ޓެކްސީ ދަތުރުތަކުގެ އަގު ބޮޑުނުކޮށްދިނުމުން ދަތުރުތައް ހުއްޓާލައި ޓެކްސީ ޑްރައިވަރުން އިހުތިޖާޖުގައި- ފޮޓޯ: ފަޔާޒު މޫސާ/ މިހާރު
10 މާޗް 2022 - 17:15
37 comments
ޓެކްސީ ދަތުރު ކޮށްދޭ އަގުތައް ސަރުކާރުން މުރާޖައާ ކޮށްނުދިނުމުން ޓެކްސީ ސެންޓަރުތަކުން ދަތުރުތައް މިއަދު ހުއްޓާލައި ހުޅުމާލޭގައި އިހުތިޖާޖެއް ފަށައިފި އެވެ.
އެ ހަރަކާތުގައި އިސްކޮށް އުޅޭ ޑްރައިވަރަކު "މިހާރު" އަށް ބުނީ، އަގުތައް މުރާޖައާ ކޮށްދޭން ޓްރާންސްޕޯޓް މިނިސްޓްރީގައި އެދުނަސް ސަރުކާރުގެ އޮފީސްތައް މިއަދު މެންދުރު ދޭއް ޖެހުމާ ހަމައަށް ބަންދުކުރިއިރު ވެސް އިޖާބަދީފައި ނެތް ކަމަށެވެ.
"އެ ކަމަށް ބީރު ކަންފަތެއް ދިނީ. ރަނގަޅު ގޮތެއް ވާނެއޭ ބުންޏަސް ޚަބަރެއް ނުވޭ،" އޭނާ ބުންޏެވެ.
އެހެންވެ ޓެކްސީ ދަތުރުތައް ހުއްޓާލުމަށް ފަހު، ޑްރައިވަރުން މިހާރު ދަނީ ހުޅުމާލޭގެ ރުއްގަނޑު ދޭއް ސަރަހައްދުގައި އިހުތިޖާޖު ކުރަމުންނެވެ. ރާއްޖޭގެ ބާޒާރުގައި ވެސް ޕެޓްރޯލްގެ އަގު އުފުލެމުންދާއިރު ޓެކްސީ ދަތުރުތައް ކުރިން ކަނޑައަޅާފައިވާ އަގުތަކަށް ކުރާނެ ގޮތަކާ މެދު އެ މީހުން ސުވާލު އުފައްދަ އެވެ.
ޓެކްސީ ދަތުރުތައް ހުއްޓާލުމަށް ފަހު ޑްރައިވަރުން އިހުތިޖާޖުގައި-- ފޮޓޯ: ފަޔާޒު މޫސާ/ މިހާރު
ޑްރައިވަރުން ފާހަގަކުރާ ގޮތުގައި ޓެކްސީ ދަތުރުކުރަނީ އެ މީހުން ވެސް ކައިބޮއި ހަދާ މަސައްކަތެއްގެ ގޮތުގަ އެވެ. މާލެތެރޭގެ ދަތުރަކަށް 25ރ. އަށް ނަގަން ކަނޑައެޅީ އަށް ރުޕިޔާ އަށް ޕެޓްރޯލް ލިޓަރެއް ލިބުނު ޒަމާނުގައި ކަމަށް އެ މީހުން ބުނެ އެވެ. އެކަމަކު މިހާރު ޕެޓްރޯލް ލިޓަރެއްގެ އަގު އުޅެނީ 14.60ރ. ގަ އެވެ.
ޑްރައިވަރުން ބުނަނީ މި ފަހަރު އިހުތިޖާޖު ފެށީ ހުއްޓާލާ ގޮތަކަށް ނޫން ކަމަށެވެ. ހުޅުމާލޭގެ ރުއްގަނޑު ދޭއް ސަރަހައްދަށް އެއްވާ ޑްރައިވަރުންގެ އަދަދު ވެސް އިތުރުވަމުންދާއިރު، އެ މީހުން ތިބީ ޕޯސްޓަރުތަކުގައި ކަންބޮޑުވުންތައް ވެސް ލިޔެގެންނެވެ.
ޓެކްސީ ޑްރައިވަރުންގެ އިހުތިޖާޖުގައި ބައިވެރިވަނީ: ޓެކްސީގައި މީޓަރު ހަރުކުރެވެންދެން އަގުތައް އުފުލައިދޭން ޑްރައިވަރުން އެދޭ-- ފޮޓޯ: ފަޔާޒު މޫސާ/ މިހާރު
"މިހާރު ކުރިއަށް މި ދަނީ ހުއްޓާ ގޮތަކަށް ނޫން. ފަހަރަކު ސްޓެޕެއް ވަރުގަދަ ކުރަމުން އަޅުގަނޑުމެން ދާނީ. މަގުމައްޗަށް ނުކުންނަން ޖެހިއްޖެއްޔާ މަގުމައްޗަށް ވެސް ނުކުންނާނަން،" ޑްރައިވަރަކު ބުންޏެވެ.
ހުރިހާ ޓެކްސީ ސެންޓަރެއްގެ އާންމު ދަތުރުތައް ހުއްޓާލިޔަސް ކޮންމެ ސެންޓަރަކަށް ވެސް ދެ ޓެކްސީ ދުއްވުމުގެ ހުއްދަ ވަނީ ދީފަ އެވެ. އޭނާ ބުނީ އެއީ ހަމައެކަނި އިމަޖެންސީ ހާލަތްތަކުގައި ދުއްވާ ގޮތަށް އޮތް ޓެކްސީތަކެއް ކަމަށާއި އެ ޓެކްސީތަކުން ފައިސާ ނުނަގާނެ ކަމަށެވެ.
"އެމްބިއުލާންސްގެ ގޮތުގައި ބޭނުންކުރަން ޖެހިއްޖެ ހާލަތުތަކުގައި އެ ޓެކްސީ ދަތުރުތައް ކުރާނީ. އެއީ މުޅިން ހިލޭ ކުރާ ދަތުރުތަކެއް،" އިހުތިޖާޖުގައި ހުރި ޑްރައިވަރަކު ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަރުތަ
11 March 2022
އިހުތިޖާޖު ކިރަން މިމީހުން މިތިބީ މިމީހުންގެ އަމިއްލަ ބިމެއްގަބާ! ހާދަ ގޮތެއް ނެތް ބައެކޭދޯމީ!
އަޝްރަފް
11 March 2022
އިބްރަަހިމް ނާސިރު ހެދިހެން ހަދަންވީ. ސަރުކާރުގެ ކާރުތައް ނެރެގެން ޓެކްސީ ކުރަންވީ. އޭރުން ތިބޭނީ އެއްޗެއް ވިސްނިފަ. ވަރަށް ހިތް މައްޗަށް އަރައިގެން އުޅޭ ބައެއް ތިޔަ ޑްރައިވަރުންނަކީ...
އިޙްސާސް
10 March 2022
ސައިކަލުގަ ޓެކްސީ ކުރަން ނިކުންނަންވީ 25 ރުފިޔާއަށް. ބޮއިކޯޓް މިހުރިހާ ޓެކްސީ ސެންޓަރުތައް. ޓެކްސީގެ ފީ ބޮޑުކުރަންޏާ އަހަރެމެން ހުރިހާ ދިވެހިރައްޔިތުނަށް ސަބްސިޑީވެސް ލިބެންވާނެ. ޓެކްސީ ދުއްވާ މީހުން އެކަންޏެއްނޫން ކައިބޮއިގެން އުޅެންޖެހެނީ..
ޕްރޮފެސަރ. ތާކިހާބެ
10 March 2022
ޓެކްސީ ޑްރައިވަރުން ގުޅިގެން ކުރާ ކަމަކީ ސަރުކާރު ބާރުކަނޑުވާލާ މުޅި ޓެކްސީގެ ނިޒާމް ކޮންޓްރޯލްކޮށް ރައްޔިތުން ފެލުން. މިހާރުވެސް އެއަރޕޯޓްގައި އުޅޭ ޕްރައިވެޓް ހަޔަރ ކުރާކާރުތަކަށް ޖެއްސުންކޮށް ބިރުދައްކާ ހަދަފަވޭ.. މިނިސްޓަރ ކައިރީގައިވެސް މިއަދު އެބުނީ ޕްރައިވެޓް ކާރުތައް އެއަރޕޯޓުން ބޭރުކުރަން.. މިހާރު ޖެހެނީ ޕްރައިވެޓް ހަޔަ ކުރަން ފުތުސަތުދީ ގަވާއިދުހަދާ ސަރުކަރުން މިކަންކޮންޓްރޯލް ކުރަން.
ޕްރޮފެސަރ. ތާކިހާބެ
10 March 2022
ކަލޭމެން މިނިސްޓަރ ކައިރީގައި މައްސަލަ ތިޔަ ޖައްސަނީ މޕްރައިވެޓް ހަޔަރ ކުރާ ކާރުތައް އެއަރޕޯޓުން ބޭރުކުރަން. ކަލޭމެން މަދުވަގުތު ކޮޅެއްގައި ޓެކްސީ ކޮއްފައި ޑޮލަރުނަގަ އިގެން ގޭގަތިބޭއިރު އެެއަރޕޯޓްގައި ކިއުގައި ތިބޭ ޕެސެންޖަރުން އުފުލަނީ ޕްރައިވެޓް ކާރުތައް. މޮބައިލް ޢެޕްލިކޭޝަން އަދި ޕްރައިވެޓް ކާރު ހަޔަރ ކުރުންވެސް ކަލޭމެން ކޮންޓްރޯލް ކޮއްފަ ސަރުކާރުވެސް ކަލޭމެން ބާރުދަށަށް ގެނެސް ރައްޔިތުން ފެލަން ތިޔާ މަސައްކަތްކުރަނީ...
ލޯމާފާން
10 March 2022
އިންކަމް ޓެކްސް ދައްކަން ޖެހޭ ވަރު މުއްސަނދިން މިއޮއް މުޒާހަރާ ކުރަނީ.
ހުސްނުހީނާ
10 March 2022
ތިމަންނަމެން ސާވުކުރަނީ ޕަބްލިކަށޯ. ގަރުނުގެ އެއްމެ ބޮޑު ޖޯކު! ޓެކްސީ ދުއްވަނީ ހިތައްއެރި ދުވަހަކު. ހިތައްއެރި ގަޑިއަކު. އެދުވަަހަށް ކަންޑައަޅާފައިވާ އަދަދަށް ރުފިޔާ ލިބުނީމަ ޓެކްސީ ޕާރކް ކޮށްފަ ފައިބަނީ. މިއިންވެސް އެނގޭ މިމީހުން ލާރި ނަގާވަރު! ހަމަ ފެލަނީ!
އެމްސް
10 March 2022
ޓެކްސީތަކުގަ މީޓަރު ހަރުކޮށް، ކުރިނަށްވުރެވެސް ރޭޓް ތިރިކުރަންވީ! -/25 އަކީ ދުނިޔޭގެ ނިސްބަތަށް ބެއްޔަސް ވަރަށް ބޮޑު އަގެއް!
ޢަރުތަ
11 March 2022
މިރޭގެ ދަންވަރު 12 ގެ ފަހުން އަވަށްޓެރި ސްރީލަންކާގަ ޕެޓްރޯލް އަގުބޮޑުވާނެ، ސުޕަރ ޕެޓްރޯލް ލީޓަރެއްގެ އަގު ހުންނާނީ 15.85 ދިވެހި ރުފިޔާއަށް، އެތާގަ 35 ކިލޯމީޓަރުގެ ދަތުރެއް 250 ދިވެހި ރުފިޔާއަށް ވުރެ ބޮޑެއްނުވާނެ، އެހެންވީމަ ރާއްޖޭގަ އެއްގަމު ދަތުރުތައް މިކުރަނީ އަސްލު ވަރަށް ބޮޑުއަގުގަ، މީ ހަމަ އަސްލުވެސް ސަރުކާރުން ވަރަށް ބޮޑަށް ވިސްނާ ހައްލެއް ގެއްނަން ވެއްޖެ ކަމެއް.
ވަތުތަށި
10 March 2022
ސަރުކާރަށް ކެރޭނެ ޓެކްސީގެ އަގާ ކުޅެން. އެކަމު މާލޭގެ ކުލީ އަގާ ކުޅޭކަށް ނުކެރޭނެ. ދެބައިމީހުން ވެސް އަމިއްލަ މުދަލުން ދޭ ހިދުމަތެއް. ދެން ކީއްވެ ތަފާތުކުރަންވީ.
Draw
10 March 2022
ރައްޔިތުން ހިންގާ ހުރިހާ ޓެކްސީ އެއް ބޯއިކަޓްކުރަން އޭރުންދެންް އެމީހުން ހޭއަރާނީ
ޢަރުތަ
11 March 2022
ކުޅެވެން ނީންނަ ސަބަބަކީ، މާލޭގެ ބޭފުޅުން ކުއްޔަށް ދީފަ ހުންނަ ތަންތަނަކީ ސަރުކާރުގެ އެއްވެސް މުއައްސަސާއެއްގަ ރަޖިސްޓްރީކޮށްގެން ވަކި ޒާތެއްގެ ބޯޑެއް ޖަހާ އަހަރީފީ ދައްކައިގެން ކުރާކަމަކަށް ނުވާތީ، އެޔާ ޚިލާފަށް ޓެކްސީތައް............!
އަރޫޝާ
10 March 2022
ހުކުރުދުވަހަކާ ދިމާކޮށް މިމީހުން ބޮޑާހަކާފަ ދަތުރު ހުއްޓާލީމަ ދެރަވާނީ ހަމަ ތި މީހުނަށް. އާންމުން އެ ލިބެން ހުރި ވަސީލަތެއްގެ ބޭނުން ކޮށްގެން ދަތުރު ކުރާނެ.