ކްރިމިނަލް ކޯޓު ހިންގާ އިމާރާތް: އެތަން ބާވުމުގެ ސަބަބުން ރައްކާތެރި ނޫން ކަމަށް ޕްލޭނިން މިނިސްޓްރީން ވަނީ ލަފާ ދީފައި --- ފޮޓޯ/މިހާރު
05 ސެޕްޓެމްބަރ 2022 - 15:11
26 comments
ކްރިމިނަލް ކޯޓު މިހާރު ހިންގަމުން ގެންދަނީ ބާވުމުގެ ސަބަބުން ރައްކާތެރި ތަނެއްގައި ނޫން ކަމަށް ޕްލޭނިން މިނިސްޓްރީން ލަފާ ދީފައި ވިޔަސް، އެ ކޯޓު ހިންގަން އާ އިމާރާތެއް ނުލިބި "ގޮތް ހުސްވެއްޖެ" އެވެ.
ކްރިމިނަލް ކޯޓު މިހާރު ހިންގަމުން ގެންދަނީ މާރުކޭޓް ސަރަހައްދުގައި ހުރި އެސްޓީއޯގެ ކުރީގެ އިމާރާތުގަ އެވެ. އެ އިމާރާތް ބާވެ، ފާރުތަކުގައި ރެނދު ލާފައިވާއިރު، ސީލިންގުން ފެން ފޭބުން ފަދަ އެތައް ކަމެއް ދަނީ ދިމާވަމުންނެވެ.
ޑިޕާޓްމެންޓް އޮފް ޖުޑީޝަލް އެޑްމިނިސްޓްރޭޝަން (ޑީޖޭއޭ) އިން މިއަދު ބުނީ، ކްރިމިނަލް ކޯޓު ހިންގާ އިމާރާތް ބޭނުންކުރުން ރައްކާތެރި ނޫން ކަމަށް ޕްލޭނިން މިނިސްޓްރީން މިދިޔަ އަހަރު އެންގިޔަސް، އެހެން އިމާރާތަކުން މި ވަގުތު ޖާގަ ނެތް ކަމަށް އެ މިނިސްޓްރީން ބުނެފައިވާ ކަމަށެވެ.
އާ އިމާރާތެއް ހޯދަން ޓެންޑާ ކޮށްދޭން ޓެންޑާ ބޯޑަށް ފޮނުވުމުން، އިމާރާތެއް ނުލިބުނު ކަމަށް އެ ބޯޑުން މިދިޔަ މާޗް މަހު އަންގާފައިވާ ކަމަށް ޑީޖޭއޭ އިން ބުނެ އެވެ. އަދި ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އާ އެކު ކުރި މަޝްވަރާތަކުގައި ވެސް، ވިނަރެސް ފްލެޓްގެ ކޮމާޝަލް ޖާގަތަކުން ޖާގައެއް ލިބެން ނެތް ކަމަށް އެ ކުންފުނިން މިދިޔަ މާޗު މަހު އަންގާފައިވާ ކަމަށް ޑީޖޭއޭ އިން ބުންޏެވެ.
އެ އިދާރާ އިން ބުނިގޮތުގައި، ކްރިމިނަލް ކޯޓު ހިންގަން ހަ މަސް ތެރޭގައި ވަގުތީ އިމާރާތެއް ހުޅުމާލޭގައި އަޅައިދޭން އެޗްޑީސީން މި އަހަރު އެއްބަސްވި އެވެ. އެކަމަކު ހަތަރު ބުރީގެ އެ އިމާރާތް ހަދަން ޖެހޭނީ ޑީޖޭއޭގެ ބަޖެޓުން ކަމަށާއި އަދި 6،200 އަކަފޫޓުގެ އެ ބިން ދޫކުރެވޭނީ ފަސް އަހަރުގެ މުއްދަތަށް ކުލި ދައްކާ ގޮތަށް ކަމަށް އެޗްޑީސީން އަންގާފައިވާ ކަމަށް ޑީޖޭއޭ އިން ބުންޏެވެ.
ވ. އާރަށް ކުއްޔަށް ދިނުމުގައި ރިޝްވަތު ހިފުމާއި މަނީ ލޯންޑަރިން ހިންގި ކަމުގެ ތުހުމަތުގައި ކުރީގެ ރައީސް އަބްދުﷲ ޔާމީންގެ މައްޗަށް ކޮށްފައިވާ ދައުވާގެ ޝަރީއަތުގެ މިއަދުގެ އަޑުއެހުން ވެސް ކެންސަލް ކުރަން ޖެހުނީ ވެސް ޝަރީއަތްކުރާ ކޮޓަރީގެ ސީލިންގުން ފެން ފައިބާތީ އެވެ.
ކްރިމިނަލް ކޯޓު ޖަސްޓިސް ބިލްޑިންގްގައި ހިންގަމުން ދަނިކޮށް އެ ތަން އެސްޓީއޯގެ ކުރީގެ އިމާރާތަށް ބަދަލުކުރީ 2015 ވަނަ އަހަރު އެވެ. އޭގެ ކުރިން ދުވަސްކޮޅެއް ވަންދެން ސިވިލް ކޯޓުގެ ބައެއް ސެކްޝަންތައް ވެސް އެ އިމާރާތުގައި ހިންގި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލީބެ
06 September 2022
ޕްލޭނިން މިނިސްޓްރީގެ މެންޑޭޓަކީ ކޮބާތަ. އިމާރާތް ހަލާކުވާނަމަ އާއިމާރާތް ހަދާނެ ބިމާ ފައިސާ ހަމަޖެއްސިފަހުންނަންވާނީ. ހުޅުމާލޭ ހިޔާޓަވަރުތައް ނިމުނީކީވެސް ކުއްލިޔަކަށްނޫން. ނުއަގުގަ އަވަސްއަރުވާލައިގެން ބޮޑުއަގުގަ ޕްރީސްކޫލެއް ހަދާކަށް. އިސްރާފުބޮޑުނުކުރާނަމަ މިގައުމަކީ މުއްސަނދި ގައުމަކަށްވީސް.
އަލީ3
06 September 2022
ދެލޯފުޅާ އިސްރާފު ކުރަނީއެއް ނޫން! ކުރަނީ ވައްކަން! ވޯޓު ވިއްކާގޮތަށް ހަމަޖެހިފަ އޮތް ތަނެއްގަ ތިވާހަކަ އިތުރަކަށް ނުދެއްކޭނެ!
އަލިފުޅު3
06 September 2022
ކުރިމިނަލް ކޯޓަށް ވަގުތީ އިމާރާތެއް އަޅަން އެސްޖޭ އާއި ހަވާލުކުރަންޖެހޭ! ދައުލތުގަ 3 ބާރުގެ ތެރެއިން 1 ބާރަކީ އެސްޖޭ. 2 ވަނަ ބާރަކީ މޯހަންމުތާއެކްސްޕޯޓްސް!
މުންޖިޗޭ
06 September 2022
ޖާގައިގެ ދަތިކަމުގެ ވާހަކަދައްކާއިރު، ޖުޑިޝަރީގެ ކޯޓުތައް އެއް ފުރާޅެއްގެ ދަށަށް ގެންދިއުމަށް ކޯޓުސް ބިލްޑިންގެއް އަޅަން އުޅެއުޅެ އެކަމަށް ސަރުކާރުން ބަޖެޓް ހަމަޖައްސައިނުދިން ވާހަކައެއް ކުރިންވެސް އޮތީ އަޑުއިވިފަ، މިހާރު ޖާގައިގެ ދަތިކަމޭ ޓިނުފުރާޅޭ ކިޔާއިރު، އެކަހަލަ ޢުމްރާނީ ތަރައްޤީގެ ކަންތައްތައް ހުރިގޮތަށް ވަޅުޖައްސާފަ ކޮން އިޞްލާޙެއްކުރެވޭނީ، ޖާގަނެތްތަނެއްގައި ޔޫރަޕް ފެންވަރުގެ ޚިދުމަތްދޭން އެބަ ބޭނުންވޭ، މުޅިންވެސް ހޮޅިވާހަކަ.
ނަންވާނީޔާނު
06 September 2022
ރޔ ގެ ވެރިކަމުގައި ޖުޑީޝަރީ މިނިވަން ނޫންއިރު، ޖުޑީޝަރީ ގައިމު މާހައިބަތުބޮޑުވެފަ، ޢުމްރާނީ ގޮތުންނާއި ވަޞީލަތުގެގޮތުން އޮތީ ކުރީގައި. މުވައްޒަފުންގެ ޙައްޤުގައި ސުޕްރީމްކޯޓަށް ބަސްބުނެވޭ. ކޯޓުތައް ފައްކާކުރަން ބަސްބުނެވޭ. ޑީ.ޖޭ.އޭ ގެކަންކަން އިސްލާހުކުރަން ބަސްބުނެވޭ. މިހާރު މިނިވަންވިފަހުން، ޖުޑީޝަރީގެ ވެރިޔަކީ އޭ.ޖީ. މުވައްޒަފުންހަރުނުލާ. މުޅިޖުޑީޝަރީބިކަވެއްޖެ. ހިންގާނެގޮތެއްވެސް ނޭންގިގެން އުޅެނީ. އޭ،ޖީގެ ޢާއިލީ މީހުން ޤާޟީންނަށް. ދެން؟
ޔެންޑެބުޅިން
05 September 2022
ދެން އަބަދު ގޮތް ހުސްވެގެންނޭ، މަގުމަތިވިއްޔޭ، ހަނާވަނީޔޭ، މިހުންނަނީ މިހާރަކަށް އައިސް މާ ގިނަޔެއްކޮށް ބޭނުންކުރާ ހާލަތާ ނުބައްދަލު ބަސްތަކެއް. ހަގީގަތުގައި މީހަކު ހަފުސްވާވަރުގެ ކަންކަމެއް ނޫން މާ ބޮޑެތި ކަންކަމަށް ވެގެން މި އުޅެނީ ހާއްސަކޮށް ބޮޑެތި ފިރިހެނުންނަކަށް. ފުރާޅުން ފެން ލީކުވަންޏާ ފުރާޅު ޕެޗުކޮށްލާފަ ވަގުތުވީމާ ބަދަލުކޮށްލީމާ ނިމުނީ. އޮފީހުގައި ފައިސާ ނެތިއްޔާ އެންމެން އެއްބަސް ކިޔާފައި މުސާރައިން ބައެއް އަޅާލާ ހަމަޖައްސާލީމާ ނިމުނީ.
މީނާ
06 September 2022
އޮފީހުގެ މަސައްކަތްކުރާ އާދައިގެ މުވައްޒަފުންނަށް 2 ރފ ލިބޭއިރު އަދި އޭގެންވެސް 1 ރފ ދޭންވީ އޮފީސް ހަދަންތަ. ހެއްވާ ދެން
ކޮރަލް
05 September 2022
ސަރުކާރު އޮފީސް ތައް ކުއްޔަށް ހިފުން ވ ބޮޑު ވިޔަފާރި އެކެވެ. މާލޭގެ މީހުންގެ ބޮޑެތި އިމާރާތް ތައް ކުއްޔަށް ހިފަނީ ސަރުކާރު އޮފީސް ތައް ހިންގުމަށެވެ. ކުއްޔަށް ދީފަ ދެން ދަނީ ރާއްޖެއިން ބޭރަށެވެ. ސްޓާރ ކްލައުޑް ބަލާލަ ބަލާށެވެ. 5 އަހަރުގެ ކުލީގެ ފައިސާގަ އާ އިމާރާތެއް ހެދޭހާ ފައިސާ ހަރަދު ކުރަނީ ކުއްޔަށް ދޭފަރާތަށެވެ. ހުޅުމާލޭގަ ސރުކާރު އޮފީސްތައް ހަދާފަ މާލެއިން ކުއްޔަށް ނަގާފަހުރި ތަންތަން ހުސް ކުރަން ވީ އެވެ. އެއީ ރައްޔިތުންގެ ފައިސާ އެވެ.
10ބުރިއިމާރާތްއެހުރީ
05 September 2022
ނޫސްވެރިން އަޅެ ބަލާލަބަލަ ހެންވޭރުކޮޅުގަ ބިޔަ ގަހެއްހެން ފަޅާފަ ހުރި ޕޮލިސް ބިލްޑިންގއޭ ކިޔާ ތަނަކަށް ވެފަ އެހެރަ ގޮތެއް. އެއީވެސް ސަރުކާރު އިމާރާތެއް. އެތަނަށް ޕޮލިހުން ނުދާނެނަމަ އެހެން ބަޔަކު އެތަނަށް ގެންދަންވެއްޖެއެއްނު. މިސަރުކާރުގެ ޕްރޮޖެކްޓަކަށް އެވެސް ނުވާތީ ނުހުޅުވިގެން އުޅޭ ކަމަށް ލަފާކުރެވެނީ.
މަރޭ
05 September 2022
ކެނެރީގޭ ނޫނީ ހިންނަވަރު ނޫރާނީގޭ އޯކޭވާނެ އެތާކުން ފެން ލީކެއްނުވާނެ ބޯހަލާކު
ޖޭއެސްސީ
05 September 2022
މާމޮޅުކަމެއްގެ ގޮތުގައި ޖޭ.އެސް.ސީ އަށް ޖުޑިޝަރީގެ ބެލެނިވެރިކަން ދިނީމަ ވާގޮތް މީ. އެހެރަ ޖަސްޓިސްބިލްޑިންގެއް. އޮޅިގެން ނުރަސްމީ ދޮރުން ވަދެވުނީ، އެހެންނުވާނީ ޑޯއެކްސެސް ހަލާކުވެފަ ހުންނަތާ 3 މަސްވެދާނެ ތޯއްޗެއް. 400 މިލަޔަންގެ ބަޖެޓު ހިފައިގެން ޑީޖޭއޭ އޮންނަނީ ވާކަމެއް ޙަރާމް. ދެން ފަހެ ސުޕްރީމްކޯޓެއްގެެވެސް ހަމަ އެއްވެސް ދައުރެއް ނޯންނަނީބާ ޖުޑީޝަރީ މިހާ ބިކަވެގެން ދާއިރު؟
ނީމާ
05 September 2022
މަގުފުޅާ ޓިނު ބޭނުކޮއްގެން 2 ބުރީގެ އިމާރާތެއް ހަދަން 36 މިލިއަން ރުފިޔާއަށް އެސްޖޭ އެއް ދޭން ވީ ނުން ތޯ