ސްޓެލްކޯ އަދި އެމްއޭސީއެލް އެޕާޓްމެންޓްތަކަށް އެފްޓީޓީއެޗް ކަނެކްޝަން ލަނީ ---ފޮޓޯ: އެޗްޑީސީ
08 އޯގަސްޓް 2022 - 16:41
9 comments
އެމްއޭސީއެލް އަދި ސްޓެލްކޯގެ އެޕާޓްމެންޓްތަކަށް އެޗްޑީސީން އެފްޓީޓީއެޗް (ފައިބާ ޓު ދަ ހޯމް) ކަނެކްޝަން ފޯރުކޮށްދީފި އެވެ.
އެޗްޑީސީން ބުނީ މިކަމަކީ ކުރިމަގުގައި ހުޅުމާލޭގައި ތަރައްގީ ކުރާ އޯޕަން އެކްސެސް ނެޓްވޯކާއި ފައިބަ ކަނެކްޝަންތައް ފުޅާކުރުމަށް ރާވާފައިވާ ކަންކަމުގެ ތެރެއިން ހިމެނޭކަމެއް ކަމަށެވެ.
އެފްޓީޓީއެޗް ކަނެކްޝަން އަކީ އެޕާޓްމެންޓް ހުންނަ އިމާރާތްތަކަށް ނުވަތަ އެނޫން ވެސް މީހުން ދިރިއުޅޭ ތަންތަނަށް ބޭނުންވާ ކޭބަލް ޓީވީ އަދި އިންޓަނެޓް ފަދަ ހިދުމަތްތައް ދިނުމުގެ ގޮތުން އަޅާ އޮޕްޓިކަލް ފައިބަ ކަނެކްޝަނެކެވެ.
އެޗްޑީސީން ބުނިގޮތުގައި، މިހާރު ހިޔާ ފްލެޓްގައި ދިރިއުޅެމުން އަންނަ މީހުން އިންޓަނެޓާއި ކޭބަލް ޓީވީ ހިދުމަތް ހޯދަން ބޭނުންކުރަނީ އެ ކުންފުނީގެ އެފްޓީޓީއެޗް ކަނެކްޝަނެވެ.
އެފްޓީޓީއެޗްގެ ސަބަބުން މުޖުތަމައުއަށާއި ހިދުމަތްދޭ ފަރާތްތަކަށް ފައިދާކުރެ އެވެ. އެގޮތުން، އެ ކަނެކްޝަން ގުޅާފައި ހުންނަ ގެއަކަށް ބަދަލުވާ ތަނުން އިންޓަނެޓާއި ޓީވީ ގެ ހިދުމަތް ވަގުތުން ލިބޭނެ އެވެ. އަދި އެފްޓީޓީއެޗްގެ އިންޓަނެޓް ސްޕީޑް އަވަސްވެ، ސާވިސް ރޭންޖު ފުޅަލެވެ.
އެފްޓީޓީއެޗްގެ ސަބަބުން ހިދުމަތްދޭ ފަރާތްތަކަށް ފިޒިކަލް ކޭބަލިން އިންސްޓޯލް ކުރަން ނުޖެހި ވަގުތުން ކަސްޓަމަރުންގެ ގެއަށް ކަނެކްޝަން ފޯރުކޮށްދެވޭނެ އެވެ. އަދި އެ ހިދުމަތްތައް ބޭނުންކުރާ މީހުން އިތުރުވެ، ކޭބަލް އިންސްޓޯލް ކުރަން ދާ ވަގުތާއި ހަރަދު ކުޑަކުރެވޭނެ އެވެ.
އެޗްޑީސީން ބުނީ އޯޕެން އެކްސެސް ނެޓްވޯކެއް ގާއިމްކުރުމަކީ މުޖުތަމައުއެއް ޑިޖިޓަލީ ކުރިއަރާ ދިއުމަށް މުހިންމު ކަމެއް ކަމަށް ގަބޫލުކުރާ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގުއިގާޑިއާ
10 August 2022
އެމްއޭސީއެލްގެ ފްލެޓަށް ކޮން ކޮރަޕްޝަނެއް ވެއްދީއޭ... އެމްއޭސީއެލްގަ ތިބި ވެރިންނަކީ ހުސް ވަގުން. ނިކަމެތި މުވައްޒަފަށް ދެމުންދިޔަ ޑޮލަރުކޮޅުވެސް ބަނޑަށް އަޅާލީ. ބޯނަސް ނުދޭތާ އެތައް އަހަރެއް. އެވެސް ވެރިންގެ ބަނޑަށް އަޅާލީ. ފްލެޓް ދިރުވާނުލެވިގެން ވަގުންތައް އެއުޅެނީ. ދެން މުވައްޒަފުން ރަތަށް އަރައިގަތީމަ މިމީހުން ބޭނުން ބަޔަކަށް ބަހާލެވޭނެނު. ކަރަންޓް ގުޅޭވަރަށް ލާރި ނުހުންނާނެނު ވަގުންގެ ޖީބަށް ހުރިހާ އެއްޗެއް އަޅަންފެށީމަ??????????
ހިލަބެ
09 August 2022
ކަރަންޓްގުޅައިދީބަލަ ކޮންއެޗްޓީޓީއެއްތަ ފުރަތަމަ ތިޔަތަނަށްވަދެވިގެންދޯ ޔިޔަބުނާ އެއްޗެއް ބޭނުންކުރެވޭނީ ...؟
މަދަދު
09 August 2022
މިހާރު ނޫހުން ދިރާސާ ކޮށްފަ މި ވާހަކަ ޖަހަން ފެނޭ. އެމް.އޭ.ސީ.އެލް ގެ ފްލެޓްތައް ޙައްޤުވެރިންނަަށް ޙަވާލު ނުކުރެވިގެން ދިގުލާ ދާތާ މިހާރު އަހަރަކާ ގާތް ވަނީ. މި ވާހަަކަ ޖަހާލާނެ ނޫހެއް ނެތް. ހައްތާވެސް އަންނަ މަހު ޙަވާލު ކުރަނީ. ނޫނީ %99 މަސައްކަތް ވަނީ ނިމިފަ. މިހެން ޖަަހަ ޖަަަހަ ތިބެނީ. ނިކަން މިކަމަށް ހައްލެއް ލިބި ޙައްޤު ވެރިންނަށް ޙަވާލުކުރާ ވަރު ކޮއްލަ ދީބަލަ
މުލޭ
09 August 2022
ބޮޑު ކުންފުންޏެއް ނުރުހޭފަދަ ކަމެއް ކުރަން ނޫސްވެެރިންނަށް ލާހިކެއްނޫން. މީ ވަރަށް ވާހަކަ.
ކަޅޭ.
08 August 2022
އެމް އޭސީއެލް ވެރިން ލަދެއް ނުގަނޭތަ؟ މާދަން މާދަން ކިޔާތާ އެއްއަހަރުވީ..
ޭޭއެސް އޭ ޖީ
08 August 2022
ފުރަތަމަ ތި ކިޔާ އެމް އޭ ސީ އެލް ފުލެޓަކުން މީހުންނަށް ބޯހިޔާވަހިކަން ދީބަލަ.އެދޯ އެންމެ މުޙިއްމު ކަމަކީ. މާދަން މާދަން ކިޔަ ކިޔަ ތިބެނީ އޭ.
ފެއިލް ސަރުކާރު
08 August 2022
އެންމެ ފުރަތަމަ ނިންމި ކޮމްޕެނީ ފްލެޓަކީ އެމް.އޭ.ސީ.އެލް ފްލެޓް. އަދިވެސް މި ތިބެން ޖެހެނީ ކަރަންޓު ނުދެވިގެން އޭ ކިޔާފަ އެތަނަށް ވަދެވޭ ގޮތް ނުވެފަ. ތަން ހަދާ ނިމިފަ ހުންނަތާ މިހާތު 6 މަސް ވަނީ. މީގެ 20 އަހަރު ކުރިއެކޭ ނެތް ތަފާތެއް. ކަރަންޓު ނުދެވިގެން އުޅޭ ސަބަބެއްވެސް ނެތް. ސްޓެލްކޯ ފްލެޓް ނިންމާ ކަރަންޓު ވެސް ދެވި މީހުންވެސް ވެއްދިއްޖެ. އެކަމަކު އެމް.އޭ.ސީ.އެލް ފްލެޓް ގެ ކޮޅެއް މެދެއް ނޭންގެ. މިދެން ބޮޑުވަރު ދޯ...!!!
މުލޭ
09 August 2022
ކުދިންނޭ ކެތްތެރިކަން އިސްކުރޭ. ތިއަށްވުރެ އެތައްގުނައެއް ގިނަ ދުވަސްވީ ފްލެޓްތައް ވެސް ނުނިމި އެބަހުރި. ޝުކުރުވެރިވޭ.
ދެޔަރ
08 August 2022
ދެން ހިޔާ ފުލެޓުގެ ބައެއް ކުދީން ހަމައެކަނި ސުރުހީ ކިޔާފައި ރޮއި ހޭރި ނުގަންނާއްޗޭ. މިހާރުވެސް ތިޔަ ތަނަށްވެސް ލިބޭ އެއްޗެއް އެ ދެ ފުލެޓަށްވެސް ލިބޭގޮތް ހެދިކަމަށް ޚަބަރުގަ އޮތީ. އިނގޭ