ހުޅުމާލޭގައި ވިލާގެ ސްކޫލެއް ހަދަން ހަވާލުކޮށްފި

ހުޅުމާލެ 1 ގައި ވިލާގެ ސްކޫލެއް އިމާރާތް ކުރުމުގެ އެއްބަސްވުމުގައި މިއަދު ސޮއިކުރެއްވުމަށް ފަހު، އެޗްޑީސީގެ އެމްޑީ އާތިފް (ކ-2) އާއި ވިލާ ކޮލެޖުގެ ރެކްޓަ ޑރ. އަންވަރު (ވ-2) އެއްބަސްވުމާއެކު ފޮޓޯއެއް ނަންގަވަނީ.---ފޮޓޯ: އެޗްޑީސީ

ފާތިމަތު އަޖްފާން، މިހާރު

27 ނޮވެމްބަރ 2022 - 17:22

10 comments

ހުޅުމާލެ 1 ގައި ސްކޫލެއް އިމާރާތް ކުރުމަށް ވިލާގެ ކުންފުންޏަކާއެކު އެޗްޑީސީން މިއަދު ސޮއިކޮށްފި އެވެ.

އެ އެއްބަސްވުމުގައި ވިލާ އެޑިއުކޭޝަނަލް ސާވިސަސް ޕްރައިވެޓް ލިމިޓެޑްގެ ފަރާތުން ސޮއިކުރެއްވީ ވިލާ ކޮލެޖްގެ ރެކްޓަ ޑރ. އަހުމަދު އަންވަރެވެ. އެޗްޑީސީން ސޮއި ކުރެއްވީ މެނޭޖިން ޑިރެކްޓަރު އަހުމަދު އާތިފެވެ.

އެޗްޑީސީން ބުނީ، ހަ ބުރި އަށް ހަދާ އެ އިމާރާތުން 761 ކުދިންނަށް ޖާގަ ދެވޭނެ ކަމަށެވެ. މި ސްކޫލުގައި 20 ކްލާސްރޫމު ހުންނާނެ ކަމަށް ވެސް އެ ކުންފުނިން ބުންޏެވެ.

އޯ ލެވެލާއި އޭ ލެވެލަށް ވެސް ކިޔަވައިދޭ ގޮތަށް ހަދާ 20 ކްލާސް ރޫމުގެ އެ ސްކޫލުގައި ހާއްސަ އެހީއަށް ބޭނުންވާ ކުދިންނަށް ކިޔަވައިދެވޭނެ އިންތިޒާމު ވެސް ހުންނާނެ ކަމަށް އެޗްޑީސީން ބުންޏެވެ. އަދި ރޮބޮޓިކް ލެބެއް ވެސް ގާއިމްކުރާނެ އެވެ.

Agreement signing with Villa Education Services Pvt Ltd for the development of a private school in #MyHulhumalé.

Teaching from grade 1 to 12 the school includes facilities for children with disabilities and a robotic lab for enhanced learning experience.@VillaCollegeMv pic.twitter.com/D4yDX3WnAk
— HDC (@hdcmaldives) November 27, 2022

އެޗްޑީސީން ބުނިގޮތުގައި، އެ ސުކޫލާއެކު ވަޒީފާގެ ގިނަ ފުރުސަތުތަކެއް ވެސް އާންމުންނަށް ލިބޭނެ އެވެ. އެޑްމިނިސްޓްރޭޓިވް އާއި އެކެޑެމިކް ދާއިރާ އިން 100 ވަރަކަށް ވަޒީފާގެ ފުރުސަތު ފަހިވާނެ ކަމަށް އެ ކުންފުނިން ބުންޏެވެ.

ވިލާ އެޑިއުކޭޝަނަލް ސާވިސަސްގެ ދަށުން މިހާރު ވެސް މާލޭގައި ވިލާ ކޮލެޖަކާއި ވިލާ ހައި ސްކޫލެއް އަންނަނީ ހިންގަމުންނެވެ.

ހުޅުމާލޭގައި ގިނަ ސްކޫލުތަކެއް ހެދުމަށް މަސައްކަތް ކުރަމުން ދާއިރު، ހުޅުމާލެ 2 ގައި ސަރުކާރުގެ ފަސް ސްކޫލެއްގެ މަސައްކަތް ވަނީ ހަވާލު ކޮށްފަ އެވެ. އޭގެ ތެރެއިން ހުޅުމާލެ 2 ގެ ދެ ސްކޫލު އަންނަ ޖެނުއަރީއަށް ނިމޭނެ ކަމަށް ވެސް މިނިސްޓްރީން ބުނެފައި ވެ އެވެ.

ހުޅުމާލެ އެޑިއުކޭޝަން މިނިސްޓްރީ ވިލާ ގްރޫޕް ސްކޫލް ވިލާ ކޮލެޖް އެޗްޑީސީ

10 ކޮމެންޓް, 13 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޑެޕިއުޓީ މޭޔަރު ނަރީޝް.

28 November 2022

މިތަން ނިމޭނެ ކަމަށް ލަފާ ކުރެވެނީ 2070 ވަނަ އަހަރު.... އެއަރޕޯޓް ނިމުނީ 13 އަހަރުން، ހުޅުމާލެ އެޕާޓްމަންހަދަން ބިންދިންތާ 2001 ވަނަ އަހަރު، އަދި އެތަން ވީ ހިސާބެއް ނޭގޭ.... ހޮސް÷ިތަލެއް އަޅަން މާމިގިލީން ބިން ކަނޑާފަ ކަޑަ ޖަހާފަ 20 އަހަރު///

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުއްރާސް

28 November 2022

ހުޅުމާލޭގައި ފްލެޓް އަޅަން ވިލާއަށް ދިން ބިން ފޭސް 1 ނިމޭ ތަނުގައި ނިރޮޅުމަގުގެ ކޮޅުގައި އެއޮތީ ޖަންގައްޔެއްގޮތަށް. އެތަނުގައި ކުރަނީ ކޮން ކަމެއްކަމެއް ނޭނގޭ. ފަހަރެއްގައި ވިޔަފާރި މުދާ ވިއްކަނީ ތޯއްޗެއް. މިތަން އޮންނަތާ ފަނަރަ ވަރަކަށް އަހަރަށްވުރެ ގިނަ ވެދާނެ. އަނެއްކާ ހަމަ ވިލާއަށް އަނެއް ނަމެއްގައި އަނެއް ބިމެއް ތިދިނީ. ބިން ދޭއިރު އެ ކުންފުންޏަށް ދިން ބިމާމެދު އަމަލުކުރިގޮތް ނުބަލައި ބިން ދިނުމަކީ ގޯހެއް. ބޮޑު ގޯހެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަންޓީ

27 November 2022

އަބަދުވެސް މަބުނާ ކަހަލަ ވާހަކައެއް! ސަތޭކަ ދަރިން ގޮވައިގެން އުޅޭއިރު އެކަކުވެސް ހަޅޭއްފަޅޭއް ނުލައި ގެންގުޅުވޭނީ އެއްމެން ބަނޑު ފުރައިދީގެން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢެމެރިކާ

27 November 2022

މިހާތަނައް ހުޅުމާލޭގަ ކުރި އެއްކަމެއްވެސް ނުނިމްމާ ސަރުކާރު ފެލަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޭޓު އަންހެނުންގެ ފިރިމީހާ

27 November 2022

ޙާދަ ގަދައޭދޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަމުރު

27 November 2022

މިގައުމުގައި ކޯލިޝަން ސަރުކާރުގެ ބޭނުން ޖޭޕީ ވަރަށް ރަގަޅަށް ދަސްކޮއްދީފިއެވެ. މަސްފެކްޓްރީ ވެސް ގެއްލުން ލިބިދާނެތީވެ ނަހަދާ ފައިދާ ވާދެން އެތިބީ ފައިދާ ވާނޭ ދުވަސް އަންނާދެންނެވެ. ތުލުސްދޫގައި ވެސް ވިލާ ކޮލެޖް އަލަނީއެވެ. ވިލާ ކޮލެޖުގައި ސާނަވީ ކުދީންގެ ފީ ވެސް އެބުނާ ވަރަކަށް ހެޔޮވަރު ކޮއްލީއެވެ. ނޫނޭ އަސްލު ކޯލިޝަން 5 އަހަރު ލޮޅުމެއްނާރާ އަދި ނުރޫލި ތި ނިންމާލީ ރައްޔިތުންނަ ވެސް ނޭގިއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކިބުރުވެރިކަން

27 November 2022

ތިމާމެންގެ ކިބުރުވެރިކަމާ ފޮނިކަން ނެތިގެން ދާނެ. ތިޔަ މޮޅުކަމާއި ތިޔަ ނަގާ މަންފާތައް ނިމުމަކަށް އަންނާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލްއުސްތާޒް

27 November 2022

ބަދު ދުވާ ނުކުރޭ. ގަދަ އަޅާ މަސައްކަތްކުރާ ބަޔަކަށް ކަލާންގެ ރަހުމަތް ލިބޭނެ. ވިލާ ކޮލެޖަކީ ރާއްޖޭގެ އެންމެ މޮޅު ތައުލީމު ދޭ މަރުކަޒު. ގައުމީ ޔުނިވަރސިޓީ ހީކުރަނީ މާމޮޅުތަނެއްކަމަށް...ހެހެހހެހ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގައުމީ ކަންކަން

27 November 2022

ޕްރައިވެޓް ކޮލެޖުތައް މިރާއްޖެއިން އުވާލަންވީ. މި ގައުމަށް ބޭނުންވަނީ އެންމެ ޔުނިވަރސިޓީއެއް. ކަރުދާސްތައް ވިއްކާ ބަޔަކު މުއްސަނދި ކުރަން ތިޔަ ބިންތައް ދޫކުރާނެ ކަމެއްނެތް.