ޚަބަރު / ޖިނާއީ އިޖުރާއަތުގެ ގާނޫނު

ހަތް ދުވަހުގެ މައްސަލައަށް ޕީޖީގެ ހުށަހެޅުން: މުއްދަތު 21 ދުވަހަށް އިތުރުކުރުން

އެންމެ ފަނޑިޔާރަކު އިންނަވައިގެން ހައި ކޯޓުގައި ފުރަތަމަ ފަހަރަށް މައްސަލަ ބެލޭ ގޮތަށް އޭޖީ ވަނީ ހުށަހަޅުއްވާފައި. ޕީޖީ ހުށަހެޅުއްވީ މައްސަލަ ނިންމަންޖެހޭ މުއްދަތު ދަންމާލަން

ޕީޖީ ޝަމީމް: ހަތް ދުވަސް ތެރޭގައި ނިންމަންޖެހޭ މައްސަލަތައް 21 ދުވަހަށް ދަންމާލަން އޭނާ ވަނީ ހުށަހަޅުއްވާފައި --- ފޮޓޯ/މިހާރު

މުއިއްޒު އިބްރާހިމް، މިހާރު

29 ސެޕްޓެމްބަރ 2022 - 14:34

4 comments

ޖިނާއީ ބައެއް މައްސަލަތަކުގެ އިސްތިއުނާފް ހަތް ދުވަސް ތެރޭގައި ނިންމަންޖެހޭތީ ޝަކުވާ ބޮޑުވެފައި ވަނިކޮށް މި މުއްދަތު 21 ދުވަސް ދިގުކުރުމަށް ޕްރޮސެކިއުޓާ ޖެނެރަލްގެ އޮފީހުން އެދެފި އެވެ.

ޕީޖީ އޮފީހުން މިގޮތަށް އެދުނުއިރު ކޯޓު އަމުރުތަކާ ގުޅޭ މައްސަލަތަކުގެ އިސްތިއުނާފް އެންމެ ފަނޑިޔާރަކު އިންނަވައިގެން ބެލޭ ގޮތަށް އިސްލާހު ކުރުމަށް އެޓާނީ ޖެނެރަލްގެ އޮފީހުން އެދިފައިވެ އެވެ.

ޖިނާއީ އިޖްރައާތުގެ ގާނޫނު މިހާރު އޮންނަ ގޮތުން ކޯޓު އަމުރުތަކާއި ޝަރީއަތުގެ ކުރީގެ ހުށަހެޅުންތަކާ މެދު ނިންމާ ނިންމުންތަކުގެ އިސްތިއުނާފް ގިނަވެގެން ހަތް ދުވަސް ތެރޭގައި ނިންމަންޖެހެ އެވެ. އެކަމުގެ ސަަބަބުން ހައި ކޯޓުގައި އެކަށީގެންވާ ވަގުތު ނުދީ މައްސަލަ ނިންމަންޖެހޭ ކަމުގެ ޝަކުވާ މިހާރު ވަނީ ބޮޑުވެފަ އެވެ.

ޖިނާއީ އިޖްރައާތުގެ ގާނޫނަށް އިސްލާހު ގެންނަން ސަރުކާރުން ހުށަހެޅި ބިލް ޖުޑިޝަރީ ކޮމެޓީ މަރުހަލާގައި ނިމުމަކާ ގާތް ވަނިކޮށް ޕީޖީ އާއި އޭޖީގެ ފަރާތުން އިތުރު އިސްލާހުތަކެއް ހުށަހެޅީ ޝަކުވާތަކަށް ހައްލު ގެނައުމަށެވެ.

ޕީޖީ ހުށަހެޅުއްވީ ޝަރީއަތުގެ ކުރީގެ ހުށަހެޅުންތަކާއި މައްސަލަ ކުރިއަށް ގެންދިއުމާ މެދު މަދަނީ މިންގަނޑުން ނިންމާ ނިންމުންތަކުގެ އިސްތިއުނާފް ނިންމަންޖެހޭ މުއްދަތު 21 ދުވަހަށް ދިގުކުރުމަށެވެ. އަދި އެފަދަ ނިންމުންތައް އިސްތިއުނާފް ކުރަން ދައުލަތަށް ލިބޭ 48 ގަޑިއިރުގެ މުއްދަތު ދައުވާލިބޭ މީހުންނެކޭ އެއްފަދައިން 10 ދުވަހަށް އިތުރު ކުރުމަށް ޕީޖީ ހުށަހެޅުއްވި އެވެ.

ބަންޑާރަ ނައިބު އިބްރާހިމް ރިފްއަތު --- ފޮޓޯ/މިހާރު

ނަމަވެސް ކޯޓު އަމުރުތަކުގެ އިސްތިއުނާފް ހަތް ދުވަސް ތެރޭގައި ނިންމަންޖެހޭ ގޮތަށް ގާނޫނުގައި މިހާރު އޮތްގޮތަށް ބޭއްވުމަކީ ޕީޖީގެ ހުށަހެޅުއްވުމެވެ.

އެޓާނީ ޖެނެރަލްގެ އޮފީހުން ހުށަހެޅީ މިފަދަ މައްސަލަތަކުގެ އިސްތިއުނާފް ހައި ކޯޓުގެ އެންމެ ފަނޑިޔާރަކު އިންނަވައިގެން ބެލޭ ގޮތަށެވެ. މިއީ އިސްތިއުނާފީ ކޯޓެއްގައި އެންމެ ފަނޑިޔާރަކު އިންނަވައިގެން މައްސަލަ ބެލޭ ގޮތަށް ރާއްޖޭގެ ގާނޫނެއްގައި ލިޔާ ފުރަތަމަ ފަހަރެވެ.

ގާނޫނުއަސާސީ އާއި ކޯޓުތަކުގެ ގާނޫނު މިހާރު އޮންނަ ގޮތުން ސުޕްރީމް ކޯޓާއި ހައި ކޯޓުގައި މައްސަލަތައް ބަލާނީ އޮނަހިރި އަދަދެއްގެ އެއް ފަނޑިޔާރުންނަށް ވުރެ ގިނަ ފަނޑިޔާރުން ހިމެނޭ ބެންޗަކުންނެވެ.

ހަތް ދުވަސް ތެރޭގައި ބައެއް މައްސަލަތައް ނިންމަން ލާޒިމްވާތީ ހައިކޯޓުގެ ގިނަ މައްސަލަތަކަށް އޭގެ އަސަރުކޮށް، އަދި އެކަށީގެންވާ ވަގުތު ނުދީ މައްސަލަ ނިންމަންޖެހޭ ކަމުގެ ޝަކުވާ އެ ކޯޓުގެ ބައެއް ފަނޑިޔާރުން ވެސް ދާދިފަހުން ވަނީ ކުރައްވައިފަ އެވެ.

ކްރިމިނަލް ކޯޓް ހައި ކޯޓް ޖިނާއީ އިޖުރާއަތުގެ ގާނޫނު ހުސައިން ޝަމީމް (ޕީޖީ) އިބްރާހިމް ރިފްއަތު، އެޓާނީ ޖެނެރަލް

4 ކޮމެންޓް, 0 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

2000

30 September 2022

ކޮންމެ ބަޔަކުވެސް ވެރިކަމަށް ނާދެވާހާ އިރު ފެންނާނީ ރައްޔިތުންގެ ޙައްގުތައް. ހަމަ ވެރިކަމަށް އައިސް ރަގަޅަށް ފައި ޖެހޭ އިރަށް ރައްޔިތުންނަށް ހިތުހުރި ގޮތެއް ހެދޭތޯ ބަލާނީ.........

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މެރަދިލްބީ

29 September 2022

ދިވެހިރާއްޖޭގެ ޖުމްހޫރިއްުޔާގެ ޤާނޫނުއަސާސީގެ 146 ވަނަ މާއްދާގެ (ށ) ގަ އޮންނަނީ "ހައިކޯޓުން މައްސަަލަތައް ބަލައި ނިންމާންވާނީ އޮނަހިރި ޢަދަދެއްގެ މައްޗަށް އެކުލެވޭ ފަނޑިޔާރުންގެ މަޖިލީހަކުންނެވެ." މިކަން ހަމަ ޕީޖީއަށް ނޭގެނީބާ އެންމެ ފަނޑިޔާރަކު ލައްވާ ހައިކޯޓުގެ މައްސަލަތައް ނިންމަން ޤާނޫނަށް ބަދަލުގެންނަން އެދޭއިރު؟ ނޫނީ މީނަ ބޭނުންވީމާ ޤއ އާ ވެސް ހިތުހުރިގޮތަކަށް ކުޅެންބާ މިވިސްނަނީ؟ ކޮބާތޯ އޭރުން ދަށުކޯޓެކޭ ހައިކޯޓެކޭ އޮތް ތަފާތަކީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިއްދޫމީހާ

29 September 2022

ތިޔަ ކިޔާ އޭޖީއާ ޕީޖީއަކީ އެއްފޮތުން ކިޔަވާގެން ތިބި 2މީހުން މީގެ ކުރިން ވާނުވާއާ ބެހޭގޮތުން މިދެމީހުން ބުނީ ވާނުވާއަކީ ޤާނޫން ދަންނަ އެއްޗެއް ނޫނޭ މިވެރިންނަ މަޤާމް ހަވާލް ކުރީމާ މިވެރިން ހެދީ އިއުތިރާފް އެއްބަސްވުން އެއީ ޤާނޫން ދަންނަ އެއްޗެއްކަން ޤާނޫނަކަށް ނޭގެ ދެން ތިޔަ ޕީޖީ ކުރީ ދުވަހު އިންސްޓައަ ލީ ފޮޓޯއިންވެސް މީނާގެ ފެންވަރު އިންގޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

29 September 2022

ސްޕްރީމް ކޯޓްގެ އާ ބެންޗާއިއެކު ރާއްޖޭގެ ޖޫޑިޝަރީ ބަދަލުވެ އިސްލާޙްވެގެންދާނެކަމަށް ރައްޔިތުން އުއްމީދެއްގައި ވަނިކޮށް ކޯޓްތަކުގެ ޤާނޫނުގައި މިހާރުއޮތް "ސުޕްރީމް ކޯޓާއި ހައިކޯޓުގައި މައްސަލަތައް ބަލާނީ އޮނަހިރި އަދަދެއްގެ އެއް ފަނޑިޔާރުންނަށް ވުރެ ގިނަ ފަނޑިޔާރުން ހިމެނޭ ބެންޗަކުން" ކަމަށް އޮތް އޮތުން ބަދަލުކޮށްލުމަކީ "ވިދާޅުވި ގޮތަކަށް ޙުކުމް ޖަހަން" ފުރުސަތު ލިބިގެންދާނެ ކަމަކަށްވާތީ މަޖިލީހުން މިބަދަލު ނުގެންނަވާނެ ކަމަށ ހީކުރަން.