މިނިވަން އިންތިހާބެއް ބާއްވަން ނުކުޅެދިފައިވާ ނަމަ މެމްބަރުން އިސްތިއުފާ ދެއްވަން މައުމޫން ގޮވާލައްވައިފި
ޕީޕީއެމްގެ ޕްރެސް ކޮންފަރެންސެއްގައި މައުމޫން ވާހަކަ ދައްކަވަނީ. -- ފޮޓޯ:މިހާރު
12 ޖެނުއަރީ 2017 - 20:08
24 comments
އިލެކްޝަންސް ކޮމިޝަން (އީސީ)ގެ މިނިވަންކަމާއި މުސްތަގިއްލު ކަން ނަގަހައްޓައި، ނުފޫޒުން އެއްކިބާވެފައިވާ މިނިވަން އިންތިހާބެއް ބާއްވަން ނުކުޅެދިފައިވާ ނަމަ، އެ ކޮމިޝަންގެ މެމްބަރުން އިސްތިއުފާ ދެއްވަން ކުރީގެ ރައީސް އަދި ޕީޕީއެމްގެ ރައީސް މައުމޫން އަބްދުލްގައްޔޫމް މިރޭ ގޮވާލައްވައިފި އެވެ.
ކައުންސިލް އިންތިހާބުގެ ކަންކަން ކުރިއަށްދާ ގޮތާ މެދު ކަންބޮޑުވުންފާޅުކުރައްވައި މައުމޫން ނެރުއްވި ބަޔާނުގައި ވިދާޅުވީ ލޯކަލް ކައުންސިލް އިންތިހާބުގައި ވަކި ބަޔަކަށް މަންފާ ހޯދައިދޭން އިލެކްޝަންސް ކޮމިޝަނުން ހިންގާ އަމަލުތައް ހުއްޓާލަން ޖެހޭ ކަމަށެވެ.
ބަޔާނުގައި އެމަނިކުފާނު ވިދާޅުވީ ގާނޫނުއަސާސީ އާއި ގާނޫނުތަކާއި ޑިމޮކްރަސީގެ ވެސް އުސޫލްތަކާ ހިލާފަށް ލާމަރުކަޒީ ނިޒާމުގެ ބާރު ކަނޑުވާލައި ކައުންސިލް އިންތިހާބަށް ނުފޫޒު ފޯރުވަން އިލެކްޝަންސް ކޮމިޝަނުން މަސައްކަތް ކުރަމުންދާ ކަމަށެވެ. ޕީޕީއެމްގެ އިންތިހާބާ ބެހޭ ކޮމެޓީން ވެސް އެކަން ކުށްވެރިކުރާ ކަަމަށް ބަޔާނުގައިވެ އެވެ.
އިންތިހާބުގެ ތާރީހު ލަސްކޮށް އެޕްރީލް 8 ގައި މުޅިން އާ އިންތިހާބެއް ބާއްވަން އިއުލާންކޮށްފައި ވަނީ ސިވިލް ކޯޓުގެ ހުކުމާ ވެސް ހިލާފަށް ކަމަށް މައުމޫން ވިދާޅުވި އެވެ.
"އިންތިހާބު ފަސްކުރުމަށް ބަޔަކު ރާވައިގެން ހިންގަމުން ދިޔަ އަމަލުތަކުގެ ތެރެއަށް އިލެކްޝަންސް ކޮމިޝަނުން ވަދެ، އެ ކޮމިޝަނުގެ މަސްއޫލިއްޔަތުތަކާއި ވާޖިބުތަކަށް އިހުމާލުވަމުންދާކަން ހިތާމައާ އެކު ފާހަގަކުރަމެވެ،" މައުމޫން ނެރުއްވި ބަޔާނުގައިވެ އެވެ.
އެމަނިކުފާނު ވިދާޅުވި ގޮތުގައި އާ އިންތިހާބަކަށް އިއުލާންކޮށްފައި ވަނީ، ކުރިން ހުޅުވާލި އިންތިހާބުގައި ވާދަކުރަން ފޯމު ހުށަހެޅި 900 ކެންޑިޑޭޓުންގެ ހައްގުތަކަށް ވެސް އެއްވެސް ވަރަކަށް ބެލުމެއް ނެތި އެވެ.
ބަޔާން ނިންމާލައްވަމުން މައުމޫން ގޮވާލެއްވީ މިނިވަން އިންސާފުވެރި އިންތިހާބެއް ބާއްވައި ދިނުމަށެވެ.
މި މަހުގެ 14 ގައި ކައުންސިލްތަކުގެ އިންތިޚާބު ބާއްވަން ހަމަޖައްސާފައި ވަނިކޮށް، އެ އިންތިޚާބު އިތުރު ދެ މަހަށް ފަސްކުރަން ކޯޓުން އަމުރުކުރީ ޕީޕީއެމްގެ އެތެރޭގެ މައްސަލަތަކާ ހެދި، އިންތިޚާބަށް ތައްޔާރު ނުވެވުމުންނެވެ. ޕީޕީއެމްގެ ތެރޭގައި މައްސަލަ ބޮޑުވީ ރައީސް އަބްދުﷲ ޔާމީނާއި ޕާޓީގެ ރައީސް މައުމޫން އަބްދުލްގައްޔޫމާ ދެމެދު ޚިޔާލު ތަފާތުވެ، ޕާޓީ ދެބައި ވުމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފޮރި
13 January 2017
ވަރަށް ސާދާ ސީދާ ގޮވާލެއްވުމެއް
ވިލޭއަލި
13 January 2017
ބޮޑުކާފާއި ކުޑަކާފު ނޭންގި އިންތިޚާބެ ނުބޭއްވޭނެ.
ހަމަ ބުނެލީ
13 January 2017
30 އަހަރު ވެރިކަން ކުރީ ހާދަ މިނިވަން އިންތިޚާބުތަކެއް ބާއްވައިގެން ދޯ؟
އަލީގެ މަލީ
14 January 2017
އާ މީނާ މިވާހަކަ ދައްކަން ވަރަށް ތާހިރެއްނުން ބްރޯ
ދޮޅިދާން
13 January 2017
ރާއްޖޭގެ މައްސަލައަކީ މިއީ މައުމޫނުވެސް ވެރިކަމުގައި ހުންނެވި އިރު މުއައްސިސާތައް އޯކޭ ، ފަނޑިޔާރުގެ އޯކޭ އެކަމަކު ހަފޮޅުން ބޭރުވީމާ ހުރިހާ ތަނެއް ގޯސް ، އިސްތިއުފާދިން ހޯމް މިނިސްޓަރެކޭ އެއްގޮތް
ޏ.އަލްގެދަރ އާންތު ޝަރޯފު
13 January 2017
ރައީސްއަށް ދަންނަވަން ކޯޓުގެ ހުކުމް ތަކަކުން ލިބިލެއްވި ވެރިކަމެއް ގާ ކަންހިގާނެ މަގު މަނިކުފާނު ގިނިކަންޏާ ތިޔަ ދައްކަވާ ސާބިތު އެހާމެ ފުރިހަމަ ނަމޫނާއަށް އައްސަރިބަހާއި ސާބަސް ދައްނަވަމުން އިހުން ނުވި ރައްކަލެއް ފަހަކުން ނުވެވޭނެ.
އަލީ
13 January 2017
އިންތިހާބް މިނިވަން ވުމަކުން އެކަނި ވަކި ރަގަޅެއް ނުވާނެ. އެއީ ވޯޓް ގަނެ ވިއްކާ މީހުން ގިނަވީމަ، ލާރި އަޅާ މީހަކައް ލިބޭނީ. ފުރަތަމަ މީހުން ހޭލުންތެރި ކުރަންވީ. ޗޮއިސް، އަދި ޒިންމާ އެބައޮތް ކަން. ތިމާގެ ވޯޓުން ގައުމު ބިނާވެ ނުވަތަ ފުނޑިދާނެކަން. ލާރި އާ، ދީނާ، ބިރުގެންވުމާ، ޒާތީ ހަސަދަ، އިންތިހާބު ތަކާ ދުރު ކުރަންވީ!
ދެމާ
12 January 2017
ފަހުޒަމާނުގެ އަލާމާތް، އެއްވެސް އިންސާފެއް ނޯންނާނެ އެއްކަމެއްގައިވެސް، ﷲއަށް ބިރުވެތިވޭ ކަންކަމުގެ ޒިންމާ އަލައިގެން ތިއްބެވި މީހުން، ނުހައްގުން ކުރާކޮންމެ ކަމަކާމެދު ސުވާލްކުރެވޭ ދުވަސް އަންނާނެކަން ހަނދުމަކުރޭ އިލެކްޝަން ކަމިޗަންގެ މެންބަރުންނޭވެ
ގެދާނޯމޮސް
12 January 2017
އިންތިޚާބެއް ލަސްވެގެން މަނިކުފާނު ޔާމިން ގެ އިސްތިޢުފާއައް ގޮވުން މީ ދަހިވެތި ކަމުގެ އަލާމާތެކެވެ.
ޖަންގިޔާ
13 January 2017
ލިޔެފަ އޮތް އެއްޗެއް ކިޔާފަ ކޮމެންޓު ކޮށްބަލަ. ރައީސްގެ އިސްތިއުފާގެ ވާހަކަ އެބައޮތްތަ؟
ހަަޑިގިއްލާ
12 January 2017
ކުޑަކާފު ބޮޑުކާފުގެ ޓެކްނޮލޯޖީ އުފެއްދެވި ޒަޢީމަކަށް އިލެކްޝަންކޮމިޝަނެއް ގޯސްވާނީ ލައްކަ ގޯސްވެގެން! މިވަރުން ފުދިއްޖެ...
ޒުބައިރު
12 January 2017
ރާއްޖެ އަަށް ދިމާވާ މިފަދަ ކޮންމެ ކަންބޮޑު ވުމެއްގައި މަނިކު ފާނު ބަސްފުޅަކީ ބުރަދަން ހުރި ރަައްޔިތުން ބަލައިގަންނަ ބަސްފުޅު ތަކެއް. ސާބަހޭ މިގައުމުގެ ޒައީމް.