ބްރެޒިލުން ރާއްޖެ އައި ބައެއްގެ އަތުން 21 މިލިއަން ރުފިޔާގެ މަސްތުވާތަކެތި އަތުލައިގެންފި

ބްރެޒިލުން ރާއްޖެ އައި ދެމީހެއްގެ އަތުން އަތުލައިގަތް މަސްތުވާތަކެތި.-- ފޮޓޯ: ކަސްޓަަމްސް

އިފްރާޒް އަލީ، މިހާރު

05 ފެބުރުއަރީ 2022 - 18:49

ރާއްޖެ އަށް ވައިގެމަގުން އެތެރެވާން އުޅުނު ބްރެޒިލްގެ ދެ މީހެއްގެ އަތުން ހަތަރު ކިލޯގެ މަސްތުވާތަކެތި އިއްޔެ އަތުލައިގެންފި އެވެ. މި މަސްތުވާތަކެތީގެ މަގުމަތީ އަގު 21 މިލިއަން ރުފިޔާ އަށް އަރަ އެވެ.

ކަސްޓަމްސް އިން މިއަދު ބުނީ، އުމުރުން 21 އަހަރުގެ ފިރިހެނަކާއި 23 އަހަރުގެ ބްރެޒިިލްގެ އަންހެނަކާ މެދު ޝައްކުކުރެވިގެން، އެ ދެ މީހުންގެ ލަގެޖުތައް ބަލައި ފާސްކުރިއިރު، އެއިން މަސްތުވާތަކެތި ކަމަށް ޝައްކުކުރެވޭ ތަކެތި ފެނުނު ކަމަށެވެ.

ފުރަތަމަ މަރުހަލާގައި މި ތަކެތި ޓެސްޓްކުރި އިރު، މަސްތުވާތަކެތީގެ ބާވަތެއް ކަމަށްވާ ކޮކެއިން އަށް ވަނީ ޕޮޒިޓިވް ވެފައިވާ ކަމަށް ވެސް ކަސްޓަމްސް އިން ބުނެ އެވެ.

"މި މަސްތުވާތަކެތީގެ މަގުމަތީ އަގު 21 މިލައަން ރުފިޔާ އަށް އަރާ. އަދި މި މައްސަލަތަކުގައި ޝާމިލްވާ ދެ މީހުންނާއި އަތުލައިގަނެވުނު މަސްތުވާތަކެތި މިހާރު ވަނީ މޯލްޑިވްސް ޕޮލިސް ސާވިސްއާ ހަވާލުކުރެވިފައި،" ކަސްޓަމްސް އިން ބުންޏެވެ.

އެ އިދާރާ އިން ބުނިގޮތުގައި، 21 އަހަރުގެ މީހާގެ އަތުން އަތުލައިގަތް މަސްތުވާތަކެތީގެ ޖުމުލަ ބަރުދަނުގައި 1.7 ކިލޯގުރާމް ހުރި އިރު 23 އަހަރުގެ މީހާގެ އަތުން ފެނުނު މަސްތުވާތަކެތީގެ ބަރުދަނުގައި 2.5 ކިލޯގުރާމް ހުއްޓެވެ.

މިދިޔަ އަހަރު އޮކްޓޯބަރު މަހު ވެސް ބްރެޒިލްގެ ދެ މީހަކު ލަގެޖުގައި ފޮރުވައިގެން ރާއްޖެ އަށް މަސްތުވާތަކެތި އެތެރެކުރަން އުޅެނިކޮށް ވަނީ އަތުލައިގެންފަ އެވެ. އެ މައްސަލައިގައި ވެސް އަންހެނަކާއި ފިރިހެނަކު ހައްޔަރުކުރި އިރު، އަންހެން މީހާ ބަންދުގައި ބަހައްޓަން ބޭނުންވާ ވަރަށް ހެކި ލިބިފައި ނުވާތީ، މިދިޔަ އަހަރުގެ ޑިސެމްބަރު މަހު އޭނާ ވަނީ ކޯޓުން ދޫކޮށްލައިފަ އެވެ.

18 kilo cocaine: Anhen meehaa dhookolli ninmumah HC in thaaeedhu koffi

The most trusted news source in the Maldives

Mihaaru

އެ ފަހަރު އަތުލައިގަތް މަސްތުވާތަކެތީގެ އަގު 90 މިލިއަން ރުފިޔާ އަށް އަރަ އެވެ.

ފަހަކަށް އައިސް ބޮޑެތި އަދަދުތަކުން ރާއްޖޭގައި ދަނީ މަސްތުވާތަކެތި އަތުލައިގަންނަމުންނެވެ. ދާދި ފަހުން 119 ކިލޯގެ މަސްތުވާތަކެތި މާލެއިން އަތުލައިގަތް އިރު، މިދިިޔަ އަހަރު ފަހުކޮޅު ވެސް އިތުރު 315 ކިލޯގެ މަސްތުވާތަކެތި އަތުލައިގެންފައިވެ އެވެ.

ބްރެޒިލް މަސްތުވާތަކެތި ކަސްޓަމްސް ޑްރަގް ޓްރެފިކްކުރުން ފުލުހުން

7 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޝަފީރު

06 February 2022

އޭނާ އެތެރެކުރީ މަސްތުވާ ތަކެތިކަން އޭނާއަށް އެނގޭބާ. އެއީ މަސްތުވާތަކެތިކަން ފުލުހުންނަށް ޝައްކުކުރެވިގެން ގެންދިޔަތަކެތި ތަޙްލީލުކޮށް އެއީ މަސްތުވާ އެއްޗެއްކަން ސާބިތުވިޔަސް އެތެރެކުރި އެމީހާއަށް އެއީ މަސްތުވާއެއްޗެއްކަން ނޭގުނަމަ މިހާރު ކުށްވެރިއެއް ނުވޭ. މިއީ މިއަދު ކޯޓުތަކުގެ ހުކުމް ކުރުން ހުރި މިންވަރު. އަދި ކަންކަން މިހިސާބަށް ދޯދިޔައިވެގެންދިޔައިރު ދައުލަތުގެ ވެރިޔާގެ އަތްދަށުން ދައުލަތް ބޮއްސުން ލާފައިވާ މިންވަރު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝަފީރު

06 February 2022

3 ފެބުރުއަރީ 2022 ދުވަހު ރައީސް ސާލިޙު އިއްވި ރިޔާސީ ބަތާނުގައި އެމަނިކުފާނު ފަޚުރުވެރިކަމާއެކު ވިދާޅުވީ މަސްތުވާތަކެތި ބިލިޔަން ބިލިޔަން ރުފިޔާގެ އަގުހުރި މިނިވަރަށް އަތުލައިގެންފައިވާހަކަ. ދިވެހިރާއްޖެއަށް މަނާމިތަކެތި އެތެރެކުރުން ހުއްޓުވަން ކުރާ މަސައްކަތަކީ އެއީކަމަށް. މިތަކެތި އެތެރެ ނުކުރާނެ ގޮތެއް ހަދަން އެމަނިކުފާނުވެސް ބޭނުން ފުޅު ވާކަމަކަށް ވިދާޅެއްނުވޭ. ބޭނުމީ އެތިކޮޅު ފުލުހުން ލައްވާ އަތުލުން ކަމަށް ދޭހަވަނީ ހަމަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަންނުޖަހާ

05 February 2022

އަނެއްކާ މިފަހަރު ކޯޓުގައި ސާބިތުކުރެވޭނެބާ އެމީހުންނަށް އެ ގެނައީ މަސްތުވާ ތަކެތިކަން އެގޭކަން.. ހީވާ ގޮތުން ތި ދެމީހުންވެސް އެއީ ކޭކުއަޅަން ތިމަންނަމެން ގަނެގެން ގެނައި ކޮކޯ ޕައުޑަރޭ ނުބުނެފިއްޔާ ރަގަޅު. އޭރުން އަނެއްކާ ފުލުހުންނަށް ޖެހޭނެ ސާބިތުކޮށްދޭން އެމީހުންނަށް އެއީ މަސްތުވާ ތަކެތިކަން އެގޭކަން.. ނޫނީ ކޯޓުން ދޫކޮށްލާނެ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖޮބް ޑަން

05 February 2022

އެމީހުންގެ ޒއްމާ އަކީ ރާއްޖެ އަށް އެތެރެކުރުން. ދެން 3 ދުވަސް ފަހުން ޑީޕޯރޓް ވުން. ވެލް ޕްލޭންޑް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިރާސ

05 February 2022

ރާއްޖެ މަގުން ޓްރާންސިޓުކޮށް ދިޔައިމައި ޗެކު ކުރުމުގައި ލުއިގޮތް ހަދާދޭ...އެހެންވެގެން ނޯތު އެމެރިކާ ސަރަހައްދުން ރާއްޖެ އަންނަ މީހުން ޑްރަގްސް ގެންނަނީ.. އިދާރާތަކުން ސަމާލުވެ ބްރެޒިލް ، މެކްސިކޯ ، ކޮލަންބިޔާ އިތުރުން މި ސަރަހައްދުގެ ގައުމުތަކުގެ ދަތުރުވެރިންނަށް ހާއްސަ ސަމާލުކަމެއް ދީގެން ޗެކު ކުރަން ރަނގަޅު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިރާސާ4

15 June 2022

ސައުތް އެމެރިކާ މައި ސްޓުޕިޑް ފްރެންޑް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

05 February 2022

ހިއުމަންސް ޓްރެފިކިން އާއި ޑްރަޤް ލޯޑުންގެ ކިބައިން ޤައުމު ސަލާމަތްކުރުމަށްޓަކާ ބޯޑަރުބެލެހެއްޓުން ހަރުދަނާކުރަން އީޔޫގެ ޤައުމުތަކާއި، ސްވިޓްޒަލެންޑް، އެމަރިކާ، ކެނަޑާ، ޗައިނާ، ޖެޕާން، ސިންގަޕޯރ، ކޮރެއާ، ސައުދީ، ޤަޓަރ، ކުވެއިތު، ޔޫއޭއީ، ސައުތުއެފްރިކާ، އޮސްޓްރޭލިއާ، ނިއުޒީލަންޑް، ރަޝިޔާ، އިންޑިޔާ އަދި ސްރީލަންކާގެ އޯލްޑިނެރީ ޕާސްޕޯޓް ހޮލްޑަރުންނަށްމެނުވީ އެޑްވާންސް ވީސާނެތި ރާއްޖެނާދެވޭގޮތަށްހަދާން އަދިވެސް ނުވޭތޯ؟!