ރަޝިޔާގެ ރައީސް ޕުޓިން (ވ) އާއި ތުރުކީގެ ރައީސް އުރުދުޣާން: ދެ ގައުމުގެ ގުޅުން ވަނީ ރަނގަޅު ކުރަން ފަށާފައި. --ފޮޓޯ:އޭއެފްޕީ
18 ޖުލައި 2022 - 15:24
17 comments
ރަޝިޔާގެ ރައީސް ލަޑިމިއާ ޕުޓިން އާއި ތުރުކީގެ ރައީސް ރަޖަބް ތައްޔިބު އުރުދުޣާން އަދި އީރާންގެ ރައީސް އިބްރާހީމް ރައީސީ ބައިވެރިވެވަޑައިގަންނަވާ ތިން ގައުމުގެ މަހާސިންތާއެއް، އީރާންގެ ވެރިރަށް ތެހެރާންގައި މާދަމާ ފަށާނެ އެވެ.
ތިން ރައީސުންގެ މި ފަހަރުގެ ބައްދަލުވުމުގެ އެޖެންޑާގެ އެންމެ ކުރީގައި އޮތީ ސީރިޔާގެ ދާޚިލީ ހަނގުރާމަ ކަމަށް، ބައެއް މީޑިއާ ރިޕޯޓްތައް ބުނެ އެވެ. މީގެ އިތުރުން، އަސްކަރީ ޚާއްސަ ހަރަކާތްތަކެއްގެ ނަމުގައި ރަޝިޔާ އިން ޔޫކްރޭނާ ދެކޮޅަށް މިހާރު ކުރަމުންދާ ހަނގުރާމަ އާއި އީރާންގެ ނިއުކްލިއާ މަޝްރޫއުގެ މައްސަލަ ވެސް، ތިން ބޭފުޅުން މަޝްވަރާ ކުރައްވާނެ ކަންކަމުގެ ތެރޭގައި ހިމެނޭނެ އެވެ.
ސީރިޔާގައި ހިނގަމުންދާ ދާޚިލީ ހަނގުރާމައިގައި އެކި ގޮތްގޮތުން ބައިވެރިވާ މި ތިން ގައުމުގެ ވެރިން އީރާންގައި މި ބައްދަލުކުރައްވަނީ ސީރިޔާގެ އުތުރު ސަރަހައްދުގައި ކުރުދީ ދަރިކޮޅުގެ ހަނގުރާމަވެރިންގެ ނުފޫޒު އޮންނަ ސަރަހައްދުތަކަށް، ތުރުކީ ވިލާތުން ހަމަލާތަކެއް ދޭން އުޅޭ ކަމުގެ އަޑުތައް ފެތުރިފައިވާ ދުވަސްވަރެއްގަ އެވެ. އަދި މިއީ ސީރިޔާގެ ދާޚިލީ ހަނގުރާމަ ހުއްޓައިލުމާ ބެހޭ ގޮތުން 2019 ވަނަ އަހަރު ތުރުކީގެ އާސްތާނާގައި ބޭއްވި ބައްދަލުވުމަށް ފަހު، މި ތިން ބޭފުޅުން އެކުގައި ބައްދަލުކުރައްވާ ފުރަތަމަ ފަހަރު ވެސްމެ އެވެ.
އީރާނުގެ ރައީސް އިބްރާހިމް ރައިސީ
ސީރިޔާގެ އުތުރު ސަރަހައްދަކީ، ސީރިއަން ޑިމޮކްރެޓިކް ފޯސްގެ ނަމުގައި ހަރަކާތްތެރިވާ ކުރުދީ ހަނގުރާމަވެރިންގެ ނުފޫޒު ވަރަށް ބޮޑު ސަރަހައްދެކެވެ. އަދި އެއީ ތުރުކީ ވިލާތުގެ އިރުދެކުނު ސަރަހައްދުގައި ވަކި ވެރިކަމެއް ގާއިމުކުރުމަށް މަސައްކަތްކުރާ ކުރުދީ ދަރިކޮޅުގެ މީހުންނާ ވަރަށް ބޮޑަށް ގުޅުން އޮންނަ ޖަމާއަތެކެވެ.
ސީރިޔާގެ އުތުރު ސަރަހައްދުގައި އަސްކަރީ ޚާއްސަ ހަރަކާތްތަކެއް ފަށަން ގަސްދުކުރާކަން ތުރުކީ ވިލާތުން އިއުލާންކުރީ މީގެ ދެ މަހެއްހާ ދުވަސް ކުރިންނެވެ. އެހެން ނަމަވެސް، އެ ސަރަހައްދަކީ ރަޝިޔާގެ ނުފޫޒު ވެސް ބޮޑު ސަރަހައްދަކަށް ވާތީ، އެ ސަރަހައްދުގައި އެފަދަ ހަރަކާތެއް ހިންގުމުގެ ކުރިން ރަޝިޔާގެ ވިސްނުން ހުރި ގޮތް ތުރުކީ ވިލާތުން ކަށަވަރު ކުރަން ބޭނުންވާނެ އެވެ.
ހުޅަނގުގެ ބައެއް މީޑިއާތައް ބުނާ ގޮތުން، ކުރުދީންގެ މައްސަލަ ހައްލުކުރަން އީރާނާއި ރަޝިޔާ ބޭނުންވަނީ އަސްކަރީ ގޮތުން ފިޔަވަޅެއް ނާޅައި، ސިޔާސީ ގޮތުން ވާހަކަ ދައްކައިގެންނެވެ.
އޭގެ އިތުރުން ރަޝިޔާގެ ރައީސް ލަޑިމިއާ ޕުޓިން އީރާނަށް މި ވަޑައިގަންނަވަނީ، އީރާނުގައި އުފައްދާފައިވާ އެންމެ ޒަމާނީ އަސްކަރީ ޑްރޯންތައް ގަތުމާ ބެހޭ ގޮތުން އީރާންގެ އޮފިޝަލުންނާއި ރަޝިޔާގެ އޮފިޝަލުންނާ ދެމެދު މަޝްވަރާތަކެއް ކޮށްފައި ވަނިކޮށެވެ.
މިދިޔަ ހަފުތާގައި ހުޅަނގުގެ ބައެއް މީޑިއާތަކުން ބުނެފައިވާ ގޮތުގައި، ރަޝިޔާގެ އަސްކަރީ ތަޖުރިބާކާރުންތަކެއް ދާދި ފަހުން އީރާނަށް ޒިޔާރަތްކޮށް، އީރާނުގައި އުފައްދާފައިވާ އަސްކަރީ ޑްރޯންތައް ބަލައި، އެ ތަކެތީގެ ގާބިލުކަން ވަނީ ދެނެގަނެފަ އެވެ. އޭގެ ތެރޭގައި މިސައިލާއި ރޮކެޓާއި ބޮން އުފުލުމުގެ ގާބިލުކަން ލިބިގެންވާ އަސްކަރީ ޑްރޯންތަކާއި، ޖާސޫސީ މައުލޫމާތު އެއްކުރުމަށް ބޭނުންކުރާ ޒާތުގެ ޑްރޯންތައް ވެސް ހިމެނެ އެވެ.
ރަޝިޔާ ވަފްދުގެ ބޭފުޅުން އީރާނަށް ވަޑައިގެން މައުލޫމާތު ހޯއްދަވައި ބެއްލެވި ކަމަށްވަނީ، އީރާންގައި އުފައްދާފައިވާ ޝާހިދު-191 އާއި ޝާހިދު-129 މަރުކާގެ އަސްކަރީ ޑްރޯންތަކެވެ. މިއީ ސެޓެލައިޓްގެ ޒަރީއާއިން، އޭގެ މިސްރާބާއި އަމާޒު ދެނެގަންނަ ޒާތުގެ މިސައިލް އުފުލުމުގެ ގާބިލުކަން ލިބިފައިވާ ޑްރޯން އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަލީމު އިދުރީސް
20 July 2022
ރަދީފު ބުނަންތޯ މަގޭ އިރާނު ހަމަބިމައް ތިރިކުރާނެޔޭ ބުނީމަ މަވަރު ނުބައިމީހަކު ރަދީފައް ނުފެނުނު! އެކަމަކު ރަދީފު މުޅި ޔޫރަފު އަންދާއަޅި ހަދާލާށޭ ސާބަހޭއެބަބުނޭ! އެކަން ރަދީފުމެނައް ވަނީހައްގުބަހައް ކޮންކަހަލަ ހަމަޔާ އުސޫލެއް ތިއީ! މަގޭ ބުނެފިންދޯ ރަނގަޅުނުބައި ދީނަކައް ނަސްލަކައް ކުލަޔަކައް ބަލައިގެން ދަރަޖަ ކުރާމީހެއްނޫނޭ މަށަކީ!
ކޮރަލިތަކުރު
30 July 2022
ބީރުބޮލާ، ރަދީފަކީ އެއްވެސް ކަމެއްގަ އިންސާފެއް އޮންނަބައެއްނޫން، ރަގަޅުވާނީ އެމީހުނަށް ރައްދު ނުދިނިއްޔާ. ޕުޓިން ގައުމެއް ފުނޑާލާއިރުވެސް އެވަރުގެ މީހަކު ނެތިގެން ސާބަސްދޭ ދެމީހުންގެ ވާހަކަ ތިދައްކަނީ.
ސަލީމު އިދުރީސް
19 July 2022
ބަލަ ބީރުބޮލު ހަމައީ ކާކުތޯ؟ ތެލްއަވީވު އަޅި ވާއިރު ތެހެރާނު ސަލާމަތުން އޮންނާނެތޯ! މިހާރު ދުނީއޭގަ ހުރި އެންމެޅު އެއް ދިފާއީ ނިޒާމަކީ އިޒުރޭލުގެ އަމިއްލަ އުފެއްދުމެއް! އެމިހުން އަތުގަ ހުރި އަތިއާރު އަރަބިނައް ވަޒަން ކުރެވޭތި އެތަނައް ހަމަލާދޭނުކެރެނީ އަދި އިޒުރޭލަކީ ވިސްނުމާ އިލުމުގެ ގޮތުން އަރަބިނާ އަޅާ ކިއޭވަރައް ވުރެ މާމޮޅު ބަޔެއް! ބަޔަކާ ކިތެމެ ހަސަދަ ވިއަސް ހަގީގަތް ގަބޫލުކުރޭ! އިޒުރޭލާ އަރަބިންނާ ކުރި ހަނގުރާމައިން މޮޅުވީ ކޮބައެއްތޯ!
ނުރަބޯ
19 July 2022
ތިޔަ އުރުދުޣާން އަކަށް އިތުބާރެއް ނުކުރެވޭ އެއީ މިހާރު ހަމަ ފައްކާ ދެފުށްކެހެރި އެއް.
އަލީބެ
19 July 2022
އެމެރިކާއަކީ އަބަދުވެސް ގައުމުތައް ޖައްސުވައިގެން ހަތިޔާރު ވިއްކުމުގެ ވިޔަފާރިކުރި ކުރާގައުމެއް. އެއީ އެމީހުން އެރި ތަނެއްވިއްޔާ ފޭބީ ސުންނާފަތިކޮށްފައި. އެމެރިކާގަ ކިތައްމެވަރަކަށް އޭއްޗެއް ހުއްޓަސް އިރާގަށް އެރީ ނިއުކްލިޔަރ ހަތިޔާރު އެބަހުއްޓޭކިޔާފަ. ފެނުނު އެއްޗެއް ހަރާން. ރައްޔިތުން ބިކަކޮށްލިވަރު އެހެރީ. ލީބިޔާ އަފްޣާން، އެހެރީ . އެމެރިކާއަށް އެނގޭނެ ޔުކްރޭން ނޭޓޯއާގުޅޭނަމަ ހަނގުރާމަ ފެށޭނެކަންވެސް. ހަތިޔާރުވިއްކަން ރޭވިގޮތަކަށްވާނީ.
ސަލީމު އިދުރީސް
19 July 2022
ތިއީރާނާ އިރާގާ އެތަން އަރަކު ތަޅާފަ ހަމަނޭވާ ލެވުނީ ސައްދާމު ކުވޭތު ހިފީ އެއްރެއީން!ހޭރިގަނެފަ އެމެރިކާ އެހީޔައް އެދުނީ ސައްދާމައް ހަފުތާޔަކުވެސް ހިފަހައްޓައި ނުލެވުނު! އެހިސާބުން އެކަން ނުނީމޭ ފުރިސްތައް ބިރުން އެމެރިކާގަ އެދުނީ ސައްދާމު ހަބިމައް ތިކޮއްދޭން! އެސާހިތަކު އެކަންކޮއްފި!ރަނގަޅު ހުށައެޅުމާކާއެކު ބަޔަކުއެދި އުޒުރެއް އޮވެއްޖެނަމަ އެސާހިތަކު އެމެރިކާ އިރާނު ހަމަބިމައް ތިރިކުރާނެކަން ބުއްދި ސަލާމަތުން ހުރި ކޮންމެ މީހަކުވެސް ގަބުލު ކުރާނެ
ރަދީފްއޮފިޝަލް
19 July 2022
''ރަނގަޅު ހުށައެޅުމާކާއެކު ބަޔަކުއެދި އުޒުރެއް އޮވެއްޖެނަމަ އެސާހިތަކު އެމެރިކާ އިރާނު ހަމަބިމައް ތިރިކުރާނެކަން''. @ބީރުބޮލުވަޒީރު ނިކަން ދެކިބަލަ މީނަގެ ނުބައިކަން.މީނަގެ ވާހަކައިން އެބަ ހާމަވޭ އެމެރިކާ އެއީ ކޮންޓްރެކްޓް އުސޫލުން ގައުމުތައް ސުންނާފަތިކުރަން ތިބޭ ބައެއްކަން.މިފެންވަރުގެ ގައުމަކަށް ސަޕޯޓްކުރުމުގަ @ސަލީމް ހުންނާތީވެ ހިތާމަކުރަން.މުސްލިމުން މަރަން އަތުކުރި އޮޅާލައިގެން ނުހުރެ ރައްޔަތުން ފަޅިއަށް އައުމަށް ސަލީމަށް އިލްތިމާސްކުރަން.
އަލީބެ
19 July 2022
އެމެރިކާއަކީ އެކަނި ހަނގުރާމަކުރާ ބައެއްނޫން. ގަލްފު ހަނގުރާމަކުރީ ސައުދީގެ ލާރިން. ފައިދާވީ އެމެރިކާއަށް. ސަރަހައްދު ހަފުސްކޮށްފަ. ގުރޫޕުތަކުގެ މެދުގައި މިހާރުވެސް ހަނގުރާމަ ނުހުއްޓެނީ އެމެރިކާއަށް އޭގެ ފައިދާ ބޮޑުކަމުންކަން ޔަގީން
ބީރުބޮލު ވަޒީރު.
19 July 2022
ސަލީމޫ ކަލޭ ބުއްދި ހަމަތަ؟ ސައްދާމް ދެކޮޅަށް ހަނގުރާމަކުރީ އެމެރިކާތަ؟ މުޅި ދުނިޔެ. ރަސިއާ އާއި ޗައިނާކަހަލަ މަދު ގައުމެއް އެ ހަނގުރާމައިގާ ބައިވެރިނުވި. ތިއަބުނާ ޢަރަބި ޕުރިންސުން ބުނެގެން ދެވަނަބުރު އިރާގަށް ހަމަލާދިންއިރު އިރާގު ސިފައިންގެ އަތުގަ އޮތީ ސައްދާމު ތުނބުޅި ބާލަން ގެންޅުނު ރޭޒަރާއި ކާށި ބިންނަން ގެންގުޅުން ކަތިވަޅި. އިރާނާ ވައިއެޅިލިއަސް އިޒްރޭލްގެ ތެލްއަވީވު އަޅިފުންޏެއްހެން ހަދާނެ. އަޔަންޑޯމް އޮންނަންޖެހޭނީ ނޭވާހޮޅިއަށް އެޅިފަ
ބީރުބޮލު ވަޒީރު
18 July 2022
އެމެރިކާގެ އާރު ކިއު 4 އޭ ގުލޯބަލް ހޯކުސް ޑުރޯން 60،000 ފޫޓް މަތީގަ އޮއްވާ ޖޫން 20 2019 ގަ އިރާނުގެ ރިވޮލިއުސަނަރީ ގާޑުން އެއަށް ހަމަލާދީ ވައްޓާލީމަ އޭރު މަވެސް ހީކުރީ އެއީ އީރާނުތެރޭގައި ހަރަކާތްތެރިވާ ރަސިއާގެ ގައުމަކުން ކުރިކަމެކޭ. ޓުރަމްޕުވެސް އެހެން ބުނެފަ އޮތީ. މިހާރު މިއެނގުނީ އެ ޑުރޯން ވައްޓާލީ ސީދާ އީރާނުގެ ސިފައިންކަން. ޔަމަނުގެ ހޫތީން ސަޢުދީއަށް ހަމަލާދޭން ފޮނުވާ އީރާނުގެ ގިނަ ޑުރޯން އެމެރިކާގެ އެއާރ ޑިފެންސް ފޫއަޅުވާލާފަ ބޮންއަޅާ.
ގުލްޒާރު
18 July 2022
ކުޅިބައި މުޅިން ހަމަވާނީ ޗައިނާވެސް ބައިވެރިވީމާ.
ރަދީފްއޮފިޝަލް
18 July 2022
ޗައިނާއަށް ވުރެ ޕާކިސްތާނު ބައިވެރިވުން ބޭނުންތެރި.
ޝީ ޝީ
19 July 2022
ދެރަނުވޭ އަދި ފެންނާނެ.. ވަރަށް ވިސްނުންތެރިކަމާއިއެކު ހުރިހާ ބައްރެއްގައި ވެސް އެމެރިކާ ސައިޒް ކުރަމުންމިދަނީ... ބޮޑެތި ކަންތައްތައް ކުރަންގިނަދުވަސް ނަގާނެ..
ރަދީފްއޮފިޝަލް
18 July 2022
ސާބަހޭ 03 ލީޑަރުން.ރަނގަޅަށް ވާންކޮށްފަ ބަހައްޓާތި.މިފަދަ ގިނަ ބައްދަލުވުންތައް ބޭއްވީމަ އެއްކަލަ އެމެރިކާ ވަރަށް ހާސްވާނެ.މީގެ މަހެއް ކުރިން ޕެސިފިކްގެ ގައުމުތަކަށް ޗައިނާގެ ފޮރިން މިނިސްޓަރު ދަތުރެއް ކުރީމަ އެމެރިކާ އުޅުނު ގޮތް ވެސް އަހަރުމެން ދެކެފިން.ވ.ވެދުން
ލެއްގިކޮމިޝަނަރ
19 July 2022
ދުނިޔޭގެ ކަންކަން ނޭންގޭ ދެގަމާރުންކަމަށްވާ ބީރުބޮލާ ރަދީފަކީ ރަސިޔާއިން މިގައުމަށް ކަޑައަޅާފަހުރި ދެ މުޝީރުންތަ؟ ނޫނީ ރަސިޔާގެ މޫނުމަތި ރީތިކުރަން ހަވާލުވެތިބި ދެމީހުންތަ؟ ތިފާޑަށްނޫޅެ ކަންކަން ރަންގަޅަ ސާފުކޮށްލަބަލަ. ރަސިޔާގެ ރައްޔިތުން މިހާރު ނިކަމެތިވެ އެހަރަ ހަފުސްވަނީ. ޔުކިރޭނު ހަނގުރާމައާހެދި ގައުމުގެ ބަޖެޓް ހުސްވެ ޔުކުރޭނުގެ މުދަލުން ވައްކަންކޮށްގެން ރަސިޔާ މިހާރު އެހިންގަނީ. ޙަނގުރާމައާ ދެކޮޅު ދިހަވަރަކަހާސް މީހުން މިހާރުވެސްވީ ޖަލުގަ.
ރަދީފްއޮފިޝަލް
19 July 2022
އޭއި މިހިރަ ކަނޑުކޮސް ލެއްގިބަބުރާ.ހަނގުރާމައެއް ހިނގަމުންދާއިރު އޭގެ އަސަރު ހުރިހާ ދިމާލަކަށް ފޯރާނެ.ކަލޭތީ ޔުކްރެއިންގެ ޖޯކަރުގެ އެޑްވައިޒަރެއްހެން ވެސް ކަލޭގެ ކޮމެންޓްސް ކިޔާލީމަ ހީވޭ.ޖޯކަރުގެ އެންމެ އަރިސް ސީނިޔާ މީހުންތައް ވެސް މިހާރު އޭނައަށް އިތުބާރުނުކުރާތީވެ އެދަނީ މަގާމްތަކުން ވަކިކުރަމުން.ކަލޭ ފާއިތުވި 02 ދުވަހު އަލްޖަޒީރާ ބެލިނަމަ އެނގޭނެ.ރަޝީޔާ އެއީ ވައްކަނަކުރާނެ ބައެއް ނޫން.އަސްލު ވަގު އެހެރީ ޔުކްރެއިންގަ.ވ.ވެދުން # ވަލްރަސް
ބީރުބޮލު ވަޒީރު.
19 July 2022
ޝުކުރިއްޔާ ރަދީފު އޮފިޝަލް. އަހަރުމެން މިއީ ރަސިއާގެ މޫނުމަތި ރީތިކުރާކަށްވެސް ނޫނީ މޫނުމަތި ހުތުރުކުރާކަށްވެސް އުޅޭބައެއް ނޫން. ސަލީމް އިދުރީސާއި ލެއްގި ކޮމިޝަނަރާއި ދެމީހުން ބަލަނީ ވައިޓްހައުސްގެ ސުޕޯކުސް ޕާސަން ދައްކާ ވާހަކަ. އަހަރުމެން ދުނިޔޭގެ މަޝްޙޫރު ހުރިހާ ޗެނަލެއް ބަލަން. އެމެރިކާ ސިފައިން އީރާނުގެ ފަސިންޖަރުން ގޮވައިގެން ދަތުރުކުރި ބޯޓެއް 290 މީހުންނާއެކު ވައްޓާލީމަވެސް ބުނީ ގަބޫލެއް ނުކުރެވެޔޯ. ބޯގޯސް.