ޔޯގާ ހަމަނުޖެހުމާ ގުޅިގެން އެކަން ހިނގާދިޔަ ގޮތް ބެލުމަށް ހިނގާދިޔަ ގޮތް ބެލުމަށް ރައީސް އިބްރާހިމް މުހައްމަދު ސޯލިހު އެކުލަވާލެއްވި ވަޒީރުންގެ މަޖިލީހުގެ ސަބް ކޮމެޓީގެ ރިޕޯޓާ ގުޅޭ ގޮތުން ކެބިނެޓުން މަޝްވަރާކުރުމަށް ބޭއްވި ބައްދަލުވުން -- ފޮޓޯ: ރައީސް އޮފީސް
30 އޯގަސްޓް 2022 - 21:09
15 comments
ގަލޮޅު ދަނޑުގައި ބޭއްވި ޔޯގާ ހަރަކާތް ހުއްޓުވައި، އެތަނުގައި ހަމަނުޖެހުން ހިންގަން ފުރުސަތު ލިބުނު މައްސަލައިގައި އިހުމާލުވާ ފަރާތްތަކާ މެދުގައި ފިޔަވަޅު އަޅަން، އެކަން ހިނގާދިޔަ ގޮތް ބެލުމަށް ރައީސް އިބްރާހިމް މުހައްމަދު ސޯލިހު އެކުލަވާލެއްވި ވަޒީރުންގެ މަޖިލީހުގެ ސަބް ކޮމެޓީގެ ރިޕޯޓުގައި ލަފާ ދީފި އެވެ.
ރައީސް އޮފީހުން ބުނީ، ސަބް ކޮމެޓީގެ ރިޕޯޓާ ގުޅޭ ގޮތުން މިއަދު ކެބިނެޓުގައި މަޝްވަރާކޮށްފައިވާ ކަމަށެވެ. އަދި އެ ދުވަހު ކަންތައް ހިނގައި ދިޔަގޮތް ދިރާސާކޮށް، އެ ކަންކަން ދެނެގަތުމަށް ކޮމެޓީން ކުރި މަސައްކަތްތައް އެ ރިޕޯޓްގައި ހިމަނާފައިވާ ކަމަށާއި، ފަސް ދާއިރާއަކުން 39 ރިކޮމެންޑޭޝަނެއް އެ ރިޕޯޓްގައި ހުށަހަޅާފައިވާ ކަމަށެވެ.
ރިޕޯޓްގައި ފާހަގަކުރި ކަންކަން
• ސެކިއުރިޓީ ބެލެހެއްޓުމާއި ސެކިއުރިޓީ އޮޕަރޭޝަންތައް ހިންގުމުގައި އަމަލުކުރާނެ ގޮތް ނިންމުން.
• ދީނީ ގޮތުން ހިލާފު އުފެދޭ ކަންކަމުގައި އަމަލުކުރާނެ ސިޔާސަތު އެކުލަވައިލުން.
• އިވެންޓްތައް ރާވައި އިންތިޒާމުކުރާނެ ގޮތްތައް ނިންމުން.
• އިހުމާލުވެފައިވާ ފަރާތްތަކާ މެދު ފިޔަވަޅު އެޅުން.
• ގައުމީ ސަލާމަތަށް ނުރައްކާ ވެދާނެ ކަންކަމަށް މަގުފަހިކުރުވާ ކަންކަން ދެނެގަތުން.
• މައްސަލަ ހައްލުކުރަން އަވަސް ފިޔަވަޅުތައް އެޅުން.
"ވަޒީރުންގެ މަޖިލީހުގެ ސަބް ކޮމެޓީގެ ރިޕޯޓުގައި ފާހަގަކުރައްވާފައިވާ ރިކޮމެންޑޭޝަންތަކާ ގުޅިގެން ކަމާބެހޭ އިދާރާތަކުން އަޅުއްވަން ޖެހޭ ފިޔަވަޅުތައް ލަސްނުކޮށް އެޅުއްވުމަށް އެ އިދާރާތަކުގައި ދެންނެވުމަށް ވަޒީރުންގެ މަޖިލީހުގެ ލަފައާ އެކު ރައީސުލްޖުމްހޫރިއްޔާ މިއަދު ނިންމެވި އެވެ،" ރައީސް އޮފީހުން ބުންޏެވެ.
މިދިޔަ ޖޫން މަހު ގަލޮޅު ދަނޑުގައި ޔޯގާ ހަރަކާތެއް ކުރިއަށް ގެންދަނިކޮށް އެތަނަށް ބަޔަކު ވަދެ ހިންގި ހަމަނުޖެހުންތަކާ ގުޅިގެން، ގިނަ ބަޔަކު ހައްޔަރުކުރި އެވެ. އޭގެ ތެރެއިން ގިނަ މީހުން މިހާރު ވަނީ ދޫކޮށްލައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޔޯގާ ހަރާމް
03 September 2022
ސައިންސް ހަރާމް. ޔޯގާ ހަރާމް. ދަރިން ތިބެން ޖެހޭނީ މައިންބަފައިންގެ ފައިދަށުގަ. އެއީ އަންގަވައިފައިވާ ގޮތް. ސުވަރުގެ ދެވޭނީ މައިންބަފައިންގެ ފައިދަށުން.
ދިވެހިދރ
31 August 2022
ރީތި ކުޅިވަރު ކުޅެލާ އެބަ، ކޮބާ ދިވެހިން، ފާފު އަތޮޅު ވިއްކާކަމަށް ބުނެ އުޅުނުމީހުން ދިވެހި އުއްމަތާއި ދީން ވިއްކާނިމި ބަޔަކު ބުނި ގޮތަކަށް ކަންކުރަން ޖެހިފަ ތިބީ، އަދިވެސް 2023 ހުގަ ވޯޓުދީ ތިމީހުނަށް. އޭރަށް އަމިއްލަ ގެއަށް ވަންނަންވެސް އާދިއްލީން ހުއްދަ ނަގަންޖެހޭނީ
ބަރުބާދު
31 August 2022
ފައިސާއައް ގައުމުވިއްކާލާފަ ހަދަންޖެހުނު ޔޯގާ އަކާހުރެ މުޅި ސަރުކާރައް ތިޖެހުނު ރޯގާއެއްތާދޯ.
ބަރުބާދު
31 August 2022
ތިކަމުގަ ފިޔަވަޅުނާޅާ 2023 އައް ފަންޑިންގ ލިބޭނެގޮތެއްނެތް، މައިސަރުކާރުން ޒީރޯޓޮލެރެންސްގެ މައްޗައް އަމުރުހިންގުމައް ފޮނުވާފަހުރި ރެސްޕޮންސިބްލް ވަނީ އަންގާފަ ބަޔަކު ޖަލައްދާތަން ފެންނަންބޭނުންވާކަން.
ދިއްދޫމީހާ
31 August 2022
ލިވާތުފުޅު އާއްމުވެގެން ދާތީ ނެތްތޯ ކޮމެޓީއެ ހެދުމެއް؟
ހަސަނު
31 August 2022
ނެތް ތަފާތުތައް އަލަށް އީޖާދު ކޮށް ތަން ފަސާދަ ކުރަން ގޮވާ އެކަމަށް ހުއްވަރުދީ މީހުން މަގުމަެްޗަށް ނެރޭ މީހުންނަށް ހަދާނެ ގޮތެއް ނެތްތަ ތިޔަ ރިޕޯޓަކު؟؟
ހައްލަކީތޯ
31 August 2022
ތިކަމުގެ ކަންކަން ބަލަންޖެހޭމީހުނަށް މުސާރަ ދެގުނަކޮށްލަދިފަ މަޤާމުގެ ކުރިއެރުމެއްދިނުމުން ހިތުންނުފިލާކަހަލަ އަދަބަކަށްވެ، ތިފަދަކަމެއް ދެންވިޔަކަނުދޭނެ.
ށަވިޔަނި
31 August 2022
މިގައުމުން މުއްލާއިން ބޭރުނުކޮށް މިގައުމަށް ދެން ދުވަހަކުވެސް ހަމަޖެހުމެއްނާންނާނެ. މުޅިދުނިޔޭގެ ހަތަރުބިތުގަ މިމީހުންގެ ފިތުނަ.
އަދުލް
31 August 2022
ކަލޭގެ ނެވި ކަމުގައި ޖާހިލުކަން ދޯ ކިޔަވާދޭނީ!
އުދުހޭ
31 August 2022
އެތަށް ދުވަހަކު ޖަލުގަ ތަޅުވާފަ ހެކިނެތިގެން ދޫކޮށްލާފަތިބި މީހުންނަށް ބަދަލުދިނުމެއް ތިޔަ ރިޕޯޓަކު ނެތްދޯ؟ އެހެންވީމާ ތީ ވަކިއަތަކަށް އަރިއަޅާލާފައިވާ ރިޕޯޓެއް.
ޒިންމާ ނަގާބަލަ!
31 August 2022
އިހުމާލު ވި މީހުންގެ ލިސްޓް. ޗިޕް ޖެހި މީހުންގެ ލިސްޓް. އަވާމެންދުރެއް ދައްކައިގެން ވާވައްދާ މީހުންގެ ލިސްޓް. މިއީ ހުސް ޒިންމާ ނަގަންޖެހޭ މީހުން. ކަށީގެ ކެންސަރުވެސް ފެތުރުނީމަ ނިޔަފަތި ކެނޑިޔަކަސް ހައްލެއްނޫން. ދެންވެސް އިތުރު މީހުން ބަލީގައި ނުޖެހޭގޮތައް ޙުރިހާ ކަމެއް ކުރަން ޖެހޭނެ. ޢެއީ ގައުމުގެ ސަލާމަަތައް ޓަކާ! އެއީ ސަރުކާރުގެ ޒިންމާ!