ކުރިމަތިލުންތަކުގައި ލަންކާ ސިފައިންގެ އުޅަނދަކަށް ގެއްލުން ލިބިފައި. --ފޮޓޯ:
02 ފެބުރުއަރީ 2022 - 11:10
5 comments
ކޮލަމްބޯ (ފެބްރުއަރީ 2) - ސްރީ ލަންކާގެ ކަނޑުގެ ސަރަހައްދުގައި ގަވާއިދާ ޚިލާފަށް މަސްވެރިކަން ކުރަމުން ދިޔަ އިންޑިއާގެ ދެ އުޅަނދެއްގައި ތިބި 21 މަސްވެރިން ލަންކާގެ ކަނޑުގެ ސިފައިންނާ ކުރިމަތިލުމެއް ހިންގުމުގެ ސަބަބުން ހައްޔަރުކޮށްފި އެވެ.
ލަންކާގެ ކަނޑުގެ ސިފައިން ނެރުނު ބަޔާނެއްގައި ބުނެފައި ވަނީ އިންޑިއާގެ މަސްވެރިންގެ ކުރިމަތިލުންތަކުގެ ސަބަބުން ފާސްޓް ޓްރެކް ކްރާފްޓެއް ހަލާކުވި ކަމަށެވެ. ނަމަވެސް މި ކުރިމަތިލުންތަކުގައި އެެއްވެސް މީހަކަށް ގެއްލުމެއް ލިބުނު ކަމަށް ބުނެފައެއް ނުވެ އެވެ.
"އިންޑިއާގެ މަސްވެރި އުޅަނދުތަކުގައި ތިބި މީހުން ގަދަ ބާރުން ލަންކާގެ ކަނޑުގެ ސިފައިންގެ ޔުނިޓްތަކުގެ އަތް ދަށުން ފިލަން މަސައްކަތްކޮށްފައި ވަނީ ގަދަ ބާރުން. އެ ކުރިމަތިލުމުގައި ވަނީ އެސްއެލްއެން ފާސްޓް އެޓޭކް ކްރާފްޓަކަށް ގެއްލުންވެފައި،" ސިފައިންގެ ބަޔާނުގައި ބުނެފައިވެ އެވެ.
ލަންކާ ސިފައިން ބުނެފައި ވަނީ އިންޑިއާގެ މަސްވެރިން ދާ އަޅަން ބޭނުންކުރި ސާމާނުތައް އަތުލާފައިވާ ކަމަށެވެ. ކަނޑުގެ އެންމެ އަޑިން ދާ އަޅައިގެން މަސްވެރިކަން ކުރުމަކީ ލަންކާގައި މަނާ ކަމެކެވެ.
އިންޑިއާގެ މަސްވެރި އުޅަނދުތަކުން ވަރަށް ގިނަ އިން ލަންކާގެ ކަނޑުގެ ސަރަހައްދަށް ވަދެ އުޅެ އެވެ. ޚާއްސަކޮށް ދެ ގައުމުގެ މެދުގައި އޮންނަ ހަނި ޕޯލްކް ކަނޑުއޮޅީގެ ތެރޭން ގިނަ އަދަދެއްގެ އުޅަނދު ފަހަރު ލަންކާގެ ސަރަހައްދަށް ވަދެ އެވެ.
ސްރީ ލަންކާގެ ކަނޑުގެ ސަރަހައްދުގައި ގަވާއިދާ ޚިލާފަށް މަސްވެރިކަންކޮށްގެން ހައްޔަރުކޮށްފައި ތިބި އިންޑިއާގެ 56 މަސްވެރިއަކު ލަންކާގެ ކޯޓަކުން މިދިޔަ ހަފުތާގައި ވަނީ ދޫކޮށްލައިފަ އެވެ. ނަމަވެސް އެ މީހުން މަސްވެރިކަން ކުރަން ބޭނުންކުރި އުޅަނދުތައް ވަނީ ހިފަހައްޓައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަޖުނަބީ
02 February 2022
ރާއްޖޭގަ ސޯމާލިއާ ކަނޑުފޭރޭބަޔަކު އުތުރު ރަށަކަށްފައިބާ ހޮޓާތަކުން ސައިބޮއެގެން ފުރައިގެން ދިޔަތާ ދެތިންދުވަސްފަހުން ރޭކާލީ.
ކޮރަލް
02 February 2022
ރާއްޖެ ސަރަހައްދަށް ވަނަސް ނޭނގޭނެ އެވެ. ސަރަހައްދު ބަލާ ކަމުގެ ތުހުމަތު އޮތީ އިންޑިޔާ އަށެވެ. ރާއްޖެ ސަރަހައްދަށް ވަގައް މަސްވެރިކަން ކުރަން ވަން ނަ އުޅަދުގެ 80 ޕަސެންޓް ހޯދަނީ މަސްވެރީންނެވެ. އެހެން ގޮތަކަށް ބުނާނަމަ ރާއްޖެ ކަނޑުގެ ސަރަހައްދު ބަލަހައްޓަނީ މަސްވެރީންނެވެ.
ކޯސްޓުގާޑު
02 February 2022
ލަންކާ . މަސްވެރިން ނަށް ވުރެއް އިންޑިޔާ މަސްވެރިން ،، ނުބައިވާ ނެ
އިސްމާލި
02 February 2022
އިންޑިއާ މަސްވެރިން ދިވެހި ކަނޑަކަށް ނުވަންނާނެ. އަހަރެމެންގެ ކަނޑުތައް ބަލަހައްޓަން އެ ހުރީ މާސިންގާ ރާޑަރުތަކާއި، ބެތިމެޓްރީ ޗާޓުތަކާއި، ޑޯނިއާ އަދި ހެލިކޮޕްޓަރުތައް. އެ އެއްޗެތި އޮޕަރޭޓްކުރަން އެތިބީ ދުނިޔޭގެ އެންމެ އާބާދީ ބޮޑު، އެންމެ ބޮޑު ޑިމޮކްރަސީގެ ތަމްރީން ލިބިފައިވާ "ޓެކްނީޝަނުން". އަދި އެ ބައިމީހުންގެ މިލިޓަރީ މަނަވަރުތައް އަހަރެމެންގެ ކަނޑުތަކުގައި އަބަދު ޕެޓްރޯކް ކުރޭ. އެހެންވީމައި އިނޑިއާ މަސްވެރިން ވަދެއްޖެ ނަމަ ފެންނާނެ.
ޖަލީލި
02 February 2022
ލަންކާ އާއި އިންޑިއާގެ މަސްވެރިން މިރާއްޖޭގެ މަސްކަނޑުތަށް ވެސް ހަލާކު ކުރަނީ ދާ އަޅައިގެން. ދިވެހިން ނަކީ ސަސްޓެއިނަބަލް ކޮށް ޕޯލް އެންޑް ލައިން މަސްވެރިކަން ކުރާ ބައެއް. މިހާރު ދެން މި ސަރުކާރަކަށް އިންޑިއާ ބޯޓް ތަކާ ދެކޮޅަށް ފިޔަވަޅެއް ވެސް ނޭޅޭ