ފެނަކައިގެ އިންޖީނުގެއެއް: މާލެ އާއި ރަށްރަށުގައި ކަރަންޓަށް ނަގާ އަގު ހަމަހަމަކުރަން ހަ މަސްދުވަހުގެ މުއްދަތެއް ދިނުމަށް ރައްޔިތުންގެ މަޖިލީހުން ވަނީ ފާސްކޮށްފައި.
28 ނޮވެމްބަރ 2022 - 15:39
14 comments
މާލެ އާއި ރަށްރަށުގައި ކަރަންޓަށް ނަގާ އަގު ހަމަހަމަކުރަން ހަ މަސްދުވަހުގެ މުއްދަތެއް ދިނުމަށް ރައްޔިތުންގެ މަޖިލީހުން މިއަދު ފާސްކޮށްފި އެވެ.
ފެނަކަ ކޯޕަރޭޝަނުން ރަށްރަށަށް ދޭ ކަރަންޓުގެ ހިދުމަތުގެ އަގާއި ސްޓެލްކޯ އިން މާލެއަށް ދޭ ކަރަންޓުގެ ހިދުމަތުގެ އަގު އެއްވަރުކުރަން މަޖިލީހުގެ ތިމާވެއްޓާ ބެހޭ ކޮމިޓީ އަށް ގަރާރެއް ހުށަހެޅުއްވީ ތޮއްޑޫ ދާއިރާގެ މެމްބަރު ހުސެއިން ޝިޔާން އެވެ.
އެ ގާރާރު ދިރާސާކޮށް، ކޮމެޓީން ފާސްކުރީ ސްޓެލްކޯ އާއި ފެނަކައިން ކަރަންޓްގެ ހިދުމަތް ދެމުން އަންނަ ރަށްރަށާއި މާލެ ސަރަހައްދުގައި ވިޔަފާރިތަކަށް ބިލުކުރަމުން އަންނަ ރޭޓާއި ބޭންޑްކުރުންތަކުގައި ގެންގުޅޭ ތަފާތުކުރުންތައް ނައްތާލައި ބޭންޑާއި ރޭޓް ހަމަހަމަ ކުރުމަށެވެ.
މިއަދު ބޭއްވި މަޖިލީހުގެ މި ދައުރުގެ އެންމެފަހު ޖަލްސާގައި އެ ގަރާރު ފާސްކުރީ ވޯޓުގައި ބައިވެރިވެވަޑައިގެންނެވި 56 މެންބަރުންގެ ވޯޓުންނެވެ.
އެ ގަރާރުގައި ބުނެފައިވާ ގޮތުގައި، 200 ޔުނިޓާއި 300 ޔުނިޓާ ދެމެދުގެ ވަރަކަށް ކަރަންޓް ބޭނުންކުރާ ނަމަ، މާލެއިން 3.65ރ. ނަގާއިރު، ފެނަކައިން ކަރަންޓް ދޭ ރަށްރަށުގައި 6ރ. ނަގާ ކަމަށެވެ. ފެނަކައިން 100 ޔުނިޓާ 200 ޔުނިޓާ ދެމެދުގެ ބޭންޑަށް 3.75ރ. ނަގާއިރު، މާލޭގައި ނަގަނީ 3.35ރ. އެވެ.
ގަރާރާ ގުޅިގެން ކޮމިޓީން ވަނީ ފެނަކަ އާއި ސްޓެލްކޯ އާއި އެމްޑަބްލިޔުއެސްސީ އަދި ތިމާވެއްޓާބެހޭ މިނިސްޓްރީގެ ލަފާ ވެސް ހޯދައިފަ އެވެ.
ފެނަކަ އާއި ސްޓެލްކޯގެ އިސްވެރިން ކޮމިޓީގައި ވިދާޅުވީ، އެ ގަރާރު ފާސްކޮށްފި ނަމަ ގެއްލުންވާނެ ކަމަށެވެ. ސްޓެލްކޯއިން ބުނީ އެ ގަރާރު ފާސްކޮށްފި ނަމަ، އެ ކުންފުންޏަށް އަހަރަކު 35 މިލިޔަން ރުފިޔާ ގެއްލޭނެ ކަމަށެވެ. އަދި ފެނަކަގެ އާމްދަނީން އަހަރަކު 41.2 މިލިޔަން ރުފިޔާ ގެއްލޭނެ ކަމަށް އެ ކުންފުނިން ވެސް ބުނެފައިވެ އެވެ.
އެހެންވެ، އަގު އެއްހަމަ ކުރުމަށް ކުރަން ޖެހޭނެ ކަންތައްތައް ފުރިހަމަކުރުމަށް ހަ މަސްދުވަހުގެ މުއްދަތެއް ދިނުމަށް ކަނޑައަޅައި ކޮމިޓީން ތިން ހުށަހެޅުމެއް ފާސްކުރި އެވެ. އެއީ؛
• ސީދާ ޓެރިފަށް ކުރާ އަސަރު ދެނެގަނެ ކަރަންޓުގެ ހިދުމަތް ހަމަހަމަ ގޮތެއްގައި ވިޔަފާރިތަކަށް ފޯރުކޮށްދިނުމަށް ފުރިހަމަ ޓެރިފް ރިވިއުއެއް ހެދުން.
• ކަރަންޓު ދިނުމަށް ބޭނުންކުރާ ވަސީލަތްތައް އިތުރުކޮށްގެން ޓެރިފް ރޭޓުތައް ކުޑަކުރުމަށް ކުރެވެން ހުރި މަސައްކަތްކުރުން.
• ފެނާއި ނަރުދަމާގެ ހިދުމަތްތަކަށް ބިލުކުރުމުގައި އެއްހަމަކުރުމުގެ މަސައްކަތް އަންނަ އަހަރު ޖޫންގެ ނިޔަލަށް ނިންމުން.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކިޑުނީ
29 November 2022
ދެން ގެއްލުންވެޔޭ އެބުނާ ބައި ހޯދަނީ ކޮންތާކުން؟ މަޖިލީހު ސަޔަށްދާ ލާރިންތަ؟ ނޫނީ މުސާރައިންތަ؟
ުއުސްމާނުބެ
29 November 2022
އެމީހުންގެ މުސާރައިންނޯ ، ބޯހަލަކު މިވަރު ބަޔަކައް މަޖްލިސް ގޮޑިލިބުނީތީވެ.. މި އެގެނީ މިބައިގަޑުގެ ފެންވަރު
ނުކުރެވޭނެއޭ
29 November 2022
ރަށްރަށުގެ ކަރަންޓު އަގުހެޔޮކުރަން ހަ މަސްދުވަސް ދީފި ނަމަ ތިކަމަކީ އެއީ ދެކޮޅު ޖެހޭނެ ކަމެއް ނޫނޭ ދެން ޖެހޭނީ ސަބްސިޑައިޒް ކުރަން ތިޔާ ގޮތަށް ރަށްރަށުގެ ކަރަންޓް ސަބްސިޑައިޒް ކޮށްފިނަމަ މާލެ ސަރަހައްދުގައި ތިބި ވިޔަފާރިވެރިން ނޭވާލާން ބޭނުން ކުރާ އޮކްސިޖެން އިން ވެސް ސަރުކާރުން ޓެކްސް ނަގަން ޖެހޭނެއޭ މިހާރު ވެސް ފެނަކައަށް މިއަހަރު 2 ބިލިއަން ރުފިޔާ ހޭދަކޮށްފި އިންފްރާތަރައްގީ ކުރަން އެއީ ވެސް 20 ރަށަށް ރަށަކަށް 100 މިލިއަން ރުފިޔާއޭ ޚަރދުއެވީ
ކަރަންޓް
29 November 2022
ބޭންޑް ރޭޓްތައް ދިރާސާކޮށް އެއް ހަމައަކުން ފައިސާ ނަގާނަމަ ރަނގަލު ވެދާނެ. މިސާލަކަށް 0-300 އަށް 1.50ރ، 301-500 އަށް 1.70ރ، 501-700 އަށް 2.15ރ، 701-1000 އަށް 2.50ރ. 1001+ އަށް 2.95ރ ނެގުން. މިހާރު ކަރަންޓަކީ ދިރިއުޅުމުގެ އެއްބައި ކަރަންޓް ކުރާ ކަންކަން: ފެންވެރުން، ކެއުން، ނިދުން، ދަތުރު ކުރުން، މިކަންމިހެން ވަންޔާ ނަރަންޓް ވިޔަފާރި ކުރުމަކީ ރައްޔިތުންނަށް ދެވޭ އަނިޔާއެއް. ގައިމް ފައިދާތަކެއްވާތީ ދޯ ބޭކާރު މީހުންނަށް ވަޒީފާދީފައި ވައްދަނީ.
ވާންޗޯ އިބޫ
29 November 2022
އިންތިޚާބަށް ތައްޔާރުވާންދޯ!
ގަމީސް
28 November 2022
ތިޔާވެސް ދާނީ ފަނޑުފުލުން. ރަށް ރަށުގެ ކަރަންޓު ޓެރިފް އަގުހެޔޮ ނުކުރެވޭތީ ދެން މާލޭގައި ދޭ ޓެރިފް އަގުބޮޑު ކޮއްލާނީ. އޭރުން ހަމަހަމަ ވީ އެންނު. އިތުރަށް ފެލައިލެވުނީ އެންނު. ޖީއެސްޓީ ބޮޑު ކޮއްގެން ފޫނުބެއްދުނު ބައި ކަވަރު ކޮއްލެވޭނެ އޭރުން. ރައްޔިތު މީހާ ހަނާ. މީ ވަރަށް ވާހަކަ
މުއްލު
28 November 2022
ތިޔަކަމަކީ ރައްޔިތުންނަށް ލުއެއް ދިނުމަށް ކުރާކަމެއްނޫން. އަހަރު ނިމޭތީ މާހެޔޮ އެދޭބަޔަކަށް ވާންކުރާކަމެއް. ތިކަމުންވެސް ދައުލަތް ހިންގަން އުނދަގޫނޫނީ ނުވާނެ. މާތާހިރުވާނެ ދައުލަތުގެ ޚަރަދު ކުޑަކޮށްފައި ތިކަހަލަ ކަމެއް ކުރިނަމަ. ޚަރަދު ކުޑަކުރުމޭ މިބުނީ ވެރިކަމުގެ އެދުންވެރިކަމަށް ޓަކައި ކުރާނެ މަސައްކަތެއް ނުދެއްކޭޙާލުވެސް ބަކަށް ފައިސާދޭން އުފައްދާ މަޤާމްތައް ނައްތާލާ މަޖިލީހުގެ މެމްބަރުންގެ ދީލަތިކަމުން މުސާރައާއި އެލަވަންސްތައް ކުޑަކުރީމާ
ކޮރަލް
28 November 2022
ރަށްރަށު މީހުންނަށް ހުއްދަ އަކާ ނުލާ ގޭގޭގަ ސޯލާ ޕެނެލް ހަރު ކުރެވޭ ގޮތަށް ހަދަން ވީ އެވެ.
ސަބޫތީ
28 November 2022
ޑީސެންޓްރަލައިޒް ކުރީމަ ރަނގަޅުވާނެ. މާލެއިން ރަށްރަށަށް ތެޔޮ ގެންދިޔުމުގެ ބަދަލުގަ އެސްޓީއޯއިން ބޭރުން ގެންނަ ތެޔޮ އަތޮޅުތެރެއިން 5 ނުވަތަ 6 ޒޯން ކަނޑައަޅައި އެދިމާލަށް ފޮނުވީމަ، އެތަންތަނުން އިންޖީނުގެތަކަށް ތެޔޮފޯރުކޮށްދެވޭނެ ކުޑައަގުގަ. މިކަހަލަ ކަންކަން ނުކޮށް އިލެންޝަން އަންނަން ކައިރިވީމަ ހެޑްލައިން ހޯދަން ފާޑުފާޑުގެ ގަރާރު ފާސްކުރީމަ ސްޓެލްކޯ ފެނަކަ ކުންފުނިތަކަށް ބޮޑު ބުރައަކަށް ވަނީ. ޝޯޓްޓާމަށް ކަންނުކޮށް ދުރުވިސްނެންޖެހޭދޯ ވެރިންނަށް
ކާތެޔޮ
28 November 2022
ކޮނެމެ ކޮތަޅަކުން 2 ރުފިޔާ
ޙޫދު
28 November 2022
ކަރަންޓްވެސް ދެންހުރި އެއްޗެހިވެސް ކުޑަކުރެވޭނެ މަސައްކަތެއް ނުކޮށް މުސާރަ ނަގަން ރަށް ރަށު އިންޖީންގެއަށް އަޅާ ބޭކާރު މީހުން މަދުކުރީމަ.