ކާޑެއްދޫ އެއާޕޯޓް ހިންގަން ވިލާއާ ހަވާލުކޮށްފި

ކާޑެއްދޫ އެއާޕޯޓް ވިލާއާ ހަވާލު ކުރުމަށް ވިލާ ގްރޫޕްގެ ޗެއާމަން ގާސިމް އިބްރާހިމް (ކ) އެއްބަސްވުމުގައި ސޮއި ކުރައްވަނީ-- ފޮޓޯ: ޓްރާންސްޕޯޓް މިނިސްޓްރީ

އިދުހާމް ނައީމް، މިހާރު

01 މާޗް 2022 - 12:38

16 comments

ގދ. ކާޑެއްދޫ އެއާޕޯޓް ހިންގުން ވިލާ ކުންފުންޏާ މިއަދު ހަވާލުކޮށްފި އެވެ.

ޓްރާންސްޕޯޓް މިނިސްޓްރީގައި ބޭއްވި ރަސްމިއްޔާތެއްގައި އެއާޕޯޓުގެ އެއްބަސްވުމުގައި ވިލާ ގްރޫޕުގެ ފަރާތުން ސޮއި ކުރެއްވީ ޗެއާމަން ގާސިމް އިބްރާހިމެވެ.

ކާޑެއްދޫ އެއާޕޯޓްގެ ހިންގުން ވިލާއާ މި ހަވާލުކުރީ، ކޯޓުން އެ ގޮތަށް ނިންމާފައިވާތީ އެވެ.

ވިލާ އެއާގެ މެނޭޖިން ޑިރެކްޓަރު އަބްދުﷲ ނާޝިދު ކުރިން ވިދާޅުވީ، އެހެން އެއާޕޯޓޫތަކުގެ އެއްބަަސްވުންތަކާ އެއްގޮތަށް ކާޑެއްދޫ އެއާޕޯޓުވެސް އެ އެ ކުންފުންފުންޏާ ހަވާލު ކުރާއިރު ވަކި ރަށެއް ދޭން އެދިފައިވާ ކަމަށެވެ. ނަމަވެސް އިތުރު ރަށެއް ދިން ކަމެއް އަދި ޔަގީނެއް ނުވެ އެވެ.

ވިލާއެއާއިން ބުނީ މި މަސް ނިމުމުގެ ކުރިން އެ އެއާޕޯޓް އޮޕަރޭޝަނަށް ގެނައުމަށް މަސައްކަތް ކުރަމުން އަންނަ ކަމަށެވެ. އަދި ހިންގަން ފަށާތާ ހަތް އަހަރުތެރޭގައި އިންޓަނޭޝަނަލް ފެންވަރަށް ތަރައްގީ ކުރެވޭނެ ކަމަށް އެ ކުންފުނިން ބުންޏެވެ.

ވިލާގެ އަތުން ކާޑެއްދޫ އެއާޕޯޓު އަތުލުމުން، މިއަދާ ހަމައަށް އެ އެއާޕޯޓް ހިންގަމުން އައީ ރީޖަނަލް އެއާޕޯޓްސް އިންނެވެ. އެ އެއާޕޯޓުގެ ހިދުމަތްތަކުގެ ފެންވަރު ދަށް ކަމަށާއި އެއާޕޯޓު މަރަމާތު ނުކުރާތީ އެ ތަނުން ހިދުމަތް ހޯދާ ގިނަ ބަޔަކު ޝަކުވާ ކުރެ އެވެ.

ކާޑެއްދޫ އެއާޕޯޓު ހިންގުން 2013 ވަނަ އަހަރު 50 އަހަރަށް ވިލާ އެއާ އަށް ދީފައި ވަނިކޮށް ޖެނުއަރީ، 2017 ގައި އަބްދުﷲ ޔާމީންގެ ވެރިކަމުގައި ވަނީ އެތަނުގެ އެއްބަސްވުން ބާތިލްކޮށް، އެއާޕޯޓް އަތުލި އެވެ. ނަމަވެސް އެއާޕޯޓް އަނބުރާ ދޭން ސިވިލް ކޯޓުން 2018 ވަނަ އަހަރު ހުކުމް ކުރުމުން ހައި ކޯޓާއި ސުޕްރީމް ކޯޓުން ވެސް ވަނީ އެ ހުކުމަށް ތާއީދުކޮށްފަ އެވެ.

އެއާޕޯޓުގެ ކަންކަން ބައްލަވާލެއްވުމަށް މިއަދު ގާސިމް ކާޑެއްދޫއަށް ވަޑައިގަތުމަށްވެސް ވަނީ ހަމަޖެހިފަ އެވެ.

ވިލާ އެއާ ވިލާ ގްރޫޕް ކާޑެއްދޫ އެއާޕޯޓް

16 ކޮމެންޓް, 10 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގުއިއްޒު

01 March 2022

އެއަރޕޯޓު ގާސިމަށް ރަށެއްވެސް ގާސިމަށް. 50 އެތައް މިލިޔަން ރުފިޔާއެއްވެސް ގާސިމަށް. މަ ހިތަށް އަރާ ވެރިންވެސް ގާސިމަށް ދޭންވީ ނޫން ބާވައޭ? އިންސާނުންގެ ތެރޭގައި ހިތް ނުފުރޭ މީހުން އުޅޭކަން ހަގީގަތުގައިވެސް މިހިރަ ދައްކަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

01 March 2022

ގައުމުގެ ހަރުމުދާ ފޭރުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

85887

01 March 2022

ޑޮމެސްޓިކް އެއާޕޯޓް ތެރޭ ހިމެނޭ އެންމެ ކަޑަ އެއް އެއާޕޯޓް މީ. ޑިވެލެޕް ކުރުމެއް ނެތް. ރަންވޭ އޮތީމާ ނިމުނީ. ކޮބާ 32 މެމްބަރުން ހޮވުމުގެ ބޭނުމެއް؟ އެއާޕޯޓް ތަރައްޤީ ނުކުރެވެނީ ކީވެ؟ އަށިގަނޑު މަތިން ފޮށިނެގުން ބަދަލުކޮށް ޓާމިނަލޭ ކިޔާފަ ހަދާފަ ހުރި '12 × '12 ގޮޅި ބަދަލުކުރާކަށް ނުވޭތަ؟ ތަން ތަރައްޤީ ވާނީ ސިކުނޑިތައް ތަރައްޤީވެގެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދުން

01 March 2022

ކީއްވެތަ ނަހުލާ ސޮއި ނުކުރަނީ.ޤާސިމަކީ މުއައްޒަފުންނަށް މުސާރަ ނުދޭ ނިކަމެއްޗެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކާޑެއްދޫހާލަތު

01 March 2022

ތި އެޔާ ޕޯރޓްގެ ފާހާނާތަކަކީ ވަރަށް ފެންވަރު ދަށްކޮށް އަދި ބޭނުން ނުކުރެވޭ ފެންވަރުގެ ތަނެއް. ބޭރު މީހުން އެފާހާނާ ތަކަށް ވަދެފައި ފެނުގައި ދުވާ ކުނިވަހުން އެހާ ޝަކުވާ ކުރޭ..........