ހައި ކޯޓުގެ އިސް ފަނޑިޔާރު ހާތިފް ރިޓަޔާވެއްޖެ، ކޯޓު ހިންގުން ޝަހީދަށް

ފަނޑިޔާރު ހާތިފް: އޭނާ މިއަދަށްފަހު ފަނޑިޔާރުކަމުން ރިޓަޔާވެ ވަޑައިގަންނަވާނެ --- ފޮޓޯ/ހައި ކޯޓް

މުއިއްޒު އިބްރާހިމް، މިހާރު

17 ނޮވެމްބަރ 2022 - 14:18

ހައި ކޯޓުގެ އިސް ފަނޑިޔާރު ހާތިފް ހިލްމީ ފަނޑިޔާރުކަމުން މިއަދު ރިޓަޔާވެ ވަޑައިގަތުމުން ހައި ކޯޓު ހިންގުން ފަނޑިޔާރު ހުސައިން ޝަހީދާ ހަވާލުކޮށްފި އެވެ.

ނޮވެމްބަރު، 2020 ގައި ހައި ކޯޓުގެ އިސް ފަނޑިޔާރު ކަމަށް އައްޔަންކުރި ހާތިފް ފަނޑިޔާރުކަމުން ރިޓަޔާވެ ވަޑައިގަތީ އަމިއްލައަށް އެދިގެންނެވެ. އޭނާ 2009 ވަނަ އަހަރުން ފެށިގެން ސިވިލް ކޯޓުގެ ގާޒީއަކަށް ހުންނެވުމަށްފަހު ހައި ކޯޓުގެ ފަނޑިޔާރު ކަމަށް އައްޔަން ކުރެއްވީ 2019 ވަނަ އަހަރު އެވެ.

ހާތިފްއަކީ ސިވިލް ކޯޓުގައި މުދަލާއި ފައިސާގެ ބޮޑެތި މައްސަލަތަކެއް ބެއްލެވި އަދި މަޝްހޫރު ފަނޑިޔާރެކެވެ. އަދި ފަހުގެ ތާރީޚުގައި ހައި ކޯޓުގެ އިސް ފަނޑިޔާރުކަން ކުރެއްވި އެންމެ ޒުވާން ބޭފުޅާ ވެސް މެ އެވެ.

ހާތިފް ރިޓަޔާވެ ވަޑައިގަތުމުން ވަގުތީ ގޮތުން ޖުޑީޝަލް ސާވިސް ކޮމިޝަން (ޖޭއެސްސީ) އިން ހައި ކޯޓު ހިންގުމާ ހަވާލުކުރި ފަނޑިޔާރު ޝަހީދަކީ 2018 ވަނަ އަހަރު އެ ކޯޓަށް އައްޔަން ކުރި ފަނޑިޔާރެކެވެ. އޭގެ ކުރިން ހުންނެވީ ކްރިމިނަލް ކޯޓުގެ ގާޒީއަކަށެވެ.

މިއީ ހައިކޯޓުގެ ތާރީޚުގައި މިހާ އަވަސް އަވަހަށް ފަނޑިޔާރުން ރިޓަޔާވެ ވަޑައިގަތް ދުވަސްވަރެވެ. އެ ކޯޓުގެ ފަނޑިޔާރަކަށް ހުންނެވި ޝުއައިބު ހުސައިން ޒަކަރިއްޔާ ވެސް އަމިއްލައަށް އެދިވަޑައިގެން ރިޓަޔާވެ ވަޑައިގަތީ މިދިޔަ މަހު އެވެ.

ފަނޑިޔާރުން ހައި ކޯޓް ޖުޑީޝަލް ސާވިސް ކޮމިޝަން ޖުޑީޝަރީ

9 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސަންފަަ

18 November 2022

ކޯޓު ހިންގަވަން ތިޔަނޫން ފަނޑިޔާރަކު ނެތީތަ ހަމަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ށަވިޔަނި

17 November 2022

ރަނގަޅު ގާބިލު ދެފަނޑިޔާރުން. ރަނގަޅު މީހުނަށް ޖާގަނެތް ދުވަސްވަރެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބްރާހީމްބެ

17 November 2022

ރޓޑ. ޖ. ހާތިފް އަކީ ދެކޮޅު ބައްލަވައި ކަންކަން ކުރެއްވި،ހިކުމަތްތެރި ބޭފުޅެއް، ކުރިއަށް އޮތް ދުވަސް ތަކުގައި އިތުރު ކާމިޔާބީ އަށް އެދެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުޗީ

17 November 2022

ތިހެން 2 އަހަރު 3 އަހަރު ކޮއްލާފަ ރިޓަޔަރ ކޮއްފަ ދައުލަތުން މުސާރަ ނަގަނަގާ ތިބޭ ބައިވަރު މީހުން މިހާރު އެބަތިބި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސެން އަލީ

17 November 2022

ނުލިބޭނެ މުސާރައެއް އިނާޔަތެއް. ހަމައެކަނި ޖަސްޓިސް ރިޓަޔަރޑް ގެ ލަގަބު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުސާރަލިބޭ

18 November 2022

ރިޓަޔަރޑް ޖަޖުންނަށް ފުލްމުސާރަ ނުލިބުނަސް އެލަަވަންސް ލިބޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޭޑް

17 November 2022

ހައިކޯޓަށް ކުރު މުއްދަތެއްގެ ތެރޭގަ ހެޔޮ ބަދަލު ތަކެއް ގެންނެވި. ރާއްޖޭގެ ޖުޑިޝަރިއަށް ނަޒާހަތްތެރިކަމާއެކު އަގުހުރި މަސައްކަތްކުރި ގާބިލް ބޭފުޅެއް ގެއްލިގެން މިދިޔައި. ބެސްޓް އޮފް ލަކް.