39،000 މެމްބަރުން އުނިކުރި މައްސަލަ ބަލައިދޭން ނަޝީދު ހުށަހަޅުއްވައިފި

ކެމްޕޭން ބައްދަލުވުމެއްގައި ނަޝީދު ބައިވެރިވެވަޑައިގަންނަވަނީ: ވޯޓާސް ލިސްޓާ ހެދި ޕްރައިމަރީ އިންސާފުވެރި ނުވާނެ ކަމަށް ވިދާޅުވެ ގިނަ ޝަކުވާތަކެއް ވަނީ ޕާޓީއަށް ހުށަހަޅުއްވާފައި. -- ފޮޓޯ | އެމްޑީޕީ

ފަޒީނާ އަހުމަދު، މިހާރު

02 ޖެނުއަރީ 2023 - 13:14

18 comments

އެމްޑީޕީން ރިޔާސީ ޕްރައިމަރީ ބާއްވަން އުޅޭ ދަފްތަރުން 39،000 އަށް ވުރެން ގިނަ މެމްބަރުން އުނިކޮށްގެން ބާއްވާ ޕްރައިމަރީ އިންސާފުވެރި ނުވާނެ ކަމުގެ ކަންބޮޑުވުމާ އެކު އެ މައްސަލަ ބަލައިދޭން ޕާޓީގެ ރައީސް މުހައްމަދު ނަޝީދުގެ ފަރާތްޕުޅުން ހުށަހަޅުއްވައިފި އެވެ.

ޕްރައިމަރީގައި ރައީސް އިބްރާހިމް މުހައްމަދު ސޯލިހްއާ ވާދަކުރައްވާ، ނަޝީދުގެ ކެމްޕޭން ޓީމުން ވަނީ ވޯޓާސް ލިސްޓާ ގުޅޭ މައްސަލަތަކެއް ފެންމަތިކޮށްފަ އެވެ. އެ ޓީމުން ތުހުމަތުކުރާ ގޮތުގައި އިނގިލީގެ ނިޝާން ނުޖަހާތީ އާއި އެހެން ޕާޓީއެއްގައި ނަން އޮވެގެން ކަމަށް ބުނެ 39،393 މެމްބަރުން ޕާޓީގެ ދަފްތަރުން އުނިކުރީ ހީލަތްތެރި ރޭވުމަކުންނެވެ.

"މާފަހުން އެކުލަވާ ޝަރުތުތަކެއް، މާއިހުއްސުރެ އެމްޑީޕީއަށް ސޮއިކޮށްގެން ތިބި ޕާޓީގެ އެންމެ ސީނިއަ މެންބަރުންގެ މައްޗަށް ތަންފީޒުކުރުމަކީ ބުއްދީގެ މަގުން ވެސް އަދި ގާނޫނުގެ ދަށުން ވެސް ބަލައިގަނެވޭނެ ކަމެއް ނޫން ކަމުގައިވާ ހިނދު، ގަނޑުކޮށް އުނިކުރި މެންބަރުންގެ މެންބަޝިޕް އިޔާދަކޮށް، އެމެންބަރުންގެ ސިޔާސީ-މަދަނީ ހައްގުތައް ހިމާޔަތްވާނެ މަގުން، އިންތިހާބުގައި ވޯޓުލުމުގެ ފުރުސަތު ދިނުމަށް މި ކެންޕެއިނުން ޕާޓީގެ ޗެއާޕާސަނާއި އިސް އޮފިޝަލުންގެ މައްޗަށް ގޮވައިލަމެވެ."

އެމްޑީޕީގެ އަސާސީ ގަވާއިދުގައިވާ ގޮތުން ޕްރައިމަރީގެ ކަންކަން ހިންގަން ޖެހޭނީ އެކުލަވާލާ ކޮމިޓީއަކުންނެވެ. އަސާސީ ގަވާއިދުގައި ބަޔާންކުރާ ގޮތަށް އެ ކޮމިޓީ އެކުލަވާލުމުގެ މާކުރިން، އިންތިހާބާ ބެހޭ ކަންކަން ކުރިއަށް ގެންދިޔަ ކަމަށާއި އެއީ އަސާސީ ގަވާއިދާ ޚިލާފަށް ކުރި ކަމެއް ކަަމަށް ވެސް ނަޝީދުގެ ކެމްޕޭން ޓީމުން ތުހުމަތުކުރެ އެވެ.

ބަޔާނުގައި ބުނި ގޮތުގައި ރިޔާސީ ޕްރައިމަރީގައި ވާދަކުރާ ކެންޑިޑޭޓުން ފުރަން ޖެހޭ ތާއީދު ފޯމު ވެސް މާކުރިން ވަނީ ރައީސް އިބްރާހިމް މުހައްމަދު ސޯލިހްގެ ޓީމަށް ލިބިފަ އެވެ. މިކަން ވަރަށް ހާމަކަން ބޮޑުކޮށް ހިންގުމުން އެ ފަރާތްތައް ހޯދައި ފިޔަވަޅު ނޭޅުމަކީ ޕްރައިމަރީގެ މަސައްކަތުގައި އިންސާފުވެރިކަން ގެއްލިފައިވާ މިންވަރު ކަމަށް ނޫސް ބަޔާނުގައި ބުންޏެވެ.

ނަޝީދުގެ ކެމްޕޭން ޓީމުން ބުނީ ރިޔާސީ އިންތިޚާބުގެ ޕްރައިމަރީގައި ވޯޓުލެވޭނެ ކަމަށް ޕާޓީން ކަނޑައަޅާފައިވަނީ އިލެކްޝަންސް ކޮމިޝަންގެ ދަފްތަރުގައި ހިމެނޭ ޕާޓީގެ މެންބަރުންނަށް އެކަނި ކަމަށެވެ. ޕާޓީން ނިންމާފައިި އޮތީ މިދިޔަ މަހުގެ 18އާ ހަމައަށް ރަޖިސްޓްރީގައި ތިބި އެންމެންނަށް ވޯޓުލުމުގެ ފުރުސަތު ދިނުމަށެވެ.

"އެހެން ނަމަވެސް އެ ތާރީހުގައި އިލެކްޝަންސް ކޮމިޝަނުގެ ދަފްތަރުގައި ނުހިމެނޭ 457 މީހަކު އެމްޑީޕީގެ ދަފްތަރުގައި ހިމަނާފައިވެ އެވެ. މިކެމްޕޭނަށް ގަބޫލުކުރެވެނީ އެ މީސްމީހުން ދަފްތަރުގައި ހިމަނާފައި އެވަނީ ވާދަވެރި ކެނޑިޑޭޓަށް ނާޖާއިޒް ފައިދާ ހޯދައިދިނުމުގެ ބޭނުމުގައި ކަމަށެވެ،" ނޫސް ބަޔާނުގައިވެ އެވެ.

ޕްރައިމަރީއާ ގުޅިގެން ނަޝީދުގެ ޓީމުން މި ޝަކުވާތައް ހުށަހަޅާފައި ވިޔަސް އެމްޑީޕީން ބުނެފައި ވަނީ ދަފްތަރު ސައްހަކުރީ ޕާޓީގެ ގައުމީ މަޖިލީހުން ނިންމައިގެން ކަމަށެވެ.

އެމްޑީޕީން ނެރުނު ނޫސް ބަޔާނުގައި ބުނެފައިވާ ގޮތުގައި ލިސްޓު ސައްހަ ކުރަން ޖެހުނީ އެހެން ޕާޓީތަކުގައި ރަޖިސްޓްރީގައި ތިބި ގިނަ ބަޔަކު އެމްޑީޕީގައި ތިބުމުންނެވެ. އެ ދަފްތަރު މިހާރު އޮތީ، ޕާޓީގެ އަސާސީ ގަވާއިދާއި ގައުމީ މަޖިލީހުގެ ނިންމުންތަކާ އެއްގޮތްވާ ގޮތުގެ މަތިން އެކުލަވާލާފައި ކަމަށް އެމްޑީޕީން ނެރުނު ނޫސް ބަޔާނުގައި ބުނެފައިވެ އެވެ.

އެމްޑީޕީ ރައީސް މުހައްމަދު ނަޝީދު އެމްޑީޕީ ކޮމިޓީތަކުގެ އިންތިޚާބު ސިޔާސީ ސިޔާސީ ޕާޓީ

18 ކޮމެންޓް, 12 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވަގުލިސްޓް

02 January 2023

އެމްޑީޕީ މެމްބަރުންގެ ގޮތުގައި އިލެކްޝަން ރަޖިސްޓްރީގައި ނެތް އެތައް އެތައް މީހުންނެއް އެމްޑީޕީން ނެރޭ އެމީހުންގެ މެމްބަރުންގެ ލިސްޓްގައި ތިބެގެން އެމްޑީޕީ ޕްރައިމަރީތަކުގައި ވޯޓްދެމުންދާކަން ޚުދު އަހަރެންވެސް ދައްނަން ، ތިއަންނި އާއި އޭނާގެ އައުވާނުންނަކީ ހުރިހާކަމެއްގައިވެސް މަކަރާއި ހީލަތުން އުޅޭބައެއް، އެމީހުން ބޭނުންވާ ނަތީއްޖާ ޕްރައިމަރީތަކުގައި ނެރެންވެގެން ތިމަންނަމެންގެ މެމްބަރުންނޭ ކިއާފަ އެކަހަލަ އެތައް ވަގުލިސްޓެއް އެމީހުންގެންގުޅޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްސް

03 January 2023

މާނައަކީ އެމްޑީޕީއަކީ އުފެދުމުގަވެސް ބާޠިލް ޕާޓީއެކޭ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިންތިޚާބީމިސްކިތުމުދިމު

02 January 2023

ތި ކެނެރީގޭ މުޙައްމަދު ނަޝީދު އެމް ޑީ ޕީ ރިޔާސީ ޕްރައިމަރީން ބަލިކުރައްވައި އޭނާގެ އެހީލަތްތެރި މަކަރުވެރި ރޭވުންތަކުން މިޤައުމު ސަލާމަތްކޮށްދެއްވައި އިސްލާމްދީނަށް ހިމާޔަތާއި ނަޞްރު ދެއްވާށި އާމީން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިކްޓްރީ 7 ފެބް

02 January 2023

ބޮލުގައި ބަޑިޖެއްސީއޭ ބުނާމީހުން އަނެއްކާވެސް ބަލި ގަބޫލުނުކުރާނެ ބަހަނާ އެއް އުފައްދަން 39ހާސް މެމްބަރުންނޭ ކިޔާ ހިތުން މޮޅު ހީލަތެއް އުފެއްދީ! އެކަމަކު ތިޔަވެވެނީ ރައްޔިތުންނަށާ ސިޔާސީ އެހެން ޕާޓީތަކަށް ތިޔަ ނަންކުރާ ޕާޓީން ޣައްދާރުވީ ކަމުގެ އިޢުތިރާފެއް!! ސިޔާސީ ޕާޓީތަކަށް އޮންނަ ދައުލަތުގެ މާލިއްޔަތު ފޯޖްކޮށްގެން ކަޅާކުރަމުން އައި ވާހަކަ. އިބޫއަށް ތިދިއްކުރާ އިނގިލި ސީދާނަނަ ތީ ބޮޑު ޚިޔާނާތެއް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަނދާން

02 January 2023

"މިއީ ރައީސް ނަޝީދަށް ވޯޓުދިނުން އެންމެގާތް މެންބަރުންގެ ވޯޓުލުމުގެ ހައްގު ނިގުޅައިގަތުމަށް ހިންގާފައިވާ ނާއިންސާފު އަދި ހީލަތްތެރި އަމަލެކެވެ. މިއީ ބަލައިގަނެވޭނޭ ކަމެއްނޫނެވެ،" ކެމްޕޭނުން ނެރުނު ބަޔާނުގައިވެއެވެ." އެންމެ ގާތްމީހުން ތިބޭނީ ވޯޓެއް ނުގެއްލޭވަރަށް ރައްކާތެރިވެ ކުރިޔަށްލާ ފުރިހަމަ ފޯމެއް ހުށަހަޅައިގެން. އަވަސް އަރުވާލައިގެން ބަޔަކު ވޯޓު ހޯދުމުގެ ބޭނުމުގައި އިސްމަޤާމްތަކަށް ކުރިމަތިލީމީހުން ކުރުވިކަމެއް ފުރިހަމަނުވާ ފޯމު ހުށަހެޅުވީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަކަރިއިބޫ

02 January 2023

މިހާރު އެމް ޑީ ޕީ ގަ ވ މީހުން މަދުވާނެތާ! 39000 މީހުން މަދުވީމް ދެން ކީއްވެބާ ދެން ޗެއަރޕާސަން ހޮވި އިރު ތ 39000 މީހުން ތިނބީ ކީއްވެ. އެހެންވީމަ ތި ޗެއަރޕާސަން ގެ ވޯޓުވެސް ސައްހައެއްނުވާނެނު އަލުން ޗެއަރޕާސަން ހޮވަން ގޮވާލަން މުޅިންވެސް މަކަރު އިބޫ އަހަރުމެން ވޯޓެއްނުދޭނަ ް ދެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގަމު މީހާ

02 January 2023

މާ އިހެއް ފަހެއް ނޯންނާނެ.. ޤާނޫނާއި ޤަވައިދުން އެހެން ޕާރޓީތަކުގެ މީހުންވެސް ނިޝަން ނެތޭކިޔާފައި އިލެކްޝަނުންވަނީ ބޭރުކޮށްފައި މި މީހުންގެ ބާރު އޮތީމަ އޭރު އިލެކްޝަނުން އމޑޕ ގެ މީހުން ނުކަޑާ އޮތީ.. ގާނޫނުގެ ކުރިމަތީގައި ހުރިހާ ޕާރޓީއެއްވެސް ހަމަހަމަ.... ތީ ހަމަ ވަގުމެންމަރުން ޖަހައިގެން ތިއުޅުނީ މިހާދުވަހު ދައުލަތުން ނުހައްޤުފައިސާ އަތުލަން..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޭދޫ މިހާ

02 January 2023

ވާނުވާ ނޭނގި ކޮމެންޓް ތިކުރެވެނީ... އަދި އޅުންފިލުވާފައި އަލުން ކޮމެންތް ލިޔަން ފެންނަނީ! އެމްޑީޕީ މީހުން އީސީ ދަފުތަރުން ނުކަނޑޭ ތަ ތިބުނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުރޮ

02 January 2023

ތި ސޯލިހު ފެކުޝަނުން މީހުންނައް ނޭގި އެކި ޕާޓީތަކައް އެމްޑިޕި މެންބަރުން ތަކެއް ރަޖިސްޓުރި ކުރީ އޭރައް އޮޓޯއިން އެމްޑިޕި އިން އެމީހަކު ވަކިވަނީ. ގަސްދުގައި ކުރިކަމެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސައިޚް

02 January 2023

އެމް.ޑީ.ޕީ. ފުނޑާލަން އައި 2 މީހުން އެކަން އެކުރަނީ، މުޅިން ގަވާއިދާ ޚިލާފުކަންކަން ހިންގަނީ، ރައީސް ނަޝީދުގެ ބޭބެ ކަނޑާލީ ކޮންޕާރޓިއެއްގަ ނަންއޮވެގެންބާ.؟ ލައިލާ އަލީ ކަނޑާލީ ކޮންޕާރޓީއެއްގަ ނަންއޮވެގެންބާ.؟ ފައްޔާޒޫ ކަލޭވެސް ބުއްދިގޯސްމީހުންތިބޭތަނައް ގެންދަން ލަސްވެއްޖެ.