ރުސްތުމް: އޭނާގެ މައްޗަށް ހަތަރު މަހުގެ ޖަލު ހުކުމެއް އިއްވިޔަސް، އޭނާ މިއަދު މިނިވަންވާނެ
14 އޯގަސްޓް 2022 - 10:50
30 comments
އިސްލާމްދީނަށް ފުރައްސާރަކުރި މުހައްމަދު ރުސްތުމް މުޖްތަބާ ހަތަރު މަހަށް ޖަލަށް ލާން ކްރިމިނަލް ކޯޓުން ދެންމެ ހުކުމްކޮށްފި އެވެ.
އެކަމަކު އޭނާ މިހާތަނަށް ބަންދުގައި ހަ މަސް ދުވަސް ހޭދަކޮށްފައިވާތީ އެ ހުކުމް އަޔަސް، އޭނާ މިއަދުން ފެށިގެން މިނިވަންވާނެ އެވެ.
ސޯޝަލް މީޑިއާގައި މާތްﷲ އާއި ކީރިތި ރަސޫލާ (ސ.އ.ވ) އަށް ފުރައްސާރަކުރި ރުސްތުމްގެ މައްޗަށް ދައުލަތުން ކުރި ދީނީ އެއްބައިވަންތަކަން ނަގާލުމުގެ ކުށުގެ ދައުވާ އާއި އޮރިޔާންކާޑު ގެންގުޅުމުގެ ދައުވާ އަށް އޭނާ ކޯޓުގައި ވަނީ އެއްބަސްވެފަ އެވެ.
ރުސްތުމްގެ މައްޗަށް ކަނޑައެޅޭނެ އަދަބާ ބެހޭގޮތުން ވާހަކަ ދެއްކުމަށާއި އަދަބު ކަނޑައެޅުމަށް ބޭއްވި މަޖިލީހުގައި ދައުލަތުން ބުނީ ގާނޫނުލް އުގޫބާތުގައި ދީނީ އެއްބައިވަންތަކަން ނަގާލުމުގެ ކުށަށް އޮންނަ އަސާސީ އަދަބަކީ ހަތަރު މަހާއި 24 ދުވަހަށް ޖަލަށް ލުން ކަމަށް ވިޔަސް، ރުސްތުމް ކުށަށް އިއުތިރާފްވެފައިވާތީ އަދަބުގެ މިންވަރު ތިން މަހާއި 18 ދުވަހުގެ ހުކުމަކަށް ދަށްވާނެ ކަމަށެވެ.
މީގެ އިތުރުން އޮރިޔާން ކާޑު ގެންގުޅުމުގެ ކުށަށް އޮންނަ އަސާސީ އަދަބަކީ އެއް އެއް މަހާއި ހަ ދުވަހަށް ޖަލަށްލުން ކަމަށާއި އެކަމަކު އޭނާ އިއުތިރާފްވުމުން އަދަބުގެ މިންވަރު 27 ދުވަހުގެ ޖަލު ހުކުމަކަށް ކުޑަވާނެ ކަމަށް ދައުލަތުން ބުންޏެވެ. އަދި އެއް ކުށަށް ވުރެ ގިނަ ކުށަށް އަދަބު ކަނޑައެޅުމުގެ އުސޫލުގެ ދަށުން އަދަބުގެ މިންވަރު ދަށްކުރުމުން އެ ކުށުގައި އޭނާއަށް ދެވޭނީ 13 ދުވަހުގެ ޖަލު ހުކުމެއް ކަމަށް ދައުލަތުން ބުންޏެވެ.
މިއިން އެއްވެސް ކުށެއްގައި އަދަބުގެ މިންވަރު މަތިކުރަން ދައުލަތުން އެދިފައެއް ނުވެ އެވެ. އަދި އަދަބާ ބެހޭގޮތުން ރުސްތުމް ބުނީ ބުނާނެ އެއްޗެއް ނެތް ކަމަށެވެ.
އެ މައްސަަލަ ބެއްލެވި ގާޒީ މުހައްމަދު މިސްބާހު ހުކުމް އިއްވަވަމުން ވިދާޅުވީ ދީނީ އެއްބައިވަންތަކަން ނަގާލުމުގެ ކުށުގައި ތިން މަހާއި 18 ދުވަހަށް އަދި އޮރިޔާން ކާޑު ގެންގުޅުމުގެ ކުށުގައި 13 ދުވަހަށް ރުސްތުމް ޖަލަށް ލާން ހުކުމް ކުރައްވާ ކަމަށެވެ.
އެކަމަކު ރުސްތުމް މިހާރު ބަންދުގައި ހަ މަސް ދުވަސް ހޭދަ ކޮށްފައިވާއިރު، ގާނޫނު އޮންނަ ގޮތުން އެ މުއްދަތު ހުކުމުގެ މުއްދަތުން އުނިކުރަން ޖެހޭނެ ކަމަށް ގާޒީ މިސްބާހު ވިދާޅުވި އެވެ. އެގޮތަށް އުނިކުރުމުން ރުސްތުމް އިތުރަށް ތަންފީޒު ކުރަންޖެހޭ ޖަލު އަދަބެއް ނެތެވެ. އަދި އޭނާ މިއަދު މިނިވަންވާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގާސިމް
16 August 2022
މީނަ މީ ދިވެހި ރައްޔިތެއްތަ މިހާރުވެސް؟ ގާނޫނު ބުނާގޮތުން ދިވެހި ރައްޔިތަކީ މުސްލިމަކަށް ވާންޖެހޭ.
މީނަ މިއީ ވަބާއެއް
14 August 2022
މީނަ އަކީ މިގައުމަށް ހެޖިފަހުރި އަދި ދީނަށް ފުރައްސާރަ ކުރާ މީހެއް. މިކަހަލަ މީހުން މިޤައުމަށް ބޭނުމެއްނޫން. މީ އެމްޑީޕީ ސަރުކާރުގަ މިކަން ވާނެ ގޮތް
ގުއިއްޒު
14 August 2022
އޭނަ މިހާރު އެއީ ކާފަރެއް ނޫންތަ? އެކަމަކު މިއީ 100% މުސްލިމު ގައުމެއް. ހަމަ ގައިމުވެސް އޭނާ ދިވެއްސެއްގެ ގޮތުގައި ހުރެގެން 100% ހަމައެއް ނުވާނެ.
ޢަރުތަ
14 August 2022
އެހެންތަވަނީ! ދީނަށް ފުރައްސާރަ ކޮށްފިއްޔާ އެމީހެއްގެ ކިބައިން އެމީހެއްގެ ދީން ގެއްލި އެމީހަކު އެހެން ދީނެއްގެ މީހަކަށްވޭތަ!
1206
14 August 2022
ބަލަ ޢަރުތައިގެ ނަމުގައި މިހިރަ ކޮމެންޓު ކުރާ މީހާ. މި އުޑުބަޅުކުރެއްވި ހިސާބުގައި ހަމަހޭވެރި ކަމުގައިތަ މި އޮށްހާ ދުވަހު ހުރީ. ދިވެހި ރާއްޖޭގައި ޝަރުޢީ ކޯޓުގައި ޝަރީއަތުގެ މަޖިލީހުގައި ފަނޑިޔާރުން ކުރިމަތީ ގައި އޭނާގެ އަމިއްލަ ދުލުން އޭނާ ވަނީ ތިމަން އިސްލާމްދީން ގަބޫލު ނުކުރާ ކަމަށް ބުނެފައި. އިސްލާމްދީން ގަބޫލު ނުކުރާ މުސްލިމުންވެސް އުޅޭތަ؟ ލޭ ކެކޭ ކަހަލަ ކޮމެންޓުނުކޮށް ތިޔަ އޮތް ވަލެއްގައި ހަނު ހިމޭނުން އޮތިއްޔާ މާ ތާހިރު ވާނެ.
ހާމިދު ޝާހިދު
14 August 2022
ސަލްމާން ރުސްދީ ކިއުމަށްފަހު ދެން މިއިވުނީ ރުސްތުމް ގެވާހަކަ. މިއީ ކޮންއިރެއްގައި ކޮންކަމަކާ ގުޅިގެން ހައްޔަރު ކޮށްގެން އުޅުނު މީހެއް. ކޮންތާކު މީނާ ހައްޔަރު ކޮށްފައި ހުރީ. މީނާގެ ތަހުގީގު ކުރިއަށް ގެންދިއައީ ކިހިނެތް. މިހާދުވަހުން މައްސަލަ ނިންމީ ކީއްވޭ؟ މި ސުވާލުތަކަށް ޖަވާބު ބޭނުންވޭ.
ޢަދްރޭ ދަ މެތް ޖީނިއަސް
14 August 2022
މީނައަށް ޖަލުގެ ބެހެއްޓި އިތުރު 2 މަސްދުވަހަަށް ދުވާލަކަށް 1256 ރުފިޔާގެ ރޭޓުން 3 މިލިއަން ދޭންޖެހޭނެ.
ބެލްޖިއަމް
14 August 2022
މި ރުސްތަމް ދީނަށް ފުރައްސާރަކޮށްގެން އަގީދާ ގުޑީ ކިތައް މީހުންގެ ބާ؟
ދހސތވސ
14 August 2022
އިސްލާމްދީނަށް ފުރައްސާރަ ކުރީމާ ހާދަހާ ކުޑަ އަދަބެކޭދޯ މިއޮންނަނީ. އަންތަރީސްވެދާނެ
ބަޒާނާ
14 August 2022
އޭނަ ކުރިކަމަކުން މީހަކަށް ވީ އަނިޔާއެއް ގެއްލުމެއްނެތް. ޢެހެންވީމަ އަދަބު ބޮޑުވާކަށްނުޖެހޭ.
ށަވިޔަނި
14 August 2022
ދީނަށް ފުރައްސާރަކުރުން ދީނީ އެއްބައިވަންތަކަން ނަގާލުން މިއީ އެކައްޗެއްތަ؟ ދީނަށް ފުރައްސާރަކުރުމަކީ މުސްލިމެއްނަމަ މުރުތައްދުވާ ކަމެކެވެ. އެއްބައިވަންތަކަން މިއޮތީ ވެއްޔާ މޮޑެވިފައެވެ.
ކޫސަނި
14 August 2022
ދެން އަނެއްކާވެސް މިކަލޭގެ ދީނަށް ފުރައްސާރަކޮށް އުޅެންވީ ، ދުވަހެއްގައިވެސް ހުކމެއް ތަންފީޒް ކުރާކަށް ނުޖެހޭނެ ، ރޭވުންތެރިކަން މޮޅު
ހލތ
14 August 2022
4މަހުގެ ޙުކުމެއްއަންނަ މައްސަލައެއްގައި 6މަސްވާންދެން ގެންގުޅުނީ ކީއްކުރަން. ތިމައްސަލަ ލަސްކުރިމީހުންއަތުން ދެމަސްދުވަހަށް އޭނައަށް ދައުލަތުން ކާންދިންދިނުމުގެއަގުނަގައި، ލަސްކުރިމީހުންގެ ވަޒީފާއަށް ގޮތެއްހަދާބަލަ. ތިކަހަލަކަންތައް ހުއްޓޭނެ.
ވާސުރު
14 August 2022
އެއީ ތަހުގީގު ބަންދާއި ހުކުމުގެ ބަންދު . އޭނާއަށް ދޭންޖެހޭ އެއްޗެއް ނޯންނާނެ.