އިލެކްޝަންސް ކޮމިޝަނުން މިދިޔަ ހަފުތާގައި ސިޔާސީ ޕާޓީތަކާ ބައްދަލުކުރަނީ. މި މަހު 14 ގައި ބާއްވަން ކުރިން އިއުލާންކުރި އިންތިހާބަށް ކުރިމަތިލީ ކެންޑިޑޭޓުންގެ ކެންޑިޑެސީ ބާތިލްކުރި މައްސަލާގައި އެމްޑީޕީން ވަނީ ހިތްހަމަނުޖެހުންފާޅުކޮށްފައި. -- ފޮޓޯ: އިލެކްޝަންސް ކޮމިޝަން
15 ޖެނުއަރީ 2017 - 18:43
17 comments
ލޯކަލް ކައުންސިލްތަކުގެ އިންތިހާބަށް ކުރިން ކުރިމަތިލާފައި ތިބި ކެންޑިޑޭޓުންގެ ކެންޑިޑެސީ ބާތިލްކޮށް، އެ މީހުން އަލުން ކުރިމަތިލާން ޖެހޭ ގޮތަށް އިލެކްޝަންސް ކޮމިޝަން (އީސީ) އިން ނިންމި މައްސަލަ އެމްޑީޕީން މިއަދު ހައި ކޯޓަށް ހުށަހަޅައިފި އެވެ.
ކައުންސިލްތަކުގެ އިންތިހާބު އިއްޔެ ބާއްވަން ކުރިން ނިންމައި، 900 އަށް ވުރެ ގިނަ ކެންޑިޑޭޓުންގެ ކެންޑިޑެސީ ގަބޫލުކުރުމަށް ފަހު އީސީން ވަނީ އެ ނިންމުން ބާތިލްކޮށްފަ އެވެ. އެއީ، އިންތިހާބު ދެ މަހަށް ފަސްކުރަން ސިވިލް ކޯޓުން ކުރި ހުކުމާ ގުޅިގެންނެވެ.
ކުރީގެ ކެންޑިޑެސީތައް ބާތިލްކޮށް، އެ އެންމެން އަލުން ހުށަހަޅަންޖެހޭ ގޮތަށް ވެސް ކޮމިޝަނުން ވަނީ ނިންމައިފަ އެވެ.
އެމްޑީޕީން ބުނީ ކައުންސިލް އިންތިހާބަށް ކުރިމަތިލާން ހުޅުވާލުމާ އެކު އެމްޑީޕީގެ ކެންޑިޑޭޓުންގެ ފޯމުތައް ބަލައިގަނެ ކެންޑިޑެސީ ގަބޫލުކުރުމަށް ފަހު، އެ ނިންމުން ބާތިލްކޮށް އެޕްރީލް 8 ގައި އޮންނަ އިންތިހާބަަށް އެ ކެންޑިޑޭޓުން އަލުން ކުރިމަތިލާން ޖެހޭ ގޮތަށް ހެދީ ސިވިލް ކޯޓުގެ ހުކުމާއި އިންތިހާބާ ބެހޭ ގާނޫނާ ވެސް ހިލާފަށް ކަމަށެވެ. އެހެންވެ އެމްޑީޕީން ހައި ކޯޓުގައި އެދުނީ އީސީގެ އެ ނިންމުމަކީ ބާތިލް ނިންމުމެއް ކަމަށް ކަނޑައަޅައި ދިނުމަށެވެ.
އެއާއެކު، ހައި ކޯޓަށް ހުށަހެޅި މައްސަލާގައި ވަކި ގޮތެއް ނިމެންދެން، އެމްޑީޕީ ކެންޑިޑޭޓުންގެ ކެންޑިޑެސީ ބާތިލްކުރަން ނިންމި ނިންމުމަށް އަމަލުކުރުން ފަސްކުރަން އީސީގެ މައްޗަށް އަމުރެއް ނެރެދޭން ވެސް އެމްޑީޕީން އެދިފައިވެ އެވެ.
އިންތިޚާބު ފަސް ކުރީ ޕީޕީއެމްގެ މުސްތަޝާރު، ރައީސް އަބްދުﷲ ޔާމީންގެ ފެކްޝަނުން ސިވިލް ކޯޓަށް ހުށަހަޅައިގެންނެވެ.
ހުކުމުގައި ބުނެފައި ވަނީ ޕީޕީއެމަކީ ރާއްޖޭގެ އެންމެ ބޮޑު ޕާޓީ އަށް ވާ އިރު، އެ ޕާޓީ އަށް ދިމާވި މައްސަލަތަކުގެ ސަބަބުން އިންތިހާބަށް ތައްޔާރުވުމުގެ ފުރުސަތު ގެއްލިފައިވާ ކަމަށެވެ.
ޕީޕީއެމަށް ބައިވެރިނުވެވޭ ފަދަ ގޮތަކަށް އިންތިހާބު ބޭއްވުމަކީ ޑިމޮކްރަސީގެ އުސޫލުތަކާ ހިލާފް ކަމެއް ކަމަށާއި އޭގެ ސަބަބުން ދައުލަތުގެ އާންމު މަސްލަހަތަށް ގެއްލުންވުމުގެ ފުރުސަތު އޮތް ކަމަށް ވެސް ހުކުމުގައިވެ އެވެ. ޕީޕީއެމް ދެ ބައި ވީ، ރައީސް ޔާމީނާއި ޕީޕީއެމްގެ ރައީސް މައުމޫން އަބްދުލްގައްޔޫމާ ދެމެދު އުފެދުނު ބޮޑު ޚިޔާލު ތަފާތުވުމެއްގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނުވާނެދޯ
16 January 2017
ކެންޑިޑެސީ ބާތިލް ކުރި މައްސަލަ އެމްޑީޕީން ހައި ކޯޓަށް ހުށައެޅި ނަމަވެެސް އެއިން ކެއްކޭނެ އެެެއްވެސް ޑޮންޑޮނެއް ނުހުންނާނެއެވެ. އެމެން މިކަމުގައި ރާޑި ވުން ނޫން ގޮތެއް ނުހުންނާނެއެވެ.
މުހައްމާ
16 January 2017
މައްސަލައިގެ ހުކުމް: މައްސަލަ ހުށައެޅިފަރާތުން ގާޒީޔައް ދޭންޖެހޭ ކަމިސަން ދީފައި ނުވާތީ ޕީޕީއެމްގެ ކެންޑިޑޭޑުންފިޔަވާ އެހެންފަރާތްތަކުގެ ފޯމްބާތިލްކޮން އެލެކްޝަން ބާވައި ނިންމުމަށް ކޮމިޝަންއަށް އަންގައި އަމުރުކުރަމެވެ. މިއީ ސަދޫމް ތިހީކުރާހާ ގޮތެއްނުހެދޭނެ.
މެންޓަލިސްޓް
16 January 2017
އެމްޑީޕީން ކޯޓްތައް ގަބޫލްކުރޭތަ ؟ އެމީހުން ކިޔާ އެމީހުން ގަބޫލްކުރާތަނެއްނޫނޭ ،،، ދެންކީއްކުރަންބާ ކޯޓަށް ދަނީ ؟ ނޫސްތަކުގެ ހެޑިންގް ގައި އަބަދުވެސް އެމް،ޑީ.ޕީގެ ވާހަކައެއް ބާއްވަންތޯ ؟؟ ޕީއާރް ސްޓަންޓެއް ދެއްތޯ ؟؟
އިންސާފު
16 January 2017
ތިޔަ މައްސަލަ ނިމޭނީ ޕީޕީއެމް ގެ މަސްލަޙަތު ނުގެއްލޭގޮތަށް. އެހެންވީމާ ޙުކުމް ކުރާނެ ކަމަށް ބެލެވެނީ ހަމަ ސުލައިމާނު ނިންމާފައިވާ ނިންމުން ރަނގަޅުކަމަށް. އިންސާފަށް ވަރަށް ވެދުން. އިންސާފުވީ މިހާރު ގާދޫކޮލުން ބޭރަށްގޮޮސް.
ގާގެ ޒަކީ
16 January 2017
މަށައް ބޮޑީ ކަލޭމެން ކޯޓައް މައްސަލަ ވައްދާތީވެ. ތިހުކުމް އެންމެނަށްވެސް ސާފް ދޯ.
މުހިއްމު
16 January 2017
ކެންޑިޑޭސީ ބާތިލް ކުރި މައްސަލަ ހައިކޯޓަށް ހުށައެޅުމުން އެކަން ހައި ކޯޓުން ބަލާ ދިރާސާ ކުރަން 6 މަސް ދުވަސް ބޭނުންވާނެއެވެ. ކަން މިހެން ހުރުމުން ކެންޑިޑޭސީ ބާތިލް ކުރި މައްސަލައިގައި ހައި ކޯޓް މަރުހަލާ އާއި އަދި ސްޕްރީމް ކޯޓް މަރުހަލާ ނިމެންދެން އަނެއްކާ ވެސް މުއްދަތެއް ނެތް ގޮތަށް ލޯކަލް ކައުންސިލު އިންތިޚާބު ފަސް ކުރުން މީ މިއަދު އިިދިކޮޅު އެންމެ ބޮޑު ޕާރޓީ ވެސް އެދޭ ގޮތް ކަމަށް ބޮޑަށް ބެލެވެނީ. ކަން މިހެން ހުރުމުން ކެންޑިޑޭސީ ބާތިލް ކުރި މަައްސަަލަ ހައިކޯޓް ހުކުމް ނިމުމުން ދެން އެމައްސަލަ އީސީން ސްޕްރީމް ކޯޓް ގައި އިސްތިއުނާފު ކޮށް ހަދާ ސްޕްރީމް ކޯޓް ގެ ހުކުމް އައުމުން ދެން އަނެއްކާ ލޯކަލް ކައުންސިލު އިންތިޚާބު ބާއްވާނެ ދުވަހެއް އިއުލާން ކުރުން މުހިއްމު ކަމަށް ފެނެއެވެ.
ހަނދާންނުވޭ
16 January 2017
އިލެކްޝަންސް ކަމިޝަނަށް ބާތިލް ކުރެވޭނެ ކެންޑިޑެސީ އަދި އިންތިޚާބު ވެސް ބާތިލް ކުރެވޭނެއެވެ. އިލެކްޝަންސް ކަމިޝަން އިން އަންނަ އެޕްރީލް މަހުގެ 8 ވަނަ ދުވަހު އިންތިޚާބު ބާއްވަން ބަޖެޓް ނުލިބިއްޖެނަމަ ދެން އެކަން ކުރާނެ ގޮތެއް ނޯންނާނެއެވެ. ދެން ޖެހޭނީ އަންނަ އަހަރުގެ ބަޖެޓްގައި ހިމަނައިގެން އެކަން ކުރާށެވެ. ކަން މިހެން ހުރުމުން ލޯކަލް ކައުންސިލު އިންތިޚާބު ޓު ބީ ސްޓްރެޗްޑް ޓު ޔިއާރ 2018 ދޯ. މީ މަމެން ކިޔާ އެއްޗެއް ނޫން މީ ބަޖެޓް ނެތީމާ ވާގޮތޭ މަމެން ބުނަން ނެތީމު އެވެ. މީގައި އަދި ވެސް އެމްޑީޕީ އަށް އޮތް އެންމެ ރަނގަޅު ގޮތަކީ ލޯކަލް ކައުންސިލު އިންތިޚާބު މަތިން ތަމެން ދެން ހަނދާން ނައްތާލާ ރަށުތެރޭން އެހެން ކަމަކާއި ގެން އުޅެންވީ އެވެ.
ޏ.އަލްގެދަރ އާންތު ޝަރީފު
15 January 2017
ސުލޭމާނަކަށް ކެޑިޑެންސީ ބާތިލެއް ނުކުރެވޭން އެކަމަކު އިންސާފުން އެއްކިބާ ވީމަކުރެވޭ ؟ ކޯޓު ގެ ހުކުމް ތަކަކުން ދިނޮ ވެރިކަމެއް ކޯޓުން ވިދާޅުވެފަ އޮތީ ދިފާއު ކޮށް ދޭނެކަމަށް ތިޔަ މައްސަލާ ގަ ފުރަތަމަ އަޑުއެހުމެއް ބޭއްވޭނީ މިހާރު އޮތް ގޮތަށް އިންތިޙާބޭ ބުނާ ކުޅިގަނޑު ނިމުނު ދުވަހަކުން....
ސަހަރޯ
15 January 2017
"ފިލުވާލާތި"! ތަތިޔާ ނުދަންނަކަންވެސް ނުދަންނަ މީހެއްތޭ؟
GAN Island
15 January 2017
ޤާނޫނު އަސާސީ އާއި ޤާނޫނު ތައް ކޮށާ ތިރިކޮށްލިބަޔަކަށް އެހީތެރިވުމަށް ކޮށްލާ ތިފަދަ ކަމަކުން އެކަން ކުރިބަޔަކަށް ޤާނޫނީ އަދަބު ލިބުނަކީ ވަރަށް ނާދިރު ކަމެއް. . . . ނިކަން ވިސްނަވާ. އިލެކްޝަން ކޮމިޝަނުން މިހާރުވެސް އާންމުކޮށް އިއުލާން ކޮށްފައިވަނީ ކުރިން ރީރެޖިސްޓްރީ ކުރިމީހުން އެހެން ތަނަކަށް ބަދަލު ނުވާނަމަ ''އެގޮތުގައި ރެޖިސްޓްރީ ދެމިއޮންނާނެ'' ކަމަށް. . . . އެހެންކަމަށް ވާނަމަ ކުރިން ހުށަހެޅި ފޯމްތައް ވެސް އެގޮތުގައި ދެމިނޯންނަންޖެހޭ ސަބަބެއްނެތް.