މީހަކު ޑޮލަރުތަކެއް ނަގަނީ: ސައްހަ ނޫން ޑޮލަރު ވިއްކި ދެ މީހަކު 28،000ރ. އިން ޖޫރިމަނާކުރަން ވަނީ ހުކުމްކޮށްފައި -- ފޮޓޯ/މިހާރު
23 ޖޫން 2022 - 12:25
5 comments
ވަގު ޑޮލަރުތަކެއް ވިއްކި ދެ މީހަކު 28،000ރ. އިން ޖޫރިމަނާކުރަން ކްރިމިނަލް ކޯޓުން ހުކުމްކޮށްފި އެވެ.
ދެ ދިވެއްސެއްގެ މައްޗަށް މަކަރާއި ހީލަތް ހެދުމުގެ ދައުވާ ދައުލަތުން ކުރީ ވައިބާ ގްރޫޕެއްގައި ޑޮލަރު ވިއްކާކަން އިއުލާން ކުރުމަށް ފަހު ޕާކިސްތާނު މީހަކަށް ސައްހަ ނޫން 800 ޑޮލަރު ދިނުމަށްފަހު 16.50 ގެ ރޭޓުން އެއަށް ވާ ދިވެހި ފައިސާ ހޯދާފައިވާތީ އެވެ.
އެ ދެ މީހުން ދައުލަތާ އެކު ހެދި އިއުތިރާފްގެ އެއްބަސްވުމެއްގެ ދަށުން ކުށަށް އިއުތިރާފްވި އެވެ.
އެ ކުށުގެ އަދަބަކީ ހަތަރު މަހާއި 24 ދުވަހަށް ޖަލަށްލުމެވެ. އެކަމަކު އެ އަދަބު ޖޫރިމަނާއަކަށް ބަދަލުކުރަން އެ މީހުން އެދުމުން މިދިޔަ ހޯމަ ދުވަހު ކުރި ހުކުމުގައި ކޯޓުން ނިންމީ އެ މީހުން 28،800ރ. އިން ޖޫރިމަނާ ކުރުމަށެވެ.
އެ ފައިސާ ދެ މަސް ތެރޭގައި ކޯޓަށް ދައްކަން އެ ހުކުމުގައި އަންގާފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސާބަހޭއ
23 June 2022
ޑޮލަރު ވަގު ވިޔަފާރި ކުރާ ބިދޭސީން ފިޔަވަޅެއް ނޭޅެނީ އެއީ ދިވެއްސަކަށް ނުވާތީ ތޯ؟ އެމީހުންގެ މައްޗަށް ރާއްޖޭގެ ޤާނޫނާއި ޤަވާއިދު ނުހިނގަނީތޯ؟ ކަލޭމެން ޖަވާބުދާރީ ވާންޖެހޭ ދުވަހެއް އޮތްކަން ހަނދާން ނެތީތޯ؟
ސަމްކު
23 June 2022
ޑޮލަރުގެ ވަގު ވިޔަފާރި ކުރުމާ ވަގުޑޮލަރު އެބަހީ ޞޮއްޙަ ނޫން ޑޮލަރު ވިއްކުމާ ވަރަށްތަފާތުވާނެ.
1828
23 June 2022
ނިކަމެތިންނަށް ކުށް ސާބިތުވާނެ. ސިޔާސީ މީހުންގެ މައްޗަށް ކުށް ސާބިތެއް ނުވާނެ.
ހިތަޑު 2
23 June 2022
ދެން ތިބުނީ އެމީހުނެ ނިކަމެތިވީމަ އޭ މީހުންނަށް އޮޅުވާލަނީ؟ ނުވަތަ ދިވެއްސަކަށް ވިކްޓިމް ނުވީމަ އޭނާ އިންސާފް ލިބިގެން ނުވޭ؟
އޮރެންޖް
23 June 2022
ނިކަމެތި ވުމަކީ މަކަރާ ހީލަތް ހެދުމަށް އޮތް ސަބަބެއް ނޫން. މިހާލަތުގައި ނިކަމެތި ވި މީހަކީ އަނިޔާ ލިބުނު ޕާކިސްތާނު މީހާ. ކުށްކުރި ދިވެހި މީހާއެއް ނޫން. އަހަރުމެންގެ މަންމަ އާ ބައްޕަމެންވެސް މުސްކުޅިވީ ހަލާލުގޮތުގައި ބުރަ މަސައްކަތްކޮށްގެން.