ފުލުހުން މަގުމަތިން މީހަކާ ސުވާލުކުރަނީ: ކުށުގެ ރެކޯޑު އޮތް މީހަކު މިސްކިތަކުން ވައްކަންކޮށްގެން ވަނީ ހައްޔަރުކޮށްފައި. - ފޮޓޯ: ފަޔާޒު މޫސާ/ މިހާރު
15 އެޕްރީލް 2022 - 13:42
60 comments
ވައްކަމާއި މަސްތުވާތަކެތީގެ އެކި މައްސަލަތަކުގައި މީގެ ކުރިން 92 ފަހަރު ހައްޔަރުކޮށްފައިވާ މީހަކު، މިސްކިތަކުން ޖޫސް ކޭހެއް ވަގަށް ނަގައިގެން އަނެއްކާވެސް ހައްޔަރުކޮށްފި އެވެ.
މާލޭގެ މިސްކިތަކުން ވައްކަންކޮށްގެން ހައްޔަރުކުރީ އަނަފް އަބްދުﷲ، 22 އެވެ. އޭނާގެ ބަންދާ މެދު ގޮތެއް ނިންމަން ބުދަދުވަހު ކްރިމިނަލް ކޯޓަށް ހާޒިރުކުރުމުން ވަނީ 15 ދުވަސް ޖަހައިފަ އެވެ.
އޭނާ ބަންދުކުރަން ނެރުނު އަމުރުގައިވާ ގޮތުން، ޖޫސް ކޭސް ވަގަށް ނެގި ކަމަށް އެކަށީގެންވާ މިންވަރަށް ހެކި ލިބިފައިވާއިރު އޭނާ ވަނީ ޝަރީއަތުގެ މަޖިލީހުގައި ވެސް އެކަމަށް އިއުތިރާފްވެފަ އެވެ.
އެހެންވެ، އޭނާ ބަންދުގައި ބަހައްޓަން ނިންމީ ޖިނާއީ އިޖުރާއަތުގެ ގާނޫނުގެ ދަށުން އޭނާ ބަންދުން ދޫކޮށްލައިފި ނަމަ، މުޖުތަމައުގެ ސަލާމަތަށް ނުރައްކަލެއް ކުރިމަތިވެދާނެތީ އެވެ. އޭނާއަކީ މަސްތުވާތަކެތި ބޭނުންކުރުމުގެ ރިކޯޑް އޮތް މީހެއް ކަމަށް ވެސް ފުލުހުން ކޯޓުގައި ބުނެފައިވެ އެވެ.
ކޯޓު އަމުރުގައިވާ ގޮތުން މީގެ ކުރިން 92 ފަހަރެއްގެ މަތިން ހައްޔަރުކުރި އެ މީހާގެ ބަންދު ލޮގްގައި މަސްތުވާތަކެތި ބޭނުންކުރުމާއި ހަތިޔާރު ބޭނުންކޮށްގެން ފޭރުމާއި ގޯތި ގެދޮރާއި ފިހާރައަކުން ވައްކަން ކުރުމުގެ ގިނަ މައްސަލަތަކެއް ހިމެނެ އެވެ.
ކްރިމިނަލް ކޯޓުގެ ބަންދު އަމުރުގައި ބުނެފައިވާ ގޮތުގައި އޭނާ ވަނީ ފަރުވާގެ ފުރުސަތު ބޭނުންވާ ކަމަށާއި ބަންދުގައި ބެހެއްޓުމުގެ ބަދަލުގައި ޝަރުތުތަކަކާ އެކު ދޫކޮށްލުމަށް ވެސް އެދިފަ އެވެ. އެކަމަކު އޭނާ ބަންދުން ދޫކޮށްލަން ކޯޓުގައި ފުލުހުން ވަނީ އިއުތިރާޒުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަމަރޭ
20 April 2022
https://www.police.gov.mv/media/news/wp-39376 މައްސަލަތަކައް ވަނީ ކިހިނެތް؟ މުހައްމަދު ސަލީމް އަކީ ނޫސްވެރިއެއް މިހާރު ތުބުޅި ދިގުކޮއްގެންތިބެ މަސްތުވަތަކެތި ވިއްކަނީ. ތުބުޅިއަކީ މާސްކުތަ؟ މައްސަލަތަކައް ކޯޓާހިސާބުން އިންސާފު ނުދެންޏާ 1000 ފަހަރުވެސް ހައްޔަރުކުރާނެ ! އަނެއްކާ ދޫކޮއްލާނެ!
ޝަފީރު
17 April 2022
ހޯމް މިނިސްޓަރ އާއި ޕީސީ ވަގުތުން އިސްތިއުފާ ދީފައި ގެއަށް ދޭ. މިސާބަށް ދާއިރު މިމަޤާމުތަކުގައި މިތިބި މީހުން ބޭރުކުރުމަކީ ރައީސަށް ލާޒިމުކަމެއް. މި ކުށްވެރިޔާ މިހާވަރަށް ކުށްކުރަން ދޫކުރެވިފައި ވަނީ ކިހިނެއްތޯ އެންޓި ކޮރަޕްޝަނުންބަލަންޖޭހޭނޭ. ޢަދި މިކުއްޖާގެ ކުށުގެ ރެކޯޑުގެ ޢޯޑިޓެއްވެސް ކުރެވެން ޖެހޭނެ. ހިއުމަން ރައިޓްސް އިން މިކުށްވެރިޔާއާމެދު އެޅި ކޮން ކަހަލަ ފިޔަވަޅެއްތީވެސް ބަލންޖެހޭއެބަ.
ޙުސެއުން
17 April 2022
100 ހަމަކުރަން އަދި ބަހައްޓާ
ކީކޭ
16 April 2022
18 ފުރުނު ފަހުން ކޮންމެ 16 ދުވަހުން އެއް ފަހަރު ހައްޔަރު ކުރިޔަސް ކިރިޔާ ތިވަރު ވާނީ. ހައްޔަރުގަ ކިތައް ދުވަސް؟
އެހެންޏާ
16 April 2022
އެއީ ހައްޔަރުކޮށްފަ ނުބެހެއްޓޭ ކެޓަގަރީގަ އުޅޭ ކުއްޖެއްކަމަށްވާނީ. ޖަލު ތެރެއިން ބޭރަށް ނުނިކުމެވޭފަދަ ޖަލުތެރޭ ވަޒީފާއެއް ދީފަ ތިފަދަ ކުދިން ބައިތިއްބަންވީ.
އުސްމާނުބެ
16 April 2022
އެސޮރައް މެޑަލް އެއް ދޭން ފެންނަނީ
ކުރުކޮށް
16 April 2022
ތީގެން އެނގެނީ އެއްދޮރުން ވައްދާފަ އަނެއް ދޮރުން ނެރުމުގެ ސަގާފަތެއް ފެތުރިގެން ދެމިގެންދާކަން
އިބްރ
16 April 2022
ތިބޭ ހައްޔަރުކޮށްކޮށް. މިޔޯ ޑިމޮކްރަސީން ގެނެސްދޭ އަމާންކަމަކީ.
ސައިޚް
16 April 2022
ނޫނޭ އަވަހައް ދޫކޮއްލާ، ތިވަރުވާއިރު އަޅެ ކޯރޓަށް ވެސް ނޭންގޭބާ.؟ 22 އަހަރުގަ 92 ފަހަރު ހައްޔަރުކުރިއިރު ހަމަ ސާބިތުވާވަރަށް ކަމެއް ނުފެންނަނީބާ.؟
މީނާ
16 April 2022
މިއީ ސިސްޓަމްގެތެރެއިން ޓެކްފައިސާއަށް ޚިޔާނާތްތެރިވުން ނޫންތޯ!