ނ. އަތޮޅު ހޮސްޕިޓަލް: އެ ހޮސްޕިޓަލަށް ދިވެހި ޑޮކްޓަރުން ހޯދަން ވަނީ އިއުލާންކޮށްފައި -- ފޮޓޯ: ނ. އަތޮޅު ހޮސްޕިޓަލް ފޭސްބުކް ޕޭޖް
23 އޯގަސްޓް 2022 - 11:34
2 comments
ނ. އަތޮޅު ހޮސްޕިޓަލަށް އެކި ދާއިރާތަކުން ހާއްސަ ދިވެހި ޑޮކްޓަރުންނާއި 21 މެޑިކަލް އޮފިސަރުން ހޯދަން އިއްޔެ އިއުލާންކޮށްފި އެވެ.
އެ ހޮސްޕިޓަލުން ކުރި އިއުލާނުގައި ވަނީ ހަ ދާއިރާއަކުން ހަތް ސްޕެޝަލިސްޓް ދިވެހި ޑޮކްޓަރުން ބޭނުންވާ ކަމަށެވެ. އެއީ އެތެރެހަށީގެ ޑޮކްޓަރަކާއި ކަށީގެ ހާއްސަ ޑޮކްޓަރަކާއި ހޭނައްތާ ޑޮކްޓަރަކާއި އޮޕަރޭޝަން ޑޮކްޓަރަކާއި ކުޑަކުދިންގެ ހާއްސަ ޑޮކްޓަރަކާއި އަދި އަންހެނުންގެ ހާއްސަ ދެ ޑޮކްޓަރުންނެވެ.
ނ. މަނަދޫގައި ހުންނަ އެ ހޮސްޕިޓަލާއި އެ އަތޮޅުގެ އެހެން ރަށްތަކުގެ ސިއްހީ މަރުކަޒުތަކުގައި މަސައްކަތް ކުރަން 21 ސީނިއާ މެޑިކަލް އޮފިސަރުންނާއި އަދި މެޑިކަލް އޮފިސަރުން ހޯދަން ވެސް އިއްޔެ އިއުލާންކޮށްފައިވެ އެވެ.
އެ މަގާމުތަކަށް ޝައުގުވެރިވާ މީހުން މި މަހު 29ގެ ކުރިން ފޯމު ހުށަހެޅުމަށް ވަނީ އެދިފަ އެވެ.
މިދިޔަ ހަފުތާގައި ވަނީ ފުވައްމުލަކު ހޮސްޕިޓަލަށް ވެސް ދިވެހި ޑޮކްޓަރުން ހޯދަން އިއުލާންކޮށްފަ އެވެ.
ސްޕެޝަލިސްޓް ޑޮކްޓަރުން ލިބުން ދަތިވެ، ސަރުކާރުން މިދިޔަ ޖޫން މަހު ވަނީ ރާއްޖެ އަށް ކިއުބާ އިން 26 ޑޮކްޓަރުން ގެނެސްފަ އެވެ. އަދި އޭގެ ފަހުން ވެސް 100 އެއްހާ ބިދޭސީ ޑޮކްޓަރުންނާއި މެޑިކަލް އޮފިސަރުން ހޯދަން ވެސް ހެލްތު މިނިސްޓްރީން އިއުލާންކުރި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހް
23 August 2022
ފެކްޓަރީ އަކުން ތައްގަނޑަކަށް އަޅައިގެން ތައްޔާރު ކުރާ އެއްޗެއްބާ ތި ޑޮކްޓަރުންނަކީ. އިއުލާން ކޮއްލާއިރަށް ލިބެން. ހަފުތާގެ 7 ދުވަހު 24 ގަޑިއިރު އޮންކޯލްގަ ހުންނަން ޑޮކްޓަރުން ނުދާނެ. މެޑިކަލް އޮފިސަރުން ދިޔައިމަ ޕްރެކްޓިސް ގެއްލި އެކަޑެމިކްސް ވެސް ގެއްލޭ. މިހާރު ހުރި މުސާރައަކަށް ބޭރުން ރަގަޅު މީހަކު ވެސް ނާންނާނެ. ސަރުކާރުގެ ތެރޭގައި އުޅޭ ޕްރައިވެޓް ތަންތަން ހިންގާ މީހުން ބޭނުން ވަނީ ޕްރައިވެޓް ހޮސްޕިޓަލް ތަކަށް ދިވެހިން ގެންދަން
އެމްސް
23 August 2022
އަހަރެއްގަ މައްޗަށް ކިތައް ޑޮކްޓަރުން ތަމްރީނުވޭތޯ؟ ދައުލަތުގެ ބަޖެޓްގަ އެކަމަށް ކިހާވަރެއް ކަނޑައެޅޭތޯ؟