މޯލްޑިވިއަންގެ ވަޒީފާއިން 2019 ވަނަ އަހަރު ވަކިކުރި އަމީން.-- ފޮޓޯ: ފޭސްބުކް
29 އޯގަސްޓް 2022 - 10:01
13 comments
މޯލްޑިވިއަންގެ ފްލައިޓް އޮޕަރޭޝަންސްގެ ކުރީގެ ޑިރެކްޓަރު މުހައްމަދު އަމީނަށް އަލުން ވަޒީފާ ދިނުން މަޑުޖައްސައިލަން ހައި ކޯޓުން އިއްޔެ އަމުރުކޮށްފި އެވެ.
އައިލެންޑް އޭވިއޭޝަނުން ހިންގާ މޯލްޑިވިއަންގެ ފްލައިޓް އޮޕަރޭޝަންސްގެ ޑިރެކްޓަރުކަމުން އަމީން ވަކިކުރީ 2019 ވަނަ އަހަރު އެވެ.
އެ މައްސަލަ އޭނާގެ ފަރާތުން ސިވިލް ކޯޓަށް ހުށަހެޅުމުން މިދިޔަ ޖޫން މަހު އެ ކޯޓުން ހުކުމްކުރީ އަމީން ކުރިން ހުރި ފެންވަރުގެ ވަޒީފާއެއް 15 ދުވަހުގެ ތެރޭގައި އަލުން ދިނުމަށާއި ގެއްލުނު މުއްދަތުގެ މުސާރަ އާއި އިނާޔަތްތައް ދިނުމަށެވެ. އެއީ އަށް މިލިއަނެއްހާ ރުފިޔާ އެވެ.
ނަމަވެސް، އެ ހުކުމް ތަންފީޒުކުރުން ފަސްކުރުމުގެ އަމުރަކަށް މޯލްޑިވިއަންގެ ފަރާތުން ކޯޓުގައި އެދުމުން، ފަނޑިޔާރު މުހައްމަދު ނިޔާޒު ރިޔާސަތު ބެލެހެއްޓެވި ބެންޗުން ނެރުނު އަމުރުގައި ބުނީ، އެ އެ ކުންފުނިން ހުށަހެޅި ކަންތައްތަކަށް ބަލާއިރު، ގާނޫނީ ރަނގަޅު ބަހުސެއް އޮތް ކަމަށް ފެންނަ ކަމަށެވެ.
އޭގެ އިތުރުން އެ ހުކުމް ތަންފީޒުކުރުން، މި ވަގުތަށް މަޑުޖައްސާނުލައިފި ނަމަ އައިލެންޑް އޭވިއޭޝަންގެ މަސްލަހަތަށް އުނިކަން އަތުވެދާނެ ކަމަށް ފާހަގަކުރެވޭތީ، އެ ކޯޓުން ވަކި ގޮތެއް އަންގަންދެން އެ ހުކުމް ތަންފީޒުކުރުމުގެ ގޮތުން އެއްވެސް ފިޔަވަޅެއް ނޭޅުމަށް އަމުރުކުރީ ކަމަށް ބުންޏެވެ.
މޯލްޑިވިއަންގެ ފަރާތުން ކޯޓުގައި ބުނީ، އަމީން އެ މަގާމުން ވަކިކުރުމަށް ފަހު، އެހެން ޒިންމާއެއް ހަވާލުކުރާނެ ކަމަށް އަންގާފައި ވަނިކޮށް، އޭނާ ވަޒީފާ އަށް ހާޒިރުނުވުމުން އޮކްޓޫބަރު 2019 ގައި ވަޒީފާ އިން ވަކިކުރީ ކަމަށެވެ.
އެކަމަކު ސިވިލް ކޯޓުގެ ހުކުމުގައި ވަނީ ފްލައިޓް އޮޕަރޭޝަންސް ޑިރެކްޓަރުގެ މަގާމުން ޖޫން 2019 ގައި އަމީން ވަކިކުރި ފަހުން އެހެން ޒިންމާއެއް އޭނާއާ ހަވާލު ކޮށްފައި ނުވާ ކަމަށެވެ. އެހެންވެ، އޭނާ ވަޒީފާ އަށް ހާޒިރުނުވުމުން ވަކިކުރީ ކަމަށް މޯލްޑިވިއަން އިން ބުނާ ބުނުން ރަނގަޅު ނޫން ކަމަށް ދަށު ކޯޓުގެ ހުކުމުގައިވެ އެވެ.
ހުކުމުގައިވާ ގޮތުން އަމީން އަދާކުރި މަގާމަކީ ވަކި މަގާމެއް ނޫނެވެ. އެއީ އޭނާ އަދާކުރި ވަޒީފާއާއެކު އޮތް ޒިންމާއެއް ކަމަށް މޯލްޑިވިއަންގެ ފަރާތުން ކޯޓުގައި ބުންޏަސް އެގޮތަށް ބެލެވެން ނެތް ކަމަށް ހުކުމުގައި ބުންޏެވެ. އަދި އަމީން ވަޒީފާ އިން ވަކިކުރަންޖެހޭ ކުރަންޖެހޭ މަގްބޫލު ސަބަބެއް މޯލްޑިވިއަން އަށް ދެއްކިފައި ނުވާ ކަމަށް ސިވިލް ކޯޓުގެ ހުކުމުގައި ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިބިރާ
29 August 2022
މިގައުމު ހުއްޓުމަށްގެނެސްގެންވެސް މިމީހާއަށް ވަޒީފާ ދޭންވެއްޖެނުން، މިވެސް ބޮޑުކަމަކަށްވެއްޖެ!
ޛާޑި
29 August 2022
އަޖާބުވެ އަންތަރީސްވަނީ މިކަހަލަ މައްސަލަތަކުގައި ދައުލަރަށް ޚިދުމަތެއް ނުލިބި ދާދުވަސްތަކަށްވެސް މުސާރަތައް ދިނުމަށް ކޯޓުތަކުން ހުކުމް ކުރަމުދާއިވެސް މިދެވެނީ ހައްޤު ފައިސާއެއްނޫނޭ ރައްޔިތުން ގޮވަމުންދާއިރުވެސް މިބޮޑުގެއްލުމުން ދައުލަތް ސަލާމަތް ކުރަން ނޭނގިފައި ތިބޭތީ
ގާނޫ
29 August 2022
ފުރަތަމަ ޤާނޫނު ހަދަން ހޮވެނީ ރަނގަޅު މީހުންތޯ ބަލާ. ޕާޓީ ފިކުރައް މީހުން ހޮވީމަ ވާގޮތް މީ. ރަނގަޅުމީހާ ހުރިތާ ހުއްޓަ ޕާޓީމީހާ ހޮވާފަ، ޤައުމަށް ނުފެތޭ ޤާނޫނު ހަދާފަ. ޕާޓީ މީހާގެ ރުހުން އޮންނަ ޤާޟީން ނެގީމަ ވާނެގޮތް މި ވަނީ. ޖޭ.އެސް.ސީ ހިތްހަމަޖެހޭ މީހާ ޝަރީޢަތް ކުރަން ނުދަތަސް،، އޭނަގެ ހިމާޔަތުގަ. ފުންނާބު އުސް އެތަކެއް ބަޔަކު ކުރިމަތިލީމަވެސް ތަންދޮރު ނުދަންނަ މަސައްކަތް ކުރަން ބޭނުން ނުވާ ޤާޟީ އަށް މަޤާމު މިދެނީ
އަހުމަދުބޭ
29 August 2022
މިކަމެއްނު ދެން ކުރަންވީ؟ މިއޮތީ ކިހައިފައްކާ ވިޔަފާރިއެއް ސިވިލްސާރވިސްގައި މަސައްކަތް ކުރާ މީހުންނަށާ ސިޔާސީ މަގާމުތަކުގައި ތިބޭމީހުންނަށް، ސުވާލްއަކީ ސަރުކާރަށް ބޯމަހައިލައިފިނަމަ ދެން ނެތީތޯ އެމީހަކު އެމަގާމަށް ކަމުނުދިޔަޔަސް މަގާމުން ވަކިކުރެވޭނެގޮތެއް، ކިރިޔާވެސް ބޮލެއްހުރިމީހަކު ވިއްޔާ މިއޮތްގެން ސަރުކާރު މަޅިދަށުލަނީ، އަޅެ ސަރުކާރުގެ ވެރިންނަށް ކަމެއްވާހެންވެސް އެބަހީވޭތޯ
ބަޑިތަކުރު
29 August 2022
އަށް މިލިޔަން ރުފިޔާ ގަނޑުކޮށް ލިބެންޏާ ތިކަމަކީ އަށެއްކަ މީހަކަށް ބައިއަޅާގޮތަށްވެސް ނުކުރާވަރުގެ ކަމެއް ނޫނެވެ. ހަލާލެއް ހަރާމެއް ނުބަލައި ލިބުނު އެއްޗެއް ލިބުނު ގޮތަކަށް ހޯދަމުންދާ މި ޒަމާނުގައި މިފަދަ ކަންކަމާގުޅިގެން ބަދަލު ދައުލަތުން ދޭއިރު ގޯސްކޮށް އޭނާ ވަޒީފާއިން ވަކިކުރި މީހަކު ނުވަތަ ބަޔަކާމެދު ފިޔަވަޅު ނޭޅޭނަމަ މިއީ ރާވައިގެން ހިންގާ ކަމަކަށް ވުމަކީވެސް ވެދާނެ ކަމެކެވެ.
ކޮރަލް
29 August 2022
ކޯޓުން މައްސަލަ އެއް ކޮންމެ ކޮޅަކަށް ނިންމިއަސް ފައިދާ ވާ ލޯޔަރުންނާ އެހެން ބަޔަކު އުޅެ އެވެ. އެއްކޯޓުން އަނެއް ކޯޓަށެވެ. ބައި އަޅަން ޖެހޭ މީހުން ގިނަ ވާނެ އެވެ.
ވަރައް އަޑިނުބައި ފަރުދެއް!
29 August 2022
މީނަ އައް 10 ވަރަކައް މިލިއަން ހައްގު ވާނެ! ދީފަ އަތުލާ ފީފާ ބުރިއަކައް ހެދީމަ، ނަފްސާނީ ގޮތުން ލިބުނު އަނިޔާއައް ވާ 5 މިލިއަން އަދި އިތުރުން ދޭންވާނެ!
ކެލިކރޮ
29 August 2022
އަނެއްކާވެސް މިލިއަނެއް. ދެރަކަމެއް
ރޮކެޓޭ
29 August 2022
އަމީނު ދެންދާންވީ ނާސާއަށް. މިކޮޅުން ނުލިބުނެއްނުން.
ފަހުދު
29 August 2022
އެއިރުން ނާސާއޯ؟
މަބޫޓޯ.
29 August 2022
އަމީނަށް ދެން ކޮންމެވެސް ވަޒީފާއެއް ދޭންވީނުން، އެމުސާރަލިބޭ، ހަމަ އެލެވެލްގެ މަގާމެއްގަ!! އޭރުން އެގިދާނެތާ އޭނަ މެނޭޖިން ސްޓައިލްގެ ސަބަބުން އޭނަގެ ދަނުން ކުރީގަ މަސައްކަތްކުރި މުވައްޒަފުން ކީރަގަޅު އެއްޗެއްތޯ ކަންވެސް. އެކަމަކު ތެދެއް، ބޯޓެއް ދުއްވި ކޮންމެ ކޮންމެމީހަކަށް މޭން މެނޭޖުކުރަން ނޭގިދާނެ.
އެސޮރު1
29 August 2022
އޭނަ ވަޒީފާ ނެތަކަސް ނުލާހިކު ޕޯޝްކޮށްނު އުޅެނީ، ތިޔަ ވަޒީފާ ކިޔަވައިގެން އައިސްހުރި އާމްދަނީއެއް ބޭނުންވާ މީހަކަށް ދީބަލަ، އަމީން އަކީ ނުލާހިކު ތަނަވަސް ބޭފުޅިޒަމް ބޭފުޅެއް.