ގަލޮޅު ދަނޑުގައި ޔޯގާގެ ހަރަކާތް ކުރިއަށް ގެންދަނިކޮށް އެ ތަނަށް ވަދެގަންނަނީ.
31 ޖުލައި 2022 - 08:05
20 comments
މިދިޔަ މަހު ގަލޮޅު ދަނޑުގައި ޔޯގާ ދުވަސް ފާހަގަކުރަނިކޮށް އެތަނަށް ވަދެގަނެ ދަނޑުގައި ތިބި މީހުންނަށް އިންޒާރު ދިން މައްސަލާގައި ކުރިން ހައްޔަރުކުރުމަށް ފަހު ދޫކޮށްލި މީހަކު އަލުން ހައްޔަރުކޮށް ކްރިމިނަލް ކޯޓުން ބަންދަށް 15 ދުވަސް ދީފި އެވެ.
ކްރިމިނަލް ކޯޓުން މުހައްމަދު ފައިސަލް/ގ.އުފުރިޔާ ބަންދުގައި ބަހައްޓަން ނެރުނު އަމުރުގައިވާ ގޮތުން މީނާގެ މައްޗަށް ޓެރަރިޒަމާއި ހުއްދަ ނޫން ތަނަކަށް ވަނުމާއި މާރާމާރީ އަދި މުދަލަށް ގެއްލުން ދިނުމުގެ ތުހުމަތު ކުރެ އެވެ.
މުހައްމަދު ފައިސަލް، 36، އަކީ މީގެ ކުރިން ވެސް ޔޯގާ ހަމަނުޖެހުމާ ގުޅިގެން ހައްޔަރުކުރި މީހެކެވެ. އެކަމަކު އެފަހަރު އޭނާ ދޫކޮށްލާފައިވަނީ ހައްޔަރުކުރުމަށް ހޯދި ކޯޓު އަމުރުގައި ބައެއް ކަންކަން އުނިވެފައި ހުރުމުން ހައްޔަރުކުރުމުގެ އިޖުރާއާތު ގޯސްކޮށް އޮތުމުން ކަމަށް ކޯޓު އަމުރުގައި ބުނެފައިވެ އެވެ.
ކޯޓު އަމުރުގައިވާ ގޮތުން މުހައްމަދު ފައިސަލް އަކީ ދަނޑަށް ވަދެގަނެ ހަމަނުޖެހުން ހިންގުމުގައި އަމަލީ ގޮތުން ބައިވެރިވި މީހެއްކަން އެނގެ އެވެ. އޭނާ ފުލުހުންގެ ބެރިކޭޑް ފަޅާލައި ދަނޑަށް ވަތް ކަމާއި ޔޯގާ އިވެންޓުގެ ބައިވެރިންގެ ފަހަތުން ދުވެ އިންޒާރު ދިންކަން ފުލުހުންގެ އިންޓެލިޖެންސް ރިޕޯޓާއި ސީސީޓީވީ ސްނެޕްޝޮޓްތަކުން އެނގޭ ކަމަށް އަމުރުގައިވެ އެވެ.
މީގެ އިތުރުން އޭނާ އަކީ ޔޯގާ ހަރަކާތާ ދެކޮޅަށް އެއްވި މީހުން މޯޓިވޭޓްކޮށް ދަނޑަށް ވަދެގަތުމަށް ހިތްވަރު ދިން މީހެއް ކަމަށް ފުލުހުންގެ ބަޔާންތަކުން އެނގޭ ކަމަށް ވެސް އަމުރުގައި ބުނެފައިވެ އެވެ.
ބަންދުގެ މުއްދަތު އިތުރު ކުރުމަށް ކޯޓަށް ހާޒިރުކުރުމުން މުހައްމަދު ފައިސަލް ވަނީ އެއް ތުހުމަތެއްގައި ދެ ފަހަރު ހައްޔަރުކުރި ކަމަށް ބުނެ އެކަމުގެ ޝަކުވާ ކޮށްފަ އެވެ. އެއީ އޭނާ ކުރިން ވެސް މި މައްސަލާގައި ހައްޔަރު ކުރުމަށް ފަހު ކޯޓަށް ހާޒިރުކުރުމުން ދޫކޮށްލާފައި ވާތީ އެވެ. އެކަމަކު ގާޒީ ވިދާޅުވެފައި ވަނީ އެފަހަރު ދޫކޮށްލީ ހައްޔަރު ކުރުމުގެ ކޯޓު އަމުރުގައި މައްސަލަތަކެއް ހުރުމުން އިޖުރާއަތު ގޯސްވެގެން ކަމަށެވެ. އަދި މިފަހަރު ހައްޔަރުކޮށްފައިވަނީ އިޖުރާއަތާ އެއްގޮތަށް ކަމަށް ވެސް ވިދާޅުވެފައިވެ އެވެ.
ޔޯގާ ހަރަކާތް ހިނގަމުން ދަނިކޮށް އެތަނަށް ވަދެގަތް މައްސަލާގައި ހޯރަފުށީ ދާއިރާގެ ކުރީގެ މެމްބަރު އަދި ޕީޕީއެމްގެ ކައުންސިލް މެމްބަރު މުހައްމަދު އިސްމާއިލާއި ޝައިހް އާދަމް ނިޝާނާއި ޝައިހް ފަޒްލޫން މުހައްމަދު ހިމެނިވަޑައިގަންނަވަ އެވެ. ދަނޑަށް ވަދެގަނެ އިންޒާރުދީ އަދި ބައެއް މީހުން ހަމަލާ ވެސް ދިން މައްސަލަ ޓެރަރިޒަމްގެ އަމަލެއްގެ ގޮތުގައި ތަހުގީގުކުރަމުން އަންނާތީ މައްސަލާގައި ހިމެނޭ މީހުންގެ މައްޗަށް ޓެރަރިޒަމްގެ އަމަލެއް ހިންގުމް، ޓެރަރިޒަމްގެ އަމަލެއް ހިންގުމަށް ހިތްވަރު ދިނުން އަދި އެކަމުގައި އެހީތެރިވުން ފަދަ ކުށުގެ ތުހުމަތުތައް ކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހައްދުފަހަނަ ނާޅައްޗެވެ.
01 August 2022
މިހާރު ދީނީގޮތުން ހައްދުފަހަނައަޅާ .ކޮންމެ ކަމެއް ދީނާ ގުޅުވާ. ސައިންސް ހަރާމްކޮއް ކިޔަވައި ނުދީ އެކަންވެސް ހަރާމް ކަމަކަށް ހަދައި.ކަމަކާ އަނގަބަހުން އެއްބަސްނުވުމުން ގެއިން ނެރެލާ.ކުދި ކުދި އާޔަތްތައްނަގައިގެން"ކަލޭމެން ދަރިންނައް ސުވަރުގެވަނީ މަގޭފައިތިލައިންނޭ" ގޮވާ. މިހާރު ދީންވެސް ބަލިމަޑުކަމަކައް ވެއްޖެ.ސަލްފް ޖަމާއަތް މިކަމައް ހައްލެއް ހޯދައި. މިމީހުންނަށް ދީން ކުޅޭ ކުޅޭ އެއްޗަކަށް ވެއްޖެ.ސިޔާސީ ޕާޓީތަކުން ދުރުވެ ތިބޭތި މުސްލިމުން.
ދުމްމ
31 July 2022
މިތާނގަ ވާއެއްޗެއް އަދި ނުވާ އެއްޗަކީ ކޮބާ؟ ދިވެހިރާއްޖޭގެ ވެރިރަށް މާލެއާ ވިލިނގިިލި ދޭތެރޭ އަޅާ ބުރިޖުގެ އަމަލީ މަސައްކަތްވެސް ފައްޓަނީ އިންޑީއާގެ ނިއުދިއްލީގަ؟؟
ފަހެ
31 July 2022
ތިހެން ނުހަދައިފިއްޔާ މިއަދު ވެރިމީހާގެ ދަތުރުގަ ނޭނގެ އިންޑިއާއަށް އަރުވާނެ ކަމެއް.
އެމްސް
31 July 2022
ކޮންމެ ސަރުކާރަކުންވެސް އިސްކަންދެނީ ވެރިކަން ދަމަހައްޓަން، އެކަމަކު ގަދަ ބާރުން! މިޤައުމު އެއްކޮށް ބިދޭސީންނަށްވެ، ޢާއްމު ހުރިހާ ވިޔަފާރިތައް ބިދޭސީން މިލްކު ކުރަމުން ދާއިރު އެކަން ހަމައަކަށް އަޅުވާނެ ފުލުހެއް އަދި ސަރުކާރެއްވެސް ނެތް!
އުދުހޭ
31 July 2022
މިހާރު ޓެރެރިޒަމަކީ ފުޅިމަދު އުގުރިއަކަށް ވެއްޖެދޯ؟ ހަމަ ކޮންމެ ލޯވަޅަކަށްވެސް ހެޔޮވަރު؟
އޯއަސީ އޯ ގުޅޭ އަވަހަށް
31 July 2022
ސަލަފް އަދި އަދާލަތް އަރަބި ގައުމުތަކާ ގުޅިގެން މިކަންކަން ހައްލު ކުރެވޭނީ. 73 މުސްލިމް ޖަމާއަތް އޮންނައިރު . އިތުރި ގޮފިތައް މިތާ ހަދާނެކަމެއް ނެތް. ގޮސް ސުންނަތް ކިޔަވާ އެޔައް އަމަލުކުރީމަ ރަނގަޅުވާނެ. ލޯ އެންޑް ޝަރީއާ ހިންގަބެ. ގައުމު ނަގާ އަލުން !
ށަވިޔަނި
31 July 2022
މިމީހުން ބުނާވޮތް ނޫން ހުރިހާ ގޮތެއް ގޯސް، ކުފުރު ޝިރުކު، އެބަޔަކު މެރުން ހުއްދަ. ޔޯގާގެ ދީނީ ޙުކުމެއް ގުރުއާނުގައި އަދި ރަސޫލާގެ ސުންނަތަކު ނެތް. އުއްމަތުގެ އިޖްމާޢެއް ނެތް. ދެން އޮތީ ޤިޔާސު އިޖްތިހާދު ފަދަ ވަސީލަތުން ޙުކުމެއްނެރުން. މިފަދަ ވަސީލަތަކުން ޙުކުމެއް އަންނައިރު ތަފާތު ރައްޔު އޮންނާނެ. އެކަން ގަބޫލުކުރަންޖެހޭ. ތިމާއަށް ގަބޫލުކުރެވޭ ގޮތުގައި ހުރީމަ ނިމުނީ. އަނެއްރައްޔުތަކާ ދެކޮޅަށް ނިކުތުމަކީ ގޯހެއް.
އެމްސް
31 July 2022
ދީން އައްޑަނައަކަށް ހަދައިގެން ތިމީހުންވެސް އުޅެނީ ވެރިކަމާ!
ދުރުމި
31 July 2022
ޖާބިރު ނަމުގަޔާއި ސަޅި ނަމުގައި ކޮމެންޓް ކުރި މީ ހާޔަށް ޔަށް މިހާރު އެއްޗެއް ވިސްނޭނެ
ސަޅި
31 July 2022
ތި އެންމެބަށް އަވަހަށް ހުކުމް އަންނަނޖެހޭ… ގައުމު ހަރުކަށި ވިސްނުމާ ދުރުކުރަން ކޯޓުތައްވެސް އެކައްޗެއްކިޔާ ގައުމު ސަލާމަތްކުރަންޖެހޭ
އެމްސް
31 July 2022
ޤައުމު ސަޅަމަތް ކުރަންވީ ބިދޭސީންގެ ކިބައިން!
1828
31 July 2022
"ފުލުހުންގެ އިންޓެލިޖެންސް ރިޕޯޓް". މިއީވެސް ހެއްކެއް ތޯ؟ 21 ވަނަ ގަރުނުގައި ނަސީބު 'ބަރު' ހެކި ނުދޭކަން.
އެމްސް
31 July 2022
ޤަވާއިދާއި ޚިލާފަށް/އެއްވެސް ވިސާއެއް ނެތި ކިތައް ބޮންދުން މިޤައުމުގަ އެބަ އުޅޭތޯ؟ ވިސާ އަދި އޮތަސް، (ދިވެއްސެއްގެ ނަމުގަ) ކިތައް ވަގު ވިޔަފާރި ބިދޭސީން އެބަ ހިންގާތޯ! ހިޔާ ފްލެޓް ތަކުގަވެސް އެއްވެސް ބިރެއްނެތި ކިހާ ބިދޭސީންނެއް އެބަ އުޅޭތޯ؟ އިންޓެލިޖެންސް މައި ފުޓް!
އާނއެ
31 July 2022
މިހާރު އެފަދަ އިންޓެލިޖެންސް ރިޕޯޓް ވަރަށް ހިނގާނެ. ޔާމީނު އިރުގަ ނަމަ އެއީ ހަމަ އުފައްދާ ތަކެތިކަމަށްވާނީ.