"ތެލުގެ ހަރަދަށް ބަޖެޓުން 400 އެއްހާ މިލިއަން ރުފިޔާ ކަނޑައެޅި ނަމަވެސް އެ އަދަދު މިހާރު އެއް ބިލިއަން ރުފިޔާއަށް އަރާނެ. އަދި ރާއްޖެއަށް އިމްޕޯޓުކުރާ ތަކެއްޗަށް ކުރާ ހޭދަ ވެސް އިތުރަށް އުފުލޭނެ"
އެމްޑަބްލިއުއެސްސީގެ 27 ވަނަ އަހަރީ ދުވަހުގެ ޖަލްސާގައި ރައީސް ރޭ ވާހަކަފުޅު ދައްކަވަނީ.---ފޮޓޯ: ރައީސް އޮފީސް
25 މެއި 2022 - 23:47
38 comments
ރަޝިޔާ އާއި ޔޫކްރެއިން ހަނގުރާމައާ ހެދި ދައުލަތުގެ ބަޖެޓުން ތެލަށް ކުރާ ހޭދަ އެއް ބިލިއަން ރުފިޔާ އަށް އަރާނެ ކަމަށް ރައީސް އިބްރާހިމް މުހައްމަދު ސޯލިހު ރޭ ވިދާޅުވެއްޖެ އެވެ.
އެމްޑަބްލިއުއެސްސީގެ 27 ވަނަ އަހަރީ ދުވަހާ ގުޅިގެން ބޭއްވި ހަފުލާގައި އެ މަނިކުފާނު ވިދާޅުވީ، ރަޝިޔާ-ޔޫކްރެއިން ހަަނގުރާމައާ ހެދި ރާއްޖޭގެ އިގްތިސާދަށް ވެސް ނޭދެވޭ އަސަރު ކުރަމުންދާ ކަމަށެވެ. ދުނިޔޭގެ ބާޒާރުގައި ތެލުގެ އަގު އުފުލެމުން ދިއުމާ ގުޅިގެން އެކަމުގެ އަސަރުތައް، ރާއްޖޭގައި ވިއްކާ ތަކެތީގެ އަގުތަކުން ފެންނާނެ ކަމަށް ވިދާޅުވި އެވެ.
ރައީސް ވިދާޅުވިގޮތުގައި، ދައުލަތުގެ މި އަހަރުގެ ބަޖެޓުގައި ތެލުގެ ހަރަދަށް 400 އެއްހާ މިލިއަން ރުފިޔާ ކަނޑައެޅި ނަމަވެސް އެ އަދަދު މިހާރު އެއް ބިލިއަން ރުފިޔާ އަށް އަރާނެ އެވެ. އަދި ރާއްޖެ އަށް އިމްޕޯޓުކުރާ ތަކެއްޗަށް ކުރާ ހޭދަ ވެސް އިތުރަށް އުފުލޭނެ ކަމަށް އެ މަނިކުފާނު ވިދާޅުވި އެވެ.
"އިމްޕޯޓު ކުރާ އެހެން މުދާތަކަށް ބަޖެޓުން އިތުރު ހަރަދު ކުރަން ޖެހިއްޖެ. އަޅުގަނޑުމެންގެ އިގްތިސާދު އެހެން ނަމަވެސް އިރާދަކުރެއްވީތީ އަމާޒު ހުރީ ރަނގަޅަށް. ޓޫރިސްޓު އެރައިވަލް އިތުރު. އަމާޒު ކުރި އާމްދަނީ އަންދާޒާ އަށް ވުރެ އިތުރު،" ރައީސް ވިދާޅުވި އެވެ.
"އެހެން ނަމަވެސް ކުރަން ޖެހުނު އިތުރު ހަރަދުތަކާ ހެދި އަޅުގަނޑުމެން މި ވަނީ އެއާ ދޭތެރޭ ވިސްނަން ޖެހިފައި."
މި އަހަރު ދައުލަތުން ދައްކަން ޖެހޭ ދަރަނި ދެއްކުމުގައި އެއްވެސް ދަތިކަމެއް ނެތް ވާހަކަ މައުލޫމާތަށްޓަކައި ޔަގީންކަމާ އެކު ދަންނަވާލަން،"--- ރައީސް
ރައީސް އިބްރާހިމް މުހައްމަދު ސޯލިހު ވިދާޅުވީ، ރަޝިޔާ-ޔޫކްރެއިން ހަނގުރާމައިގެ ސަބަބުން އިގްތިސާދީ ގޮތުން އަޅަން ޖެހޭ އިތުރު ފިޔަވަޅުތައް ބަލަމުން އަންނަ ކަމަށެވެ. އެ ފިޔަވަޅުތަކުގެ ތެރެއިން ކުރިން ރިސޯޓުތަކުގެ ކުލި ކުޑަކުރަން ރައްޔިތުންގެ މަޖިލިހަށް ހުށަހެޅި ބިލުން އެ ބައި އުނިކުރަން ސަރުކާރުން ވަނީ ނިންމައިފަ އެވެ.
ރައީސް ވިދާޅުވީ، ސަރުކާރުން އަބަދުވެސް އަންނަނީ ދައުލަތުގެ ދަރަނި އަދާކޮށް، އިތުރަށް ދަރަނި ނަގަމުން ކަމަށާއި މި އަހަރުގެ ދަރަނި އަނބުރާ ދެއްކުމުގައި އެއްވެސް ދަތިކަމެއް ނެތް ކަމަށެވެ. އަދި ކުރިއަށް އޮތް ދެ އަހަރުގައި ވެސް ދަރަނި އަދާކުރަން ސަރުކާރަށް އެެއްވެސް ދަތިކަމެއް ނޯންނާނެ ކަމަށް އެ މަނިކުފާނު ވިދާޅުވި އެވެ.
"ދައުލަތުގެ ދަރަނި ދެއްކުމަށްޓަކައި އިތުރު ފިޔަވަޅުތައް އަޅުގަނޑުމެން އަޅަމުން ގެންދާނެ ވާހަކަ ދަންނަވާލަން. މި އަހަރު ދައުލަތުން ދައްކަން ޖެހޭ ދަރަނި ދެއްކުމުގައި އެއްވެސް ދަތިކަމެއް ނެތް ވާހަކަ މައުލޫމާތަށްޓަކައި ޔަގީންކަމާ އެކު ދަންނަވާލަން،" ރާއްޖޭގެ އިގްތިސާދާ މެދު އޮތް ޔަގީންކަމާއި އިތުބާރު ހާމަކުރައްވަމުން ރައީސް ވިދާޅުވި އެވެ.
"އަދި ހަމައެއާއެކު ކުރިއަށް އޮތް އަހަރު 2023، 2024 ވަނަ އަހަރު ވެސް އެއްވެސް ދައްޗެއް ނެތި ބަޖެޓު ކުރެވިފައިވާ ގޮތަށް އެ ކަން ކުރެވޭނެ ކަމުގެ ޔަގީންކަން އަރުވަން."
ރައީސް އިބްރާހިމް މުހައްމަދު ސޯލިހު ވިދާޅުވީ، އިގްތިސާދީ ގޮތުން ދަތިތަކެއް ހުއްޓަސް ހަރަދުތައް މެނޭޖްކުރަން ކުރިއަށް އޮތްތަނުގައި ވެސް ފިޔަވަޅުތައް އަޅުއްވާނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަސްތާ
26 May 2022
މިއީ ހަމަ ވަގުތުން މިނިސްޓްރީ އޮފް ހެޕިނަސް ކަހަލަ ތަނެއް އުފައްދައިގެން އެތަނަށް ވަދެ ތިބެގެން ނޫނީ އަޑުއަހަން ކެތްވާވަރުގެ ވާހަކައެއް ނޫން.
ހުސެންދީ
26 May 2022
އެއް ބިލިޔަން ހަރަދުކޮށްފައި ދެ ބިލިޔަން ރައްޔަތުން އަތުން ކާލާ...
ހަސަނު
26 May 2022
ދުނިޔޭގެ މަސްރަހަށް އައި ބަދަލާ އެކު ހަރަދު ތައް ވަރަށ ްބޮޑު ވެފައި މިވާ ދަނޑިވަޅުގާ ބޮޑެތި ބޭރު ދަރަނިވެސް ދައްކާން މިޖެހެނީ.. އެހެން ކަމުން ކުރިއާލާ ދައުލަތުގެ އާމްދަނީ އިތުރު ކޮށް ހަރަދުތައް ކުޑަ ކުރާން ޖެހެ. މިވަގުތައް މުހިންމު ނޫން ޕުރޮޖެކްޓު ތައް ފަސްކޮށްލާ، ޓޫރިޒަމުން ނަގާ ޓެކްސް އިތުރު ކޮށްލާ، ރިޒާވް އަށް ޑޮލަރު އިތުރުކުރާންޖެހޭ...
ބޮޑުމީހާ
26 May 2022
ތެލުގެ ބަޖެޓް ތިންގުނަ ބޮޑުވީ އާސަންދަ ބަޖެޓް ހުސްވެއްޖެ މުސާރަ ދެނީ ލޯނު ނަގައިގެން މިވަރުންވެސް ޚަރަދުކުޑަކުރުމުގެ އެއްވެސް ޕްލޭނެއް ނެތް. ލަންކާވެސް އަޑިއަޅާލީ ކުރަންނުޖެހޭ އެތައް ބައިވަރު ޚަރަދުތަކެއް ކޮށްގެން. މިސާލަކަށް އަލިފުށީގައި އަޅާ އެއާޕޯޓް
ރަދީފު ބިން ރަފައިދާ
26 May 2022
ތެލަށް ކުރާ ޚަރަދަކަށް ވެރިމީހާ ބިރުގަންނާނެކަމެއްނެތް. އެންމެފަހުން ތެޔޮބިލުތަކަށް ލާރިދައްކާނީ ރައްޔިތުން.
މަޖާ
26 May 2022
މީކޮންފަދަ އިގްތިސޯދީ މާހިރެއްބާ ؟ ތިޔަބުނާ ތެޔޮ އެތެރެކޮށް އޭގެ 10 ގުނަ ރަތްޔިތުން އަތުން ނަގާ އެއްޗެއް، ދެން ކޮން ބަޖެޓެކޭތަ މިކޔަނީ ތެލަކީ ދަރަންޏައް ޒިމްމާވާން ޖެހޭ ކުންފުންޏެއްގެ ވިޔާފާރިއެއް
ޡަކަނަބެ
26 May 2022
ހަޤީޤަތަކީ މިހާރު ކާންބޯން ލާރިޖޮޅެށް ހުއްޓަސް ޗައިނާ، އިންޑިޔާ ފަދަ ޤައުމުތަކުން މަޑު ނުޖެހި މިހާރުވެސް ތިޔަ ދަނީ ލޯނު ނަގަމުން. ކީއްވެހޭ؟؟؟؟ ދައުރު ނިމޭއިރު މީގެ ރާހަތްތަށް ފެށެން ފަށާނެ. ދެން ގަމުގައި ކާންބޯންދީފައި އިންޑިޔާ ސިފައިންގެ އެތަށް ބަޔަކު އެބަތިބި. މިއީ އަސްލު ކިހިނެތްވާ ކަމެށް. ޢަހަރެމެން މާ ދީލަތީ އެމީހުން އަތުން ނަގަނީ ލޯނު. ވަރަށް މޮޅު ގޮތެށް.
ވިއްކޭނެއޭ
26 May 2022
ދައުލަތުގެ ބަޖެޓުން މިސަރުކާރުން ކެޕިޓަލް ޚަރަދު ކުރަނީ އެއީ އެއްވެސް މުސްތަގްބަލެއް ނެތް ރާއްޖެތެރެއަށޭ ކިއެއްކުރަންތޭ އައްޑޫ ގަމުގެ އެއާރޕޯރޓް އިންޑިއާ ފަދަ ފަގީރު ކިބަޅި ގައުމަކުން ލޯން ނަގައިގެން ހަދަނީ ދެން ކިއެއްކުރަންތޭ އިންޑިއާ އިން ލޯން ނަގައިގެން ރާއްޖެތެރޭގައި ޕޮލިސް ސްޓޭޝަންސް ތައް ހަދަންވީ އެފައިސާ އިން ހުޅުމާލޭގެ އިރުން އޮތް ފަޅު ހިއްކާ އެބިމުން ކޮންމެ ހެކްޓަރެއް 10 މިލިއަން ޑޮަލަރަށް ވިޔަފާރިވެރިންނަށް ވިއްކާނަމަ 100 ބިން
1828
26 May 2022
މާލެ ނޫން އެހެން ގޮތެއް ދިވެހިން އެބަޖެހޭ ހޯދަން
އެހެންތޭ
26 May 2022
ބަޖެޓުން ތެލަށް އެއް ބިލިއަން ރުފިޔާ ހޭދަ ކުރާ އިރު ރޭގެ ޖަލްސާ ގައި ރައީސް އިބޫ ވިދާޅުވީ މީހުން މަދު ރަށްރަށުގައި ވެސް ފެނާއި ނަރުދަމާގެ ޚިދްމަތް ބޮޑު ހޭދަ ކޮށްގެން ހެދުމުން ދެނ 2023 ގެ ފަހުން ރާއްޖެތެރޭގެ އެންމެ ރަށަކަށް ވެސް އެނިޒާމް ތަކަށް ޚަރަދުކުރަން ނުޖެހޭނެ ކަމަށް އެކަން އެހެން ނުވާނެއޭ ދެން އޮތީ ޚަރަދު ކުރުން ރާއްޖެތެރެއަކީ ކުރާ ޚަރަދު ދެކޮޅު ޖެހޭ ތަނެއް ނޫނޭ ހަމަ ސީދާ ބަނގުރޫޓް ރާއްޖެވާނީ ރާއްޖެތެރޭގައި މީހުން 200 ރަށުގައި އުޅެގެން
ބޭނުންވަނީ
26 May 2022
މިއަހަރު ތެލަށް އެއް ބިލިއަން ރުފިޔާ ހޭދަވާނެ ކަމަށް ރައީސް އިބޫ ވިދާޅުވާއިރު ދެން ސަރުކާރުން މިވީ 4 އަހަރު 2 ބިލިއަން ޑޮލަރުގެ ލޯން ނަގައިގެން ޖެހި ސޯލަރ ޕެނަލްސް ތަކުން އެންމެ ލީޓަރު ޑީސަލެއް ވެސް ސަލާމަތް ނުވީ އެއީ ކިއެއްވެތޭ އެއިން އިނގޭ އެއްޗަކީ ސޯލަރ ޕެނަލްސް ޖަހަނީ އެއީ ސީދާ ހަކަތައިން ކުރާ ބޮޑު ވައްކަމެކޭ އޮން ގްރިޑް ސިސްޓަމް ބޭނުންކުރާނަމަ އިންޖީނުގެ ތަކުން އަންދާ ތެލުން އެންމެ ލީޓަރު ޑީސަލެއް ވެސް ސަލާމަތް ނުވާނެއޭ އޮފް ގްރިޑް ސިސްޓަމޭ