ހައި ކޯޓު: ތޮޅެންދޫ ކުއްޔަށް ދިނުން މަޑުޖައްސާލަން އެންގި މައްސަލަ ހައި ކޯޓަށް ވަނީ ހުށަހަޅާފައި -- ފޮޓޯ/މިހާރު
19 އެޕްރީލް 2022 - 13:13
2 comments
ނ. ތޮޅެންދޫ ކުއްޔަށް ދިނުން މަޑުޖައްްސާލަން ސިވިލް ކޯޓުން ނެރުނު އަމުރު ދައުލަތުން ހައި ކޯޓުގައި އިސްތިއުނާފްކޮށްފި އެވެ.
މިހާރު ފަޅު ރަށެއްގެ ގޮތުގައި އޮތް ތޮޅެންދޫ 21 އަހަރަށް ކުއްޔަށް ދިނުމުގެ މަސައްކަތް މަޑުޖައްސާލަން ސިވިލް ކޯޓުން އަމުރު ނެރުނީ ނ. އަތޮޅު ކައުންސިލުން އެކަމާ ދެކޮޅަށް ކޯޓަށް މައްްސަލަ ހުށަހެޅުމުންނެވެ. އަތޮޅު ކައުންސިލުން ދައުވާ ކުރަނީ އެ ކައުންސިލުން ސަރުކާރަށް ދިން ލަފައާ ޚިލާފަށް ފިޝަރީޒް މިނިސްޓްރީން އެތަން ބަޔަކަށް ކުއްޔަށް ދޭން އުޅޭ ކަމަށް ބުނެ އެވެ.
މިދިޔަ މަހު ސިވިލް ކޯޓުން އަންގާފައިވަނީ އެ މައްސަލަ ނިމެންދެން އެރަށް އެހެން ބަޔަކަށް ކުއްޔަށް ނުދިނުމަށެވެ.
އެ އަމުރު އިސްތިއުނާފް ކުރަން ދައުލަތުން ހުށަހަޅާފައި ވިޔަސް، އެ މައްސަަލަ ބަލައިގަތުމާ މެދު ހައި ކޯޓުން އަދި ވަކި ގޮތެއް ނުނިންމަ އެވެ.
މީގެ ކުރިން 1990 ކުރީގެ ކޮޅާ ހަމައަށް މީހުން ދިރިއުޅުނު ތޮޅެންދޫ ކުއްޔަށް ނުދޭން ގޮވާލައި، އަތޮޅު ކައުންސިލުން ކުރިން ގަރާރެއްް ފާސްކުރި އެވެ. އެއީ އެ ރަށް އެހެން ބަޔަކަށް ދީފި ނަމަ، ނ. އަތޮޅު ރައްޔިތުންނަށް އެރަށުން އެއްވެސް މަންފާއެއް ނުލިބޭނެތީ ކަމަށް ބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބަދަވީ
20 April 2022
ބައްލަވާ ނޫނު ރައީސް ބައްޓޭ ތި ކުޅިވަރު ހުއްޓަވާ. ސިޔާސީ ހަތުރުވެރިކަމެއްގައި އަތޮޅުގެ ތަރައްގީއަށް ހުރަސް ނާޅުއްވާ. މުޅި އަތޮޅުން ދަތުރު ހަދާފައި ތޮޅެންދުއަށް ގޮސް ދަނޑުވެރިކަން ކުރެވޭ ގޮތަކަށް ނޫން މިހާރުގެ ދިރިއުޅުންތައް ރޭވިފައިވަނީ. އަދި އެވަރު ޖާގައެއްވެސް އެ ރަށަކު ނެތް.
މައުލޫމާތު
19 April 2022
ސަރުކާރުން މިހާރު މިބަލާ ކަމަކީ ކެނދިކުޅުދޫ ދާއިރާގެ މެމްބަރު އަހުމަދު އީސާ އަށް ތޮޅެންދޫ ނުދެވިގެން ކުރަމުން ދާ މަސައްކަތް ވަރައްވެސް ފުރިހަމައެވެ. މީ ވެސް ޕިއްޒާއިން އެތިކޮޅެއް ލިބެންޖެހޭކަމައް ވިިލާ ގާސިމް އިބްރާހިމް އަށް ފެންނާތީ މި ރައް ދިނުމައް ކުރެވޭ ވަރައްފުރިހަމަ މަސައްކަތެކެވެ. ޟިހާރު މި އޮތް ގޮތިން މެމްބަރު އީސަ އައް މި ރައް ލިބޭނެއެވެ.