ށ. އަތޮޅުން 130 މީހުންނާ އެކު ދަތުރުކުރި "ފުރާގު 2" ޅ. ފެލިވަރު ކައިރީގައި އޮންނަ ފަރަކަށް އަރިފައި -- ފޮޓޯ: އެމްއެންޑީއެފް
06 މެއި 2022 - 21:48
6 comments
ފިތުރު އީދު ބަންދަށް ރަށްރަށަށް ދިޔަ ގިނަ ބަޔަކު ގޮވައިގެން ށ. ފޯކައިދޫން މާލެ އަށް ދަތުރުކުރި ބޯޓެއް ޅ. ފެލިވަރު ކައިރީގައި އޮންނަ ފަރަކަށް އަރައިފި އެވެ.
ފުލުހުން މިރޭ ބުނީ ގިނަ އަދަދެއްގެ އަންހެނުންނާއި ކުޑަކުދިން ހިމެނޭ ގޮތަށް އެ ބޯޓުން 130 މީހުން ދަތުރުކުރި ކަމަށެވެ. އެ ބޯޓު ފަރަށް އަރާފައިވާ ކަމަށް މައުލޫމާތު ލިބިފައި ވަނީ މިރޭ 8:30 ހާއިރު ކަމަށް ބުންޏެވެ.
ފުލުހުން ބުނިގޮތުގައި އެ ހާދިސާގެ ރިޕޯޓް ލިބުމާ ގުޅިގެން މިހާރު ފުލުހުން އަންނަނީ އެ ސަރަހައްދުގައި ހަރަކާތްތެރިވަމުންނެވެ.
އެމްއެންޑީއެފުން ބުނީ އެ ބޯޓް ފަރަށް އެރީ ފެލިވަރު ކައިރީގައި އޮންނަ ގާއެރިފަރަށް ކަމަށެވެ.
"ފުރާގު 2" ފަރަށް އެރި ސަރަހައްދުގެ މެޕުން: އެ ބޯޓް ފަރަށް އެރީ ޅ. ފެލިވަރު ކައިރީގައި އޮންނަ ފަރަކަށް.
ފޯކައިދޫ ކައުންސިލްގެ ރައީސް އަހްމަދު އާސިފް "މިހާރު" އަށް ވިދާޅުވީ ފަރަށް އަރާފައި ވަނީ އެ ރަށު "ފުރާގު 2" ބޯޓު ކަމަށެވެ. އެ ހާދިސާގައި އެއްވެސް މީހަކަށް އަނިޔާވި ކަމުގެ މައުލޫމާތު އަދި ލިބިފައި ނުވާ ކަމަށް ވިދާޅުވި އެވެ. އެ ބޯޓުގައި އެ އަތޮޅު އެހެން ރަށްރަށުން މާލެ އަންނަ މީހުން ވެސް ތިއްބެވެ.
"އީދު ޗުއްޓީ ނިންމާލައިފައި ވަރަށް ގިނަ މީހުން ގޮވައިގެން އެ ބޯޓު ފުރީ މިއަދު މެންދުރު ފަހު،" އޭނާ ވިދާޅުވި އެވެ.
"މިއަދު ބޯޓު ފުރި އިރުގައި މޫސުން ރަނގަޅު. ބޯޓު ފަރަށް އެރި ސަބަބެއް އަދި ނޭނގޭ."
ފުލުހުންގެ އެހީގައި އެ ބޯޓުގައި ތިބި މީހުން ފެލިވަރަށް ގެންދިއުމުގެ މަސައްކަތް މިހާރު ކުރަމުން އަންނަ ކަމަށް ވިދާޅުވި އެވެ.
އީދު ބަންދަށް ފަހު، ރަށްރަށަށް ދިޔަ ގިނަ ބަޔަކު މިއަދު ވަނީ އެނބުރި މާލެ އަންނަން ފަށައިފަ އެވެ.
މޫސުމާބެހޭ އިދާރާ މެޓުން ލަފާކޮށްފައިވާ ގޮތުގައި މި ދުވަސްވަރު ރާއްޖޭގެ އެކި ހިސާބުތަކަށް ވައިގަދަވެ، ކަނޑު ވެސް ގަދަވާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސިލްވިޔަރ
07 May 2022
ދެން ޖޫރިމަނާ ކުރޭތަ؟
ޕޮލިސު
07 May 2022
ޅ. ނައިފަރު މީހުން އެހީވީ، ބޯޓްގަ ތިބި މީހުން ނައިފަރު އަށާ ހިންނަވަރަށް ދިޔައީ އަމިއްލައަށް ކުދި ކުދި ލޯންޗް ކުއްޔައް ހިފާގެން ޕޮލިސް ލޯންޗުގަ އެއްވެސް ބަޔަކު ނުގެނޭ.
ށަވިޔަނި
07 May 2022
ބަޔަކަށް ގެއްލުން ނުވިކަމަށްޓަކައި ﷲ ޙަމްދު ކުރަން.
ޢިހްސާސް
06 May 2022
ޢެމްއެންޑީއެފްގެ ބޭސްއެއް އޮތް އަތޮޅެއް ޅ ތިޔައީ. ކޮބާބާ އެމީހުންގެ އެހީތެރިކަން
ބަބަު
07 May 2022
ތިޔޭ މިދައްކާ ވާހަކައަކީ. އެމްއެންޑިއެފް މީހުން މައުލޫމާތު ނަގާފަ މީޑިޔާއާ ހިއްސާކޮށްލީމަ ނިމުނީ. މިހާތަނަށް ފަރަށް އެރި ބޯޓެއް ފުންކޮށްދެވިފަނެއް. ރައްޔިތުންގެ ފުރާނަޔާ މުދާ ހިމާޔަތް ކުރުމަކީ ކޮބާ. ރޯވިތަނެއް އަދައި ހުލިވުމުވެ ކުރިން ނިއްވާލެވިފައި ނެތް. ކޯސްޓްގާޑް އަދި ފަޔާއެންޑް ރެސްކިއު އނ.އނ.ޑއެފުން ބޭރުކޮށް ވަކި މުއައްސަސާއެއްގޮތަށް ހިންގުން ބުއްދިވެރި. އެ ދެތަނަށް ލިބޭ ބަޖެޓް ވެރިން ކައި ހުސްކުރަނީ.
އިސްމާލި
08 May 2022
އެމީހުންގެ އެހީތެރިކަން އަދި ލިބޭނޭ. އެކަމު އޭގެ ކުރިން މި ރާއްޖޭގެ ކަނޑުގެ ސަރަހައްދުގައި އުޅޭ އިންޑިއާ ގެ މަނަވަރުތަކުގެ އެހީތެރިކަން ލިބިގެން ދާނެ. އެހެންވީމައި އެމް.އެން.ޑީ.އެފް ގެ އެހީތެރިކަމަށް އެދޭނެ ކަމެއް ނެތް. އެހެން ނޫނަސް އަހަރެމެންގެ ޑިފެންސް މިނިސްޓަރ ކަމަނާ ވިދާޅުއިވެއްނޫ އެމް.އެން.ޑީ.އެފް އެއީ ފިނަދަނަ ތަކެކޭ.