ގަން އިންޓަނޭޝަނަލް އެއާޕޯޓުގައި އޮތް ބޯޓެއް. މިމަހު ގަމަށް އެއާބަހުގެ ދަތުރުތައް ފަށާނެ--ފޮޓޯ:މިހާރު
04 ޑިސެމްބަރ 2022 - 12:12
7 comments
ސްކޫލުތަކުގެ މި އަހަރުގެ ފުރަތަމަ ޗުއްޓީ ބަންދާ ދިމާކޮށް ސ. ގަން އިންޓަނޭޝަނަލް އެއާޕޯޓަށް އެއާބަހުގެ ދަތުރުތައް ފަށަން މޯލްޑިވިއަން އެއާލައިނުން ނިންމައިފި އެވެ.
ގައުމީ އެއާލައިން ހިންގާ އައިލެންޑް އޭވިއޭޝިއަންގެ މާކެޓިން އެންޑް ޕީއާރު އެގްޒެކެޓިވް އަހުމަދު މުޝްއިލް ސޮބާހު މިއަދު ވިދާޅުވީ، ޗުއްޓީ ދުވަސްވަރާ ދިމާކޮށް 8 ދުވަހެއްގައި އެއާބަސް އޭ 320 ގެ ދަތުރުތައް ގަމަށް ކުރާނެ ކަމަށެވެ. އޭގެ ބޭނުމަކީ ވީހާ ވެސް ގިނަ ބަޔަކަށް އައްޑޫން މާލެ އަށް އަދި މާލެ އިން އައްޑު އަށް ދެވޭނެ ގޮތް ހެދުން ކަމަށް އޭނާ ވިދާޅުވި އެވެ.
ދަތުރުތައް އިތުރުކުރަން ނިންމީ، ޓިކެޓް ބުކިން އަށް ބަލައި އެ ދުވަސްވަރު އިތުރަށް މީހުން ފުރާނެ ކަމަށް ބެލެވޭތީ ކަމަށް އައިލެންޑް އޭވިއޭޝަނުން ބުންޏެވެ. ގަމަށް އެއާބަހުގެ ދަތުރުތައް ބާއްވާނީ މި މަހުގެ 15، 17، 22، 24 ،29، 30 އަދި އަންނަ ޖެނުއަރީ މަހުގެ 5 އާއި 7 ވަނަ ދުވަހު އެވެ. އެ ދުވަސްތަކުގައި އެއާބަހުން އައްޑު އަށް ދަތުރުތައް ކުރާނީ ރޭގަނޑު އެވެ. މާލެ އިން އައްޑު އަށް ފްލައިޓް ފުރާނީ ރޭގަނޑު 7:25 ގަ އެވެ. އައްޑޫން މާލެ އަށް ބޯޓު އަންނާނީ ރޭގަނޑު 9:35 ގަ އެވެ.
މި އަހަރުގެ ފުރަތަމަ ޓާމަށް ސްކޫލުތައް ބަންދު ކުރާނީ މި މަހުގެ 23 ގަ އެވެ. ދެވަނަ ޓާމުގެ ކިޔެވުން ފެށޭނީ އަންނަ ޖެހުއަރީ 8 ގަ އެވެ.
އާންމު ގޮތެއްގައި ގަމަށް ކޮންމެ ދުވަހަކު ވެސް މޯލްޑިވިއަންގެ 4-5 ފްލައިޓް ދަތުރު ކުރެ އެވެ.
މިދިޔަ ދުވަސްތަކުގައި ވެސް ޗުއްޓީ ދުވަސްވަރާ ދިމާކޮށް ގަމުގެ އިތުރުން އެހެން ސަރަހައްދުތަކަށް ކުރާ ދަތުރުތައް ވެސް މޯލްޑިވިއަން އިން އިތުރު ކުރެ އެވެ.
ޗުއްޓީއާ ދިމާކޮށް އަންނަ ޑިމާންޑަށް ހައްލު ހޯދަން މޯލްޑިވިއަން އިން ވަނީ އޭޓީއާރު މަރުކާގެ ބޯޓެއް ވެސް ގެނެސް ބޭނުން ކުރަން ފަށައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮރަލް
04 December 2022
ޗުއްޓީ އާ ދިމާ ކޮށް ދަތުރު ތަކުގެ ޓިކެޓް އަގު ހެޔޮ ކުރަން ވީ އެވެ. ދަތުރު ކުރާ މީހުން ގިނަ ވާނެ އެވެ. ގެއްލުމެއް ނުވާނެ އެވެ. ޑޮމެސްޓިކް އިތުރު އެއަރ ލައިން ތަކަށް ފުރުސަތު ދޭން ވީ އެވެ.
އޮނަރަބްލް އަފީފު ދީދީ
04 December 2022
ނޫސްތަކުގައި ތިމާމެނާއި ނުބައްދަލު ފަލަސުރުޙީ އަޅުވާ މީޑިޔާގައި މޯލްޑިވިއަން އޮތީ ރަނގަޅު ހާލަތުގައިކަމަށް ދައްކާން ތިތަނުގެ ވެރިންނާއި ބޯޑްމެންބަރުން ތިވަރަށް މަސައްކަތްކުރާއިރު ކުންފުނިންނަގާ މުސާރައާއި ލިބޭ އިނާޔަތްތަކާއި އެއްވަރަށް މަސައްކަތްކޮށްގެން ކުންފުނިކުރިއަރާތޯ އުޅޭނަމަ މިއަށްވުރެން ރަނގަޅުވާނެ. # އޭ 330 ގެންނަނީކަމަށް "ދޮގު" ޙަބަރުފަތުރާތާ ދޮޅުއަހަރު ވެއްޖެ. މިހާރު ތިތަން އޮތީ ބަޤުރޫޓް ވުމުގެ މަގުމަތީގައިކަން މިވެރިންނަށްވެސް އިގޭ.
އައްލާގެ އިބުރާ
04 December 2022
މި ސިޓީ އަށް އެބުނާ ބަހުން އަންނަ މީހުންނަށް އާރުޓީ ބަހުން ދަތުރު ކުރެވޭނެ
ހުސްނުހީނާ
04 December 2022
އަގުވެސް ހެޔޮކޮށްލިނަމަދޯ؟
އޮނަރަބްލް އަފީފު ދީދީ
04 December 2022
ރޭވުންތެރިކަމަކާއިއެކު ފަށައިފިނަމަ A-320 ބޯޓަކީ އައްޑުއަށް ޑެއިލީދަތުރުކުރުމުގެ ފުރުސަތުއޮތް ބޯޓެއް. # އައްޑުއަކީ ފުދޭވަރަށް ޕެސެންޖަރުންލިބޭ އަދި ކާގޯ ލިބޭނެ ޑެސްޓިނޭޝަނަކަށްވާއިރު ކީއްވެގެންތޯ މޯލްޑިވިއަންއަށް މިކަންނުވެގެން އުޅެނީ؟! ދުވާލަކު ހަތަރު 5 ބޯޓް އޮޕަރޭޓް ކުރުމުގެ ބަދަލުގައި އެންމެބޯޓަކުން ފުއްދެން އޮތް ތަނަކަށް ގިނަ ބޯޓް ދަތުރު ކުރުމަކީ އޮޕަރޭޝަނަލް ކޮސްޓް އެތައްތަނަކުން އުފުލި ކުންފުންޏަށް ގެއްލުންވާނެ ކަމެއްކަން ނޭގެނީތޯ.؟
ކާސިމު
04 December 2022
ޓެކްނިކަލީ އެހެނެއް ނުވާނެ ގެސްޓުން ގެންނަން ޖެހެނީ ދެގަޑިން ދެ ގަޑިން
އޮނަރަބްލް އަފީފު ދީދީ
04 December 2022
މޯލްޑިވިއަން ހިންގުމަށްތިބިމީހުން ރަނގަޅުނަމަ A-320 ޑެއިލީ ޝެޑިއުލް ދަތުރު އައްޑުއަށް ނުކުރެވެންވީ އެއްވެސް ސަބަބެއްނެތް. # ސްރީލަންކަންގެ މިސައިޒުގެ ފްލައިޓް (ގެއްލުން ނުވެ، ބްރޭކްއިވެންގައި ނަމަވެސް) ހަފުތާއަކު 2 ދުވަހު ޝެޑިއުލް ދަތުރު ކުރަމުންދާއިރު ލެންޑިންގ ޗާރޖެސް އާއި އެހެން ހުރިހާ ޙަރަދެއް ހެޔޮއަގުގައިލިބޭ ލޯކަލް ދަތުރުތަކުން ފައިދާނުވާ ސަބަބު ކުންފުނިން ބުނާންވީ ނޫންތޯ؟ ލަންކާ އައްޑުއަށްވުރެން މާލެ އައްޑުއަށް އަދާތެޔޮ ގިނައެއްނުވާނެ.