ހުޅުމާލެ ދެ ވަނަ ފިޔަވަހީގައި ޕްރައިމަރީ ސްކޫލް ހެދުމުގެ މަސައްކަތް އެސްޖޭ ކޮންސްޓްރަކްޝަން ކުންފުނިން ކުރަނީ.-- ފޮޓޯ: އެސްޖޭ ކޮންސްޓްރަކްޝަން
19 ޖުލައި 2022 - 10:57
25 comments
ހުޅުމާލެ ދެ ވަނަ ފިޔަވަހީގައި އަޅަން އެސްޖޭ ކޮންސްޓްރަކްޝަން ކުންފުންޏާ ހަވާލުކުރި ޕްރީ ސްކޫލް، ޕްރައިމަރީ ސްކޫލެއްގެ ގޮތުގައި އަންނަ ސެޕްޓެމްބަރު މަހު ހުޅުވަން ނިންމައިފި އެވެ.
އެޑިއުކޭޝަން މިނިސްޓްރީގެ މީޑިއާ އޮފިޝަލަކު ވިދާޅުވީ މަޖިލީހުގެ ކުރީގެ ރައީސް އަދި އެޑިއުކޭޝަން މިނިސްޓަރުކަން ވެސް ކުރެއްވި އަހުމަދު ކާމިލް ދީދީގެ ނަން ދީފައިވާ ޕްރައިމަރީ ސްކޫލްގައި ޕްރީ ސްކޫލުން ފެށިގެން ގްރޭޑު ހަޔަކާ ހަމައަށް ކިޔަވައިދޭނެ ކަމަށެވެ.
އެ ސްކޫލް ހުޅުވަން ނިންމާފައި ވަނީ، އަންނަ މަހު ފަށާ ދިރާސީ އާ އަހަރަށް ފަހު ޖެހިގެން އަންނަ މަހުގެ ހަތަރެއްގަ އެވެ. މިއީ، ދެ ވަނަ ފިޔަވަހީގައި ހުޅުވާ ފުރަތަމަ ސްކޫލެވެ.
މާލެ ސަރަހައްދުގައި ޕްރައިމަރީ ގްރޭޑުތަކަށް ހާއްސަކޮށްގެން މި ވަގުތު ކިޔަވައިދެމުން އަންނަނީ އިއްޒުއްދީން ސްކޫލުގަ އެވެ.
އާ ސްކޫލް ހުޅުވުމަށް މިނިސްޓްރީން ވަނީ ޕްރިންސިޕަލާ އެކު، 50 އަށްވުރެ ގިނަ ވަޒީފާތަކަށް އިއުލާންކޮށްފަ އެވެ.
ޕްރީ ސްކޫލް އިމާރާތްކުރުމުގެ އެއްބަސްވުމުގެ ސޮޔާއެކު އެ މަސައްކަތްތައް ފެށީ މިދިޔަ މާޗު މަހުގެ ތެރޭގަ އެވެ. އެ ތަން ހަދަން ހަވާލުކުރީ 165 ދުވަސް ތެރޭގައި ނިންމާ ގޮތަށެވެ.
އެ މަސައްކަތް ހަވާލުކުރި އަގެއް ނޭނގުނަސް އެޗްޑީސީން މިދިޔަ ފެބްރުއަރީ 11 ގައި ކުރި އިއުލާނުގައި ބުނީ ދެ ވަނަ ފިޔަވަހީގައި އަޅާ ފުރަތަމަ ޕްރީ ސްކޫލް ޕްރޮޖެކްޓަށް 27 މިލިއަން ރުފިޔާ ހޭދަވާނެ ކަމަށް ބެލެވޭ ކަމަށެވެ.
ދެ ވަނަ ފިޔަވަހީގައި އިމާރާތްކޮށްފައިވާ ހިޔާ ފްލެޓްތަކަށް މީހުން ބަދަލުވާން ފެށުމާ އެކު ސަރުކާރުން މިހާރު ވެސް ވަނީ އެ ސަރަހައްދުގައި ދެ ސްކޫލެއް އަޅަން ބަޔަކާ ހަވާލުކޮށްފަ އެވެ. އެ ތަނުން އެއް ސްކޫލް މި އަހަރު ހުޅުވާނެ ކަމަށް ކުރިން ވަނީ ބުނެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަޅުބުޅާ
21 July 2022
ތިޔަތަން އަޅަން އެއް އަހަރު، ޗައިނާ މީހުން ހަފްތާއަކުން ނިންމާނެ، މާރުކޭޓުއެކޭ ތިޔަ ތަނެކޭ ނެއް ތަފާތެއް. ސަރުކާރުގެ ސުލޯކަން ހުރިހާ ކަމެއްގާ… ދިރާސީ އަހަރަށް ކިޔަވަން ފޭށޭއިރުވެސް ތިޔަ ސްކޫލު ނުނިމޭނެ.
ޢިހްސާސް
20 July 2022
މަހީކުރީ އެއީ ލޯކަލް މާރުކޭޓެއްކަމަށް.
ސާމިލް
20 July 2022
ވަގުތީ މިސްކިތް. ވަގުތީ ސްކޫލް، ވަގުތީ ހިޔާވަހިކަން މިއީ ކުއްލި ހާދިސާތަކާއި ގުޅިގެން އުފެއްދޭ ތަންތަން. މިނޫންގޮތަކަށް ވަގުތީ ކުރިޔަށް ލާފަ އެފަދަތަ ތަންތަން ހުޅުވާ ވާހަކަ ބުނީމާ ދޭހަވަނީ މިފަދަ ޒަމާނެއްގައި އަދިވެސް ސަރުކާރު ހިންގަމުން މިގެންދަނީ ދެއުޅިއެއް ނުވާގޮތަށްކަން. ކަންކަން ކުރަން ދުރާލާ އެއްވެސް ޕްލޭނެއް ނުހެދޭކަން. ނުވަތަ ޕްލޭނެއް ކުރިން ހަދާފައިވާނަމަ އެއަށް އަމަލުކުރަން ނޭނގޭކަން. މީ ގަސްދުގައި ހިންގާ ކޮރަޕްޝަން!!
މައިޝާ
21 July 2022
އެވެސް ވަގުތީ އެކަމކު 27 މިލިޔަން ކިހާމޮޅު......
ރާއްޖެ
20 July 2022
އެތާ ކައިރީގަ އިންނާނެ 5 މިލިޔަން ޚަރަދު ކޮއްގެން އެޅި ހަރުގެއެއް މިސްކިތެއްގެ ނަން ބޯޑް ޖަހާފަ.
ސެލްފީ ގާލް
19 July 2022
ވަރަށް އާދައިގެ ގޮތަކަށް ހަދާ ތަނެއްތީ…
އޭއި
19 July 2022
އިލްމު މުހިއްމީ. ހިޔާ ވެފަ ހިދުމަތް ލިބެނިކޮށް ނިމުނީ.
ބީތާތިވަނީ
19 July 2022
އިލްމަށް 27 މިލިއަން ހަރަދުކުރިނަމަ މީހުންނެއްނޫޅެނެ ހަޅޭލަވާކަށް. ރަނގަޅަށް ހިޔާ ނުވާތަނަކަށް 27 މިލިއަން ހަރަދު ކުރާތި މައްސަލަޔަކީ. އަދިވެސް ގޮވާއިލްމޭ ވާނުވާނޭގި
ޢަނީ
19 July 2022
27 މިލިއަނަށް އަޅާ ސްކޫލުގައި އެހެރީ ކޮންކްރީޓު ޝީޓުނާޅާ ސިމެންތިފިލަޔާ ދަގަނޑު ހޮޅިތަކެއް.މިއީ ސްކޫލުތަށް ހަދަން ހުއްދަދޭ މިންގަނޑަށް ފެތޭކަމެއްތޯ؟އާންމުކޮށް ތިހެން އިމާރާތް ކޮއްއުޅެނީ ގުދަންތަށް.
ދގދސެފ×
19 July 2022
ކޮންމެބައަކު ވެރިކަމަށް އަޔަސް އެސްޖޭއަށް ބައިނޭޅިނުދާނެ.
ނާން
19 July 2022
27 މިލިއަން ރުފިޔާ ހަރަދު ކޮށްގެން ހަދާ ސްކޫލް ވައްތަރީ ވަގުތީ މާރުކޭޓަކާ. 5 މިލިއަން އަށްވެސްް އެތަން މިހާރު އެހަދާގޮތައް ތަނަށް ހަރަދު ނުވާނެ. ޙަމަ ކޮރަޕްޝަން ޒީރޯ ޓޮލަރެންސްތޯ؟
ވައިބަރު
19 July 2022
އަސްތާ.. ފޮތޯތަކުން ފެންނަތުން އަހަރެން ހިތައް އަރަނީ ހިޔާ ބޭފުޅުން ތިޔަތަނާމެދު ހިތްޕުޅާ ވާނެބާއޭ.
ކުދުބެ
19 July 2022
އެތަން ފެނުނީމާ މަވެސްހީކުރީ ބަންގާޅު ބޭފުޅުންގެ ތޮރުކާރީ މާރުކޭޓެއްކަމަށް މިހަދަނީ!!!!!