ރާއްޖެ އިސްލާމްވި ދުވަސް ފާހަގަކުރުމަށް މިރޭ ބޭއްވި ޖަލްސާގައި ހޯމް މިނިސްޓަރު އަޒްލީން ވާހަކަ ދައްކަވަނީ.---ފޮޓޯ: ނިޝާން އަލީ/މިހާރު
10 ޖެނުއަރީ 2017 - 23:31
31 comments
ރާއްޖެ އަށް އެހެން ދީންތައް ގެންނަން ބޭރުގެ ބައެއް ޖަމިއްޔާތަކުން މަސައްކަތް ކުރަމުންދާ ކަމަށާއި އެކަމަށް ސަރުކާރުން ފުރުސަތު ނުދޭނެ ކަމަށް ހޯމް މިނިސްޓަރު އަޒްލީން އަހުމަދު މިރޭ ވިދާޅުވެއްޖެ އެވެ.
ރާއްޖެ އިސްލާމްވި ދުވަހުގެ މުނާސަބަތުގައި ޖުމްހޫރީ މައިދާން ސަރަހައްދުގައި ބޭއްވި ޖަލްސާގައި ވާހަކަ ދައްކަވަމުން އަޒްލީން ވިދާޅުވީ ރާއްޖޭގައި އިސްލާމްދީން އޮތުމަކީ ބައެއް ގައުމުތަކުން ކަންބޮޑުވާ ކަމެއް ކަމަށާއި އެހެން ދީންތައް ރާއްޖެ ގެންނަން އުޅުމަކީ އިހަކަށް ދުވަހު ފެށުނު ކަމެއް ނޫން ކަމަށެވެ. އެކަމަކު މިހާރު އެފަދަ ކަންކަން ކުރިމަތިވަނީ ނުރައްކާތެރި ގޮތްތަކަކަށް ކަމަށް އޭނާ ވިދާޅުވި އެވެ. އެގޮތުން ބައެއް ޖަމިއްޔާތަކުން އެކަމަށް މަސައްކަތް ކުރަމުންދާ ކަން މިނިސްޓަރު ވިދާޅުވި އެވެ. އެކަމަކު އެހެން ދީންތަކަށް ރާއްޖެ އިން ފުރުސަތު ނުދެއްވާނެ ކަމަށް ރައީސް އަބްދުﷲ ޔާމީން ވިދާޅުވެފައިވާ ކަން އަޒްލީން ފާހަގަކުރެއްވި އެވެ.
"އެފަދަ ފަރާތްތަކަށް އެ ފުރުސަތު ނުދެއްވާނެ ކަމަށް ރައީސުލް ޖުމްހޫރިއްޔާ އެވަނީ ވަރަށް ސާބިތުކަމާ އެކު ވިދާޅުވެ، އެމަނިކުފާނުގެ އިޚްލާސްތެރި އަމަލުފުޅުތަކުން އެކަން ދައްކަވަމުން،" ރައީސް ޔާމީން ބައިވެރިވެވަޑައިގެންނެވި މި ޖަލްސާގައި އަޒްލީން ވިދާޅުވި އެވެ.
ކޮމަންވެލްތުން ވަކިވާން ރާއްޖެ އިން ނިންމި ނިންމުމަށް އިޝާރާތް ކުރައްވައި، މިނިސްޓަރު ވިދާޅުވީ ރާއްޖޭގެ މިނިވަންކަމާއި އިސްތިގްލާލަށް ބުރޫއަރާ ފަދަ ކަންތައްތަކަކުން ރައީސް ޔާމީން ޔާމީން ރާއްޖެ ސަލާމަތްކޮށް ދެއްވާފައިވާ ކަމަށެވެ. އަދި އިސްލާމް ދީނަށް ގޮންޖަހާ ގައުމުތަކަށް އެމަނިކުފާނު ރައްދު ދެއްވާފައިވާ ކަމަށް ވެސް އަޒްލީން ވިދާޅުވި އެވެ.
ރާއްޖެ އިސްލާމްވި ދުވަހުގެ މުނާސަބަތުގައި މިރޭ ޖުމްހޫރީ މައިދާން ސަރަހައްދުގައި ބޭއްވި ޖަލްސާގައި ރައީސް ޔާމީންގެ ދެކަނބަލުންނާއި ނައިބު ރައީސް ޖިހާދު ބައިވެރިވެވަޑައިގަންނަވަނީ.---ފޮޓޯ: ނިޝާން އަލީ/މިހާރު
"އެމަނިކުފާނު ވަނީ ވަރަށް ހަރުދަނާ ފިޔަވަޅުތަކެއް އަޅުއްވައި، އެކަމުން އަބަދަށްޓަކައި ދިވެހި ރައްޔިތުން ސަލާމަތްކޮށް ދެއްވާފައި،" އަޒްލީން ވިދާޅުވި އެވެ.
ރާއްޖެ އަށް މިއަދު އައިސްފައިވާ ތަރައްގީގެ އަސްލަކީ އިސްލާމްދީން ކަމަށާއި މި ސަރުކާރަކީ އެ ދީން ކުރިއަރުވަން ޚާއްސަ އިސްކަމެއް ދޭ ސަރުކާރެއް ކަމަށް ވެސް އަޒްލީން ވިދާޅުވި އެވެ. އެގޮތުން ދީނީ އިލްމުގެ ދާއިރާ އިން ތައުލީމް ހާސިލް ކުރުމުގެ ފުރުސަތު ދިނުމާއި މިސްކިތްތައް އިތުރު ކުރުމާއި ކުރީގެ މިސްކިތްތައް ޒަމާނީ ފެންވަރަށް ބަދަލު ކުރުން ފަދަ އެތައް މަސައްކަތްތަކެއް ސަރުކާރުން ކުރަމުން އަންނަ ކަމަށް އަޒްލީން ވިދާޅުވި އެވެ.
މިރޭގެ ޖަލްސާގައި ވާހަކަ ދައްކަވަމުން އިސްލާމިކް މިނިސްޓަރު ޑރ. އަހުމަދު ޒިޔާދު ބާގިރު ވިދާޅުވީ، އިސްލާމް ދީން ހިމާޔަތް ކުރުމަކީ ހަމައެކަނި ދައުލަތުގެ ޒިންމާއެއް ނޫން ކަމަށެވެ. އެހެންވެ އެކަމަށް ރައްޔިތުން ވެސް އިސްނަގަން ޖެހޭނެ ކަމަށް އޭނާ ވިދާޅުވި އެވެ. ދީނީ މައުލޫމާތު އަންނަ އޮތް ޖީލުތަކަށް ފޯރުކޮށް ދިނުމަކީ ރައްޔިތުންގެ ކިބައިގައި އޮތް އަމާނާތެއް ކަމަށާއި އެއީ ހަމައެކަނި ދައުލަތުގެ ޒިންމާއެއް ނޫން ކަމަށް ޒިޔާދު ވިދާޅުވި އެވެ.
މިރޭގެ ޖަލްސާގައި އިސްލާމިކް މިނިސްޓަރު ޑރ. ޒިޔާދު ވާހަކަ ދައްކަވަނީ.---ފޮޓޯ: ނިޝާން އަލީ/މިހާރު
"ދައުލަތުގެ އިސްވެރިއަކަށް ވަކި މީހަކު ހުރީމަ ދީނީ ކަންކަމަށް ވާހަކަ ނުދެކެވެންޏާ އެއީ ވިސްނުމުގެ މައްސަލައެއް. ދައުލަތުގެ ވެރިއަކަށް މި އަންނަނީ މާތް ﷲ ދެއްވާ ނިއުމަތުން،" ޑރ. ޒިޔާދު ވިދާޅުވި އެވެ.
މީގެ އެތައް އަހަރުތަކެއް ކުރިން އިސްލާމީ ބޮޑެތި ދައުލަތް ވެއްޓި، މުސްލިމުން ނިކަމެތިވެގެން ދިޔަ އެއް ސަބަބަކީ އިލްމު ފޯރުކޮށް ދިނުމުގައި އިހުމާލުވުމާއި ދީނީ އިލްމު ފެތުރުމުގައި އިލްމުވެރިން އިހުމާލުވުން ކަމަށް އޭނާ ވިދާޅުވި އެވެ. އެހެންވެ މިފަދަ ކަންކަމުން މިސާލު ނަގައި، މިކަންކަމަށް ސަމާލުވާން ޖެހޭ ކަމަށް ޒިޔާދު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސުނޯޑެން
23 December 2017
ކޮބައިތް މެންޓަލިސްޓް ؟ ދީނީ އާޓިކަލްއައް ކޮމެންޓް ނުކުރަނީޔޯ؟
އަލީ
12 January 2017
ބަލަ އެ ނުވެދާނެޔޭ ގޯސް ކަމަކައް! ބޯ ބިމައް ހަރައި ގެން އުޅޭހާ އިރަކު، ވަށައިގެން ވާކަންކަމެއް ނުފެންނާނެ، ދެއްތޯ؟
ވޯލް
11 January 2017
އެހެން ދީނުގެ ވާހަކަ ދައްކާއިރު، ކޮރަޕްޝަނާ، އަދުލްއިންސާފް މިއީ އިސްލަމްދީންގެ އެންމެ މުހިއްމު ކަންކަން، މިއަދުގެ ސަރުކަރުގައި ރައްޔިތުންނަށް އިންސާފެއް ނުލިބޭ، ސަރުކަރުގެ ތެރޭގައި އިންތިހައަށް ކޮރަޕްޝަން. ތިއީ އަންމެ މުނާފިޤުމީހުންގެ ގޮތް ބޭރުދުށުން ވަރަށް ދީންވެރިވާނެ ، އާހިރުގައި އަމަލްތައް ދިމައެއް ނުވާނެ.
މަންސޫރު
11 January 2017
ސްޓާރ ޕްލަސް އިން އެންމެ ގިނަ މަސައްކަތް ކުރަނީ. ނުކެރޭނެ އެހެން ބުނާކަށް!
ޖޖޖޖ
11 January 2017
މިޢީ ނަމުން 100% މުސްލިމް ޤައުމެއް. ފަނޑިޔާރުންނާ ފަނޑިޔާރުގޭގެ ހާލަތު ހުރި ގޮތް އިންސާފަށް ލޯބިކުރާ ބަޔަކަށް އެނގޭނެ. ވެރިންގެ ކޮރަޕްޝަނާއި ވައްކަމާއި ފަސާދަ އިންތިހާގަ. ރައްޔިތުންގެ މަޖިލީހޭ ކިޔާ ތަނުގެ ވާހަކަ ނުދެއްކިއްޔާ މާ ރަނގަޅު.
ތުރޭ
11 January 2017
އެހެން ދީންތަކުގެ މީހުން ރާއްޖެގައި އިސްލާމްދީނަށް ވަންނަމުންދާ ވާހަކަ މިނިސްޓަރު ދައްކަބަލަ. ރައްޔިތުންގެ ލާރިކޮޅުވެސް ސިޔާސީ ހަތިޔާރާކަށް ނުވިތާކަށް ދީންވެސް މި ބޭނުންކުރަނީ ސިޔާސީ ހަތިޔާރާކަށް. ބޮޑުވަރު.
މުހައްމާ
11 January 2017
ތީތެދެއް. އިސްލާމްދީން އޮތްތާކު. ވަކަމެއްނުކުރާނެ، ރައްޔިތުންގެ ލާރި ކައެއްނުހަދާނެ، ނުހައްގު އަނިޔާތަކާއި ނުހައްގު ހުކުމެއްނުކުރާނެ. އެހެންކަމުން ތިބުނާ ފަރާތްތަކަކީ މިހާރުމިއޮތް ވެރިކަން. ދޮއްތޯ؟
އޮޅުވާލުން
11 January 2017
މިގައުމަށް އަބަދުވެސް "ބަޔަކު" އެހެން ދީނެއް ގެންނަވާހަކަ މިމީހުން ދައްކާ ދައްކާ ވަރުބަލިވެސް ނުވޭ. އެބަޔަކު ކޮބައިތަ؟ ނިކަން އެބަޔަކު ދައްކަބަލަ އަހަރެމެންނަށްވެސް.
jގފ
11 January 2017
ސަރުކާރުން ފުރުސަތު ދިނަސް ނުދިނަސް ހަމަ ގައިމުވެސް އިސްލާމް ދީން ނޫން ދީނަކަށް އަހަރެންގެ ހިތުން ޖާގައއް ނެތް.ކޮންމެ ސަރުކާރު ޖަލްސާއެއްގަ ތިވާހަކަ ތަކުރާރުކުރަނީ މި ސަރުކާރުގެ ވެރިންނަކީ މާދީނީ ބައެއް ކަމަށް ދެއްކެންތަ. ތިޔަހާ ދީނީ ބައެއްނަމަ އިސްލާމުދީނުގެ ނަހީކުރައްވާފައިވާ ޚިޔާނާތާ ދުރުވެ ކަޓު ނެގުން ހުއްޓާލަބަލަ
ދީން
11 January 2017
އަޒްލީން އެހެން ދީންތަކޭ ކިޔައިގެން ވާހަކަދެއްކުމުގެ ޙައްޤު މި ސަރުކާރަށް އޮތްކަމަކަށް ޤަބޫލެއްނުކުރަން. ފުރަތަމ މި ސަރުކާރު އައިސްގެން އައި އައު އަހަރުވަނީ ކުލަގަދަ ރަސްމިއްޔާތާއެކު ފަހަގަކޮށް ރާއްޖޭގެ ތާރީޚް ބަދަލުކޮށްލާފަ. އެރޭ ބޭރުމީހުން ގެނެސްގެން ދެ ޖިންސް މަސްހުނިކޮށްގެން މިއުޒިކު ޝޯބޭޢްވުމަށް ފަހު 12 ޖެހުމާއެކު ހަވާފަޓާހުން މާލެ ގުގުމާލި. އެރޭ އަހަރެން ލޮލޮން ހިތާމައިގެ ކަރުނަ އައި. ޒުވާން ޖީލަށް އިތުރަށް އޮޅުވާލާ އެކުދިން މަގުފުރައްދާތީ. ދެން ކޮން ވާހަކައެއް ތިޔަ ދައްކަނީ. ތިބާމެން މިތަނުގައި އުޅޭ ޒުވާނުން ދީންވެރިކޮށްބަލަ. ހުރިހާ ބާރެއް ތިބާމެންނަށް އޮތީ ލިބިފަ. ހުރަސް އަޅާނެ މީހަކުނެތް. މަޖިލީހުން ބުރުގާ ނާޅާ ބޭރަށް ނުނިކުމެވޭނޭ ކިޔާފަ ޤާނޫނުތައް ވެސް ފާސްކޮށްދީފާނެ. ސިފައިންނާއި ފުލުުހުންތިބީ އެކަން ތަންފީޒުކޮށްދޭން. ކޯޓްތައް އޮތީ ޙުކުމް ކޮށްދޭން. ދެން ކީއްވެތަ ރަނގަޅު ޖީލެއް ބިނާނުކުރެވިގެން ތިޔައުޅެނީ. އޭރުން ބަޔަކު ތިޔަބުނާ ދީނެއް ގެނެޔަސް އެ ގަންނާނެ މީހަކު ނުވާނެ. އޭރުން ބިރުވެރިކަމެއްނެތެއްނު.