ޚަބަރު / ގެއްލިގެން ހޯދާ މީހުން

ބޭސްފަރުވާއަށް ކޮޗިން އަށް ދިޔަ ދިވެއްސަކު ގެއްލިގެން ހޯދަނީ

އިންޑިއާގެ ކޮޗިންގައި ހުއްޓައި ގެއްލިގެން ހޯދަމުން އަންނަ މުހައްމަދު މަހުދީ.

އިފްރާޒް އަލީ، މިހާރު

31 ޖެނުއަރީ 2023 - 17:56

5 comments

ބޭސްފަރުވާއަށް އިންޑިއާގެ ކޮޗިން އަށް ދިޔަ ދިވެއްސަކު ގެއްލިގެން މިއަދު ހޯދަން ފަށައިފި އެވެ.

ގެއްލިގެން ހޯދަމުން އަންނަނީ މުހައްމަދު މަހުދީ، 35، ކ. ތުލުސްދޫ އެވެ. އޭނާ ގެއްލުނީ މިއަދު ހެނދުނު އެވެ.

މަހުދީގެ ދައްތަ އައިމިނަތު އަރުޝީ "މިހާރު" އަށް ބުނީ އޭނާ އިއްޔެ ކޮޗިން އަށް ދިޔައީ ބައިޕޯލާ ބަލީގެ ފަރުވާއަށް ކަމަށެވެ. އޭނާއާ އެކު ބައްޕަ އާއި ޅިޔަނަކު ވެސް އިންޑިއާއަށް ދިޔަ ކަމަށް ބުންޏެވެ.

"ވަރަށް ބޮޑަށް ސަކަރާތް ވެގެން، ފަރުވާއަށް އިންޑިއާއަށް ގެންދަން އާސަންދައާ އެއްޗެހި ހަމަޖެހުނީމަ އިއްޔެ އެކޮޅަށް ދިޔައީ،" އޭނާ ބުންޏެވެ.

މަހުދީ ގެއްލުނީ އޭނާ ފަރުވާ ހޯދަމުން އަންނަ އަމްރިތާ ހޮސްޕިޓަލު ކައިރިން ކަމަށް އޭނާގެ ދައްތަ ބުންޏެވެ.

އޭނާއާ ބެހޭ އެއްވެސް މައުލޫމާތެއް އެނގިއްޖެ ނަމަ، 7971667 އަށް ގުޅުމަށް އާއިލާއިން އެދެ އެވެ.

މަހުދީ ގެއްލިގެން އާއިލާއިން ވަނީ އިންޑިއާގެ ފުލުހުންނާއި ދިވެހި ފުލުހުންނާ އަދި ފޮރިން މިނިސްޓްރީއަށް ވެސް އެކަން އަންގައިފަ އެވެ.

ސިއްހަތު އިންޑިއާ ބޭސް ގެއްލިގެން ހޯދާ މީހުން

5 ކޮމެންޓް, 15 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޒުސހޮ

31 January 2023

ހެޔޮހާލުގައި ލަހައްޓަވާށިއެވެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލާމަސީލު

31 January 2023

މާލެއިން މީހަކު ގެއްލިފަ ފެނުނަސް އެފެނުނީ ކިހިނެއްކަމެއް ނޭނގޭ. އޭނަ ފިލީކަމެއް ނޫނީ ބަޔަކު ރަހީނުކުރި ކަމެއްވެސް ނުބުނޭ. އެހެންވީމަ މިވާގޮތަކީ މިކަހަލަ ކަންކަމުގެ ސީރިއަސްކަން އޮންނަނީ ގެއްލިފަ. އެންމެ ކުޑަމިނުން މީހަކު ގެއްލިފަ ފެނުނީމަ އެކަންވީގޮތެއް ހާމަކޮށްލާނަމަވެސް ހިތަށް ހަމަޖެހުމެއް ލިބިދާނެ ދޯ.