އައްޑޫ އިކުއިޓޯރިއަލް ހޮސްޕިޓަލު ކައިރީ އޮންނަ ފެންގަނޑުގައި މަސް މަރުވެފައި--
15 މާޗް 2022 - 17:37
17 comments
އައްޑު އަށް މިދިޔަ ދެ ހަފުތާއެއްހާ ދުވަހު އާދަޔާ ހިލާފަށް ހޫނު ގަދަވެ، ހިތަދޫގެ ބައެއް ކުޅިތަކުން މަސްތައް މަރުވާން ފަށައިފި އެވެ.
ހިތަދޫގެ ބަޔަކު އިއްޔެ ސޯޝަލް މީޑިއާގައި އާންމު ކޮށްފައިވާ ފޮޓޯތަކުން ފެންނަ ގޮތުގައި، އެ ރަށުގައި ހުންނަ އައްޑޫ އިކުއިޓޯރިއަލް ހޮސްޕިޓަލުގެ ވަށައިގެން އޮންނަ އާރިކުޅީގެ ބައެއް މަސްތައް މަރުވެ، ފެނުން މައްޗަށް ވަނީ އަރައިފަ އެވެ. އެއީ ފެހެލަ ކުޅިއާ ގުޅިފައިވާ ބޮޑެތި މަސްތައް ވެސް އުޅޭ ކުޅިއެކެވެ.
ހިތަދޫ މޫލެކެނޑި ދާއިރާގެ ކައުންސިލް މެމްބަރު އަހުމަދު ސައީދު "މިހާރު" އަށް މިއަދު ވިދާޅުވީ، އިއްޔެގެ ނިޔަލަށް ކުޅިން 18 މަސް މަރުވެފައިވާ ކަމަށެވެ. ކުޅީގެ އިރުމަތީ ފަރާތުގެ ފަޅިއަކީ ވަރަށް ތިލަކޮށް އޮންނަ ތަނެއް ކަމަށާއި ބޮޑެތި މަސްތައް ވެސް އުޅެނީ އެ ތަނުގައި ކަަމަށް އޭނާ ވިދާޅުވި އެވެ.
"އެ ތަނުން މަރުވެފައި އޮއްވައި ފެނިފައި ވަނީ 18 މަސް. ބޮޑެތި މަސްތައް މަރުވެފައި ވަނިކޮށް ފެނުނީ. އެކަމަކު މިއަދު ދެ ފަހަރަކަށް އަޅުގަނޑު ވެސް ގޮސް ބަލައިފިން. އެއްވެސް މަހެއް ނެތް މަރުވެފައެއް،" އޭނާ ވިދާޅުވި އެވެ.
އައްޑޫ އިކުއިޓޯރިއަލް ހޮސްޕިޓަލު ކައިރީ އޮންނަ ފެންގަނޑުގައި މަސްތައް މަރުވެފައި--
މަސްތައް މަރުވަނީ އާދަޔާ ހިލާފަށް ހޫނުގަދަވެގެން ކަމަށް ބެލެވޭ ކަމަށް އޭނާ ވިދާޅުވި އެވެ.
"ވަރަށް ހޫނުގަދަކޮށް އޮންނަތާ ދެ ހަފުތާ ވެއްޖެ. އެއްވެސް ވަރަކަށް ވައި ނުޖެހި އޮންނަނީ. ވަރަށް ދުވަސްވެއްޖެ ވާރޭ ނުވެހޭތާ ވެސް،" އޭނާ ވިދާޅުވި އެވެ.
އެހާ ހޫނުގަދަވެގެން މަސްތައް މަރުވާން ފެށިއިރު، ގަސްތައް މަދު ސަރަހައްދުތަކުގެ ތާރުތައް ވެސް ވަރަށް ބޮޑަށް މަޑުވެފައިވާ ކަމަަށް އޭނާ ވިދާޅުވި އެވެ.
ސައީދު ވިދާޅުވި ގޮތުގައި ތާރުގަނޑު މަޑުވެ، ބޮޑެތި ވެހިކަލްތައް ދުއްވާފައި ދާއިރު، ތާރުގަނޑުގައި ޓަޔަރު ޖެހިފައި ހުންނަ ނިޝާން ވެސް ސާފުކޮށް އެނގެ އެވެ.
Make no mistake about it, Addu City is currently hot 🥵. That’s the road melting. pic.twitter.com/2c55VBncdk
— Ahmad Naseeh Ibrahim (@naseehibrahim) March 11, 2022
މޫސުމާ ބެހޭ ގައުމީ އިދާރާ (މެޓް) ގެ އޮފިޝަލަކު "މިހާރު" އަށް ވިދާޅުވީ އާންމުކޮށް ރާއްޖެއަށް އެންމެ ހޫނު ގަދަވަނީ އޭޕްރީލް އަދި މާޗު މަހު ކަމަށެވެ.
"ބައެއް ފަހަރު އޭޕްރީލް ފެށުމުގެ ހަފުތާއެއް ކުރިން ވެސް ހޫނުވޭ،" އޭނާ ވިދާޅުވި އެވެ.
އޮފިޝަލް ވިދާޅުވި ގޮތުގައި އައްޑޫގެ ފިނިހޫނުމިން މިއަދު ހުރީ 31 ޑިގްރީ ސެލްސިއަސްގަ އެވެ. އެކަމަކު މިއީ އާދަޔާ ހިލާފު ރިކޯޑެއް ނޫން ކަމަށް އޭނާ ވިދާޅުވި އެވެ.
ރާއްޖެ އަށް މިހާތަނަށް އެންމެ ހޫނުގަދަވީ ސެޕްޓެމްބަރު 12، 1991 ގަ އެވެ. އެ ދުވަހު ލ. ކައްދު އަށް 36 ޑިގްރީ ސެލްސިއަސްއަށް ހޫނު ގަދަވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަލީރަމީ
16 March 2022
މިހެން މިވަނީ އައްޑޫ މީހުންނަށް އުޅެވޭ ގޮތުން.
ވަހީދު
16 March 2022
ތިއީ ތިބޭފުޅާއަށް ހީވާގޮތް ކަމަށް ވެދާނެ.
އަލި
16 March 2022
ވޭތުވި 6 އަހަރަށް ބަލާއިރު އިރުން ދޫކޮށްލި އެންމެ ބާރުގަދަ އިރުގެ ތޫފާން ދުނިޔެއަށް މި ހަފްތާގަ ފޯރާއިރު ގޮތްނޭގޭ އެތައް ކަމެއްވެދާނެ.
ފޮރިއަލް
16 March 2022
ބޮޑު ވިއްސާރަ ގަނޑެއް އަންނަން އުޅޭކަމުގެ އަލާމާތެއް.
ރަދީފްއޮފިޝަލް
16 March 2022
''ދެ ފަހަރަކަށް އަޅުގަނޑު ވެސް ގޮސް ބަލައިފިން. އެއްވެސް މަހެއް ނެތް މަރުވެފައެއް،" އޭނާ ވިދާޅުވި އެވެ. މިމަހުގެ ބާކީ ހުރި ދުވަަސްތަކަށްވާވަރަށް ކައުންސިލަރު މަަސައްކަތްކޮށްފި. ހެހެހެހެ
އިސްމާލި
16 March 2022
މެޓު އޮފީހުގެ ވެދަރ ސްޓޭޝަން އިން ބުނާ ހޫނުމިނަކީ ރަށުތެރޭގައި އުޅޭ އާންމު ރައްޔިތުން އެކްސްޕީރިއަންސް ކުރާ ހޫނު ތަފާތުވާނެ. ރަށުތެރޭގައި އިމާރާތްތަކުންނާއި ތާރުއަޅާފައިވާ މަގުތަކުން އެބްސޯބް ކުރާ ހޫނު އަނބުރާ ރޭޑިއޭޓް ކުރާނެ. މިހެންވުމުން މެޓުން ބުނާ 31 ޑިގުރީއަށް ވުރެ ރަށުތެރޭގައި ހޫނު ގަދަވުމުގެ ފުރުސަތު އޮންނާނެ. މިކަން ކުޑަވާނީ ގަސް ގިނަކުރި ވަރަކުން. އެހެނެއްކަމަކު މޭޔަރު އެ ބުނީތާ ރުކަކީ އެއްވެސް ފައިދާ އެއް ނެތް އެއްޗެކޭ.
ދަކްތޫރު
15 March 2022
ބަލަ މިއޮށް ބޮޑު ހޮސްޕިޓަލުގަ މަހަށް އެމަޖެންސީ ފަރުވާ ދޭނެ ޑޮކްޓަރެއް ނެތިީތަ؟
އައްޑޫސިޓީރަދުން
15 March 2022
ކުޅީގައި ހުރި މަސް މަރުވާނީ ފެންގަނޑު ހޫނުވެގެން ނޫންބާ! އެންމެ 8 މަސް މަރުވެފަ ދެން ހުރި މަހަށް ހޫނު ނުވަނީބާ! ނޫނީ ކޮންމެ ވެސް ބަޔަކު ކުރި ކަމަކުން "ކާން ދިން އެއްޗަކުން" ވީ ގޮތެއް ނޫންބާ؟ މަރުވި މަހުގެ ޕޯސްޓްމޯޓަމް ހެދެންހުރިނަމަ ހާދަހާވާ ރަނގަޅުވީހޭ. އައްޑު އަށް ހޫނުވެގެން ކުޅީގައި ހުރި މަސްމަރުވީ ކަމަށް ނިންމި އިރު އެބޮޑު ކުޅީގެ އެހެން ހިސާބުތަކަށް ހަމަ ހޫނު ނުވަނީބާ؟
ާއަލިމޯޑު
15 March 2022
ބަޔަކު ކުރިކަމެއްކޮށް އެއްޗެއް ކާން ދިނީ ވެސް ބައެއް މަސް ތަކަށް ބާ؟
ޟަޒްނާ
15 March 2022
ޢައްޑޫ ގައި ހުރި ބޮޑެތި އަނބު،ބަނބުކެޔޮ ގަސްތައް މަރުވެ، ގަސް ކެނޑުމާ ގުޅިގެން މިހާރު ވަރަށް ހޫނު. ތާރުގަނޑަށް ހޫނު ޖަމާވާނެ. ދިގު އަވަނެއް ކަހަލަ އެއްޗަކަށް ވާނީ.
ރާއްޖެ
15 March 2022
އެހެންވީމާ ދެން ބާކީ ހުރި ރުކާއި ގަސް އަވަހަށް ކަނޑާލާ.
ޖަމަލު
15 March 2022
ކުޅި ހިއްކާލާ. އެ ނިމުނީ.