ޕްލާސްޓިކް ބޯތަށީގައި ދިރިއުޅުނު ރަހުމާ މަރުވެއްޖެ

ރަހުމާ: ކޮންމެ ހާލެއްގައި ވެސް މާތް ﷲގެ ރަހުމަތްފުޅަށް ޝުކުރުވެރިވި

ފާތުމަތު އަނީސާ، މިހާރު

29 ޑިސެމްބަރ 2016 - 06:15

އަތާއި ފައި އަދި ހަށިގަނޑުގެ ބޮޑު ބައެއް ނުއުފެދުމުގެ ސަބަބުން ޕްލާސްޓިކް ބޯތައްޓެއްގައި ދިރިއުޅުނު 19 އަހަރުގެ ޒުވާން އަންހެން ކުއްޖާ ރަހުމާ ހާރޫނު މަރުވެއްޖެ އެވެ.

އޭނާ މަރުވިކަން ހާމަކުރީ އޭނާގެ ފޮޓޯ ފުރަތަމަ ފަހަރަށް ސޯޝަލް މީޑިއާގައި ހާމަކުރި އޭނާ ދިރިއުޅޭ ހިސާބުގަނޑުގެ ފޮޓޯގްރާފަރެވެ.

ފޮޓޮގްރާފަރު ބުނީ ރަހުމާ މަރުވީ ވަރަށް ވޭނުގައި އުޅެފައި ކަމަށާއި މަރުވިއިރު ވެސް އޭނާގެ ބައްޔަކީ ކޮބައިކަން އެއްވެސް ޑޮކްޓަރަކަށް އޮޅުން ނުފިލި ކަމަށެވެ.

ނައިޖީރިޔާގެ އިރު ހުޅަނގުން އޮންނަ ކާނޯ ކިޔާ ސިޓީގައި ދިރިއުޅޭ ރަހުމާ އަށް މި ބަލި ޖެހުނީ އޭނާގެ އުމުރުން އެންމެ ހަ މަހުގަ އެވެ. އޭގެ ފަހުން އޭނާގެ ބޯ ފިޔަވައި ހަށިގަނޑުގެ އެއްވެސް ބައެއް އުފެދިފައެއް ނުވެ އެވެ.

ދުނިޔޭގެ ނޫސްތަކަށް ރަހުމާގެ ވާހަކަ އަރާފައިވަނީ އޭނާ ބޯތަށީގައި އިންދާ އެ އަވަށުގެ ފޮޓޯގްރާފަރަކު ނެގި ފޮޓޯއެއް ސޯޝަލް މީޑިއާގައި ދައުރުވުމުންނެވެ.

ރަހުމާ އޭނާގެ ކޮއްކޮ ފަހަދު އާއި މަންމައާ އެކު

ރަހުމާގެ ހާލަތު ނޫސްވެރިންނަށް ކިޔައިދެމުން އޭނާގެ މަންމަ ބުނެފައިވަނީ އުމުރުން ހަ މަހުގައި ތަންތަނުގައި އެކަނި އިންނަން ރަހުމާއަށް ދަސްވިތަނާ ބައްޔެއްގައި އިތުރަށް ހެދިބޮޑުވުން ހުއްޓުނީ ކަމަށެވެ. އެންމެ ކުޑަމިނުން ފިރުކިލަން ވެސް ރަހުމާއަށް ދަސްކުރާނެ ފުރުސަތު ނުލިބުނު ކަމަށް އޭނާގެ މަންމަ ވަރަށް އަސަރާ އެކު ބުންޏެވެ.

"އެންމެ ފުރަތަމަ ހުން އައީ. އެއަށް ފަހު ބަނޑަށް ތަދުވާތީ އުޅުނީ. އޭގެ ފަހުން އަތާއި ފައިގައި ރިއްސަން ފެށީ. ހަށިގަނޑުގެ ތަންތަނުގައި ރިއްސަން ފަށައިފި ނަމަ ދެން އޭނާއަށް ކެތްނުވާ ވަރަށް ރިއްސާ،" ރަހުމާގެ މަންމަ ބުންޏެވެ.

ރަހުމާ އާއި އޭނާގެ އާއިލާގެ މެމްބަރުން

ރަހުމާއާ އެންމެ ފަހުން ވާހަކަ ދެއްކި ނޫސްވެރިން ގާތު އޭނާ ބުނެފައިވަނީ ކޮންމެވެސް ދުވަހަކުން ވިޔަފާރިކުރާ މީހަކަށް ވެގެން ތަރުކާރީ ވިއްކާ ފިހާރައެއް ހުޅުވަން ގަސްދުކުރާ ކަމަށެވެ.

ރަހުމާގެ ހަގަށް ހުރީ 10 އަހަރުގެ ފަހަދެވެ. ފަހަދު އާއި އެ އާއިލާގެ އެންމެން ވެސް ރަހުމާ ދެކެ އިންތިހާއަށް ލޯބިވި އެވެ. އަދި އޭނާއަށް ފަސޭހަވާނެ ހުރިހާ ގޮތަކަށް އެމީހުން އަބަދުވެސް ކަންތައް ކޮށްދިނެވެ.

ރަހުމާ ފެންވަރުވާ އޭނާ ބޭނުންވާ ތަންތަނަށް ގެންގޮސްދީ ހެދުމުގައި އޭނާގެ ކޮއްކޮ ވަރަށް އެހީތެރިވެދޭ ކަމަށް ރަހުމާގެ އެންމެ ފަހުގެ އިންޓަވިއުގައި ބުންޏެވެ.

ރަހުމާއަށް ޖެހުނު ބަލި އެއްވެސް ޑޮކްޓަރަކަށް ނޭނގުމުން އާއިލާގެ މީހުން ގަބޫލުކުރީ އެއީ ޖިންނިއެއްގެ ފަރާތުން ދިމާވި ކަމެއް ކަމަށެވެ.

ރަހުމާގެ ކުރު ހަޔާތުގައި އޭނާއަށް ކިތަންމެ ދަތިތަކަކާއި ވޭންތަކެއް އިހްސާސް ކުރެވުނު ނަމަވެސް އޭނާ ބުނެފައިވަނީ އޭނާއަށް ދެއްވި ނިއުމަތަށް މާތް ﷲ އަށް ޙަމްދުކުރާ ކަމަށެވެ. އޭނާ މި ދުނިޔެއާ ވަކިވެގެން ދިޔައީ ވެސް އެ ގޮތުގަ އެވެ.

ސިއްހަތު ނައިޖީރިއާ މަރު ބަލިތައް

10 ކޮމެންޓް, 33 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ާއާސިޔަތް އީސާ

21 April 2019

ސުވަރު ގޭގެ ދާއިމީ ނިއުމަތް ދެއްވާށި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޫސަ

23 May 2017

إِنَّا لِلّهِ وَإِنَّـا إِلَيْهِ رَاجِعونَ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަތޯ

30 December 2016

ސުވަރުގޭގެ ދާއިމީ ނިޢުމަތް ދެއްވާށި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާސިމް

29 December 2016

ޕްލާސްޓިކް ބޯތަށްޓެއްތަ އެއީ؟ މަށް ވައްތަރީ ތަށްޓެއް، ނުވަތަ ބާލިއްޖަކާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ާޙަސަން އަޙްމަދު

29 December 2016

ދިވެހި ބަހަކުން އެއަކަށް ނުކިޔާނެ ބޯތައްޓެކޭ އެއް. އަހަރެމެން ކުޑައިރު އެޔަށް ކިޔަނީ ބޮޑުތަށި. އެއްޗެހި ދޮންނަ ތަށި ވެސް ކިޔާ . އަސްލު ތިއީ ކުރީ ޒަމާނުގަ ގެންގުޅުނު ލޯގަނޑު މި ކިޔާ ވައްތަރުގެ ކަންވާރެއް. ޕްލާސްޓިކުން ހަދާފަ ހުންނާތީ ލޯގަނޑު ނުކިޔަނީ ތޯއްޗެ. މިތަނާ އެހާ ގުޅޭ ބަހުސެއް ވެސް ނޫން ކަންނޭނގެ މިއީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮންދީނި

29 December 2016

ރަހުމާއަށް ސުވަރުގެ ގޭގެ އެންމެ މަތީދަރަޖަ މިންވަރު ކުރައްވާށި! ކެތްތެރިކަމުގެ މިސާލެއް...ނުހަނު ނިކަމެތި ޙާލުގައި އުޅުނު އިރުވެސް ﷲ އަށް ވަކީލުކޮށް އެކަލާނގެ އަށް ޙަމްދުކޮށްއުޅުނު މި ކުއްޖާގެ ޙަޔާތުން އިބްރަތް ލިބިގަންނަމާ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބްރާހީމް

29 December 2016

إِنَّا لِلّهِ وَإِنَّـا إِلَيْهِ رَاجِعونَ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ަޢާންތު

29 December 2016

ސުވަރުގޭގެ ދާއިމީ ނިއުމަށް އެއްވާށި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގެދާނޯމޮސް

29 December 2016

إِنَّا لِلّهِ وَإِنَّـا إِلَيْهِ رَاجِعونَ. އިންސިއަކުވެސް އަދި ޖިންނިއކުވެސް ބީހިފަނުވާ ރީތި ފުރިހަމަ ހޫޟައްރިން ގެ ތެރެއިން ސުވަރުގޭގައި ރަޙްމާ ﷲ މިންވަރު ކޮށްދެއްވާށި އެވެ. - آمِين -

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޯބޯ

29 December 2016

ރަހުމާ އަކީ ވަރަށް ކެތްތެރިވި ކުއްޖެކެވެ. ކެތްތެރި ކަމުގެ ޖަޒާއަކީ ސުވަރުގެއޭ ބުނާ ޙަދީޘްތަކާއި އާޔަތްތައް އަޑުއަހައި އުޅެމެވެ. ރަހުމާ އަށް ސުވަރުގެ މިންވަރު ކުރައްވާށި އެވެ.