 January 2022

އޮމިކްރޯންގެ އަނެއް ވައްތަރު އެއީ އަދި މާ އަވަހަށް ފެތުރޭ އެއްޗަކަށްވާއިރު އެ އެންމެ ގިނަ ކަމަށް ފާހަގަ ކުރެވިފައިވާ ދެވަނަ ގައުމަކީ އިންޑިއާ. އެތަނާ މިތަނާ އޮންނަ ބަދަހި ގާތް ގުޅުމުގެ ސަބަބުން ދެކޮޅުން މީހުން ބަދަލުވަމުން ދިއުން ހުއްޓޭކަށް ނެތް. މިގައުމުގެ ބަލި މީހުން އެބަޖެހޭ ކޮންމެހެން އިންޑިއާއަށް ދާން. 4 ވަނަ ޑޯޒު ޖަހައިގެން އިޒްރޭލްގެ ޑިފެންސް މިނިސްޓަރ އެވަނީ ޕޮޒިޓިވްވެފަ. ކިތަންމެ ވެކްސިނެއް ޖެހިއަސް ކޮވިޑަކަށް ނެތް ނިމުމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނޫރުލްއިސްލާން

26 January 2022

ސަރުކާރު އޮފީސްތަކާ އިސްކޫލުތައް 2 ހަފްތާއަށް ބަންދުކުރަންޖެހޭ، ވަރަށް ގިނަ ބަޔަކު،ބަލިޖެހިފައި ނޫނީ ކޮންޓެކްޓް ވެގެން ކެރަންޓީނުގައި މިތިބީ، ދެން އޮފީސްތައް ހުޅުވިޔަސް ކިހިނެތް މަސައްކަތް ކުރާނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރިޔާން

26 January 2022

މިހާރު ކޮވިޑް ބަލިޖެހޭ ގިނަ ފަރާތްތަށް ސިމްޓަމޭޓިކް. ސިއްހީ ދާއިރާގަ އުޅޭ ފަރާތްތަކަށް މިކަން އިންގޭނެ. ކޮވިޑް އަށް ޕޮޒިޓިވް ކަން އިންގެނީ ރޯގާ ޖެހި، ކެއްސާ، ހުންއައިސް، ގައިގަ ރިއްސާތީ ޑޮކްޓަރަށް ދައްކާ ސާމްޕްލް ނެގުމުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮވިޑު މަރު

26 January 2022

ދެއަހަރުން 300 ހަމަނުވޭ. ޕޮސިޓިވް 100000 އަށް ވުރެ މަތި. ޕަސެންޓޭޖުން ބަލާނަމަ 0.003. މިޔަކަށް ނުކިޔާނެ ޕެންޑެމިކެއް. މަރުވިގިނަމީހުންގެ އުމުރު 80 އަށްވުރެ މަތި. ކޮވިޑު ފިޔަވާ އެތައް އެތައް ބައްޔެއް ޖެހި މަރުވާންވެފަ ތިބި މީހުން. މިދެން މީހުން ބިރުގަންނަވަން ދައްކާވަރު ވާހަކަ އެއްނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަބުރަންޖީ ހާޖީ

25 January 2022

ހޮޓާތަކާކެފޭތައް ޓޭކްއަވޭތަކަށްނޫންގޮތަަށް ހުޅުވުމުގެ ފުރުސަތުދޭނެކަމެއްނެތް. އަދިހަމައެއާއެކު ޕާކުތަކާ މައިދާންތައްފަދަ މީހުން އެއްވާތަންތަން ބަންދުކުރާންވީ. 3 މީހުންނަށްވުރެ އިތުރަށް އެއްވުން މަނާކުރަންވީ. އެހެންކިޔާބަހައްޓާފާ އިހައްދުވަހު އެއްކުރިގޮތަށް މީހުން ދަނޑުތަކަށް އެއްކުރާނީއެއްނޫން. އެއްވެސްބާވަތެއްގެ ކެންޕޭނެއްކުރުން މުޅިން މާނާކުރަންވީ. ބައެއްގެ އިހުމާލުން ނަންބަރުތައް މަތިކޮށްފާ ރައްޔިތުން ލޮކްޑައުންކޮށް ލުކުސާނުޖައްސައިގެންނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސސަަަ

26 January 2022

ބޭކާރު ކަމެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަންނަމާރި_001

26 January 2022

ބަންދުކުރަންވާ މީހުން އެތިބީ ޑޭވަންއިން ފެށިގެން ބަންދުކޮށްފައި. އެއީ ރިސޯޓްގައި މަސައްކަތްކުރާ މަސައްކަތްތެރީން. އޭރުން ސަރުކާރު ހިނގާނެ. ސަރުކާރު ހިންގަން ބޭނުންވާ ޑޮލަރު އެއްވެސް ދަތިކަމެއް ނެތި ސަރުކާރަށް ލިބޭނެ. ސަރުކާރު އޮފީސްތައް ބަންދުކޮށްފައި މުވައްޒަފުން ގޭގައި ބައިތިއްބައިގެންވެސް ފުލް މުސާރަދެވޭނެ.