ފުވައްމުލަކު މަގު ހެދުމުގެ މަސައްކަތުގެ ބޮޑުބައި ނިމިއްޖެ

ފުވައްމުލަކު މަގުތައް ހެދުމަށް ބޭނުންވާ އެސްފޯލްޓް އެ ރަށަށް ބާލަނީ.-- ފޮޓޯ: އެމްޓީސީސީ

ހަފީޒާ އަހުމަދު، މިހާރު

27 އެޕްރީލް 2022 - 14:54

ފުވައްމުލަކުގެ އެތެރޭގެ މަގުތައް ހެދުމުގެ މަޝްރޫއުގެ މަސައްކަތުގެ ބޮޑުބައި ނިމިއްޖެ ކަމަށް އެމްޓީސީސީ އިން މިއަދު ބުުނެފި އެވެ.

އެ ކުންފުނިން ބުނީ މަޝްރޫއަށް ބޭނުންވާ އެސްފޯލްޓް ޕްލާންޓް މި މަހުގެ 27 ވަނަ ދުވަހު ފުވައްމުލަކަށް ގެންގޮސްފައިވާ ކަމަށެވެ.

ފުވައްމުލަކު މަގުތައް ހެދުމަށް ބޭނުންވާ އެސްފޯލްޓް އެ ރަށަށް ބާލަނީ.-- ފޮޓޯ: އެމްޓީސީސީ

މަގުހެދުމުގެ މި މަޝްރޫއުގެ ދަށުން 122 އަކަ މީޓަރުގެ ސަރަހައްދެއްގައި ސަބްބޭސް އެޅުމާއި، 95 އަކަ މީޓަރުގެ ތާރު އެޅުމުގެ އިތުރުން 27 އަކަ މީޓަރުގެ ފުޓްޕާތު ހެދުން ހިމެނެ އެވެ.

މީގެ އިތުރުން ފުވައްމުލަކު މަގުތަކުގައި މަގުމަތީ ނިޝާން ހަރުކުރުމާއި މަގުބައްތި ހަރުކުރުމުގެ އިތުރުން 19 މީޓަރުގެ ފެން ހިންދާ ނިޒާމުގެ މަސައްކަތް ހިމެނޭ ކަމަށް އެމްޓީސީސީ އިން ބުންޏެވެ.

ފުވައްމުލަކު މަގުތައް ހެދުމުގެ މަސައްކަތް ކުރިއަށް ދަނީ.-- ފޮޓޯ: އެމްޓީސީސީ

ފުވައްމުލަކު އެތެރޭގެ މަގުހެދުމުގެ މި މަޝްރޫއަކީ 331 މިލިއަން ރުފިޔާގެ މަޝްރޫއެކެވެ.

ފުވައްމުލައް މަގު ހެދުން އެމްޓީސީސީ

2 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރަށިކެޑެ

27 April 2022

ފުވައްމުލަކުގެ ތާރީޚުގައިވެސް އެރަށައް ނުލިބޭހާ ތަރައްޤީ މިސަރުކާރުގެ 5 އަހަރުތެރޭ ލިބެމުންދާކަމީ ޙަޤީގަތެއް، ގާތްގަޑަކަށް ބޮޑެތި ހުރިހާ މަގެއް އަދި އެތައް ހަނިމަގެއްގައި ވަނީ ތާރުއެޅުމައް އެންމެ ފަހުގެ ތައްޔާރީތައް ވަމުން، އެއްކަލަ ގުރޫޕު ބުނަނީ "ތިތާރަ މިރަށި އެޑީތަނެއް މިފަސްއަހަރެކި ނިފެނެންނޭނައެ" ހެހެހެ